Doˆ-iˇ 10:2 - Akha

² zahˬ leˇ paˬ-ehˇ gʼeh-eu gaˇ heu deuˬ mˇ mehˬ nehˬ-eu laꞈ kʼoeˇ, Iˇjiˇtuˆ tsawˇ haˬ deuˬ-ahˇ ngaˬ neh aˬ joˆ-ehˇ laˆ shaˬ laˆ zahˬ nehˬ-euˬ gaˇ kawˆ, naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ naw maꞈ dzawˇ nehˬ nya ni maˬ ehˇ, sahˬ paˬ kʼoeˇ gʼaˬ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma gʼahˇ ni ngaˇ jahˇ nehˬ taˬ-euˬ ma. Ngaˇ-aˬ, Sahˬpaˬ Miˬyehˇ pyeuꞈ-eu gaˇ kawˆ, naw maꞈ dawˬ tawˆ luꞈ ya siˬ ya mawˇ tehꞈ-a.”

Doˆ-iˇ 10:2 ပူးပေါင်းရင်းမြစ်များ

2 Saˬmeuˬlaˆ 7:22

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ-aˬ, huiˬ dui mahˇ dui dui-eu meh. Nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ, nga maꞈ aˬ myah luꞈ siˬ nya-euˬ ma.

Jaceuq 44:1

Miˬyehˇ-oˇ, aˇhu-euˬziˇ-ahˇ, nawˬneh mˇ-euˬhuiˬ-eu gaˇdeuˬ, poeˬpiˬja mehˬlaꞈ-euˬloꞈ-ehˇ, nga maꞈ naˬbawˇya gaˬ-euˬma.

Jaceuq 44:2

Aˬcawˬtsawˇjeuˬtsawˇca deuˬ-ahˇ, nawˬ-euˬaˬlaꞈneh teh dzeh-awˇ, nga maꞈ-euˬpoeˬpiˬkʼoeˇdeuˬ-ahˇ, kʼoeˇgaˇjawˇduˬbi dah-euˬmeh. Tsawˇjeuˬkʼoeˇdeuˬ-ahˇnawˇkʼehˬ-awˇ, poeˬpiˬdeuˬbi dehꞈdzaˬ-euˬmeh.

Jaceuq 58:11

Kʼoeˇ ngeh, tsawˇ haˬ zaˬ deuˬ heu loꞈ-ehˇ ehˇ tehꞈ-a. “Yaw tsaˬ yaw dawˇ tsawˇ haˬ deuˬ aˬ diˇ aˬ maˇ laꞈ sawˬ za-eu ngaˇ. Miˇ tsaˬ-ahˇ yaˇ kʼaˬ daˇ-eu Miˬyehˇ aˬ diˇ jawˇ law hawˇ nga.”

Jaceuq 71:18

Nymˬ-mˇ ngaˇ mawˬ le-awˇ uˬ duˬ pyuˇ le-euˬ ma. Miˬyehˇ-oˇ, ngaˬ-ahˇ taˬ byehˇ dzeh nehˬ laꞈ. Nawˬ-euˬ baoˬ hawˇ-eu nawˬ-euˬ gʼaˬ gaˇ kawˆ, nahˬ ziˇ dawˬ tawˆ luꞈ-ahˇ ngaˇ dzawˇ nehˬ ngeh, ngaˬ nehˬ-ehˇ nawˇ jawˇ nehˬ laꞈ.

Jaceuq 78:3

Aˬ dui siˬ haw mawˇ haw-euˬ gaˇ kawˆ deuˬ, aˬ dui-euˬ aˬ poeˬ aˬ bawˇ deuˬ neh ehˇ nehˬ laꞈ-euˬ gaˇ kawˆ deuˬ ngaˇ naw maꞈ-ahˇ dawˬ tsuiꞈ yuˇ doˆ nehˬ ma.

Doˆ-iˇ 13:14

Mehˬ hu paw dehꞈ daˆ leꞈ ngeh, ‘Bawˬ-iˬ heu hmˬ-euˬ dawˬ tsuiꞈ aˬ jeˬ-a’ lehˇ, naw maꞈ-euˬ aˬ li deuˬ naw maꞈ-ahˇ naˇ haˬ laˇ naˇ, heu loꞈ-ehˇ ehˇ kʼoꞈ nehˬ-awˬ. ‘Iˇjiˇtuˆ miˇ kʼahˬ laꞈ kʼoeˇ, nga maꞈ aˬ cawˬ zaˬ kʼaˆ geuꞈ luꞈ ngeh, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, nga maꞈ-ahˇ sheuˬ doˆ nehˬ laꞈ-euˬ meh.,

Doˆ-iˇ 14:18

Aˬ yawꞈ maꞈ-ahˇ ngaˇ guiˇ deuˆ gʼaˬ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ tehꞈ-a.”

