Doˆ-iˇ 10:9 - Akha

⁹ Moˇseˬ ehˇ-eu, “Nga maꞈ huiˬ zaˬ nyiˇ zaˬ dawˬ tawˆ luꞈ iˇ-eu gʼeh-eu ma. Nga maꞈ-euˬ aˬ buˇ aˬ li dawˬ tawˆ luꞈ sheuˬ gʼeh jiˇ-awˇ, nga maꞈ-euˬ yawˇ deuˬ hawˇ-eu ciꞈ myehꞈ deuˬ maˬ ehˇ, nga maꞈ-euˬ mawˇ neˇ dawˬ tawˆ luꞈ maˬ ehˇ, teh gʼeh ma. Aˬ jeˬ miˇ neh ehˇ naˇ, nga maꞈ-euˬ Sahˬpaˬ Miˬyehˇ-ahˇ taˬ huiˬ taˬ mahˇ nehˬ-eu bawˬ-iˬ nga maꞈ ya jahˇ meh.”

Doˆ-iˇ 10:9 ပူးပေါင်းရင်းမြစ်များ

Aˇ dahˬ 50:8

Aˬ yawꞈ-euˬ miˬ sawˇ zaˬ deuˬ maˬ ehˇ, aˬ yawꞈ-euˬ mehˇ nmˇ deuˬ maˬ ehˇ, aˬ yawꞈ aˬ da-euˬ zaˬ kʼaˇ ngeuˇ-eu deuˬ dawˬ tawˆ luꞈ, aˬ yawꞈ nehˬ-ehˇ le-euˬ meh. Aˬ yawꞈ maꞈ-euˬ zaˬ nahˬ deuˬ hawˇ-eu, yawˇ, ciꞈ myehꞈ, mawˇ neˇ deuˬ tehꞈ-ehˇ, Goˬsheˬ-ahˇ bi jawˇ yaꞈ-euˬ meh.

Doˆ-iˇ 10:10

Sahˬ paˬ kʼoeˇ gʼaˬ ehˇ-eu, “Naw maꞈ-euˬ zaˬ deuˬ hawˇ-eu zaˬ miˬ zaˬ deuˬ maˬ bi sheuˬ gʼeh lehˇ, Sahˬpaˬ Miˬyehˇ-euˬ mehˬ shi nymˬ-mˇ ngaˇ nawˬ-ahˇ ehˇ tsehˆ nehˬ-eu ma. Naw maꞈ-aˬ, nga maꞈ-ahˇ puiˬ-eu lehˇ gʼeh-eu yaw duˬ baw meh.

Doˆ-iˇ 10:26

Nga maꞈ-euˬ jeˬ zaˬ deuˬ nga maꞈ ya teh gʼeh tehꞈ-a. Tiˬ mawˇ-iˬ ma bi jawˇ yaꞈ nya-a. Aˬ jeˬ miˇ neh ehˇ naˇ, jeˬ zaˬ kʼoeˇ deuˬ laꞈ kʼoeˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu jeˬ zaˬ nga maꞈ ya tseˇ doˆ meh. Kʼoeˇ gaˇ maˬ iˇ keuˆ kʼoeˇ keuˆ ni, aˬ yawꞈ-ahˇ jeˬ zaˬ aˬ geu deuˬ ya lawˇ nehˬ-eu nga maꞈ maˬ siˬ duˬ nya-a.”

Doˆ-iˇ 12:32

Naw maꞈ-euˬ yawˇ, ciꞈ myehꞈ hawˇ-eu mawˇ neˇ deuˬ tehˆ-awˇ doˆ-iˇ-awˬ. Ngaˇ guiˬ lahˬ za ni, ngaˬ-euˬ gʼaˇ duˬ kʼawꞈ guiˬ lahˬ shaˇ-awˬ.”

Doˆ-iˇ 12:37

Laˬmaˬsehˇ meuˬ-ahˇ neh, Suˇkoˆ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ deuˬ kuiˇ zoˬ cah gʼeh-euˬ meh. Aˬ yawꞈ maꞈ-aˬ, zaˬ miˬ zaˬ hawˇ-eu zaˬ deuˬ maˬ gui ahˇ-ehˇ, kʼaˬ dzeˇ zaˬ tehꞈ-ehˇ koꞈ seh gʼaˬ byah-eu meh.

