Doˆ-iˇ 1:21 - Akha

²¹ Zaˬ miˬ zaˬ kʼoeˇ nyiˬ gʼaˬ Miˬyehˇ-ahˇ yaw zeu baw-eu miˇ neh, aˬ yawꞈ nyaꞈ-ahˇ kʼawꞈ zaˬ gʼawˬ mya ni Miˬyehˇ bi jawˇ le-euˬ meh.

Doˆ-iˇ 1:21 ပူးပေါင်းရင်းမြစ်များ

1 Sahˬpaˬ 11:38

Ngaˬ-euˬ zaˬ kʼaˆ Daˬbiˇ loꞈ-ehˇ, ngaˬ-euˬ ehˇ dawˬ tiˬ dawˬ-iˬ maˬ bi dzeˇ ni nawˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ caw teh-eu laꞈ kʼoeˇ, ngaˬ neh ehˇ-euˬ jeˬ mˇ-awˇ, ngaˇ nui ma tsaˬ-eu loꞈ-ehˇ dehꞈ naˇ, nawˬ nehˬ-ehˇ ngaˇ aˬ myah luꞈ jawˇ ma. Nawˬ-ahˇ Iˇsaˬleˬlaˆ miˇ kʼahˬ-euˬ sahˬ paˬ bi pyeuꞈ laˇ-awˇ, Daˬbiˇ-ahˇ ngaˬ neh jahˇ nehˬ-euˬ loꞈ-ehˇ, nawˬ-euˬ miˇ kʼahˬ laꞈ kʼoeˇ nawˬ-euˬ zaˬ nawˬ-euˬ uˆ deuˬ dzoeˬ dzaˬ oꞈ ni ngaˇ jahˇ nehˬ ma.

1 Sahˬpaˬ 2:24

Sahˬpaˬ Miˬyehˇ ngaˬ-ahˇ ngaˬ da Daˬbiˇ-euˬ nuiˇ mahˬ kʼoeˇ taˆ ziꞈ dah ni bi nuiˇ laꞈ-euˬ meh. Aˬ yawꞈ neh dzaˬ taˬ-euˬ saˇ jaˇ-ahˇ aˬ yawꞈ ziꞈ luꞈ-eu laꞈ kʼoeˇ, ngaˇ hawˇ-eu ngaˬ-euˬ zaˬ ngaˬ-euˬ uˆ deuˬ-ahˇ, miˇ kʼahˬ heu kʼahˬ a nehˬ laꞈ gʼaˬ-euˬ meh. Iˬ nah Aˬdawˇniˇyaˆ ya shiˇ meh lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ ehˇ tsehˆ-eu ma.”

Jaceuq 112:1

Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-ahˇ taˬ huiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ-eu tsawˇ haˬ guiˬ lahˬ huiˬ-eu meh.

Jaceuq 127:1

Sahˬpaˬ Miˬyehˇ neh tsoˆ-euˬ maˬ ngeuˇ naˇ, nymˇ tsoˆ-eu tsawˇ haˬ deuˬ neh mˇ-euˬ gaˇ yawꞈ ngehꞈ meh. Sahˬpaˬ Miˬyehˇ neh loꞈ piˇ-euˬ maˬ ngeuˇ naˇ, meuˬ-ahˇ loꞈ piˇ-eu tsawˇ haˬ deuˬ maˬ yuꞈ ni loꞈ kʼawꞈ yawꞈ ngehꞈ meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

Doˆ-iˇ 1:17

Ehˇ kʼawꞈ, zaˬ miˬ zaˬ kʼoeˇ nyiˬ gʼaˬ Miˬyehˇ-ahˇ guˆ-eu miˇ neh, sahˬ paˬ neh ehˇ taˬ-euˬ loꞈ-ehˇ maˬ mˇ-ehˇ, dehꞈ le-euˬ aˬ li deuˬ-ahˇ maˬ laˆ sehꞈ ni bi jawˇ-euˬ meh.

Dawqdaq 24:3

Nymˇ tsoˆ-eu jeˬ-aˬ, zaˬ siˬ nui gahˇ kʼoeˇ taˆ zeuˇ dahˇ ya ka-eu meh.

Dawˬ tsoˆ 8:12

Iˬ baˇ mˇ-eu tsawˇ haˬ tiˬ gʼaˬ aˇ yaˇ poˆ mˇ bahˬ kʼawꞈ, ziˇ baw-eu meh. Aˬ cawˬ heu loꞈ-ehˇ ehˇ-eu ngaˇ gaˬ haw-euˬ ma. “Miˬyehˇ-euˬ ehˇ dawˬ naˇ haˬ-eu tsawˇ haˬ dehꞈ dzaˬ laˇ tehꞈ-a.

Yeˬlaˬmiˇ 35:2

“Leˬkaˆ tsawˇ jeuˬ jawˇ gaˇ iˇ-awˇ dawˬ ngehˬ cawˬ-iˇ-awˬ. Kʼoeˇ naˇ, Uˬ duˬ tahˬ nymˇ nymˇ ma-ahˇ jaˆ-eu kuˆ lawˆ tiˬ lawˆ laꞈ kʼoeˇ aˬ yawꞈ maꞈ-ahˇ sheuˬ ahˇ-awˇ, aˬ gaꞈ dzaˇ uiˇ bi dawˇ-awˬ.”

1 Saˬmeuˬlaˆ 2:35

Ngaˬ-ahˇ saˇ jaˇ ziꞈ-awˇ ngaˇ kʼaˇ bi mˇ mawꞈ-eu jeˬ mˇ-eu piˇ ma tiˬ gʼaˬ ngaˇ tseˇ doˆ ma. Kʼoeˇ gʼaˬ-euˬ zaˬ deuˬ uˆ deuˬ jeuˬ le o le-awˇ, ngaˬ neh tseˇ doˆ-euˬ sahˬ paˬ mehˬ shi aˬ yawꞈ aˬ myah luꞈ gaˇ ya mˇ tehꞈ-a.

1 Saˬmeuˬlaˆ 25:28

Ngaˬ neh mˇ-euˬ yaw lehˬ jeˬ jaˆ naˇ kʼawꞈ, iˬ baˇ pyehˬ nehˬ laꞈ-awˬ. Sahˬpaˬ Miˬyehˇ-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ sahˬ paˬ bi geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ gʼaˇ duˬ nawˇ guiˇ deuˆ luꞈ-awˇ, yaw dehꞈ kʼaˇ dehꞈ kʼoeˇ keuˆ ni yaw haiˬ jeˬ maˬ mˇ ni nawˇ jawˇ tehꞈ-a.