Daˬyeˬlaˇ 4:27 - Akha

²⁷ Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Daˬyeˬlaˇ 4:27 ပူးပေါင်းရင်းမြစ်များ

Aˇ dahˬ 11:4

“Aˬ dui maꞈ maˬ ya gʼawˬ maˬ ya gʼehˇ-iˇ-eu gʼaˇ duˬ maˬ ehˇ, tsawˇ myahˇ doˆ-awˇ kʼahˬ sehˇ jaˆ-eu tsawˇ haˬ deuˬ pyeuꞈ laˇ-eu gʼaˇ duˬ maˬ ehˇ, meuˬ tiˬ meuˬ teˬ-awˇ, mˬ-ahˇ tuˆ-eu nymˇ nymˇ ma tiˬ nymˇ gawˬ kaˇ-euˇ” lehˇ, aˬ yawꞈ maꞈ ehˇ-eu meh.

1 Sahˬpaˬ 21:29

“Ngaˬ-euˬ mehˬ shi Aˬhaˆ nui ma nahˬ yu ni taˬ-awˇ jawˇ luꞈ-eu nawˇ ya mawˇ gʼaˬ maˬ loˇ. Aˬ yawꞈ kʼoeˇ loꞈ-ehˇ jawˇ-eu miˇ neh, aˬ yawꞈ yaw dehꞈ dehꞈ luꞈ-eu aˇ yamˬ laꞈ kʼoeˇ, guˆ-eu gaˆ-eu jeˬ ngaˇ maˬ paˇ bi keuˆ le ma. Aˬ yawꞈ-euˬ aˬ li-euˬ ziˇ-ahˇ, Aˬhaˆ-euˬ nymˇ jiˇ kʼoeˇ taˆ guˆ-eu gaˆ-eu jeˬ ngaˇ bi keuˆ le ma.”

Jaceuq 119:46

Sahˬ paˬ sahˬ ma deuˬ-ahˇ nawˬ-euˬ zahˇ dawˬ kʼoꞈ dawˬ ngaˇ ja mehˬ-awˇ, shaꞈ dawˇ duˬ maˬ jaˆ ni dehꞈ ma.

Dawqdaq 11:2

Nui ma huiˬ-eu mahˇ-eu mehˬ nah, nui ma cawˆ-eu jeˬ caw-awˇ, nui ma nahˬ yu ni gʼeh-eu mehˬ nah, zaˬ siˬ tsawˇ gahˇ caw-eu meh.

Dawqdaq 16:6

Saˇ jaˇ ziꞈ-eu jeˬ baˬ da neh iˬ baˇ pyehˬ nehˬ-eu guiˬ lahˬ za-awˇ, Sahˬpaˬ Miˬyehˇ-ahˇ guˆ-eu jeˬ baˬ da neh, iˬ baˇ-ahˇ gaˇ jaw jaw nya-eu meh.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Iˇsaˬyaˇ 10:13

Aˬshuˇliˆ sahˬ paˬ kʼahˬ sehˇ jehˆ-awˇ ehˇ-eu, “Ngaˬ-euˬ gʼaˬ-ahˇ gʼoe-eu laꞈ kʼoeˇ, ngaˇ kʼoeˇ loꞈ-ehˇ mˇ doˆ-euˬ ma. Ngaˇ zaˬ siˬ tsawˇ gahˇ byah-eu miˇ neh, kʼoeˇ loꞈ-ehˇ mˇ pyeuꞈ-euˬ ma. Aˬ cawˬ-euˬ miˇ kaˬ-ahˇ ngaˇ tahˬ paˆ-awˇ, pyuˇ shuiˇ myawˬ gahˬ yuˇ geuꞈ-euˬ ma. Gʼaˬ kʼaˆ-eu mawˇ neˇ mawˇ gaw loꞈ-ehˇ, dzoeˬ dzaˬ-eu sahˬ paˬ deuˬ-ahˇ ngaˇ tahˬ coˬ-euˬ ma.

Iˇsaˬyaˇ 47:10

“Yaw haiˬ jeˬ-ahˇ nawˇ kʼaˬ duˬ ni mˇ-awˇ, nawˬ neh mˇ-euˬ aˬ cawˬ maˬ mawˇ nya-a lehˇ nawˇ noeˬ meh. Nawˬ-euˬ zaˬ siˬ tsawˇ gahˇ nawˬ-ahˇ gaˇ ma sheuˬ bahˬ nehˬ-awˇ, Ngaˇ miˬ yehˇ ma. Ngaˬ-ahˇ duˇ-eu tsawˇ haˬ maˬ jawˇ, lehˇ nawˇ ehˇ meh.

Iˇsaˬyaˇ 47:8

“Byawˬ-eu mo-eu jeˬ-ahˇ gaˬ-eu gʼaˬ-oˇ, ngaˇ ehˇ gaˇ naˇ haˬ sheˇ. Guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za lehˇ nawˇ noeˬ luꞈ meh. Miˬyehˇ naˆ ni huiˬ ma lehˇ nawˇ ehˇ-awˇ, nawˬ-ahˇ duˇ-eu gʼaˬ maˬ jawˇ-a lehˇ ehˇ luꞈ meh. Tiˬ jawˇ-iˬ miˬ coeˬ maˬ ya coeˬ-iˇ-ehˇ, zaˬ bi shiˇ-eu maˬ baw lehˇ nawˇ noeˬ meh.

