Daˬyeˬlaˇ 5:22 - Akha

²² “Ehˇ kʼawꞈ, aˬ yawꞈ-euˬ aˬ li pyeuꞈ-eu nawˇ-aˬ, gaˇ kawˆ heu deuˬ dawˬ tawˆ luꞈ siˬ nya kʼawꞈ, nui nahˬ nui yu maˬ ahˇ-a.

Daˬyeˬlaˇ 5:22 ပူးပေါင်းရင်းမြစ်များ

2 Laˬsaˬbaˬ 33:23

Ehˇ kʼawꞈ, aˬ yawꞈ-euˬ aˬ da loꞈ-ehˇ aˬ yawꞈ nui ma maˬ nahˬ laˇ-ehˇ, Sahˬpaˬ Miˬyehˇ jawˇ paw maˬ gʼoꞈ kʼoꞈ laˇ ni, aˬ da gʼaˬ naˆ maˬ tseˇ iˬ baˇ mˇ dui dui-euˬ meh.

2 Laˬsaˬbaˬ 36:12

Sahˬpaˬ Miˬyehˇ mehˬ shi aˬ yawꞈ iˬ baˇ mˇ-awˇ nui ma nahˬ yu ni maˬ taˬ-ehˇ, Sahˬpaˬ Miˬyehˇ gʼaˇ duˬ ngehˬ dah-eu Yeˬlaˬmiˇ-euˬ ehˇ dawˬ-ahˇ maˬ naˇ haˬ geuꞈ-a.

Jaceuq 119:46

Sahˬ paˬ sahˬ ma deuˬ-ahˇ nawˬ-euˬ zahˇ dawˬ kʼoꞈ dawˬ ngaˇ ja mehˬ-awˇ, shaꞈ dawˇ duˬ maˬ jaˆ ni dehꞈ ma.

Doˆ-iˇ 10:3

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu, ‘Aˇ myah keuˆ ni nawˇ ngaˬ-euˬ laꞈ oꞈ maˬ awꞈ-ehˇ, nui ma gʼahˇ-eu gʼeh te. Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 14:13

Nawˬ-euˬ nui ma laꞈ kʼoeˇ ehˇ-eu, “Mˬ kʼoeˇ taˆ ngaˇ daˆ leˇ-awˇ, Miˬyehˇ-euˬ aˬ guiˇ deuˬ kʼoeˇ taˆ, ngaˬ-euˬ nuiˇ mahˬ ciˬ taˬ leˇ ma. Laꞈ taˆ pyawˬ-ahˇ jaˆ-eu miˬ yehˇ deuˬ uiˬ leˇ duˬ gawˬ jawˬ-ahˇ, ngaˇ sahˬ paˬ geuꞈ-awˇ nuiˇ leˇ ma.

Iˇsaˬyaˇ 26:10

Maˬ tsaˬ maˬ dawˇ-eu deuˬ-ahˇ nawˇ gʼawˬ shaˬ gaˬ kʼawꞈ, yaw tsaˬ yaw dawˇ jeˬ-ahˇ aˬ yawꞈ maꞈ maˬ poˆ-a. Yaw tsaˬ yaw dawˇ miˇ kʼahˬ heu laꞈ kʼoeˇ kʼawꞈ, miˇ kʼahˬ zaˬ deuˬ yaw lehˬ mˇ-awˇ, nawˬ-euˬ yaw shehꞈ kʼahˬ sehˇ-ahˇ, aˬ yawꞈ maꞈ maˬ mawˇ nya-a.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Maꞈtehˬ 14:4

“Nawˇ Heˬloˇdiˇ-ahˇ maˬ sheuˬ kʼmˬ-a” lehˇ, Iˇ cuꞈ shawˇ-eu Yoˇhaˬ neh Heˬloˆ-ahˇ ehˇ nehˬ-euˬ miˇ neh, kʼoeˇ loꞈ-ehˇ jahˇ-euˬ meh.

Maꞈtehˬ 21:32

Aˬ jeˬ miˇ neh ehˇ naˇ, Yoˇhaˬ naw maꞈ jawˇ gaˇ oe-awˇ, yaw tsaˬ yaw dawˇ gaˇ ma mehˬ nehˬ le-euˬ kʼawꞈ, naw maꞈ aˬ yawꞈ-ahˇ maˬ jah-a. Ehˇ kʼawꞈ, kawˬ taꞈ-eu tsawˇ haˬ deuˬ hawˇ-eu meh maˬ laˇ deuˬ, aˬ yawꞈ-ahˇ jah-euˬ meh. Aˬ yawꞈ maꞈ kʼoeˇ loꞈ-ehˇ jah gaˇ naw maꞈ ya mawˇ kʼawꞈ, naw maꞈ nui ma maˬ paˇ-ehˇ, aˬ yawꞈ-ahˇ maˬ jah-a.

Luˇkaꞈ 12:47

“Baw leˬ-euˬ nui kʼahˇ siˬ nya siˬ nya-ehˇ, baw leˬ-euˬ nui kʼahˇ maˬ mˇ-eu zaˬ kʼaˆ-aˬ, yaw kʼaˆ-ehˇ diˬ gaˇ ya daˬ tehꞈ-a.

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Yaˬkoˆ 4:17

Kʼoeˇ miˇ neh, yawˬ ha mˇ paˬ-ehˇ gʼeh-eu jeˬ-ahˇ siˬ nya-awˇ maˬ mˇ-eu tsawˇ haˬ-aˬ, iˬ baˇ ahˇ-eu meh.

Yaˬkoˆ 4:6

Ehˇ kʼawꞈ, Miˬyehˇ neh biꞈ laꞈ-euˬ guiˬ lahˬ yaw dzahˇ-aˬ, kʼoeˇ naˆ maˬ tseˇ naꞈ dzehˬ-eu meh. “Nui ma huiˬ-eu mahˇ-eu tsawˇ haˬ-ahˇ Miˬyehˇ muiˇ-awˇ, nui nahˬ nui yu ahˇ-eu tsawˇ haˬ-ahˇ guiˬ lahˬ biꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.