Doˆ-iˇ 1:14 - Akha

¹⁴ Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ gʼawˬ shaˬ maˬ gaˬ ni, nymˇ tsoˆ gaˇ maˬ ehˇ, deh yaˇ mˇ gaˇ maˬ ehˇ, maˬ mˇ coeˇ gaˇ keuˆ ni myawˬ kʼaˆ bi mˇ-euˬ meh.

Doˆ-iˇ 1:14 ပူးပေါင်းရင်းမြစ်များ

Aˇ dahˬ 15:13

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ zaˬ nawˬ-euˬ uˆ deuˬ, aˬ cawˬ miˇ kʼahˬ laꞈ kʼoeˇ boeˇ miˬ siˬ kʼaˬ loꞈ-ehˇ ya jawˇ tehꞈ-a. Oeˬ yaˇ kʼoꞈ keuˆ ni aˬ yawꞈ maꞈ aˬ cawˬ zaˬ kʼaˆ ya geuꞈ-awˇ, aˬ cawˬ kʼehˬ nehˬ kʼaˆ nehˬ gaˇ ya daˬ tehꞈ-a.

1 Sahˬpaˬ 12:14

Zaˬ guˬ deuˬ neh biꞈ-euˬ nui noeˬ nui duˇ-ahˇ aˬ yawꞈ naˇ haˬ geuꞈ-awˇ, tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-euˬ meh. “Kah dui dui-eu kʼaˆ behˆ, ngaˬ da neh naw maꞈ-ahˇ ciˬ baꞈ ciˬ pi nehˬ-euˬ-meh. Ngaˇ-aˬ, kʼoeˇ naˆ maˬ tseˇ kah-eu kʼaˆ behˆ naw maꞈ kʼoeˇ taˆ ciˬ pi nehˬ ma. Ngaˬ da-aˬ, naw maꞈ-ahˇ aˇ caˆ neh tehꞈ-ehˇ juiꞈ-euˬ meh. Ehˇkʼawꞈ ngaˇ-aˬ, boeˬ kaˬ laˬ ma neh naw maꞈ-ahˇ nyehꞈ kawꞈ ma.”

Jaceuq 129:1

Iˇsaˬleˬlaˆ-oˇ, nyiˇ ngeh neh muiˇ-eu deuˬ nawˬ-ahˇ aˬ joˆ-ehˇ kʼehˬ nehˬ laꞈ-euˬ gaˇ kawˆ, nga maꞈ-ahˇ dzawˇ nehˬ laꞈ sheˇ.

Jaceuq 68:13

Aˬ dahˇ guiˇ nyiˬ ni shuiˇ yaw taˬ-awˇ, gʼawˇ mawˇ pyuˇ yaw taˬ-euˬ kʼaˬ kʼoeˬ mawˇ kawˇ deuˬ aˬ yawꞈ maꞈ biˇ geuꞈ-eu meh. (Aˬ jeˬ miˇ neh naw maꞈ tiˬ paˆ na deuˬ, aˬ cawˬ guiˇ deuˆ-eu tehˬ gʼa luꞈ ngeh, yawˇ kuˆ laꞈ kʼoeˇ jawˇ byoˆ yaꞈ te.)

Jaceuq 81:6

“Nawˬ-euˬ naˇ kʼah daˬ luꞈ-eu kʼaˆ behˆ ngaˇ ciˬ dzeh ma. Nawˬ-euˬ tsaˬ byaˆ kʼaˆ behˆ ngaˇ bi pi taˬ ma.

Doˆ-iˇ 1:11

Kʼoeˇ miˇ neh, aˬ yawꞈ maꞈ-ahˇ gaˇ yaw kʼaˆ-ehˇ bi mˇ-awˇ, nui ma bi cawˆ-iˇ-eu gʼaˇ duˬ, zaˬ kʼaˆ deuˬ gaˇ mˇ gaˇ haw-eu tsawˇ haˬ deuˬ-eu aˬ laꞈ laꞈ kʼoeˇ a nehˬ-euˬ meh. Sahˬ paˬ-euˬ myawˬ taˬ-eu gʼaˇ duˬ, Piˇdmˬ hawˇ-eu Laˬmaˬsehˇ meuˬ aˬ yawꞈ maꞈ ya tso-eu meh.

