Daˬyeˬlaˇ 5:20 - Akha

²⁰ Ehˇ kʼawꞈ, aˬ yawꞈ nui ma huiˬ-eu mahˇ-eu jeˬ ahˇ laˇ-awˇ nui ma gʼahˇ-eu uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-eu miˇ neh, aˬ yawꞈ-euˬ sahˬ paˬ aˇ yaˬ bi yuˇ ka-awˇ, yaw shehꞈ kʼahˬ sehˇ maˬ jaˆ ni pyeuꞈ-iˇ-euˬ meh.

Daˬyeˬlaˇ 5:20 ပူးပေါင်းရင်းမြစ်များ

2 Sahˬpaˬ 17:14

Ehˇ kʼawꞈ, aˬ yawꞈ maꞈ maˬ naˇ haˇ geuꞈ-ehˇ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ jah-eu deuˬ pyeuꞈ-eu aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ, nui ma gʼahˇ dui dui-eu meh.

2 Laˬsaˬbaˬ 32:25

Ehˇ kʼawꞈ, Heˬsaˬgiˇ-aˬ, nui ma huiˬ-eu mahˇ-eu jeˬ ahˇ-awˇ, Sahˬpaˬ Miˬyehˇ neh aˬ yawꞈ-ahˇ caw ba nehˬ-euˬ guiˬ lahˬ-ahˇ maˬ noeˬ keuˆ-a. Kʼoeˇ miˇ neh, Sahˬpaˬ Miˬyehˇ nui ma pehˇ-eu jeˬ-ahˇ Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ ya daˬ-euˬ meh.

2 Laˬsaˬbaˬ 36:13

Zeˬdaˬkiˇ-aˬ, aˬ yawꞈ-ahˇ guˆ tsiˬ nyehꞈ-awˇ Miˬyehˇ-euˬ tsawˇ myahˇ uˬ moˆ saˇ jaˇ bi dzaˬ-euˬ gʼaˬ pyeuꞈ-eu Neˬbuˬkaˬneˬzaˬ-ahˇ puiˬ-euˬ meh. Aˬ yawꞈ iˬ baˇ noeˬ poˆ-euˬ maˬ baw ni nui ma gʼahˇ dui dui-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw maˬ gʼoꞈ leˇ ni dehꞈ-euˬ meh.

Doˆ-iˇ 18:11

Sahˬpaˬ Miˬyehˇ-aˬ, miˬ yehˇ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu nymˬ-mˇ ngaˇ ya siˬ-euˬ ma. Aˬ jeˬ miˇ neh ehˇ naˇ, Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ taˬ nyiˇ-awˇ, yehˬ bawˬ sehˇ lu-ehˇ jahˇ nehˬ ngeh, aˬ yawꞈ heu loꞈ-ehˇ mˇ-euˬ meh.”

Doˆ-iˇ 9:17

Ehˇ kʼawꞈ, iˬ nah keuˆ ni nawˇ nui ma huiˬ-awˇ, ngaˬ-euˬ tsawˇ haˬ-ahˇ maˬ pyehˬ nehˬ ni jawˇ luꞈ-eu meh.

Doˆ-iˇ 9:7

Aˬ joˆ-ehˇ pyeuꞈ laˇ-euˬ gaˇ kawˆ, sahˬ paˬ kʼoeˇ gʼaˬ bi pyehˆ tseˇ haw-iˇ ngeh, Iˇsaˬleˬlaˆ tsawˇ haˬ-euˬ jeˬ zaˬ tiˬ mawˇ-iˬ maˬ shiˇ-euˬ gaˇ kawˆ, aˬ yawꞈ ya siˬ-euˬ meh. Ehˇ kʼawꞈ, aˬ yawꞈ nui ma gʼahˇ-awˇ, Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni jawˇ-euˬ meh.

Dawqdaq 16:18

Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

Dawqdaq 16:5

Jahˇ gʼeh-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, maˬ kʼehˬ maˬ kʼaˆ-ehˇ maˬ bi dzeuˇ-iˇ-a.

