Daˬyeˬlaˇ 5:27 - Akha

²⁷ TEˬKEˬLAˇ lehˇ ehˇ-eu-aˬ, aˇ naˆ ni kah-eu pyaˇ-eu gaˇ ehˇ-eu meh. Dawˬ tsuiꞈ-aˬ, nawˬ-ahˇ paˆ yawˬ neh saˆ haw ngeh, pyaˇ dui dui gaˇ ya mawˇ-euˬ meh lehˇ ehˇ mawꞈ-eu meh.

Daˬyeˬlaˇ 5:27 ပူးပေါင်းရင်းမြစ်များ

Yawˇbaˆ 31:6

Miˬyehˇ ngaˬ-ahˇ yaw tsaˬ yaw dawˇ paˆ yawˬ neh saˆ haw naˇ, ngaˇ iˬ baˇ maˬ ahˇ-eu aˬ yawꞈ ya mawˇ tehꞈ-a.

Jaceuq 62:9

Tsawˇ haˬ zaˬ dawˬ tawˆ luꞈ saꞈ kʼoeˬ loꞈ-ehˇ tehꞈ meh. Huiˬ zaˬ nyiˇ zaˬ dawˬ tawˆ luꞈ yawꞈ ngehꞈ meh. Aˬ yawꞈ maꞈ-ahˇ paˆ yawˬ neh saˆ haw ngeh tiˬ pawꞈ-iˬ maˬ kah-ehˇ, saꞈ kʼoeˬ naˆ maˬ tseˇ pyaˇ-eu meh.

Dawqdaq 16:2

Yawˬ ha mˇ-euˬ tsaˬ ma lehˇ noeˬ kʼawꞈ, nui ma-ahˇ Sahˬpaˬ Miˬyehˇ saˆ haw-mˇ jeˇ.

Dawqdaq 21:2

Yawˬ ha neh noeˬ-euˬ tsaˬ ma lehˇ duˇ kʼawꞈ, nui noeˬ-ahˇ Sahˬpaˬ Miˬyehˇ yaˇ kʼaˬ daˇ gaˇ taˬ ngehˇ.

Yeˬlaˬmiˇ 6:30

Sahˬpaˬ Miˬyehˇ pyeuꞈ-eu ngaˇ byehˇ dzeh-euˬ miˇ neh, gaˇ dahˇ maˬ tsoeˬ-eu shmˇ shmˇ keˬ meh lehˇ aˬ yawꞈ maꞈ-ahˇ ya kuˇ tehꞈ-a.

Yeˬsaˬgeˬlaˇ 5:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, mi cehˇ yaw taˆ tiˬ kahˇ yuˇ-awˇ, nawˬ-euˬ mehˬ mahˬ hawˇ-eu nawˬ-euˬ uˬ duˬ tsehˇ kahˇ jehˆ dzeh-awˬ.

Naˬhmˬ 1:14

Niˇnaˬbeˬ meuˬ-ahˇ taꞈ leˇ-awˇ, Sahˬpaˬ Miˬyehˇ ehˇ taˬ-euˬ-aˬ, “Nawˬ-euˬ tsawˇ myahˇ pi ka gʼeh-eu, zaˬ maˬ jawˇ-ehˇ pyeuꞈ-iˇ tehꞈ-a. Nawˬ-euˬ miˬ yehˇ deuˬ-euˬ nymˇ-ahˇ, tahˬ pahˬ aˬ ma mawˇ kawˇ kʼoeˇ deuˬ, ngaˇ laˆ piˬ laˆ byoˆ jiˇ nehˬ ma. Nawˇ doeˇ dui dui-eu baˬ da neh, nawˬ-euˬ lmˬ bymˇ ngaˇ lehˬ hmˬ ma.”

1 Gawˇliˬtu 3:13

Aˬ yawꞈ gʼaˬ yawꞈ, yawˬ ha neh mˇ-euˬ muiˬ-eu doeˇ-eu gaˇ kawˆ-ahˇ, Ka li-euˬ Aˇ nah keuˆ le-awˇ pah mehˬ le ngeh ya mawˇ duˬ tehꞈ-a. Aˬ jeˬ miˇ neh ehˇ naˇ, Aˇ nah kʼoeˇ nah keuˆ le ngeh, yawˬ gʼaˬ na luꞈ kʼaˇ mˇ taˬ-euˬ jeˬ-ahˇ miˬ dzaˬ neh bi pah mehˬ tehꞈ-a. Muiˬ muiˬ doeˇ doeˇ miˬ dzaˬ neh bi lawˬ haw-awˇ, bi mawˇ duˬ laˇ tehꞈ-a.