Doˆ-iˇ 11:10 - Akha

¹⁰ Zahˬ leˇ paˬ-ehˇ gʼeh-eu heu deuˬ dawˬ tawˆ luꞈ, sahˬ paˬ kʼoeˇ gʼaˬ-euˬ mehˬ shi Moˇseˬ hawˇ-eu Aˬloˬ mˇ mehˬ nehˬ-euˬ meh. Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni, Sahˬpaˬ Miˬyehˇ neh jahˇ nehˬ-awˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ-euˬ miˇ kʼahˬ laꞈ kʼoeˇ neh, sahˬ paˬ kʼoeˇ gʼaˬ maˬ bi doˆ-iˇ-a.

Doˆ-iˇ 11:10 ပူးပေါင်းရင်းမြစ်များ

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Doˆ-iˇ 10:20

Ehˇ kʼawꞈ, sahˬ paˬ kʼoeˇ gʼaˬ-ahˇ Sahˬpaˬ Miˬyehˇ neh nui ma bi gʼahˇ-awˇ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ-ahˇ maˬ pyehˬ nehˬ ni jawˇ-euˬ meh.

Doˆ-iˇ 10:27

Sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni jawˇ-euˬ meh.

Doˆ-iˇ 12:1

Iˇjiˇtuˆ miˇ kʼahˬ laꞈ kʼoeˇ, Moˇseˬ hawˇ-eu Aˬloˬ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 3:19

Maˬ bi iˇ-ehˇ maˬ gʼeh nya ni maˬ pyeuꞈ laˇ kʼoeˇ keuˆ ni, Iˇjiˇtuˆ sahˬ paˬ naw maꞈ-ahˇ maˬ bi iˇ nehꞈ laꞈ ni piˬ lahˇ tehꞈ-a lehˇ ngaˇ siˬ nya ma.

Doˆ-iˇ 4:21

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ miˇ kʼahˬ-ahˇ nawˇ gʼoꞈ keuˆ-iˇ ngeh, ngaˬ neh nawˬ-ahˇ baoˬ biꞈ nehˬ-awˇ bi mˇ-euˬ zahˬ leˇ paˬ-ehˇ gʼeh-eu jeˬ, sahˬ paˬ mehˬ shi maˬ ngehˇ ni mˇ mehˬ nehˬ-awˬ. Ehˇ kʼawꞈ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni nui ma gʼahˇ laˇ-eu gʼaˇ duˬ ngaˇ jahˇ nehˬ ma.

Doˆ-iˇ 7:3

Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni ngaˇ jahˇ nehˬ-awˇ, Iˇjiˇtuˆ miˇ kʼahˬ kʼoeˇ taˆ guˆ dui dui laˇ paˬ-ehˇ gʼeh-eu gʼawˬ mya jeˬ ngaˇ bi keuˆ le kʼawꞈ, naw nyaꞈ-euˬ ehˇ dawˬ-ahˇ aˬ yawꞈ maˬ naˇ haˬ ni jawˇ tehꞈ-a.

Doˆ-iˇ 9:12

Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni jawˇ-euˬ meh.

Iˇsaˬyaˇ 63:17

Aˬ jeˬ miˇ neh nawˇ nga maꞈ-ahˇ, nawˬ-euˬ gaˇ ma-ahˇ bi cah gʼawˬ laꞈ te. Aˬ jeˬ miˇ neh nga maꞈ nawˬ-ahˇ byehˇ ni, nga maꞈ-ahˇ nui ma bi gʼahˇ te. Nawˬ-euˬ gaˇ mˇ-eu deuˬ-euˬ myaˆ pyawˬ-ahˇ haw-awˇ, nawˬ-euˬ tsawˇ jeuˬ pyeuꞈ-eu tsawˇ haˬ deuˬ-ahˇ haw-awˇ, nga maꞈ jawˇ gaˇ gʼoꞈ kʼoꞈ le-awˬ.

Yoˇhaˬ 12:40

“Tsawˇ haˬ heu deuˬ nui ma gʼahˇ-awˇ, naˬ bawˇ yaw tuˇ bi tuˇ laˇ-awˇ, myaˆ nuiˆ myaˆ behꞈ laˆ behꞈ nehˬ-awˬ. Kʼoeˇ loꞈ-ehˇ maˬ jahˇ nehˬ taˬ naˇ, yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ nya laˇ-eu uˬ taꞈ, nui ma gʼoˆ shaw nya-eu miˇ neh, ngaˇ jawˇ paw paˇ gʼoꞈ kʼoꞈ laˇ-awˇ, naˇ gawˇ bi yaˇ taˬ laˇ tehꞈ-a.”

Lormav 9:18

Kʼoeˇ miˇ neh, Miˬyehˇ-aˬ, aˬ yawꞈ gʼawˬ shaˬ gaˬ mawꞈ-eu tsawˇ haˬ-ahˇ gʼaw shaˬ gaˬ-awˇ, aˬ yawꞈ nui ma bi gʼahˇ mawꞈ-eu tsawˇ haˬ-ahˇ nui ma bi gʼahˇ-eu meh.

Lormav 9:22

Miˬyehˇ neh mˇ-euˬ jeˬ kʼawꞈ, kʼoeˇ loꞈ-ehˇ duˇ-eu meh. Aˬ yawꞈ-euˬ nui ma pehˇ-eu jeˬ bi mawˇ mawꞈ-awˇ, aˬ yawꞈ-euˬ baoˬ bi siˬ nya mawꞈ-eu meh. Ehˇ kʼawꞈ, aˬ yawꞈ nui ma pehˇ-awˇ laˆ cawˆ nehˬ-eu lehˇ gʼeh-eu miˇ tsaˬ oeˬ lahˬ deuˬ-ahˇ aˬ yawꞈ oˇ dui dui-eu meh.

Dawˬmehˬ 2:30

“Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Yawˇshuˆ 11:20

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, tsawˇ jeuˬ kʼoeˇ deuˬ-ahˇ geuꞈ-eu jeˬ maˬ ahˇ ni bi laˆ luˬ bi laˆ seˇ jiˇ-awˇ, gʼawˬ shaˬ maˬ gaˬ nehˬ ni bi sehꞈ jiˇ-eu gʼaˇ duˬ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ maˬ guˆ-ehˇ guiˇ deuˆ peuˬ ni, aˬ yawꞈ maꞈ-euˬ nui ma gʼahˇ laˇ ni Sahˬpaˬ Miˬyehˇ jahˇ-euˬ meh.

1 Saˬmeuˬlaˆ 6:6

Aˬ jeˬ miˇ neh Iˇjiˇtuˆ tsawˇ haˬ deuˬ loꞈ-ehˇ naw maꞈ-euˬ nui ma gʼahˇ te. Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh maˬ bi doˆ-iˇ kʼoeˇ keuˆ ni, Iˇjiˇtuˆ tsawˇ haˬ deuˬ-ahˇ Miˬyehˇ neh yaw kʼaˆ-ehˇ kʼehˬ nehˬ-euˬ gaˇ naw maꞈ taˬ ngehˇ.