Daˬyeˬlaˇ 9:26 - Akha

²⁶ Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.

Daˬyeˬlaˇ 9:26 ပူးပေါင်းရင်းမြစ်များ

2 Saˬmeuˬlaˆ 21:5

Aˬ yawꞈ maꞈ ehˇ-eu, “Sawˇluˆ-aˬ, Iˇsaˬleˬlaˆ miˇ kʼahˬ laꞈ kʼoeˇ nga maꞈ-euˬ tsawˇ haˬ tiˬ gʼaˬ-iˬ maˬ bi dzeˇ yaꞈ ni sehꞈ jiˇ mawꞈ-eu meh.

Jaceuq 22:15

Kuˬbyahˬ lehˇtsaˇloꞈ-ehˇgui-awˇ, mehˬlaˇ mehˬtaˆmyahˬleˇ miˇ-a. Kʼaˬlehˇ tsahˬ-ahˇbi shiˇ-eu lehˇ, nawˇngaˬ-ahˇbyehˇdzeh laꞈ-euˬnga.

Iˇsaˬyaˇ 28:2

Aˬ yawꞈ maꞈ-ahˇ guiˇ bi deuˆ le-eu lehˇ, baoˬ huiˬ-awˇ gʼaˬ kʼaˆ-eu tsawˇ haˬ-ahˇ, Sahˬpaˬ Miˬyehˇ bi lehˬ hmˬ taˬ-euˬ meh. Uˬ yehˇ aˇ siˬ ga le-eu loꞈ-ehˇ, uˬ yehˇ yehˇ ma ma le-eu loꞈ-ehˇ, iˇ jeuˬ jeuˬ le-eu loꞈ-ehˇ aˬ yawꞈ oe-awˇ, miˇ kʼahˬ kʼoeˇ kʼahˬ-ahˇ laˆ cawˆ le tehꞈ-a.

Iˇsaˬyaˇ 28:22

Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Iˇsaˬyaˇ 53:8

Aˬ yawꞈ-ahˇ nyehꞈ-awˇ yaˇ kʼaˬ daˇ nehˬ-awˇ, tsawˇ haˬ sehꞈ duˬ-ahˇ bi sheuˬ gʼeh-euˬ meh. Aˬ yawꞈ-euˬ guiˬ lahˬ kʼoeˇ naˆ ni doeˇ kʼawꞈ, aˬ yawˬ-ahˇ gʼawˬ shaˬ gaˬ-eu maˬ jawˇ-a. Aˬ dui-euˬ tsawˇ jeuˬ neh mˇ-euˬ iˬ baˇ aˇ poeˬ, aˬ yawꞈ ya shiˇ dah-eu jeˬ pyeuꞈ-eu ma.

Iˇsaˬyaˇ 8:7

Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ Aˬshuˇliˆ sahˬ paˬ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ sheuˬ ka leꞈ-awˇ, Yuˇdaˆ miˇ kʼahˬ-ahˇ guiˇ bi deuˆ le ma. Uˇpaˬlaˇ lawˇ baˬ iˇ jeuˬ oe ngeh lawˇ deh maˬ mawˇ laˇ-eu loꞈ-ehˇ, Aˬshuˇliˆ guiˇ maꞈ deuˬ yoeˇ gʼeh leꞈ tehꞈ-a.

Yeˬlaˬmiˇ 46:7

Niˬlaˇ lawˇ baˬ loꞈ-ehˇ tuˇ laˇ luꞈ-eu aˬ suˇ gʼaˬ-a. Iˇ jeuˬ oe-eu loꞈ-ehˇ daˆ laˇ luꞈ-eu aˬ suˇ gʼaˬ-a.

Yeˬlaˬmiˇ 51:42

Iˬ ma laˆ shaˆ iˇ cuꞈ Baˬbuˇloˬ meuˬ-ahˇ yoeˇ daˆ leꞈ-awˇ, iˇ luˆ dzeh pymˬ-euˬ meh.

