Doˆ-iˇ 12:12 - Akha

¹² “Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Doˆ-iˇ 12:12 ပူးပေါင်းရင်းမြစ်များ

1 Laˬsaˬbaˬ 14:12

Piˇliˇtiˆ tsawˇ haˬ deuˬ cehˆ byaˆ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ byehˇ dzeh yaꞈ-awˇ, tahˬ pahˬ aˬ ma mawˇ kawˇ kʼoeˇ deuˬ-ahˇ keuˬ dzeh-eu gʼaˇ duˬ, Daˬbiˇ dawˬ biꞈ-euˬ meh.

Jaceuq 135:8

Iˇjiˇtuˆ miˇ kʼahˬ laꞈ kʼoeˇ dehꞈ beh beh le-euˬ zaˬ hawˇ-eu jeˬ zaˬ dawˬ tawˆ luꞈ-ahˇ, aˬ yawꞈ sehꞈ dzeh-euˬ meh.

Jaceuq 82:1

Mˬ kʼoeˇ taˆ mehˬ bawˬ bawˬ gaˇ, Miˬyehˇ aˬ yuiꞈ geuꞈ-awˇ sheuˬ gʼeh-eu meh. Miˬyehˇ deuˬ uiˬ leˇ taˬ-euˬ gaˇ, aˬ yawꞈ heu loꞈ-ehˇ daˇ-eu meh.

Jaceuq 82:6

Naw maꞈ miˬ yehˇ meh lehˇ ngaˇ ehˇ-eu ma. Naw maꞈ yawˬ gʼaˬ na luꞈ Huiˬ dui mahˇ dui dui-eu Gʼaˬ-euˬ aˬ li tehꞈ meh.

Jaceuq 91:7

Nawˬ-euˬ dawˬ peh tiˬ heˇ gʼaˬ ya shiˇ-awˇ, nawˬ-euˬ yaw taw tiˬ muiˇ gʼaˬ ya shiˇ kʼawꞈ, nawˬ-ahˇ tiˬ jeˬ-iˬ maˬ guˬ laˇ-a.

Jaceuq 95:3

Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, Baoˬ huiˬ-eu Miˬyehˇ pyeuꞈ-awˇ, Miˬyehˇ dawˬ tawˆ kʼoeˇ taˆ baoˬ huiˬ-eu sahˬ paˬ meh.

Doˆ-iˇ 12:23

Iˇjiˇtuˆ tsawˇ haˬ deuˬ-ahˇ sehꞈ-eu lehˇ, Sahˬpaˬ Miˬyehˇ Iˇjiˇtuˆ miˇ kʼahˬ-ahˇ oe paˆ ngeh, laˇ gʼoˆ bahˬ hawˇ-eu pyaꞈ dmˬ-ahˇ lehꞈ taˬ-euˬ shiˬ-ahˇ aˬ yawꞈ ya mawˇ naˇ, Shiˇ-eu jeˬ-euˬ Mˬ taˆ gʼaˬ kʼehˇ-ahˇ, naw maꞈ-ahˇ laˆ sehꞈ-eu gʼaˇ duˬ, naw maꞈ-euˬ nymˇ laꞈ kʼoeˇ maˬ bi uˇ le-aˇ.

Doˆ-iˇ 18:11

Sahˬpaˬ Miˬyehˇ-aˬ, miˬ yehˇ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu nymˬ-mˇ ngaˇ ya siˬ-euˬ ma. Aˬ jeˬ miˇ neh ehˇ naˇ, Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ taˬ nyiˇ-awˇ, yehˬ bawˬ sehˇ lu-ehˇ jahˇ nehˬ ngeh, aˬ yawꞈ heu loꞈ-ehˇ mˇ-euˬ meh.”

Doˆ-iˇ 21:6

yaw sahˇ gʼaˬ, zaˬ kʼaˆ kʼoeˇ gʼaˬ-ahˇ uˬ duˬ tahˬ-eu jawˇ duˬ-ahˇ ya sheuˬ gʼeh meh. Kʼoeˇ gaˇ, yaw sahˇ gʼaˬ gʼoˆ kʼehˬ mehˬ shi bi yawꞈ-awˇ, zaˬ kʼaˆ kʼoeˇ gʼaˬ-ahˇ naˬ bawˇ naˬ tahˇ ya tahˇ nehˬ meh. Kʼoeˇ naˇ, zaˬ kʼaˆ kʼoeˇ gʼaˬ maˬ shiˇ tiˬ ziˇ aˬ yawꞈ-euˬ zaˬ kʼaˆ ya geuꞈ meh.

Doˆ-iˇ 22:28

“Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Doˆ-iˇ 6:2

Moˇseˬ-ahˇ Miˬyehˇ ehˇ nehˬ-eu, “Ngaˇ-aˬ Sahˬpaˬ Miˬyehˇ ma.

Doˆ-iˇ 9:6

Yawˬ nah yawˬ keuˆ laˇ ngeh, aˬ yawꞈ neh ehˇ taˬ-euˬ loꞈ-ehˇ Sahˬpaˬ Miˬyehˇ mˇ-awˇ, Iˇjiˇtuˆ tsawˇ haˬ-euˬ jeˬ zaˬ deuˬ shiˇ jiˇ-awˇ, Iˇsaˬleˬlaˆ tsawˇ haˬ-euˬ jeˬ zaˬ deuˬ tiˬ mawˇ-iˬ maˬ shiˇ ni dzeuˇ-iˇ-euˬ meh.

