Daˬyeˬlaˇ 5:23 - Akha

²³ Mˬ taˆ Sahˬpaˬ Miˬyehˇ-ahˇ nawˇ jahˇ gʼeh haw-eu laꞈ kʼoeˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu kʼmˬ maˬ deuˬ nawˇ yuˇ ahˇ laꞈ-awˇ, nawˇ hawˇ-eu nawˬ-euˬ gaˇ mˇ-eu sahˬ paˬ sahˬ ma deuˬ, nawˬ-euˬ miˬ zaˬ deuˬ hawˇ-eu ma nyiˇ deuˬ, aˬ gaꞈ dzaˇ uiˇ kʼaˇ ahˇ-awˇ dawˇ dawˇ-ehˇ, naˬ bawˇ maˬ gaˬ nya, myaˆ nuiˆ maˬ mawˇ nya-eu tiˬ jeˬ-iˬ maˬ siˬ nya-eu miˬ yehˇ deuˬ pyeuꞈ-eu, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo, heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh. Ehˇ kʼawꞈ, nawˬ-ahˇ toeˬ dehꞈ toeˬ shiˇ nya-awˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ-ahˇ tuˆ tehˬ luꞈ-eu Miˬyehˇ-ahˇ nawˇ maˬ taˬ huiˬ-a.

Daˬyeˬlaˇ 5:23 ပူးပေါင်းရင်းမြစ်များ

Aˇ dahˬ 14:19

Aˬbyaˬ-ahˇ aˬ yawꞈ heu loꞈ-ehˇ dawˬ ngehˬ gʼeh nehˬ-euˬ meh. “Mˬ hawˇ-eu miˇ-ahˇ beh-euˬ yaw sahˇ pyeuꞈ-eu Huiˬ dui mahˇ dui dui-eu Miˬyehˇ, Aˬbyaˬ-ahˇ guiˬ lahˬ biꞈ luꞈ-uˇ.

Aˇ dahˬ 2:7

Kʼoeˇ ngeh, Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, tsawˇ haˬ mawˇ kawˇ tehˆ-euˬ meh. Kʼoeˇ naˇ, naˇ mehˇ laꞈ kʼoeˇ dehꞈ-eu saꞈ laˇ baw ahˇ nehˬ ngeh, tsawˇ haˬ kʼoeˇ gʼaˬ yaw dehꞈ dehꞈ laˇ-euˬ meh.

2 Sahˬpaˬ 14:10

Aˬmaˬziˇ-oˇ, Eˬdoˬ tsawˇ haˬ-ahˇ nawˇ guiˇ deuˆ gʼaˬ-euˬ miˇ neh, maˬ gaˇ ma lehˇ noeˬ-awˇ nui ma huiˬ luꞈ-eu nga laˬ. Nawˇ teu naˆ ni tsawˇ myahˇ doˆ-eu-aˬ, nui kʼahˇ shiˇ-awˇ iˇ kahˇ-ahˇ ciˬ cuˇ ni jawˇ-awˬ. Nawˇ hawˇ-eu nawˬ-euˬ miˇ kʼahˬ zaˬ deuˬ kʼoeˇ taˆ yaw cawˆ jeˬ keuˆ le ni, aˬ jeˬ gʼeh-eu leh jeh te.”

Yawˇbaˆ 12:10

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ Miˬyehˇ-euˬ aˬ laꞈ laꞈ kʼoeˇ jaˆ-awˇ, tsawˇ haˬ aˬ yawꞈ gʼaˬ yawꞈ-euˬ saꞈ laˇ kʼawꞈ aˬ yawꞈ-euˬ baoˬ laꞈ kʼoeˇ jaˆ jiˇ-eu meh.

Yawˇbaˆ 31:4

Ngaˇ kʼaˇ mˇ-eu yawˬ jeˬ na luꞈ-ahˇ Miˬyehˇ siˬ nya-awˇ, ngaˬ-euˬ kuiˇ toꞈ yawˬ toꞈ na luꞈ-ahˇ aˬ yawꞈ mawˇ luꞈ meh.

