Doˆ-iˇ 10:25 - Akha

²⁵ Ehˇ kʼawꞈ, Moˇseˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu gʼaˇ duˬ maˬ ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ maˬ ehˇ, nga maꞈ-ahˇ nawˇ jeˬ zaˬ biꞈ laꞈ-eu tsaˬ meh.

Doˆ-iˇ 10:25 ပူးပေါင်းရင်းမြစ်များ

Aˇ dahˬ 8:20

Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ Noˇaˬ tsoˆ-euˬ meh. Zahˇ jahˇ gaˇ geuꞈ nya-eu jeˬ zaˬ aˇ jiˇ yaw shawˇ jeˬ dawˬ tawˆ luꞈ laꞈ kʼoeˇ, tiˬ jeˬ-euˬ tiˬ gu yuˇ-awˇ, gʼawˇ mawˇ mawˇ lah-ehˇ lawˇ duˬ kʼoeˇ taˆ dzah puiˆ-awˇ lawˇ-euˬ meh.

Doˆ-iˇ 10:24

Kʼoeˇ ngeh, sahˬ paˬ kʼoeˇ gʼaˬ Moˇseˬ-ahˇ kuˇ-awˇ ehˇ nehˬ-eu, “Naw maꞈ iˇ-awˇ Sahˬpaˬ Miˬyehˇ-ahˇ uˬ duˬ tahˬ-iˇ nya tehꞈ-a. Naw maꞈ-euˬ zaˬ deuˬ hawˇ-eu zaˬ miˬ zaˬ deuˬ kʼawꞈ, naw maꞈ nehˬ-ehˇ iˇ nya tehꞈ-a. Ehˇ kʼawꞈ, naw maꞈ-euˬ yawˇ, ciꞈ myehꞈ hawˇ-eu mawˇ neˇ deuˬ-ahˇ, heu gaˇ ya bi jawˇ yaꞈ meh.”

Doˆ-iˇ 10:26

Nga maꞈ-euˬ jeˬ zaˬ deuˬ nga maꞈ ya teh gʼeh tehꞈ-a. Tiˬ mawˇ-iˬ ma bi jawˇ yaꞈ nya-a. Aˬ jeˬ miˇ neh ehˇ naˇ, jeˬ zaˬ kʼoeˇ deuˬ laꞈ kʼoeˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu jeˬ zaˬ nga maꞈ ya tseˇ doˆ meh. Kʼoeˇ gaˇ maˬ iˇ keuˆ kʼoeˇ keuˆ ni, aˬ yawꞈ-ahˇ jeˬ zaˬ aˬ geu deuˬ ya lawˇ nehˬ-eu nga maꞈ maˬ siˬ duˬ nya-a.”

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Uˬ duˬ 16:9

Sahˬpaˬ Miˬyehˇ gʼaˇ duˬ, tsaˬ geuꞈ-euˬ ciꞈ myehꞈ kʼoeˇ mawˇ-ahˇ Aˬloˬ yuˇ-awˇ, iˬ baˇ shawˇ-eu lawˇ-eu jeˬ ya lawˇ meh.

Uˬ duˬ 9:22

Lawˇ-eu shehˇ-eu jeˬ dawˬ tawˆ luꞈ-ahˇ Aˬloˬ mˇ gʼaˬ ngeh, Iˇsaˬleˬlaˆ tsawˇ haˬ deuˬ kʼoeˇ taˆ aˬ yawꞈ aˬ laꞈ cawˬ ja-awˇ, dawˬ ngehˬ gʼeh nehˬ-euˬ meh.