Doˆ-iˇ 1:10 - Akha

¹⁰ Guiˇ pyeuꞈ laˇ naˇ, aˬ dui-ahˇ muiˇ-eu deuˬ nehˬ-ehˇ aˬ yawꞈ maꞈ gm leˇ-awˇ, aˬ dui-ahˇ guiˇ deuˆ laˇ tehꞈ-a. Kʼoeˇ naˇ, miˇ kʼahˬ heu kʼahˬ laꞈ kʼoeˇ neh aˬ yawꞈ maꞈ doˆ-iˇ tehꞈ-a. Aˬ yawꞈ maꞈ tsawˇ haˬ heu naˆ maˬ tseˇ maˬ myaˬ laˇ nya ni, aˬ dui tiˬ jeˬ paˬ ya jahˇ meh.”

Doˆ-iˇ 1:10 ပူးပေါင်းရင်းမြစ်များ

Yawˇbaˆ 5:13

Tsawˇ gahˇ gahˇ dzaˬ-eu tsawˇ haˬ deuˬ noeˬ-euˬ loꞈ-ehˇ maˬ mˇ pyeuꞈ nya-eu gʼaˇ duˬ, aˬ yawꞈ maꞈ-ahˇ aˬ yawꞈ lahˇ ju kʼmˇ-eu meh.

Jaceuq 10:2

Haiˬ-eu tsawˇhaˬnui ma huiˬ-awˇ, yaw shaˬzaˬ-ahˇnawˬtehˬluꞈngeh, yawˬha neh kʼmˇ-euˬ lahˇju-ahˇ yawˬhaˇyawˬha bi paꞈleˇ-awˬ.

Jaceuq 105:25

Iˇjiˇtuˆ tsawˇ haˬ deuˬ aˬ yawꞈ-euˬ tsawˇ haˬ deuˬ-ahˇ bye ni aˬ yawꞈ jahˇ-awˇ, aˬ yawꞈ-euˬ zaˬ kʼaˆ deuˬ kʼoeˇ taˆ smˇ kʼaˆ bi kʼaˆ-euˬ meh.

Dawqdaq 1:11

“Oe-awˬ, tsawˇ haˬ sehꞈ kaˇ-euˇ. Iˬ baˇ maˬ ahˇ-eu deuˬ-ahˇ sehꞈ niˇ gʼa kaˇ-euˇ.

Dawqdaq 16:25

Dehꞈ-eu gaˇ ma duˇ-euˬ gaˇ muiˬ, shiˇ-eu gaˇ ma ngeuˇ law ma jeˇ.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Bawˇtsahˬ 22:6

Aˬ yawꞈ maꞈ aˬ dui maꞈ myaˆ maˬ tseˇ myaˬ dzehˬ-eu miˇ neh, nawˇ tiˬ poˆ laˇ-awˇ, ngaˬ-euˬ gʼaˇ duˬ aˬ yawꞈ maꞈ-ahˇ yaˬ kʼehˇ yaˬ nehˬ laˇ sheˇ. Kʼoeˇ loꞈ-ehˇ jahˇ naˇ, aˬ yawꞈ maꞈ-ahˇ aˬ dui gʼaˬ leˇ-awˇ, miˇ kʼahˬ heu kʼahˬ laꞈ kʼoeˇ neh aˬ yawꞈ maꞈ-ahˇ teh doˆ nya tehꞈ-a. Nawˇ aˬ cawˬ-ahˇ dawˬ ngehˬ gʼeh nehˬ ngeh, aˬ cawˬ guiˬ lahˬ za-awˇ, nawˇ aˬ cawˬ-ahˇ yaˬ kʼehˇ yaˬ ngeh, nawˬ neh yaˬ kʼehˇ kʼaˇ yaˬ-eu loꞈ-ehˇ aˬ cawˬ kʼoeˇ taˆ keuˆ le-euˬ gaˇ kawˆ ngaˇ siˬ nya-eu ma.”

Gʼaˬkʼehˇ 23:12

Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.

Gʼaˬkʼehˇ 7:19

Aˬ yawꞈ-aˬ, aˬ dui-euˬ aˬ poeˬ aˬ bawˇ kʼoeˇ deuˬ-ahˇ tsawˇ gahˇ gahˇ-euˬ uˬ taꞈ, gʼawˬ shaˬ tiˬ pawꞈ-iˬ maˬ gaˬ-aˬ. Zaˬ nahˬ deuˬ bi shiˇ jiˇ-eu gʼaˇ duˬ, iˇ kahˇ laꞈ kʼoeˇ maˬ bi jawˇ ni, laꞈ nyiˇ bi ciˬ dzeh-euˬ meh.

1 Saˬmeuˬlaˆ 29:4

Ehˇ kʼawꞈ, Piˇliˇtiˆ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ kʼoeˇ deuˬ Aˬkiˇ-ahˇ nui ma pehˇ laˇ-awˇ ehˇ-eu, “Tsawˇ haˬ heu gʼaˬ-ahˇ nawˬ neh biꞈ taˬ-euˬ meuˬ-ahˇ bi gʼoꞈ-iˇ-awˬ. Aˬ dui maꞈ guiˇ deuˆ gaˇ taˬ bi laˇ. Nymˬ-mˇ guiˇ deuˆ gaˇ keuˆ leˇ naˇ, aˬ dui maꞈ-ahˇ aˬ yawꞈ paˇ deuˆ laˇ tehꞈ-a. Aˬ yawꞈ-euˬ sahˬ paˬ aˬ yawꞈ-ahˇ nui kʼahˇ shiˇ ni mˇ-eu gʼaˇ duˬ, aˬ dui-euˬ tsawˇ haˬ-ahˇ sehꞈ-eu naˆ maˬ tseˇ muiˬ dzehˬ-eu gaˇ ma, aˬ yawꞈ gʼaˇ duˬ aˬ gaˇ paˇ dahˇ ta.