Doˆ-iˇ 10:28 - Akha

²⁸ Sahˬ paˬ kʼoeˇ gʼaˬ Moˇseˬ-ahˇ ehˇ nehˬ-eu, “Ngaˇ mawˇ gaˇ maˬ jawˇ ni yaw kawˇ-ehˇ doˆ-iˇ-awˬ. Aˬ kaˇ naˇ, nawˬ-euˬ myaˆ pyawˬ ngaˬ-ahˇ tiˬ jawˇ-iˬ taˬ paˇ ciˬ haw laˇ. Nawˬ-ahˇ ngaˇ ya mawˇ ngeh nah, nawˇ ya shiˇ tehꞈ-a.”

Doˆ-iˇ 10:28 ပူးပေါင်းရင်းမြစ်များ

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

2 Laˬsaˬbaˬ 25:16

Aˬmaˬziˇ ehˇ-eu, “Sahˬ paˬ-ahˇ bi ja noeˬ bi ja duˇ-eu gʼaˬ bi geuꞈ-eu lehˇ nga maꞈ nawˬ-ahˇ aˬ myah tseˇ doˆ taˬ ta. Dawˬ maˬ ngehˬ ni ciˬ cuˇ ni jawˇ-awˬ. Nymˬ-mˇ ngaˬ neh bi sehꞈ nmˬ-mˇ.” Kʼoeˇ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ dawˬ maˬ paˇ ngeh ni byehˇ-euˬ meh. Ehˇ kʼawꞈ, heu loꞈ-ehˇ tiˬ dawˬ ehˇ nehˬ yaꞈ-euˬ meh. “Nawˇ heu loꞈ-ehˇ mˇ-awˇ ngaˬ neh ja noeˬ ja duˇ nehˬ-euˬ gaˇ maˬ naˇ haˬ geuꞈ-eu miˇ neh, Miˬyehˇ nawˬ-ahˇ laˆ luˬ laˆ seˇ ma lehˇ noeˬ tsehˆ gʼaˬ-euˬ nymˬ-mˇ ngaˇ siˬ nya ma.”

Doˆ-iˇ 10:11

Naw maꞈ dawˬ tawˆ luꞈ maˬ ya iˇ-a. Naw maꞈ ehˇ-eu loꞈ-ehˇ iˇ mawꞈ-naˇ, kʼaˬ dzeˇ zaˬ deuˬ tehꞈ-ehˇ iˇ-awˇ, Sahˬpaˬ Miˬyehˇ-ahˇ uˬ duˬ tahˬ-iˇ awˬ.” Kʼoeˇ naˇ, aˬ yawꞈ nyaꞈ-ahˇ sahˬ paˬ kʼoeˇ gʼaˬ jawˇ gaˇ neh teh doˆ gʼeh-euˬ meh.

Doˆ-iˇ 18:4

‘Ngaˬ da-euˬ Miˬyehˇ ngaˬ-ahˇ caw ba-awˇ, Iˇjiˇtuˆ sahˬ paˬ neh maˬ bi sehꞈ-eu gʼaˇ duˬ ngaˬ-ahˇ ka kʼoꞈ-euˬ meh’ lehˇ Moˇseˬ paˇ ehˇ-awˇ, aˬ yawꞈ-euˬ aˬ li aˬ gʼahˇ gʼaˬ-ahˇ Eˇliˇzaˬ lehˇ myahˇ nehˬ yaꞈ-euˬ meh.

Aˬmoˆ 7:13

Heu gaˇ Beˬdeˬlaˇ meuˬ-ahˇ Miˬyehˇ gʼaˇ duˬ ngehˬ dah ngehˬ dah-ehˇ taˬ paˇ jawˇ. Heu-aˬ, sahˬ paˬ uˬ duˬ tahˬ-eu jawˇ duˬ hawˇ-eu miˇ kʼahˬ zaˬ-euˬ uˬ duˬ tahˬ nymˇ jaˆ-eu jawˇ duˬ pyeuꞈ-eu meh.”

HeˬByehˇ 11:27

Sahˬ paˬ nui ma pehˇ gaˇ maˬ yahˇ ni Iˇjiˇtuˆ miˇ kʼahˬ-ahˇ neh Moˇseˬ doˆ-iˇ-euˬ kʼoeˇ-aˬ, jah-eu jeˬ baˬ da neh meh. Maˬ mawˇ nya-eu Miˬyehˇ-ahˇ aˬ yawꞈ ya mawˇ haw-euˬ loꞈ-ehˇ, naˇ kʼah nahˇ gʼoꞈ maˬ gʼoꞈ haw ni aˬ yawꞈ nui ma ziꞈ-euˬ meh.