Doˆ-iˇ 12:38

Nui deuˬ tsawˇ jeuˬ gʼawˬ mya ni maˬ ehˇ, myaˬ dui dui-eu yawˇ, ciꞈ myehꞈ hawˇ-eu mawˇ neˇ deuˬ maˬ ehˇ, aˬ yawꞈ maꞈ nehˬ-ehˇ iˇ gʼeh-euˬ meh.

Doˆ-iˇ 13:6

Shiꞈ nah keuˆ ni, dehˬ tseˬ maˬ ahˇ-eu kaˬ muˇ tehꞈ-ehˇ naw maꞈ ya dzaˬ-awˇ, shiꞈ nah aˬ yawꞈ nah-ahˇ, Sahˬpaˬ Miˬyehˇ-ahˇ taˬ huiˬ taˬ mahˇ-eu bawˬ-iˬ naw maꞈ ya jahˇ meh.

Doˆ-iˇ 3:18

“Nawˬ neh kʼaˇ ehˇ-euˬ jeˬ-ahˇ, ngaˬ-euˬ tsawˇ haˬ deuˬ naˇ haˬ tehꞈ-a. Kʼoeˇ naˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ nehˬ-ehˇ, Iˇjiˇtuˆ sahˬ paˬ jawˇ gaˇ nawˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Heˬbyehˇ tsawˇ haˬ deuˬ-euˬ Sahˬpaˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ nga maꞈ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ’ lehˇ ehˇ nehˬ-awˬ.

Doˆ-iˇ 5:1

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ Iˇjiˇtuˆ sahˬ paˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “ ‘Bawˇ tsahˬ bawˇ dahˇ laꞈ kʼoeˇ iˇ-awˇ, ngaˬ-ahˇ taˬ huiˬ taˬ mahˇ-eu bawˬ-iˬ jahˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ’ lehˇ, Iˇsaˬleˬlaˆ tsawˇ haˬ-euˬ Sahˬpaˬ Miˬyehˇ nawˬ-ahˇ ehˇ-eu meh.”

Doˆ-iˇ 5:3

Kʼoeˇ ngeh, Moˇseˬ hawˇ-eu Aˬloˬ sahˬ paˬ kʼoeˇ gʼaˬ-ahˇ ehˇ nehˬ-eu, “Heˬbyehˇ tsawˇ haˬ-euˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ-awˬ. Nga maꞈ kʼoeˇ loꞈ-ehˇ maˬ mˇ naˇ, naˇ-eu gawˇ-eu jeˬ baˬ da neh maˬ ngeuˇ naˇ, miˬ siˬ miˬ kaˆ baˬ da neh nga maꞈ ya shiˇ jiˇ ni aˬ yawꞈ jahˇ tehꞈ-a.”

Dawqdaq 3:9

Nawˬ-euˬ nui ma gʼawˇ mawˇ hawˇ-eu keuˆ beh beh le-euˬ mˇ kaˇ shaˇ kaˇ damˬ nehˬ-eu laꞈ kʼoeˇ, Sahˬpaˬ Miˬyehˇ-ahˇ taˬ huiˬ taˬ mahˇ-awˬ.

Dawˬ tsoˆ 12:1

Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Bawˇtsahˬ 29:12

Ba la shiꞈ siˬ tiˬ siˬ tseˇ ngaˬ nah-ahˇ, tiˬ gaˇ uiˬ leˇ-awˇ uˬ duˬ ya tahˬ meh. Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ, shiꞈ nah keuˆ ni gaˇ maˬ mˇ-ehˇ bawˬ-iˬ heu hmˬ gʼeh-awˬ.

Eˇpeˇsu 6:4

Aˬ da aˬ ma deuˬ-oˇ, naw maꞈ-euˬ zaˬ deuˬ nui ma pehˇ ni taˬ jahˇ. Sahˬpaˬ Yeˬsuˇ-euˬ zahˇ sahˇ kʼoꞈ mehˬ nehˬ tsoˆ nehˬ-awˇ, bo saˆ huiˬ-awˬ.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”