Daˬyeˬlaˇ 5:14 - Akha

¹⁴ Muiˬ-eu shawˇ-eu Miˬyehˇ-euˬ yaw sahˇ nawˬ-euˬ laꞈ kʼoeˇ jawˇ-awˇ, nawˇ bym dui nya dui dui-eu gaˇ kawˆ hawˇ-eu, zaˬ siˬ tsawˇ gahˇ byah dui dui-eu gaˇ kawˆ ngaˇ ya gaˬ-euˬ ma.

Daˬyeˬlaˇ 5:14 ပူးပေါင်းရင်းမြစ်များ

Aˇ dahˬ 41:15

Sahˬ paˬ ehˇ-eu, “Ngaˇ yuꞈ maˆ maˆ mawˇ-euˬ ma. Ehˇ kʼawꞈ, tsawˇ haˬ tiˬ gʼaˬ-iˬ dawˬ tsuiꞈ maˬ yuˇ doˆ nehˬ laꞈ nya-a. Nawˇ yuꞈ maˆ dawˬ tsuiꞈ yuˇ doˆ nya meh lehˇ aˬ cawˬ ngaˬ-ahˇ ehˇ nehˬ laꞈ-euˬ meh.”

Aˇ dahˬ 41:38

“Miˬyehˇ-euˬ Yaw sahˇ jawˇ-eu Yoˇsehˆ loꞈ-ehˇ gʼeh-eu tsawˇ haˬ-ahˇ aˬ dui maˬ paˇ poˆ mawˇ nya-aˇ” lehˇ, sahˬ paˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

Daˬyeˬlaˇ 2:22

Naꞈ-eu dawˬ tsuiꞈ yawꞈ pah mehˬ-awˇ, yaw zahˇ zaꞈ taˬ-euˬ mawˇ nya-awˇ, yawꞈ jawˇ tiˬ jawˬ yaw shehꞈ bya meh.

Daˬyeˬlaˇ 4:8

Kʼoeˇ naˇ, Daˬyeˬlaˇ laˇ keuˆ-euˬ meh. (Aˬ yawꞈ-ahˇ ngaˬ-euˬ miˬ yehˇ-euˬ tsawˇ myahˇ pyeuꞈ-eu Beˬteˬshaˬzaˬ lehˇ kʼawꞈ kuˇ-eu meh.) Muiˬ-eu shawˇ-eu miˬ yehˇ-euˬ yaw sahˇ aˬ yawꞈ-euˬ laꞈ kʼoeˇ jawˇ-eu meh. Kʼoeˇ ngeh, ngaˬ neh yuꞈ maˆ maˆ-euˬ gaˇ kawˆ aˬ yawꞈ-ahˇ dzawˇ nehˬ-euˬ ma. Aˬ yawꞈ-ahˇ ngaˇ heu loꞈ-ehˇ ehˇ nehˬ-euˬ ma.

Daˬyeˬlaˇ 5:13

Daˬyeˬlaˇ-ahˇ sahˬ paˬ jawˇ gaˇ sheuˬ keuˆ laꞈ-awˇ, sahˬ paˬ neh heu loꞈ-ehˇ ehˇ nehˬ-euˬ meh. “Ngaˬ da neh Yuˇdaˆ miˇ kʼahˬ-ahˇ nyehꞈ-awˇ sheuˬ kʼoꞈ laꞈ-euˬ Daˬyeˬlaˇ lehˇ kuˇ-eu kʼoeˇ gʼaˬ nawˇ ma loˇ.

Daˬyeˬlaˇ 5:15

Ngaˬ-ahˇ nui noeˬ nui duˇ biꞈ-eu deuˬ hawˇ-eu, mah loˬ ja maw nya-eu deuˬ bi sheuˬ laꞈ-awˇ, heu gaˇ boꞈ taˬ-euˬ gaˇ kawˆ heu bi gui haw-awˇ ngaˬ-ahˇ dawˬ tsuiꞈ bi yuˇ doˆ mehˬ-euˬ kʼawꞈ, tiˬ gʼaˬ-iˬ dawˬ tsuiꞈ maˬ poˆ doˆ nya-a.

Daˬyeˬlaˇ 6:3

Kʼoeˇ smˇ gʼaˬ laꞈ kʼoeˇ, Daˬyeˬlaˇ gʼaˬ aˬ cawˬ naˆ maˬ tseˇ gaˇ mˇ nya dzehˬ-eu meh. Aˬ yawꞈ bym dui nya dui dui-eu miˇ neh, miˇ kʼahˬ kʼahˬ lah ni kʼoeˇ taˆ bi haw bi pyaˆ-eu gʼaˇ duˬ sahˬ paˬ shaˇ noeˬ-euˬ meh.