Daˬyeˬlaˇ 4:31 - Akha

³¹ Dawˬ kʼoeˇ dawˬ aˬ yawꞈ maˬ ngehˬ jiˇ miˇ naˆ-ehˇ, mˬ kʼoeˇ taˆ heu loꞈ-ehˇ ehˇ doˆ leꞈ-euˬ meh. “Sahˬ paˬ Neˬbuˬkaˬneˬzaˬ-oˇ, ngaˇ ehˇ gaˇ naˇ haˬ-awˬ. Nawˬ-euˬ dzoeˬ dzaˬ nawˬ nehˬ-ehˇ maˬ paˇ jawˇ meh.

Daˬyeˬlaˇ 4:31 ပူးပေါင်းရင်းမြစ်များ

Aˇ dahˬ 14:18

Kʼoeˇ ngeh, Huiˬ dui mahˇ dui dui-eu Miˬyehˇ-euˬ piˇ ma pyeuꞈ-eu Saˬleˬ sahˬ paˬ Maˬlaˬkiˇsaˬdehˇ-aˬ, kaˬ muˇ hawˇ-eu aˬ gaꞈ dzaˇ uiˇ yuˇ-awˇ, Aˬbyaˬ jawˇ gaˇ laˇ-euˬ meh.

Yawˇbaˆ 20:23

Aˬ yawꞈ kʼaˇ dzaˬ mawꞈ-eu jeˬ bi dzaˬ yawˬ. Miˬyehˇ nui ma pehˇ-eu laꞈ kʼoeˇ aˬ yawꞈ-ahˇ kʼehˬ tehꞈ-a.

Jaceuq 145:13

Nawˇ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, nawˬ-euˬ dzoeˬ dzaˬ maˬ cawˆ-iˇ nya-a. Sahˬpaˬ Miˬyehˇ-aˬ, aˬ yawꞈ neh dzaˬ taˬ-euˬ dawˬ ma saˇ jaˇ deuˬ-ahˇ ziꞈ-awˇ, aˬ yawꞈ neh kʼaˇ mˇ kʼaˇ shaˇ-euˬ jeˬ muiˬ dui dui-eu meh.

Dawqdaq 29:23

Nui ma huiˬ-eu mahˇ-eu jeˬ nawˬ-ahˇ laˆ shaˬ-awˇ, nui nahˬ nui yu ahˇ naˇ, aˬ cawˬ nawˬ-ahˇ yaw zeu baw tehꞈ-a.

Iˇsaˬyaˇ 14:27

Baoˬ huiˬ-eu Sahˬpaˬ Miˬyehˇ neh lehˬ hmˬ taˬ-euˬ jeˬ-ahˇ, kawˆ pyaˆ nya-eu aˬ suˇ gʼaˬ jawˇ ta. Cawˬ ja taˬ-eu aˬ yawꞈ-eu aˬ laꞈ-ahˇ, dehˬ kʼoꞈ nya-eu aˬ suˇ gʼaˬ jawˇ ta.

Daˬyeˬlaˇ 12:7

Mˬ taˆ gʼaˬ kʼehˇ kʼoeˇ gʼaˬ aˬ laꞈ nyiˬ laꞈ luꞈ mˬ paw baꞈ diˇ-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ-euˬ tsawˇ myahˇ uˬ moˆ heu loꞈ-ehˇ saˇ jaˇ dawˬ ngehˬ-euˬ meh. “Miˬyehˇ-euˬ tsawˇ haˬ deuˬ-ahˇ kʼehˬ neh kʼaˆ nehˬ-eu aˇ saˬ saˬ-awˇ, pyeuꞈ luꞈ-eu gaˇ kawˆ heu deuˬ dzeuˇ jiˇ-eu gʼaˇ duˬ, aˇ yamˬ smˇ kʼoꞈ uˬ taꞈ tiˬ paˆ jaˆ-a siˬ.”

Daˬyeˬlaˇ 4:24

“Sahˬ paˬ-oˇ, yuꞈ maˆ dawˬ tsuiꞈ heu loꞈ-ehˇ meh. Heu-aˬ, nawˬ-euˬ kʼoeˇ taˆ bi keuˆ le-eu gʼaˇ duˬ, dawˬ tawˆ kʼoeˇ taˆ huiˬ-eu Miˬyehˇ neh ehˇ tsehˆ taˬ-euˬ jeˬ pyeuꞈ-eu meh.

Daˬyeˬlaˇ 4:26

Sahˬ nyiꞈ hawˇ-eu duˬ ciˇ deuˬ-ahˇ miˇ tsa bi pahˬ yaꞈ-awˬ lehˇ, mˬ taˆ gʼaˬ kʼehˇ deuˬ dawˬ biꞈ-euˬ dawˬ tsuiꞈ-aˬ, miˇ tsaˬ dawˬ tawˆ kʼoeˇ taˆ Miˬyehˇ uˆ lahˇ luꞈ-eu gaˇ kawˆ nawˇ siˬ duˬ ngeh, nawˇ sahˬ paˬ paˇ ya geuꞈ kʼoꞈ tehꞈ-a lehˇ ehˇ mawꞈ-eu meh.