Doˆ-iˇ 14:4

Aˬ yawꞈ-ahˇ ngaˇ nui ma bi gʼahˇ-awˇ, naw maꞈ-euˬ mehˬ nah bi caw teh ma. Sahˬ paˬ kʼoeˇ gʼaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ guiˇ deuˆ gʼaˬ ngeh, aˬ cawˬ ngaˬ-ahˇ taˬ huiˬ taˬ mahˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ, Iˇjiˇtuˆ tsawˇ haˬ deuˬ ya siˬ tehꞈ-a.” Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Doˆ-iˇ 7:17

Sahˬ paˬ-oˇ, nymˬ-mˇ poˆ jawˇ-aˬ, aˬ yawꞈ mˇ-eu lehˇ lehˬ hmˬ taˬ-euˬ jeˬ baˬ da neh, aˬ yawꞈ aˬ suˇ gʼaˬ pyeuꞈ-eu nawˇ ya siˬ tehꞈ-a lehˇ Sahˬpaˬ Miˬyehˇ ehˇ-eu meh. Haw yawˬ. Ngaˇ tuˆ tehˬ luꞈ-eu gawˬ yoeˬ heu hmˬ neh Niˬlaˇ lawˇ baˬ iˇ cuꞈ-ahˇ ngaˇ juiꞈ ngeh, iˇ cuꞈ kʼoeˇ shiˬ pyeuꞈ jiˇ tehꞈ-a’ lehˇ ehˇ nehˬ-awˬ.

Doˆ-iˇ 7:5

Iˇjiˇtuˆ miˇ kʼahˬ kʼoeˇ taˆ ngaˬ-euˬ aˬ laꞈ cawˬ ja-awˇ, Iˇsaˬleˬlaˆ tsawˇ haˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh ngeh, ngaˇ-aˬ, Sahˬpaˬ Miˬyehˇ pyeuꞈ-eu gaˇ kawˆ Iˇjiˇtuˆ tsawˇ haˬ deuˬ ya siˬ tehꞈ-a.”

Doˆ-iˇ 8:6

Kʼoeˇ naˇ, Aˬloˬ aˬ yawꞈ-euˬ gawˬ yoeˬ yuˇ-awˇ, iˇ cuꞈ kʼaˇ jaˆ gaˇ cawˬ ja-euˬ miˇ neh, kʼaˬ paˬ doˆ laˇ-awˇ, miˇ kʼahˬ kʼoeˇ kʼahˬ kʼahˬ lah ni byah jiˇ-euˬ meh.

Iˇsaˬyaˇ 38:19

Dehꞈ luꞈ-eu tsawˇ haˬ deuˬ nawˬ-ahˇ ja ceuˬ-euˬ meh. Ngaˇ caˇ luꞈ-eu loꞈ-ehˇ caˇ-awˇ ja ceuˬ-eu meh. Nawˇ saˇ jaˇ ziꞈ-eu gaˇ kawˆ heu, aˬ da deuˬ zaˬ-ahˇ ya ja mehˬ tehꞈ-a.

Yeˬsaˬgeˬlaˇ 20:26

Aˬ yawꞈ maꞈ-euˬ lawˇ-eu shehˇ-eu jeˬ neh aˬ yawꞈ maꞈ-ahˇ bi laˆ jawꞈ ni ngaˇ jahˇ-awˇ, aˬ yawꞈ maꞈ-euˬ aˬ li aˬ yuiꞈ deuˬ lawˇ ni ngaˇ jahˇ nehˬ-euˬ ma. Aˬ yawꞈ maꞈ-ahˇ kʼehˬ nehˬ kʼaˆ nehˬ-awˇ, ngaˇ Sahˬpaˬ Miˬyehˇ pyeuꞈ-eu siˬ leˇ ni, kʼoeˇ loꞈ-ehˇ jahˇ nehˬ-euˬ ma.

Yeˬsaˬgeˬlaˇ 20:28

Ngaˬ neh aˬ yawꞈ maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ gʼeh nehˬ ngeh, gawˬ duˇ yaw goˇ deuˬ hawˇ-eu aˇ paꞈ sahˇ-eu aˇ bawˇ kʼaˇ mawˇ le gaˇ aˬ yawꞈ maꞈ lawˇ-euˬ shehˇ-euˬ meh. Aˬ yawꞈ maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ baˬ da neh, ngaˇ nui ma ya pehˇ-euˬ ma.

Yawˇlaˆ 1:3

Naw maꞈ-euˬ aˬ buˇ aˬ li-ahˇ, gaˇ kawˆ kʼoeˇ naw maꞈ ja nehˬ-awˬ. Tiˬ jo tiˇ jo ja ka gʼeh-awˇ, tiˬ tsuiꞈ tiˇ tsuiꞈ mehˬ ka luꞈ-uˇ.

Eˇpeˇsu 6:4

Aˬ da aˬ ma deuˬ-oˇ, naw maꞈ-euˬ zaˬ deuˬ nui ma pehˇ ni taˬ jahˇ. Sahˬpaˬ Yeˬsuˇ-euˬ zahˇ sahˇ kʼoꞈ mehˬ nehˬ tsoˆ nehˬ-awˇ, bo saˆ huiˬ-awˬ.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.