Daˬyeˬlaˇ 11:10

“Suˇliˆ sahˬ paˬ-euˬ aˬ li deuˬ guiˇ maꞈ maꞈ ma laˆ uiˬ-awˇ, guiˇ deuˆ-eu gʼaˇ duˬ lehˬ hmˬ tehꞈ-a. Sahˬ paˬ-euˬ aˬ li tiˬ gʼaˬ iˇ jeuˬ jeuˬ-eu loꞈ-ehˇ iˇ gʼeh-awˇ, muiˇ-eu deuˬ-euˬ taꞈ-ahˇ deuˆ tehꞈ-a.

Daˬyeˬlaˇ 11:17

“Suˇliˆ sahˬ paˬ-aˬ, aˬ yawꞈ-euˬ guiˇ maꞈ dawˬ tawˆ luꞈ zmˬ-awˇ, guiˇ yaw kawˇ-ehˇ deuˆ gʼaˬ nya ni lehˬ hmˬ tehꞈ-a. Kʼoeˇ naˇ, aˬ yawꞈ-ahˇ muiˇ-eu gʼaˬ-euˬ miˇ kʼahˬ-ahˇ laˆ cawˆ-eu gʼaˇ duˬ, saˇ jaˇ dzaˬ taꞈ-eu laꞈ kʼoeˇ, aˬ yawꞈ-euˬ aˬ buˇ bi mˇ dzaˬ-iˇ-eu lehˇ aˇ kawˆ kawˆ tehꞈ-a. Ehˇ kʼawꞈ, aˬ yawꞈ neh noeˬ-euˬ loꞈ-ehˇ maˬ mˇ pyeuꞈ nya-aˇ.

Daˬyeˬlaˇ 11:22

Aˬ yawꞈ-euˬ ehˇ dawˬ maˬ geuꞈ-eu tsawˇ haˬ aˬ geu gʼaˬ maˬ kaˬ, Miˬyehˇ-euˬ Piˇ ma Yaw huiˬ gʼaˬ-ahˇ keuˆ ni, tiˬ gʼaˬ-iˬ maˬ bi dzeuˇ-iˇ ni laˆ byoˆ nehˬ tehꞈ-a.

Daˬyeˬlaˇ 11:36

“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.

Daˬyeˬlaˇ 9:27

Uˆ lahˇ-eu tsawˇ haˬ kʼoeˇ gʼaˬ, shiꞈ kʼoꞈ keuˆ ni tsawˇ haˬ gʼawˬ mya gʼaˬ nehˬ-ehˇ dawˬ ma saˇ jaˇ dzaˬ taꞈ-awˇ, aˇ yamˬ tiˬ paˆ paˆ-iˇ ngeh, lawˇ-eu shehˇ-eu jeˬ maˬ bi mˇ ni laˆ tsoeˬ tehꞈ-a. Uˬ duˬ tahˬ nymˇ nymˇ ma-euˬ kʼaˬ boeˬ-ahˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ bi jaˆ-awˇ, kʼoeˇ loꞈ-ehˇ bi jaˆ-euˬ gʼaˬ-ahˇ yaˇ kʼaˬ daˇ-eu gʼaˇ duˬ, Miˬyehˇ neh lehˬ hmˬ taˬ-eu aˇ yamˬ maˬ keuˆ laˇ kʼoeˇ keuˆ ni, kʼoeˇ gaˇ jaˆ tehꞈ-a.”

Hawˇseˬ 1:9

Kʼoeˇ ngeh, Sahˬpaˬ Miˬyehˇ ehˇ-eu, “Aˬ li teu li-ahˇ ‘ngaˬ-euˬ tsawˇ haˬ maˬ ngeuˇ’ lehˇ myahˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ ngaˬ-euˬ tsawˇ haˬ maˬ paˇ ngeuˇ-ehˇ, ngaˇ kʼawꞈ aˬ yawꞈ maꞈ-euˬ Miˬyehˇ maˬ paˇ ngeuˇ ma.”