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Daˬyeˬlaˇ 4:32

Tsawˇ haˬ baꞈ tsahˬ laꞈ kʼoeˇ nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ ya jawˇ-iˇ-awˇ, shiꞈ kʼoꞈ keuˆ ni mawˇ neˇ loꞈ-ehˇ yaˇ moꞈ ya dzaˬ tehꞈ-a. Kʼoeˇ ngeh jawˇ, dawˬ tawˆ kʼoeˇ taˆ huiˬ-eu Miˬyehˇ tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.”

Daˬyeˬlaˇ 4:34

Sahˬ paˬ Neˬbuˬkaˬneˬzaˬ ehˇ-eu, “Shiꞈ kʼoꞈ dzeuˇ-iˇ ngeh jawˇ, mˬ-ahˇ ngaˇ gʼawˇ leuˇ haw ngeh, nui ma-ahˇ noeˬ laˇ-euˬ miˇ-a. Dawˬ tawˆ kʼoeˇ taˆ huiˬ-eu Miˬyehˇ-ahˇ ngaˇ ja ceuˬ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ-ahˇ ciˬ poeˬ-awˇ taˬ huiˬ taˬ mahˇ nehˬ-euˬ ma. “Aˬ yawꞈ dzoeˬ dzaˬ zaˇ ziˇ gmˬ-awˇ, aˬ yawꞈ miˇ kʼahˬ zaˇ ziˇ ziꞈ meh.

Daˬyeˬlaˇ 5:20

Ehˇ kʼawꞈ, aˬ yawꞈ nui ma huiˬ-eu mahˇ-eu jeˬ ahˇ laˇ-awˇ nui ma gʼahˇ-eu uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-eu miˇ neh, aˬ yawꞈ-euˬ sahˬ paˬ aˇ yaˬ bi yuˇ ka-awˇ, yaw shehꞈ kʼahˬ sehˇ maˬ jaˆ ni pyeuꞈ-iˇ-euˬ meh.

Daˬyeˬlaˇ 5:28

PEˬLEˬ lehˇ ehˇ-eu-aˬ, biˇ paˆ gaˇ ehˇ-eu meh. Dawˬ tsuiꞈ-aˬ, nawˬ-euˬ miˇ kʼahˬ deuˆ paˆ biˇ paˆ-awˇ, Meˬdiˇ tsawˇ jeuˬ hawˇ-eu Paˇshaˇ tsawˇ jeuˬ-ahˇ biꞈ nehˬ gaˇ ehˇ mawꞈ-eu meh.”

Daˬyeˬlaˇ 6:27

Aˬ yawꞈ ka kʼoꞈ-eu gʼaˬ pyeuꞈ-awˇ, ngehˬ gʼeh dah teˬ nehˬ-eu gʼaˬ meh. Mˬ hawˇ-eu miˇ tsaˬ heu kʼoeˇ taˆ, zahˬ leˇ-eu jeˬ mˇ-eu gʼaˬ meh. Aˇ laˬ jaˬ shiˇ maˬ bi kawꞈ ni, Daˬyeˬlaˇ-ahˇ ka kʼoꞈ-euˬ meh.”

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Yoˇhaˬ 12:28

Aˬ da-oˇ, nawˬ-euˬ yaw shehꞈ kʼahˬ sehˇ bi mawˇ-awˬ.” Kʼoeˇ ngeh, mˬ kʼoeˇ taˆ dawˬ ngehˬ-awˇ ehˇ gʼeh leꞈ-eu, “Ngaˬ-euˬ yaw shehꞈ kʼahˬ sehˇ bi mawˇ gʼaˬ-euˬ ma. Ehˇ kʼawꞈ, tiˬ poˆ paˇ bi mawˇ te siˬ.”

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Panmaeq 16:7

Kʼoeˇ naˇ, lawˇ duˬ jaˆ gaˇ neh heu loꞈ-ehˇ ehˇ doˆ laꞈ gaˇ ngaˇ ya gaˬ-euˬ ma. “Baoˬhuiˬ-eu Sahˬpaˬ Miˬyehˇ-oˇ, nawˬ neh yaˇ kʼaˬ daˇ-euˬ heu-aˬ, tsaˬ dui dawˇdui dui meh.”

1 Saˬmeuˬlaˆ 13:14

Nymˬ-mˇ poˆ jawˇ-aˬ, Iˇsaˬleˬlaˆ miˇ kʼahˬ-ahˇ nawˇ aˬ myah luꞈ maˬ paˇ ya uˆ lahˇ meh. Aˬ yawꞈ nui ma tsaˬ-eu tsawˇ haˬ tiˬ gʼaˬ-ahˇ Sahˬpaˬ Miˬyehˇ tseˇ doˆ-awˇ, aˬ yawꞈ-euˬ tsawˇ jeuˬ-ahˇ uˆ lahˇ-eu gʼaˬ bi geuꞈ tehꞈ-a.”

1 Saˬmeuˬlaˆ 15:23

Aˬ yawꞈ-ahˇ puiˬ-eu jeˬ-aˬ, jaˬ nehꞈ pyehˬ-eu naˆ ni doeˇ-awˇ, nui ma gʼahˇ-eu jeˬ-aˬ, miˬ yehˇ nui gʼaˬ-ahˇ uˬ duˬ tahˬ-eu naˆ ni iˬ baˇ huiˬ-eu meh. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ sahˬ paˬ lehˇ maˬ paˇ sawˇ nehˬ ni, aˬ yawꞈ gʼeh nawˬ-ahˇ byehˇ dzeh-euˬ meh.”