Doˆ-iˇ 1:13

Kʼoeˇ ngeh, Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ guˆ laˇ taˬ-euˬ meh. Kʼoeˇ miˇ neh, Iˇsaˬleˬlaˆ tsawˇ haˬ deuˬ-ahˇ zaˬ kʼaˆ bi geuꞈ-awˇ, kʼehˬ nehˬ kʼaˆ nehˬ-eu laꞈ kʼoeˇ, gaˇ bi mˇ-euˬ meh.

Doˆ-iˇ 1:15

Kʼoeˇ naˇ, Heˬbyehˇ tsawˇ haˬ zaˬ miˬ zaˬ deuˬ aˬ nyiˇ ciˬ gaˇ laˆ saˆ nehˬ-eu zaˬ miˬ zaˬ nyiˬ gʼaˬ pyeuꞈ-eu Shiˇpaˬlahˬ hawˇ-eu Puˇhaˬ-ahˇ Iˇjiˇtuˆ sahˬ paˬ kuˇ-awˇ, dawˬ ngehˬ cawˬ-euˬ meh.

Doˆ-iˇ 2:23

Aˇ kʼoꞈ aˇ la myahˇ laˇ ngeh jawˇ, Iˇjiˇtuˆ miˇ kʼahˬ-ahˇ uˆ lahˇ-eu sahˬ paˬ ziˇ jiˇ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ shaˬ dui zahˬ dui dui-eu laꞈ kʼoeˇ, aˬ cawˬ zaˬ kʼaˆ ya geuꞈ luꞈ-awˇ, caw ba le-awˬ lehˇ guˇ guˇ-ehˇ ngoeˇ luꞈ-eu meh. Aˬ yawꞈ maꞈ ngoeˇ luꞈ-eu teˇ saˇ Miˬyehˇ-ahˇ gaˬ leˇ-euˬ meh.

Doˆ-iˇ 20:2

“Ngaˇ-aˬ, nawˇ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh, nawˬ-ahˇ sheuˬ doˆ nehˬ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Doˆ-iˇ 6:9

Gaˇ kawˆ heu Iˇsaˬleˬlaˆ tsawˇ haˬ deuˬ-ahˇ Moˇseˬ dzawˇ mehˬ nehˬ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ maˬ naˇ haˬ geuꞈ-a. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ daˬ-awˇ, aˬ cawˬ zaˬ kʼaˆ ya geuꞈ luꞈ-eu miˇ neh, aˬ yawꞈ maꞈ nui ma cawˆ dui dui luꞈ-eu meh.

Dawqdaq 28:15

Maˬ tsaˬ maˬ dawˇ-eu sahˬ paˬ-aˬ, shaˬ zaˬ zahˬ zaˬ mehˬ shi joeˬ joeˬ-ehˇ cah-eu aˇ laˬ jaˬ shiˇ hawˇ-eu, lmˬ lmˬ-ehˇ oe-eu kʼaˬ hmˇ-ahˇ duˇ-eu meh.

Iˇsaˬyaˇ 10:24

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ neh, Ziˇoˬ meuˬ-ahˇ jawˇ-eu aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Aˬshuˇliˆ tsawˇ haˬ deuˬ-ahˇ taˬ guˆ. Iˇjiˇtuˆ tsawˇ haˬ deuˬ neh naw maꞈ-ahˇ kʼehˬ nehˬ laꞈ haw-euˬ loꞈ-ehˇ, aˬ yawꞈ maꞈ naw maꞈ-ahˇ kʼehˬ nehˬ laꞈ kʼawꞈ, naw maꞈ taˬ guˆ.

Iˇsaˬyaˇ 14:6

Miˇ kʼahˬ zaˬ-ahˇ maˬ naˬ leˇ ni diˬ-awˇ, miˇ kʼahˬ tsawˇ jeuˬ-ahˇ maˬ tsehˆ leˇ ni zuiˆ-euˬ, gʼawˬ shaˬ gaˬ-eu maˬ siˬ nya-eu dzoeˬ dzaˬ gawˬ yoeˬ kʼoeˇ meh.