Aˬmoˆ 8:8

Naw maꞈ kʼoeˇ loꞈ-ehˇ yaw haiˬ jeˬ mˇ-euˬ baˬ da neh miˇ luˆ luˆ laˇ-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ guˆ dui dui tehꞈ-a. Miˇ kʼahˬ heu kʼahˬ kʼahˬ lah ni bi sheu nyeh-awˇ, Niˬlaˇ lawˇ baˬ -ahˇ iˇ cuꞈ dahˬ daˆ laˇ-awˇ paˇ dahˬ ka-iˇ-eu loꞈ-ehˇ jaˆ tehꞈ-a.

Aˬmoˆ 9:5

Dawˬ tawˆ kʼoeˇ taˆ uˆ lahˇ luꞈ-eu, Baoˬ huiˬ-eu Sahˬpaˬ Miˬyehˇ neh, miˇ tsaˬ tahˬ kʼawˇ-ahˇ toeˬ ciˆ ngeh, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ dawˬ tawˆ ngoeˇ-eu meh. Miˇ tsaˬ dawˬ tawˆ luꞈ luˆ laˇ-awˇ, Niˬlaˇ iˇ cuꞈ lawˇ baˬ loꞈ-ehˇ, goˇ awˆ baw-ehˇ gʼeu nyeh-eu meh.

Naˬhmˬ 1:8

Iˇ jeuˬ jeuˬ ma oe-eu loꞈ-ehˇ, yawꞈ-ahˇ muiˇ-eu tsawˇ haˬ deuˬ-ahˇ, tiˬ saˬ tiˬ li laˆ cawˆ-eu meh. Yawꞈ-ahˇ ciˬ daˬ leˇ-eu deuˬ-ahˇ, tsawˇ shiˇ uˬ kʼawˇ maˬ bi dzeuˇ-a.

Maꞈtehˬ 22:2

“Mˬtaˆ Miˇkʼahˬ-aˬ, heu loꞈ-ehˇ duˇ-eu meh. Sahˬ paˬ tiˬ gʼaˬ aˬ yawꞈ-euˬ aˬ li oeˇ mˇ baˇ-eu bawˬ-iˬ gʼeh-eu gʼaˇ duˬ, lehˬ hmˬ-euˬ meh.

Maꞈtehˬ 22:7

Kʼoeˇ ngeh jawˇ, sahˬ paˬ kʼoeˇ gʼaˬ nui ma pehˇ laˇ-awˇ, aˬ yawꞈ-euˬ guiˇ maꞈ pyehˬ gʼeh-awˇ, aˬ yawꞈ-euˬ zaˬ kʼaˆ deuˬ-ahˇ sehꞈ-euˬ tsawˇ haˬ kʼoeˇ deuˬ-ahˇ bi sehꞈ-awˇ, aˬ yawꞈ maꞈ-euˬ meuˬ-ahˇ miˬ dzaˬ bi keuˬ dzeh-euˬ meh.

Maꞈtehˬ 23:38

Haw taˬ-awˬ. Nawˬ-euˬ Uˬ duˬ tahˬ nymˇ nymˇ ma-ahˇ Miˬyehˇ byehˇ dzeh nehˬ laꞈ-awˇ, yawꞈ ngehꞈ yawꞈ kuˬ-ehˇ bi jaˆ tehꞈ -a.

Maꞈtehˬ 24:2

Aˬ yawꞈ maꞈ-ahˇ Yeˬsuˇ ehˇ nehˬ-eu, “Nymˇ heu deuˬ-ahˇ naw maꞈ mawˇ luꞈ meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Nymˇ kʼaˇ gawˬ taˬ-euˬ kʼaˬ lo heu deuˬ tiˬ siˬ kʼoeˇ taˆ tiˬ siˬ maˬ jaˆ ziꞈ nya ni byaˆ-iˇ jiˇ gaˇ keuˆ tehꞈ-a.”