Iˇsaˬyaˇ 47:1

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ-oˇ, dzoeˬ dzaˬ nuiˇ mahˬ kʼoeˇ taˆ zaꞈ ka le-awˇ, miˇ tsa kʼaˬ lehˇ tsahˬ-ahˇ nuiˇ-awˬ. Yaw beh nawˇ guiˇ maˬ bi deuˆ gʼaˬ haw-ehˇ, miˬ daꞈ daꞈ shuiꞈ-ahˇ duˇ-euˬ meh. Ehˇ kʼawꞈ, nawˇ nahˬ jawˆ ni maˬ paˇ gʼeh-ehˇ, nymˬ-mˇ aˬ cawˬ zaˬ kʼaˆ pyeuꞈ shaw-euˬ meh.

Yeˬlaˬmiˇ 13:18

Sahˬpaˬ Miˬyehˇ ngaˬ-ahˇ ehˇ-eu, “Sahˬ paˬ hawˇ-eu aˬ yawꞈ-euˬ aˬ ma-ahˇ, heu loꞈ-ehˇ ehˇ nehˬ-awˬ. Naw maꞈ-euˬ nuiˇ mahˬ-ahˇ byehˇ-awˇ zaꞈ ka le-awˬ. Aˬ jeˬ miˇ neh ehˇ naˇ naw maꞈ uˬ duˬ-ahˇ kʼoˆ luꞈ-eu, kʼahˬ sehˇ huiˬ-eu shuiˇ uˬ kʼoˆ ga lehˆ le tehꞈ-a.

Yeˬlaˬmiˇ 19:15

Baoˬ huiˬ-eu Sahˬpaˬ Miˬyehˇ pyeuꞈ-eu Iˇsaˬleˬlaˆ Miˬyehˇ-euˬ dawˬ heu deuˬ, aˬ yawꞈ maꞈ-ahˇ ngaˇ ehˇ nehˬ-euˬ ma. “Meuˬ heu meuˬ hawˇ-eu dawˬ peh jaˆ-eu meuˬ dawˬ tawˆ luꞈ kʼoeˇ taˆ, ngaˬ neh kʼaˇ ehˇ taˬ-euˬ kʼehˬ-eu kʼaˆ-eu jeˬ dawˬ tawˆ luꞈ ngaˇ bi keuˆ le ma. Aˬ jeˬ miˇ neh ehˇ naˇ, naw maꞈ nui ma gʼahˇ dui dui-awˇ, ngaˬ-euˬ dawˬ-ahˇ maˬ naˇ haˬ geuꞈ-a.”

Yeˬlaˬmiˇ 48:18

Diˇboˬ meuˬ-ahˇ jawˇ-eu tsawˇ haˬ deuˬ-oˇ, kʼahˬ sehˇ jaˆ-eu jawˇ duˬ-ahˇ neh zaꞈ ka le-awˇ, miˇ tsaˬ kʼaˬ lehˇ tsahˬ-ahˇ nuiˇ pahˬ le-awˬ. Mawˇbaˆ miˇ kʼahˬ laˆ cawˆ le-eu deuˬ laˇ keuˆ-awˇ, naw maꞈ-euˬ taˆ laˆ cawˆ-euˬ meh.

Yeˬsaˬgeˬlaˇ 30:6

Dawˬ tawˆ koeˇ taˆ uˆ lahˇ luꞈ-eu Sahˬpaˬ Miˬyehˇ ehˇ-eu dawˬ-aˬ, “Iˇjiˇtuˆ-ahˇ caw ba-euˬ deuˬ, dawˬ tawˆ luꞈ coˬ-iˇ jiˇ tehꞈ-a. Nui ma huiˬ-eu Iˇjiˇtuˆ yehˇ deuˬ, laꞈ taˆ Miˇgaˬdawˇlaˆ-ahˇ neh, laꞈ oˆ Aˬsaˬgʼawˬ-ahˇ keuˆ ni, mi cehˇ laꞈ-ahˇ ya shiˇ meh lehˇ, Dawˬ tawˆ kʼoeˇ taˆ Sahˬpaˬ Miˬyehˇ ngehˬ gʼaˬ tmˇ gʼaˬ jiˇ taˬ-euˬ meh.

Yeˬsaˬgeˬlaˇ 31:10

“Nymˬ-mˇ poˆ jawˇ-aˬ, mˬ dmˇ-ahˇ tuˆ ni goˇ-eu aˇ bawˇ kʼoeˇ bawˇ-ahˇ aˬ jeˬ keuˆ le-eu gʼeh-eu gaˇ kawˆ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nawˬ-ahˇ ehˇ nehˬ-eu ma. Aˇ bawˇ kʼoeˇ ngehˬ-ehˇ goˇ laˇ naˇ ngehˬ-ehˇ nui ma huiˬ-eu meh.