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Yeˬlaˬmiˇ 43:12

Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ ngaˇ miˬ dzaˬ dzah puiˆ-awˇ, aˬ yawꞈ maꞈ-euˬ miˬ yehˇ tiˬ paˆ na deuˬ-ahˇ Baˬbuˇloˬ sahˬ paˬ neh bi laˆ cawˆ-awˇ, tiˬ paˆ na deuˬ aˬ yawꞈ neh bi yuˇ geuꞈ gʼeh tehꞈ-a. Yawˇ bo-eu tsawˇ haˬ yawˬ ha-euˬ pehˇ kʼahˬ-ahˇ shehˇ mawˇ tseuˆ shawˇ dzeh-eu loꞈ-ehˇ, Baˬbuˇloˬ sahˬ paˬ Iˇjiˇtuˆ miˇ kʼahˬ-ahˇ tseuˆ shawˇ dzeh-awˇ, nui kʼahˇ shiˇ taˆ ni gʼoꞈ leˇ tehꞈ-a.

Yeˬlaˬmiˇ 43:13

Iˇjiˇtuˆ miˇ kʼahˬ Heˬliˬpawˇliˆ meuˬ-ahˇ jaˆ-eu muiˬ-eu shawˇ-eu kʼaˬ lo kʼawˇ zeuˇ deuˬ-ahˇ aˬ yawꞈ laˆ cawˆ-awˇ, Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ aˬ yawꞈ miˬ dzaˬ keuˬ dzeh tehꞈ-a.”

Yeˬlaˬmiˇ 46:25

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Deˬbiˇ miˬ yehˇ Aˬmo-ahˇ ngaˇ kʼehˬ-eu lehˇ gʼeh-eu ma. Iˇjiˇtuˆ sahˬ paˬ maˬ ehˇ, Iˇjiˇtuˆ miˬ yehˇ deuˬ maˬ ehˇ, Iˇjiˇtuˆ sahˬ paˬ-ahˇ gʼoe-eu miˇ kʼahˬ zaˬ deuˬ-ahˇ maˬ ehˇ, ngaˇ kʼehˬ-eu lehˇ gʼeh-eu ma.

Yeˬsaˬgeˬlaˇ 12:16

Aˬ cawˬ tsawˇ jeuˬ yaw kaˬ-ahˇ ya dehꞈ ngeh, aˬ yawꞈ maꞈ neh mˇ dzeuˇ yaꞈ-euˬ gaˇ deuˬ jawꞈ dui dui law hawˇ ngaˬ lehˇ siˬ leˇ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ duˬ leˇ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ aˬ yawꞈ maꞈ tsawˇ haˬ maˬ bi shiˇ byoˆ jiˇ ni, ui cuiˆ bi dzeuˇ-iˇ ma.”

Aˬmoˆ 5:17

Aˬ gaꞈ yaˇ kmˇ doe ni ui ui-ehˇ ngoeˇ-eu teˇ saˇ ya gaˬ tehꞈ-a. Kʼoeˇ deuˬ dawˬ tawˆ luꞈ keuˆ le-eu tiˬ nah jaˆ tehꞈ-a. Aˬ jeˬ miˇ neh ehˇ naˇ, naw maꞈ-ahˇ kʼehˬ le kʼaˆ le-eu lehˇ ngaˇ oe luꞈ ma.” Heu-aˬ, Sahˬpaˬ Miˬyehˇ neh ehˇ taˬ-euˬ dawˬ meh.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Bawˇtsahˬ 33:4

Kʼoeˇ ngeh, Iˇjiˇtuˆ tsawˇ haˬ deuˬ-aˬ, Sahˬpaˬ Miˬyehˇ neh sehꞈ-euˬ aˬ yawꞈ maꞈ-euˬ aˬ li aˬ yuiꞈ deuˬ-ahˇ baꞈ pahˬ luꞈ-eu meh. Sahˬpaˬ Miˬyehˇ kʼoeˇ loꞈ-ehˇ jahˇ-awˇ, Iˇjiˇtuˆ miˬyehˇ deuˬ naˆ maˬ tseˇ aˬ yawꞈ baoˬ huiˬ dzehˬ-eu gaˇ kawˆ bi siˬ bi mawˇ-euˬ meh.

1 Saˬmeuˬlaˆ 5:3

Yawˬ shawˬ yawˬ uˬ shawˬ yaw naꞈ-ehˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi, Daˬgoˬ miˬ yehˇ-euˬ tahˬ pahˬ aˬ ma mawˇ kawˇ miˇ tsa tahˬ poˆ-ehˇ ga gaˇ, Aˬshaˬdoˇ meuˬ-ahˇ jawˇ-eu tsawˇ haˬ deuˬ ya mawˇ-euˬ meh. Kʼoeˇ miˇ neh, tahˬ pahˬ aˬ ma mawˇ kawˇ kʼoeˇ hmˬ aˬ yawꞈ maꞈ paˇ baꞈ tuˇ taˬ-euˬ meh.

1 Saˬmeuˬlaˆ 6:5

Kʼoeˇ loꞈ-ehˇ jahˇ naˇ, naw maꞈ-ahˇ maˬ ehˇ, naw maꞈ-euˬ miˬ yehˇ deuˬ-ahˇ maˬ ehˇ, naw maꞈ-euˬ miˇ kʼahˬ-ahˇ maˬ ehˇ, aˬ yawꞈ maˬ paˇ kʼehˬ nehˬ laꞈ ni byehˇ-eu duˇ.