Jaceuq 104:29

Nawˇ naˇ kʼah ciˬ pyawˇ ngeh, aˬ yawꞈ maꞈ guˆ-eu meh. Aˬ yawꞈ maꞈ saꞈ gʼawˇ kahˬ nawˇ yuˇ kʼoꞈ ngeh, aˬ yawꞈ maꞈ shiˇ tsehˆ-awˇ, miˇ tsaˬ yuˇ-awˇ aˬ yawꞈ maꞈ-ahˇ beh-euˬ loꞈ-ehˇ, miˇ tsaˬ paˇ ya pyeuꞈ-iˇ-eu meh.

Jaceuq 115:16

Mˬ-aˬ, Sahˬpaˬ Miˬyehˇ-euˬ tehꞈ-ehˇ pyeuꞈ kʼawꞈ, tsawˇ haˬ zaˬ-ahˇ miˇ tsaˬ tahˬ kʼawˇ biꞈ taˬ-euˬ meh.

Jaceuq 139:3

Ngaˇ gaˇ mˇ-eu maˬ ehˇ, gʼaˬ naˬ naˬ-euˬ maˬ ehˇ, nawˇ mawˇ luꞈ-eu meh. Ngaˇ kʼaˇ luˆ kʼaˇ laˆ-eu jeˬ dawˬ tawˆ luꞈ, nawˇ siˬ nya jiˇ-eu meh.

Jaceuq 146:4

Aˬ yawꞈ maꞈ shiˇ ngeh miˇ tsaˬ-ahˇ paˇ ya gʼoꞈ uˇ-iˇ-awˇ, aˬ yawꞈ maꞈ neh kʼaˇ noeˬ tmˬ-euˬ jeˬ, shiˇ ngeh nah byoˆ jiˇ-eu meh.

Dawqdaq 20:24

Tsawˇ haˬ zaˬ-euˬ kuiˇ toꞈ Sahˬpaˬ Miˬyehˇ laꞈ-ahˇ jaˆ-awˇ, yawˬ iˇ gaˇ ma siˬ-eu aˬ suˇ jawˇ ta.

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 14:13

Nawˬ-euˬ nui ma laꞈ kʼoeˇ ehˇ-eu, “Mˬ kʼoeˇ taˆ ngaˇ daˆ leˇ-awˇ, Miˬyehˇ-euˬ aˬ guiˇ deuˬ kʼoeˇ taˆ, ngaˬ-euˬ nuiˇ mahˬ ciˬ taˬ leˇ ma. Laꞈ taˆ pyawˬ-ahˇ jaˆ-eu miˬ yehˇ deuˬ uiˬ leˇ duˬ gawˬ jawˬ-ahˇ, ngaˇ sahˬ paˬ geuꞈ-awˇ nuiˇ leˇ ma.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Iˇsaˬyaˇ 33:10

Sahˬpaˬ Miˬyehˇ ehˇ-eu, “Nymˬ-mˇ ngaˇ tuˇ laˇ-awˇ, Ngaˇ aˇ naˆ ni baoˬ huiˬ-eu bi mawˇ ma.

Iˇsaˬyaˇ 37:19

Kʼoeˇ naˇ, miˬ yehˇ maˇ maˇ ni maˬ ngeuˇ-eu, tsawˇ haˬ zaˬ-euˬ aˬ laꞈ neh jahˇ-euˬ daˇ kawˬ hawˇ-eu kʼaˬ lo tahˬ pahˬ aˬ ma mawˇ kawˇ pyeuꞈ-eu aˬ yawꞈ maꞈ-euˬ miˬ yehˇ deuˬ-ahˇ miˬ dzaˬ keuˬ dzeh nehˬ-euˬ meh.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Iˇsaˬyaˇ 42:5