Maˬkuˆ 13:2

Yeˬsuˇ ehˇ-eu, “Huiˬ dui muiˬ dui dui-eu nymˇ heu deuˬ-ahˇ nawˇ ya mawˇ luꞈ nga laˬ. Nymˇ kʼaˇ gawˬ taˬ-euˬ kʼaˬ lo heu deuˬ tiˬ siˬ-iˬ ma jaˆ ni byaˆ-iˇ jiˇ gaˇ keuˆ tehꞈ-a.”

Maˬkuˆ 13:7

Dawˬ peh guiˇ deuˆ luꞈ-eu teˇ saˇ hawˇ-eu, gaˇ mahˇ kaˬ gaˇ guiˇ deuˆ luꞈ-eu gaˇ kawˆ naw maꞈ ya gaˬ ngeh, taˬ tsawˬ guˆ-iˇ. Kʼoeˇ loꞈ-ehˇ gʼeh-eu jeˬ yaw beh keu le tehꞈ-a. Ehˇ kʼawꞈ, aˇ saˬ saˬ-eu aˇ yamˬ keuˆ le-euˬ maˬ ngeuˇ-a siˬ.

Maˬkuˆ 9:12

Yeˬsuˇ ehˇ-eu, “Yawˬ jeˬ na luꞈ lehˬ hmˬ laˆ saˆ le-eu gʼaˇ duˬ, Eˇliˇyaˆ jeˬ huˬ ya oe tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ-awˇ, aˬ cawˬ neh bi byehˇ dzeh tehꞈ-a lehˇ, Jaˇliꞈ laꞈ kʼoeˇ aˬ jeˬ miˇ neh ehˇ taˬ ta.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Luˇkaꞈ 21:6

“Nymˬ-mˇ naw maꞈ heu deuˬ dawˬ tawˆ luꞈ ya mawˇ luꞈ meh. Heu gaˇ kʼaˇ gawˬ taˬ-euˬ kʼaˬ lo heu deuˬ tiˬ siˬ kʼoeˇ taˆ tiˬ siˬ maˬ jaˆ ziꞈ nya ni byaˆ-iˇ jiˇ-eu aˇ nah keuˆ le tehꞈ-a.”

Luˇkaꞈ 24:26

Ka li aˬ yawꞈ yaw shehꞈ kʼahˬ sehˇ laꞈ kʼoeˇ uˇ leˇ nya ni, kʼoeˇ deuˬ-ahˇ jeˬ huˬ ya daˬ-eu maˬ ngeuˇ-a loˇ.”

Luˇkaꞈ 24:46

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ meh. Ka li-aˬ, sehꞈ gaˇ ya daˬ-awˇ, smˬ nah byah laˇ naˇ, Miˬyehˇ neh paˇ bi gʼoꞈ dehꞈ laˇ tehꞈ-a.

Yoˇhaˬ 14:30

Ngaˇ naw maꞈ nehˬ-ehˇ ngehˬ cawˬ ngehˬ cawˬ-ehˇ jawˇ-eu aˇ yamˬ maˬ paˇ jaˆ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ oe luꞈ meh. Aˬ yawꞈ-aˬ, ngaˬ-ahˇ maˬ zuiˆ gʼaˬ nya-a.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

1 Beˬtuˆluˆ 2:21

Naw maꞈ kʼoeˇ loꞈ-ehˇ dehꞈ-eu gʼaˇ duˬ Miˬyehˇ naw maꞈ-ahˇ kuˇ-euˬ meh. Aˬ jeˬ miˇ neh ehˇ naˇ, naw maꞈ Ka li-euˬ pehˬ zaˇ-ahˇ caw teh nya ni, aˬ yawꞈ-ahˇ bi dzaw geuꞈ-eu lehˇ, naw maꞈ gʼaˇ duˬ aˬ yawꞈ daˬ dzeuˇ yaꞈ-euˬ meh.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.