Iˇsaˬyaˇ 51:23

Naw maꞈ-ahˇ gaˇ ma doe ni bi ga-awˇ, kʼaˬ lehˇ-ahˇ nawˬ-eu loꞈ-ehˇ naw maꞈ kʼoeˇ taˆ nawˬ-awˇ cah-eu, naw maꞈ-ahˇ kʼehˬ-eu tsawˇ haˬ kʼoeˇ deuˬ-ahˇ, kʼmˬ maˬ kʼoeˇ ngaˇ ciˬ nehˬ-awˇ bi dawˇ ma.”

Iˇsaˬyaˇ 52:5

Nymˬ-mˇ Baˬbuˇloˬ miˇ kʼahˬ kʼawꞈ, naw maꞈ-ahˇ kʼoeˇ loꞈ-ehˇ jahˇ nehˬ-euˬ meh. Naw maꞈ-ahˇ nyehꞈ geuꞈ gʼeh-awˇ, aˇ poeˬ maˬ biꞈ nehˬ-a. Naw maꞈ-ahˇ uˆ lahˇ-eu tsawˇ haˬ kʼoeˇ deuˬ kʼahˬ sehˇ jehˆ-awˇ, ngaˬ-ahˇ yaw zeu maˬ baw ni dehꞈ haw-eu maˬ naˬ leˇ-a.

Iˇsaˬyaˇ 58:6

“Ngaˇ geuꞈ mawꞈ-eu maˬ dzaˬ-eu zahˇ heu loꞈ-ehˇ ma. Kʼehˬ-eu kʼaˆ-eu shmˇ caˆ hawˇ-eu maˬ tsaˬ maˬ dawˇ-eu kʼaˆ baꞈ deuˬ, dawˬ tawˆ biˬ dzeh jiˇ-awˇ, kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ, dawˬ tawˆ puiˇ pyehˬ jiˇ-awˬ.

Uˬ duˬ 25:43

Aˬ yawꞈ maꞈ-ahˇ taˬ kʼehˬ taˬ kʼaˆ nehˬ. Ehˇ kʼawꞈ, Miˬyehˇ-euˬ ehˇ dawˬ-ahˇ naˇ haˬ geuꞈ-awˬ.

Uˬ duˬ 25:46

Aˬ yawꞈ maꞈ ziˇ jiˇ ngeh keuˆ ni, naw maꞈ-euˬ aˬ li deuˬ-euˬ zaˬ kʼaˆ bi geuꞈ-eu gʼaˇ duˬ, naw maꞈ-euˬ aˬ li deuˬ-ahˇ jeˬ biˇ loꞈ-ehˇ a nehˬ yaꞈ nya meh. Ehˇ kʼawꞈ, naw maꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ naw maꞈ maˬ ya kʼehˬ-a.

Uˬ duˬ 25:53

Yaw sahˇ gʼaˬ aˬ yawꞈ-ahˇ, kʼoꞈ kʼoꞈ lah ni gʼaˇ duˬ pyehˆ tsehˆ-awˇ gʼaˬ mahˇ mahˇ dzaˬ-eu tsawˇ haˬ loꞈ-ehˇ ngaˬ tsehˆ naˇ, maˬ ya kʼehˬ maˬ ya kʼaˆ dzaˬ-a.

Miˇkaˬ 3:3

Naw maꞈ ngaˬ-euˬ tsawˇ haˬ deuˬ-euˬ shaˬ jiˇ dzaˬ-euˬ meh. Naw maꞈ aˬ yawꞈ maꞈ-ahˇ baˆ kʼoˆ leuꞈ-awˇ, shaˬ yoeˬ kʼoˆ kʼehꞈ-awˇ, oeˬ lahˬ-ahˇ dawˆ ahˇ-awˇ caꞈ dzaˬ-eu shaˬ jiˇ deuˆ-eu loꞈ-ehˇ aˬ yawꞈ maꞈ-euˬ shaˬ jiˇ deuˆ-eu meh.

Naˬhmˬ 3:14

Guiˇ deuˆ le gaˇ ciˬ daˬ nya ni, iˇ cuꞈ tiˬ byah kʼawꞈ ahˇ taˬ-awˇ, nawˬ-euˬ guiˇ daˬ laˆ ziꞈ taˬ-awˬ. Shaˬ jehˆ yaw jmˬ tsaˬ byaˆ tehˆ-awˇ, nawˬ-euˬ guiˇ daˬ gawˬ ziꞈ taˬ-awˬ.