Mˬ-ahˇ Miˬyehˇ beh-awˇ sheu taw-euˬ meh. Miˇ tsaˬ hawˇ-eu miˇ kʼoeˇ taˆ kʼaˇ jawˇ-eu jeˬ, Beh kuꞈ nehˬ-awˇ pyehˬ byah-euˬ meh. Miˇ kʼoeˇ taˆ jawˇ-eu tsawˇ haˬ dehꞈ-eu saꞈ laˇ za-awˇ, saꞈ gʼawˇ nya ni aˬ yawꞈ beh taˬ-euˬ meh. Nymˬ-mˇ, Sahˬpaˬ Miˬyehˇ pyeuꞈ-eu Miˬyehˇ, aˬ yawꞈ-euˬ zaˬ kʼaˆ-ahˇ heu loꞈ-ehˇ ehˇ-eu meh.

Yeˬlaˬmiˇ 10:23

Sahˬpaˬ Miˬyehˇ-oˇ, tsawˇ haˬ zaˬ yaw dehꞈ dehꞈ-eu-aˬ, yawˬ ha gaˇ kawˆ yawˬ ha maˬ gʼaˬ leˇ-ehˇ, yawˬ ha saꞈ laˇ-ahˇ maˬ tuˆ tehˬ nya-eu ngaˇ siˬ nya ma.

Yeˬlaˬmiˇ 48:26

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ ngaˬ-ahˇ puiˬ-euˬ miˇ neh, aˬ gaꞈ dzaˇ uiˇ bi dawˇ yehꞈ-awˬ. Mawˇbaˆ-aˬ, yawˬ ha uˬ pehꞈ pehꞈ taˬ-euˬ gaˇ yawˬ ha mahˬ poˆ poˆ lehꞈ-awˇ, aˬ cawˬ bi uiˇ tehꞈ-a.

Yeˬlaˬmiˇ 50:28

Baˬbuˇloˬ miˇ kʼahˬ-ahˇ neh cehˆ doˆ laˇ-euˬ tsawˇ haˬ deuˬ Yeˬluˇsaˬlehˬ meuˬ-ahˇ cehˆ laˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ tsawˇ haˬ deuˬ yehˬ bawˬ sehˇ lu-ehˇ jahˇ yaꞈ-euˬ baˬ da neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ maꞈ-ahˇ aˬ joˆ-ehˇ paˇ jahˇ poˆ nehˬ-euˬ gaˇ kawˆ dzawˇ le-euˬ meh.

Yeˬlaˬmiˇ 50:29

“Kaˆ baꞈ-awˇ guiˇ deuˆ-eu deuˬ-ahˇ Baˬbuˇloˬ meuˬ-ahˇ deuˆ-awˬ lehˇ ehˇ nehˬ-awˬ. Kaˆ kʼaˇ beuˆ nya-eu deuˬ bi iˇ-awˬ. Tiˬ gʼaˬ-iˬ maˬ bi dzeuˇ-iˇ ni meuˬ-ahˇ loꞈ jawˬ-awˬ. Aˬ yawꞈ neh aˬ cawˬ-ahˇ kʼaˇ jahˇ nehˬ-euˬ jeˬ, aˬ yawꞈ-ahˇ paˇ jahˇ kʼoꞈ nehˬ-awˬ. Aˬ jeˬ miˇ neh ehˇ naˇ, aˬ yawꞈ nui ma huiˬ-eu laꞈ kʼoeˇ, Iˇsaˬleˬlaˆ-euˬ Muiˬ dui shawˇ dui dui-eu Gʼaˬ pyeuꞈ-eu ngaˬ-ahˇ jahˇ gʼeh haw-euˬ meh.

Yeˬsaˬgeˬlaˇ 28:17

Nawˬ-euˬ seuˆ jeuꞈ aˇ gʼehˇ muiˬ gaˇ, nawˇ nui ma huiˬ dui dui-eu meh. Nawˇ tsawˇ myahˇ doˆ-eu baˬ da neh, nui ma-ahˇ maˬ paˇ noeˬ-euˬ meh. Kʼoeˇ miˇ neh, nawˬ-ahˇ dehˬ coˬ-awˇ, miˇ kʼahˬ sahˬ paˬ deuˬ-euˬ mehˬ shi, haw niˇ gʼa duˬ bi pyeuꞈ-euˬ ma.

