Doˆ-iˇ 11:3 - Akha

³ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ tsawˇ haˬ deuˬ yaw zeu baw ni, Sahˬpaˬ Miˬyehˇ jahˇ-euˬ meh. Maˇ maˇ ni, Iˇjiˇtuˆ sahˬ paˬ-euˬ gaˇ mˇ-eu yaw huiˬ yaw mahˇ deuˬ hawˇ-eu, Iˇjiˇtuˆ tsawˇ haˬ deuˬ-euˬ mehˬ shi, Moˇ seˬ-aˬ, Iˇjiˇtuˆ miˇ kʼahˬ laꞈ kʼoeˇ huiˬ dui dui-eu tsawˇ haˬ tiˬ gʼaˬ loꞈ -ehˇ pyeuꞈ-eu meh.

Doˆ-iˇ 11:3 ပူးပေါင်းရင်းမြစ်များ

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 39:21

Ehˇ kʼawꞈ, Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ-ahˇ guiˬ lahˬ biꞈ luꞈ-eu miˇ neh, paꞈ kuˆ-ahˇ haw-eu aˬ yuiꞈ geuꞈ-eu gʼaˬ Yoˇsehˆ-ahˇ gʼawˬ shaˬ haw gaˬ-euˬ meh.

2 Saˬmeuˬlaˆ 7:9

Nawˇ kʼaˇ iˇ kʼaˇ laˇ gaˇ nawˬ nehˬ-ehˇ ngaˇ jawˇ-awˇ, nawˇ iˇ-eu gaˇ ma mehˬ hu jawˇ-eu nawˬ-ahˇ muiˇ-eu tsawˇ haˬ dawˬ tawˆ luꞈ-ahˇ ngaˇ deuˆ gʼaˬ nehˬ-euˬ ma. Miˇ tsaˬ kʼoeˇ taˆ huiˬ dui dui-eu aˬ yuiꞈ aˬ tsu geuꞈ-eu deuˬ loꞈ-ehˇ, nawˬ-ahˇ ngaˇ tsawˇ myahˇ bi doˆ ma.

Iˇsaˬtaˆ 9:4

Mawˬdaˬkehˇ-aˬ, sahˬ paˬ-euˬ nymˇ laꞈ kʼoeˇ baoˬ ahˇ-eu tsawˇ haˬ tiˬ gʼaˬ pyeuꞈ laˇ taˬ-awˇ, tiˬ nah saˇ-iˬ tiˬ nah aˬ yawꞈ-euˬ baoˬ huiˬ laˇ luꞈ-eu gaˇ kawˆ, miˇ kʼahˬ doe ni siˬ byah gaˬ byah taˬ-euˬ meh.

Jaceuq 106:46

kʼehˬ-eu kʼaˆ-eu tsawˇ haˬ deuˬ aˬ yawꞈ maꞈ-ahˇ gʼawˬ shaˬ haw gaˬ ni, aˬ yawꞈ laˆ saˆ nehˬ-euˬ meh.

Doˆ-iˇ 12:35

Moˇseˬ hawˇ-eu Aˬloˬ neh ehˇ nehˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ-aˬ, Iˇ jiˇ tuˆ tsawˇ haˬ deuˬ-ahˇ, pyuˇ myawˬ guˇ, shuiˇ myawˬ guˇ hawˇ-eu dm gʼaˬ dm lmˇ deuˬ shaˇ-euˬ meh.

Doˆ-iˇ 12:36

Iˇ jiˇ tuˆ tsawˇ haˬ deuˬ Iˇ saˬ leˬ laˇ tsawˇ haˬ deuˬ-ahˇ yaw zeu baw-awˇ, aˬ yawꞈ maꞈ kʼaˇ shaˇ-eu jeˬ biꞈ ni, Iˇ jiˇ tuˆ tsawˇ haˬ deuˬ-euˬ nui ma-ahˇ Sahˬpaˬ Miˬyehˇ laˆ saˆ nehˬ-euˬ meh. Kʼoeˇ loꞈ-ehˇ jahˇ-awˇ, Iˇ jiˇ tuˆ tsawˇ haˬ deuˬ-euˬ pyuˇ shuiˇ myawˬ gahˬ, Iˇ saˬ leˬ laˇ tsawˇ haˬ deuˬ yuˇ geuꞈ gʼeh-euˬ meh.

Doˆ-iˇ 3:21

“Ngaˬ-euˬ tsawˇ haˬ deuˬ ya doˆ-iˇ-eu gʼaˇ duˬ, Iˇjiˇtuˆ tsawˇ haˬ deuˬ naw maꞈ-ahˇ yaw zeu baw laˇ ni ngaˇ jahˇ nehˬ ma.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Gʼaˬkʼehˇ 7:22

Iˇjiˇtuˆ tsawˇ jeuˬ-euˬ zaˬ siˬ tsawˇ gahˇ dawˬ tawˆ luꞈ aˬ yawꞈ ya dzaw-awˇ, ngehˬ-eu tmˇ-eu paw dzeˇ maˬ ehˇ, mˇ-eu shaˇ-eu paw dzeˇ maˬ ehˇ, nya dui dui-eu tsawˇ haˬ tiꞈ gʼaˬ pyeuꞈ laˇ-euˬ meh.

Dawˬmehˬ 34:10

Iˇsaˬleˬlaˆ tsawˇ jeuˬ laꞈ kʼoeˇ, Moˇseˬ-ahˇ duˇ-eu Miˬyehˇ gʼaˇ duˬ ngehˬ dah-eu tiˬ gʼaˬ-iˬ maˬ doˆ laˇ haw-aˬ. Sahˬpaˬ Miˬyehˇ myaˆ pyawˬ ciˬ daˬ-awˇ dawˬ ngehˬ cawˬ-euˬ aˬ yawꞈ loꞈ-ehˇ gʼeh-eu tsawˇ haˬ maˬ jawˇ-a.

Dawˬmehˬ 34:11

Iˇjiˇtuˆ sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ jawˇ gaˇ maˬ ehˇ, aˬ yawꞈ-euˬ miˇ kʼahˬ kʼahˬ lah ni-ahˇ maˬ ehˇ, Moˇseˬ-ahˇ Sahˬpaˬ Miˬyehˇ pyehˬ gʼeh-awˇ bi mˇ mehˬ-euˬ zahˬ laˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu kʼoeˇ deuˬ-ahˇ, Miˬyehˇ gʼaˇ duˬ ngehˬ dah-eu tsawˇ haˬ nui gʼaˬ maˬ mˇ haw-aˬ.

Yawˇshuˆ 4:14

Yawˇshuˆ huiˬ-eu tsawˇ haˬ tiˬ gʼaˬ pyeuꞈ-eu gaˇ kawˆ Iˇsaˬleˬlaˆ tsawˇ haˬ deuˬ ya siˬ ni, kʼoeˇ ngeh nah Sahˬpaˬ Miˬyehˇ mˇ-euˬ meh. Moˇseˬ-ahˇ aˬ yawꞈ maꞈ taˬ huiˬ taˬ mahˇ-euˬ loꞈ-ehˇ, Yawˇshuˆ-ahˇ kʼawꞈ, ziˇ jiˇ ngeh keuˆ ni taˬ huiˬ taˬ mahˇ-euˬ meh.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.