Bawˇtsahˬ 20:15

Nga maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ aˬ joˆ-ehˇ iˇ-euˬ gaˇ kawˆ maˬ ehˇ, kʼoeˇ gaˇ nga maꞈ gʼawˬ mya kʼoꞈ jawˇ yaꞈ-euˬ gaˇ kawˆ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-ahˇ Iˇjiˇtuˆ tsawˇ haˬ deuˬ aˬ joˆ-ehˇ kʼehˬ nehˬ kʼaˆ nehˬ laꞈ-euˬ gaˇ kawˆ maˬ ehˇ,

Gʼaˬkʼehˇ 7:19

Aˬ yawꞈ-aˬ, aˬ dui-euˬ aˬ poeˬ aˬ bawˇ kʼoeˇ deuˬ-ahˇ tsawˇ gahˇ gahˇ-euˬ uˬ taꞈ, gʼawˬ shaˬ tiˬ pawꞈ-iˬ maˬ gaˬ-aˬ. Zaˬ nahˬ deuˬ bi shiˇ jiˇ-eu gʼaˇ duˬ, iˇ kahˇ laꞈ kʼoeˇ maˬ bi jawˇ ni, laꞈ nyiˇ bi ciˬ dzeh-euˬ meh.

Gʼaˬkʼehˇ 7:34

Ngaˬ-euˬ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ luꞈ gaˇ ngaˇ mawˇ-euˬ ma. Aˬ yawꞈ maꞈ shaˬ zahˬ naꞈ dui dui-eu laꞈ kʼoeˇ mahˇ luꞈ-eu teˇ saˇ-ahˇ ngaˇ gaˬ-awˇ, aˬ yawꞈ maꞈ-ahˇ bi buˬ bi law-iˇ-eu lehˇ ngaˇ zaꞈ ka le-euˬ ma. Laˇ-awˬ. Ngaˇ nawˬ-ahˇ Iˇjiˇtuˆ miˇ kʼahˬ-ahˇ kʼehˇ gʼeh-eu ma.’

Dawˬmehˬ 26:6

Iˇjiˇtuˆ tsawˇ haˬ deuˬ nga maꞈ-ahˇ kʼehˬ-awˇ, zaˬ kʼaˆ loꞈ-ehˇ gaˇ bi mˇ laꞈ-euˬ meh.

Dawˬmehˬ 4:20

Ehˇ kʼawꞈ, naw maꞈ-aˬ, shmˇ baw guiˇ-eu baw laꞈ kʼoeˇ neh ka kʼoꞈ doˆ laꞈ-euˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh aˬ yawꞈ neh bi ka kʼoꞈ doˆ laꞈ-euˬ tsawˇ jeuˬ pyeuꞈ-eu meh. Iˬ nah naw maꞈ aˬ yawꞈ-euˬ tsawˇ haˬ pyeuꞈ luꞈ-eu meh. Heu loꞈ-ehˇ bi pyeuꞈ laˇ-eu gʼaˇ duˬ, naw maꞈ-ahˇ aˬ yawꞈ neh sheuˬ doˆ laꞈ-euˬ meh.

Luˇta 1:20

Kʼoeˇ ngeh, zaˬ miˬ zaˬ kʼoeˇ deuˬ-ahˇ Nawˇmi ehˇ nehˬ-eu, “Ngaˬ-ahˇ Nawˇmi‘Nawˇmi’ lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘laˬ kʼaˬ cehˇ-eu’ lehˇ ehˇ mawꞈ-eu meh.* lehˇ taˬ paˇ kuˇ. Maˬlahˬ‘Maˬlahˬ’, lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘shaˬ zahˬ’ naꞈ-eu lehˇ ehˇ mawꞈ-eu meh.* lehˇ kuˇ-awˬ. Aˬ jeˬ miˇ neh ehˇ naˇ, Baoˬ huiˬ-eu Miˬyehˇ ngaˬ-ahˇ shaˬ zahˬ bi keuˆ le-euˬ meh.