Daˬyeˬlaˇ 11:36

“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.

Daˬyeˬlaˇ 4:26

Sahˬ nyiꞈ hawˇ-eu duˬ ciˇ deuˬ-ahˇ miˇ tsa bi pahˬ yaꞈ-awˬ lehˇ, mˬ taˆ gʼaˬ kʼehˇ deuˬ dawˬ biꞈ-euˬ dawˬ tsuiꞈ-aˬ, miˇ tsaˬ dawˬ tawˆ kʼoeˇ taˆ Miˬyehˇ uˆ lahˇ luꞈ-eu gaˇ kawˆ nawˇ siˬ duˬ ngeh, nawˇ sahˬ paˬ paˇ ya geuꞈ kʼoꞈ tehꞈ-a lehˇ ehˇ mawꞈ-eu meh.

Daˬyeˬlaˇ 4:28

Kʼaˇ ehˇ taˬ-euˬ jeˬ dawˬ tawˆ luꞈ, sahˬ paˬ Neˬbuˬkaˬneˬzaˬ kʼoeˇ taˆ keuˆ le-euˬ meh.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Daˬyeˬlaˇ 8:8

Ciꞈ myehꞈ kʼoeˇ mawˇ tiˬ jawˇ saˇ-i tiˬ jawˇ nui ma huiˬ dui mahˇ dui dui laˇ-euˬ meh. Ehˇ kʼawꞈ, aˬ yawꞈ kʼaˇ kʼaˆ maˬ kʼaˆ kʼaˆ ngeh, aˬ yawꞈ-euˬ uˬ coeˇ kʼoeˇ kahˬ lehˆ iˇ-awˇ, ngaw law ni mawˇ laˇ-eu uˬ coeˇ oeˬ kahˬ paˇ doˆ laˇ-euˬ meh. Uˬ coeˇ kʼoeˇ oeˬ kahˬ-aˬ, tiˬ kahˬ tiˬ paw pyawˇ-eu meh.

Luˇkaꞈ 18:14

Ngaˇ naw maꞈ-ahˇ ehˇ nehˬ nyaˇ. Kawˬ taꞈ-eu tsawˇ haˬ kʼoeˇ gʼaˬ gʼoꞈ ka-iˇ ngeh, Paˬliˬsehˇ kʼoeˇ gʼaˬ naˆ maˬ tseˇ Miˬyehˇ mehˬ shi guiˬ lahˬ za dzehˬ-awˇ, tsaˬ dzehˬ dawˇ dzehˬ-eu tsawˇ haˬ pyeuꞈ laˇ-euˬ meh. Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ-aˬ, aˬ cawˬ taˬ huiˬ nehˬ-eu jeˬ-ahˇ za tehꞈ-a.”

HeˬByehˇ 3:13

Naw maꞈ tiˬ gʼaˬ-iˬ iˬ baˇ neh mehˇ shuiˇ maˬ bi shuiˇ gʼaˬ-ehˇ, nui ma maˬ ya gʼahˇ laˇ ni, “Iˬnah” lehˇ JaˇLiꞈ laꞈ kʼoeˇ ehˇ taˬ-euˬ dawˬ kʼoeˇ dawˬ aˬ dui-ahˇ kʼaˇ toeˬ ceh luꞈ kʼoeˇ keuˆ ni, yawˬ nah na luꞈ tiˬ gʼaˬ tiˇ gʼaˬ ngehˬ gʼeh-awˬ.

1 Saˬmeuˬlaˆ 6:6

Aˬ jeˬ miˇ neh Iˇjiˇtuˆ tsawˇ haˬ deuˬ loꞈ-ehˇ naw maꞈ-euˬ nui ma gʼahˇ te. Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh maˬ bi doˆ-iˇ kʼoeˇ keuˆ ni, Iˇjiˇtuˆ tsawˇ haˬ deuˬ-ahˇ Miˬyehˇ neh yaw kʼaˆ-ehˇ kʼehˬ nehˬ-euˬ gaˇ naw maꞈ taˬ ngehˇ.