Doˆ-iˇ 11:4 - Akha

⁴ Kʼoeˇ naˇ, sahˬ paˬ kʼoeˇ gʼaˬ-ahˇ Moˇseˬ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ ehˇ-eu, ‘Uˬ ciꞈ sehˇ gʼahˇ ceh laˇ naˇ, Iˇjiˇtuˆ miˇ kʼahˬ-euˬ gʼahˇ ceh ngaˇ iˇ gʼeh ma.

Doˆ-iˇ 11:4 ပူးပေါင်းရင်းမြစ်များ

2 Saˬmeuˬlaˆ 5:24

Kʼoeˇ naˇ, boeˬ dzaˇ aˇ bawˇ kʼoeˇ deuˬ-euˬ uˬ du, guiˇ deuˆ gaˇ iˇ luꞈ-eu teˇ saˇ loꞈ-ehˇ nawˬ-ahˇ gaˬ laˇ naˇ, guiˇ deuˆ-iˇ-awˬ. Aˬ jeˬ miˇ neh ehˇ naˇ, Piˇliˇtiˆ tsawˇ haˬ deuˬ-ahˇ deuˆ gʼaˬ-eu gʼaˇ duˬ, nawˬ-euˬ mehˬ hu ngaˇ iˇ luꞈ-eu ma.”

Yawˇbaˆ 34:20

Tsawˇ haˬ zaˬ uˬ ciꞈ paw ja pyuˬ ni shiˇ nya-eu meh. Miˬyehˇ neh tsawˇ haˬ zaˬ-ahˇ diˬ naˇ, aˬ yawꞈ maꞈ ya shiˇ-eu meh. Baoˬ huiˬ-eu tsawˇ haˬ-ahˇ kʼawꞈ, aˬ yawꞈ gʼaˬ tiˬ pawꞈ-iˬ maˬ shaˇ ni laˆ sehꞈ nya-eu meh.

Jaceuq 60:10

Nawˇ nga maꞈ-ahˇ aˬ diˇ aˬ maˇ byehˇ dzeh-euˬ ma loˇ. Nga maꞈ-euˬ guiˇ maꞈ nehˬ-ehˇ guiˇ deuˆ gaˇ nawˇ maˬ paˇ iˇ ma loˇ.

Jaceuq 81:5

Iˇjiˇtuˆ miˇ kʼahˬ-ahˇ aˬ yawꞈ guiˇ deuˆ ngeh, Iˇsaˬleˬlaˆ tsawˇ jeuˬ-ahˇ zahˇ sahˇ kʼoꞈ kʼoeˇ aˬ yawꞈ biꞈ-euˬ meh. Ngaˇ maˬ gaˬ haw-euˬ teˇ saˇ heu loꞈ-ehˇ ehˇ-eu ya gaˬ-euˬ ma.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Doˆ-iˇ 12:23

Iˇjiˇtuˆ tsawˇ haˬ deuˬ-ahˇ sehꞈ-eu lehˇ, Sahˬpaˬ Miˬyehˇ Iˇjiˇtuˆ miˇ kʼahˬ-ahˇ oe paˆ ngeh, laˇ gʼoˆ bahˬ hawˇ-eu pyaꞈ dmˬ-ahˇ lehꞈ taˬ-euˬ shiˬ-ahˇ aˬ yawꞈ ya mawˇ naˇ, Shiˇ-eu jeˬ-euˬ Mˬ taˆ gʼaˬ kʼehˇ-ahˇ, naw maꞈ-ahˇ laˆ sehꞈ-eu gʼaˇ duˬ, naw maꞈ-euˬ nymˇ laꞈ kʼoeˇ maˬ bi uˇ le-aˇ.

Doˆ-iˇ 12:29

Uˬ ciꞈ sehˇ gʼahˇ ceh laˇ ngeh, sahˬ paˬ geuꞈ-eu gʼaˇ duˬ jeˬ biˇ oꞈ-eu sahˬ paˬ-euˬ aˬ li-ahˇ neh, paꞈ kuˆ-ahˇ uˇ luꞈ-eu tsawˇ haˬ-euˬ aˬ li-ahˇ keuˆ ni, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ deuˬ kʼawꞈ, shiˇ jiˇ-euˬ meh.

Iˇsaˬyaˇ 42:13

Guiˇ deuˆ-eu tsawˇ haˬ loꞈ-ehˇ Sahˬpaˬ Miˬyehˇ doˆ le-awˇ, guiˇ deuˆ-eu lehˇ aˬ yawꞈ lehˬ hmˬ dah taˬ-euˬ meh. Guiˇ deuˆ-eu teˇ saˇ aˬ yawꞈ guˇ kʼaˆ leꞈ-awˇ, muiˇ-eu deuˬ-ahˇ aˬ yawꞈ-euˬ baoˬ bi mawˇ-eu meh.

Aˬmoˆ 4:10

“Iˇjiˇtuˆ miˇ kʼahˬ kʼoeˇ taˆ bi keuˆ le-euˬ loꞈ-ehˇ gʼeh-eu yaw jaw naˇ-eu naˇ gawˇ gawˇ ma naw maꞈ kʼoeˇ taˆ ngaˇ bi keuˆ le-euˬ ma. Naw maꞈ-euˬ aˬ li zaˬ guˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ-awˇ, naw maꞈ-euˬ mahˬ deuˬ ngaˇ teh byoˆ gʼeh-euˬ ma. Naw maꞈ-euˬ taˆ laꞈ kʼoeˇ shiˇ taˬ-awˇ ga-eu tsawˇ haˬ deuˬ-euˬ yaw buꞈ naw maꞈ-euˬ naˇ mehˇ tiˬ teuˇ bi behꞈ laꞈ-euˬ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Aˬmoˆ 5:17

Aˬ gaꞈ yaˇ kmˇ doe ni ui ui-ehˇ ngoeˇ-eu teˇ saˇ ya gaˬ tehꞈ-a. Kʼoeˇ deuˬ dawˬ tawˆ luꞈ keuˆ le-eu tiˬ nah jaˆ tehꞈ-a. Aˬ jeˬ miˇ neh ehˇ naˇ, naw maꞈ-ahˇ kʼehˬ le kʼaˆ le-eu lehˇ ngaˇ oe luꞈ ma.” Heu-aˬ, Sahˬpaˬ Miˬyehˇ neh ehˇ taˬ-euˬ dawˬ meh.

Miˇkaˬ 2:13

Aˬ yawꞈ maꞈ-ahˇ Miˬyehˇ gaˇ ma pah nehˬ-awˇ, aˬ cawˬ neh nyehꞈ gʼeh-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ sheuˬ doˆ nehˬ tehꞈ-a. Meuˬ meuˬ lahˇ-ahˇ aˬ yawꞈ maꞈ tahˬ paˆ doˆ-awˇ, ya buˬ ya law-iˇ tehꞈ-a. Aˬ yawꞈ maꞈ-euˬ sahˬ paˬ pyeuꞈ-eu Sahˬpaˬ Miˬyehˇ-euˬ mawˇ do aˬ yawꞈ maꞈ-ahˇ sheuˬ doˆ gʼeh tehꞈ-a.

Maꞈtehˬ 25:6

“‘Miˬ zaˬ sheuˬ le-eu gʼaˬ oe keuˆ-euˬ meh. Ha laˬ laˇ-awˬ’ lehˇ guˇ doˆ laˇ ngeh, sehˇ gʼahˇ ceh laˇ-euˬ meh.