Doˆ-iˇ 10:4 - Akha

⁴ Ngaˬ-euˬ tsawˇ haˬ-ahˇ nawˇ maˬ pyehˬ nehˬ ni jawˇ naˇ, nawˬ-euˬ miˇ kʼahˬ laꞈ kʼoeˇ, ni shawˬ nah ngaˇ nyehˇ bahˇ bi doˆ laˇ ma.

Doˆ-iˇ 10:4 ပူးပေါင်းရင်းမြစ်များ

Doˆ-iˇ 10:3

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu, ‘Aˇ myah keuˆ ni nawˇ ngaˬ-euˬ laꞈ oꞈ maˬ awꞈ-ehˇ, nui ma gʼahˇ-eu gʼeh te. Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.

Doˆ-iˇ 10:5

Nyehˇ bahˇ kʼoeˇ deuˬ myaˬ dui dui-eu miˇ neh, miˇ tsaˬ-ahˇ tiˬ gʼoeˬ dawꞈ gʼoeˬ jiˇ tehꞈ-a. Uˬ yehˇ aˇ siˬ ga le ngeh maˬ cawˆ-iˇ ni kʼaˇ dzeˇ yaꞈ-euˬ jeˬ dawˬ tawˆ luꞈ-ahˇ aˬ yawꞈ maꞈ dzaˬ jiˇ-awˇ, maˬ cawˆ-iˇ ni kʼaˇ dzeˇ yaꞈ-euˬ aˇ bawˇ yawˬ bawˇ na luꞈ-ahˇ kʼawꞈ, dzaˬ byoˆ jiˇ tehꞈ-a.

Doˆ-iˇ 4:23

Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ li-ahˇ pyehˬ nehˬ-awˬ lehˇ, ngaˇ nawˬ-ahˇ ehˇ-euˬ kʼawꞈ, nawˇ maˬ pyehˬ nehˬ-eu miˇ neh, nymˬ-mˇ ngaˇ nawˬ-euˬ aˬ li aˬ yuiꞈ yuiꞈ saˬ gʼaˬ-ahˇ sehꞈ-eu lehˇ gʼeh-eu ma’ lehˇ ehˇ nehˬ-awˬ.”

Doˆ-iˇ 5:1

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ Iˇjiˇtuˆ sahˬ paˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “ ‘Bawˇ tsahˬ bawˇ dahˇ laꞈ kʼoeˇ iˇ-awˇ, ngaˬ-ahˇ taˬ huiˬ taˬ mahˇ-eu bawˬ-iˬ jahˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ’ lehˇ, Iˇsaˬleˬlaˆ tsawˇ haˬ-euˬ Sahˬpaˬ Miˬyehˇ nawˬ-ahˇ ehˇ-eu meh.”

Doˆ-iˇ 8:10

Moˇseˬ-ahˇ sahˬ paˬ ehˇ-eu, “Ni shawˬ nah ngaˬ-euˬ gʼaˇ duˬ guiˬ lahˬ shaˇ nehˬ laꞈ-awˬ.” Moˇseˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ duˇ-eu miˬ yehˇ nui gʼaˬ maˬ jawˇ-eu gaˇ kawˆ nawˇ ya siˬ ni, nawˇ kʼaˇ shaˇ-eu loꞈ-ehˇ ngaˇ mˇ nehˬ ma.

Doˆ-iˇ 8:23

Nawˬ-euˬ tsawˇ haˬ hawˇ-eu ngaˬ-euˬ tsawˇ haˬ tseˇ paˆ-awˇ, ngaˇ kʼoeˇ loꞈ-ehˇ mˇ ma. Zahˬ leˇ paˬ-ehˇ gʼeh-eu gaˇ heu hmˬ, ni shawˬ bi pyeuꞈ laˇ ma’ lehˇ Sahˬpaˬ Miˬyehˇ ehˇ-eu meh lehˇ aˬ yawꞈ-ahˇ ehˇ nehˬ-awˬ.”

Doˆ-iˇ 9:18

Heu poˆ-aˬ, iˬ nah keuˆ ni Iˇjiˇtuˆ miˇ kʼahˬ laꞈ kʼoeˇ tiˬ jawˇ-iˬ maˬ ya gaˬ maˬ ya mawˇ haw-euˬ, guˆ laˇ paˬ-ehˇ gʼeh-eu uˬ yehˇ aˇ siˬ ga le-eu jeˬ, ni shawˬ nah ngaˇ bi keuˆ le ma.

Doˆ-iˇ 9:5

Sahˬpaˬ Miˬyehˇ pyeuꞈ-eu ngaˇ, ni shawˬ nah kʼoeˇ loꞈ-ehˇ mˇ ma’ lehˇ, sahˬ paˬ kʼoeˇ gʼaˬ-ahˇ ehˇ nehˬ-awˬ.”

Dawqdaq 30:27

Sahˬ paˬ maˬ baw kʼawꞈ, aˇ maꞈ maꞈ-ehˇ cah nya-eu nyehˇ bahˇ tiˬ jeˬ hawˇ-eu,

Yawˇlaˆ 2:25

Nyehˇ bahˇ baˬ maꞈ doˆ le ngeh kʼoꞈ, kʼaˇ dzaˬ cawˆ-euˬ jeˬ dawˬ tawˆ luꞈ, naw maꞈ-ahˇ ngaˇ tsoeˬ kʼoꞈ nehˬ ma. Nyehˇ bahˇ guiˇ maꞈ naw maꞈ jawˇ gaˇ pyehˬ leꞈ-euˬ yaw sahˇ gʼaˬ ngaˇ ma.

Dawˬmehˬ 28:38

“Nawˇ siˬ yoeˬ gʼawˬ mya ni sehˬ kʼawꞈ, nyehˇ bahˇ deuˬ laˆ caw le-eu miˇ neh, ui cuiˆ tehꞈ-ehˇ ya yehˬ dzaˬ tehꞈ-a.

Panmaeq 9:3

Uˬ kʼoeˬ kʼoeˇ-euˬ laꞈ kʼoeˇ nyehˇ bahˇ doˆ le-awˇ, miˇ tsaˬ kʼoeˇ taˆ ga taˬ le-euˬ meh. Nyehˇ bahˇ kʼoeˇ deuˬ-ahˇ, boeˬ kaˬ laˬ ma loꞈ-ehˇ kʼaˆ-eu doꞈ biꞈ taˬ-euˬ meh.