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Yeˬsaˬgeˬlaˇ 28:5

Gaꞈ-eu tsawˇ gahˇ byah-eu miˇ neh, jiˇ jeuˬ jeuˬ dui za dui dui-awˇ, Nawˬ-euˬ pyuˇ shuiˇ myawˬ gahˬ kʼoeˇ taˆ, nawˇ nui ma huiˬ laˇ taˬ-eu meh.

Yeˬsaˬgeˬlaˇ 31:10

“Nymˬ-mˇ poˆ jawˇ-aˬ, mˬ dmˇ-ahˇ tuˆ ni goˇ-eu aˇ bawˇ kʼoeˇ bawˇ-ahˇ aˬ jeˬ keuˆ le-eu gʼeh-eu gaˇ kawˆ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nawˬ-ahˇ ehˇ nehˬ-eu ma. Aˇ bawˇ kʼoeˇ ngehˬ-ehˇ goˇ laˇ naˇ ngehˬ-ehˇ nui ma huiˬ-eu meh.

Daˬyeˬlaˇ 11:12

Aˬ yawꞈ guiˇ deuˆ gʼaˬ-euˬ gaˇ kawˆ hawˇ-eu, aˬ yawꞈ neh yehˇ gʼawˬ mya ni deuˆ sehꞈ-euˬ gaˇ kawˆ, aˬ yawꞈ kʼahˬ sehˇ jehˆ tehꞈ-a. Ehˇ kʼawꞈ, aˬ yawꞈ aˬ myah luꞈ kʼoeˇ loꞈ-ehˇ tehꞈ-ehˇ maˬ deuˆ gʼaˬ nya ni pyeuꞈ laˇ tehꞈ-a.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Daˬyeˬlaˇ 8:11

Mˬ taˆ guiˇ maꞈ kʼoeˇ taˆ uˆ lahˇ-eu gʼaˬ-ahˇ kʼawꞈ aˬ yawꞈ yehˬ bawˬ sehˇ lu-ehˇ ehˇ niˇ gʼa-awˇ, aˬ yawꞈ nah yawꞈ aˬ yawꞈ-ahˇ lawˇ nehˬ-eu jeˬ maˬ bi lawˇ ni laˆ tsoeˬ-eu uˬ taꞈ, Uˬ duˬ tahˬ nymˇ nymˇ ma-ahˇ laˆ jawꞈ-euˬ meh.

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

Gʼaˬkʼehˇ 17:25

Aˬ dui tsawˇ haˬ zaˬ-euˬ aˬ laꞈ neh ngehˬ gʼeh bo saˆ-awˇ mˇ cu nehˬ-eu jeˬ-ahˇ aˬ yawꞈ maˬ loˬ-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ-ahˇ, dehꞈ-eu jeˬ, saꞈ gʼawˇ nya-eu jeˬ hawˇ-eu, yawˬ jeˬ na luꞈ biꞈ-eu gʼaˬ-aˬ, aˬ yawꞈ meh.

1 Gawˇliˬtu 8:4

Kʼoeˇ miˇ neh, tahˬ paˬ aˬ ma mawˇ kawˇ-ahˇ lawˇ-euˬ dzaˇ-ahˇ dzaˬ-eu gaˇ kawˆ ngaˇ heu loꞈ-ehˇ ehˇ-eu ma. Tahˬ paˬ aˬ ma mawˇ kawˇ-aˬ, aˬ diˇ aˬ maˇ maˬ jaˆ maˬ jawˇ-eu jeˬ-euˬ dah zaˇ tehˆ taˬ-euˬ mawˇ kawˇ meh lehˇ aˬ dui siˬ nya ma. Miˬyehˇ tiˬ gʼaˬ tehꞈ-ehˇ jawˇ-eu gaˇ kawˆ kʼawꞈ, aˬ dui siˬ nya ma.

1 Tiˆmoˇseˬ 3:6

Nehꞈ sahˬ pahˬ nui ma huiˬ-eu mahˇ-eu baˬ da neh Miˬyehˇ neh yaˇ kʼaˬ daˇ nehˬ-euˬ jeˬ-ahˇ ya daˬ-euˬ loꞈ-ehˇ maˬ ya pyeuꞈ ni, jah-eu jeˬ laꞈ kʼoeˇ gʼaˬ kʼaˆ loꞈ laˇ-euˬ tsawˇ haˬ ya bi pyeuꞈ meh.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Panmaeq 9:20

Kʼoeˇ smˇ jeˬ neh maˬ bi sehꞈ jiˇ-ehˇ dzeˇ-eu miˇ tsaˬ tsawˇ haˬ zaˬ deuˬ-aˬ, aˬ yawꞈ maꞈ neh mˇ dzeuˇ shaˇ dzeuˇ yaꞈ-euˬ jeˬ-ahˇ maˬ byehˇ dzeh-a. Nehꞈ deuˬ-ahˇ uˬ duˬ tahˬ-eu jeˬ-ahˇ maˬ ehˇ, shuiˇ, pyuˇ, guiˬ shuiˇ, kʼaˬ lo, daˇ kawˬ, heu deuˬ neh jahˇ taˬ-euˬ, maˬ mawˇ nya, maˬ gaˬ nya, maˬ cah nya-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu jeˬ-ahˇ maˬ ehˇ, aˬ yawꞈ maꞈ maˬ byehˇ dzeh-a.

Yaˇ kʼaˬ daˇ 16:23

Piˇliˇtiˆ sahˬ paˬ deuˬ tiˬ gaˇ uiˬ leˇ-awˇ, bawˬ-iˬ gʼeh-eu laꞈ kʼoeˇ, aˬ yawꞈ maꞈ-euˬ Daˬgoˬ miˬ yehˇ-ahˇ huiˬ dui dui-eu lawˇ-eu shehˇ-eu jeˬ mˇ nehˬ-euˬ meh. “Aˬ dui-euˬ miˬ yehˇ neh Saˬsoˬ-ahˇ aˬ dui-euˬ aˬ laꞈ laꞈ kʼoeˇ a nehˬ laꞈ-eu meh” lehˇ aˬ yawꞈ maꞈ caˇ-eu meh.

1 Saˬmeuˬlaˆ 17:26

Aˬ yawꞈ dawˬ peh jawˇ-eu deuˬ-ahˇ Daˬbiˇ naˇ haˬ-eu, “Tsawˇ haˬ heu gʼaˬ-ahˇ sehꞈ-awˇ, Iˇsaˬleˬlaˆ miˇ kʼahˬ-ahˇ noeˬ shaˬ noeˬ zahˬ-eu jeˬ laꞈ kʼoeˇ neh ka kʼoꞈ nehˬ nya-eu gʼaˬ aˬ jeˬ laꞈ sawˬ za meh ehˇ ta lehˇ. Dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ paˬ-ehˇ, Miˬyehˇ-ahˇ maˬ siˬ nya-eu teu loꞈ-ehˇ gʼeh-eu lawˇ ciꞈ ciꞈ kʼaˆ pyeuꞈ-eu Piˇliˇtiˆ tsawˇ haˬ teu gʼaˬ aˬ pa jeˬ-a.”

1 Saˬmeuˬlaˆ 17:36

Aˇ laˬ jaˬ shiˇ hawˇ-eu kʼaˬ hmˇ deuˬ-ahˇ ngaˇ sehꞈ-euˬ loꞈ-ehˇ, dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ luꞈ-eu, Miˬyehˇ-ahˇ maˬ siˬ nya-eu lawˇ ciꞈ zaˬ pyeuꞈ-eu Piˇliˇtiˆ tsawˇ haˬ kʼoeˇ gʼaˬ-ahˇ kʼawꞈ, kʼoeˇ loꞈ-ehˇ jahˇ nehˬ ma.