Yeˬlaˬmiˇ 29:7

Ngaˬ neh naw maꞈ-ahˇ bi nyehꞈ gʼeh-awˇ, naw maꞈ-ahˇ bi jawˇ-euˬ meuˬ kʼoeˇ deuˬ muiˬ laˇ jaˬ laˇ ni leh jeh-awˬ. Aˬ yawꞈ maꞈ gʼaˇ duˬ ngaˬ-ahˇ guiˬ lahˬ shaˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ baw le za le naˇ, naw maꞈ kʼawꞈ baw le za le tehꞈ-a.

Yeˬlaˬmiˇ 38:20

Ngaˇ heu loꞈ-ehˇ ehˇ nehˬ-euˬ ma. “Nawˬ-ahˇ tsawˇ haˬ kʼoeˇ deuˬ-euˬ laꞈ-ahˇ maˬ bi ahˇ leˇ-aˇ. Sahˬpaˬ Miˬyehˇ neh ehˇ taˬ-euˬ dawˬ-ahˇ naˇ haˬ geuꞈ-awˬ lehˇ, nawˬ-ahˇ ngaˇ shaˇ-eu ma. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ muiˬ dui dui-awˇ, shiˇ gaˇ maˬ keuˆ-aˇ.

Yeˬsaˬgeˬlaˇ 18:7

Tsawˇ haˬ tiˬ gʼaˬ-ahˇ-iˬ aˬ yawꞈ maˬ myawꞈ maˬ shuiˇ dzaˬ-ehˇ, tahˇ joe kʼawꞈ maˬ joe dzaˬ-a. Aˬ cawˬ neh aˬ yawꞈ-ahˇ kʼaˇ biꞈ daˇ taˬ-euˬ jeˬ aˬ yawꞈ biꞈ kʼoꞈ nehˬ-eu meh. Mehꞈ-eu shuꞈ-eu deuˬ-ahˇ aˬ yawꞈ bi dzaˬ bi dawˇ-awˇ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Yeˬsaˬgeˬlaˇ 29:3

Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Yeˬsaˬgeˬlaˇ 29:9

Iˇjiˇtuˆ miˇ kʼahˬ byoˆ-iˇ laˆ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu miˇ neh,

Yawˇlaˆ 2:14

Naw maꞈ Miˬyehˇ Sahˬpaˬ Miˬyehˇ nui ma noeˬ paˇ leˇ-eu baw-awˇ, naw maꞈ-ahˇ guiˬ lahˬ biꞈ nehˬ-awˇ, dzaˬ la gʼo cehˇ bi za le naˇ, aˬ gaꞈ dzaˇ uiˇ hawˇ-eu cehˇ deuˬ, aˬ yawꞈ-ahˇ naw maꞈ damˬ nya meh.

Aˬmoˆ 6:13

Loˇdeˬbaˬ‘Loˇdeˬbaˬ’ lehˇ ehˇ-eu dawˬ tsuiꞈ-aˬ, ‘Jaˬ myawꞈ’ lehˇ ehˇ mawꞈ-eu meh.* meuˬ-ahˇ deuˆ gʼaˬ ma lehˇ naw maꞈ kʼahˬ sehˇ jehˆ-eu meh. Kaˬneˬ‘Kaˬneˬ’ lehˇ ehˇ-eu-aˬ, ‘uˬ coeˇ’-ahˇ ehˇ-eu meh. Dawˬ tsuiꞈ-aˬ, ‘gʼaˬ kʼaˆ-eu’ lehˇ ehˇ mawꞈ-euˬ meh.* meuˬ-ahˇ deuˆ gʼaˬ nya ni nga maꞈ gʼaˬ kʼaˆ luꞈ ma lehˇ naw maꞈ lmˬ-eu meh.

Yawˇnaˆ 3:9

Miˬyehˇ nui ma paˇ laˇ-awˇ, nui ma pehˇ-eu taˬ leˇ-eu laꞈ kʼoeˇ, aˬ dui shiˇ gaˇ maˬ ya keuˆ-eu baw tehꞈ-a.”

Haˬbaˬkuˆ 1:11

Kʼoeˇ naˇ, jaˬ lehˇ baw-eu loꞈ-ehˇ, mehˬ hu paw iˇ byoˆ gʼeh-eu meh. Aˬ yawꞈ maꞈ gʼoe-eu miˬyehˇ-aˬ, aˬ yawꞈ maꞈ-euˬ baoˬ kʼoeˇ tehꞈ meh.”

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Maꞈtehˬ 3:8

Naw maꞈ iˬ baˇ noeˬ poˆ-euˬ gaˇ kawˆ bya cehˆ ni siˬ duˬ mawˇ duˬ laˇ paˬ-ehˇ dehꞈ-awˬ.

Luˇkaꞈ 11:41

Ehˇ kʼawꞈ, naw maꞈ-euˬ kʼmˬ maˬ laꞈ kʼoeˇ ahˇ-eu jeˬ shaˬ-eu zahˬ-eu tsawˇ haˬ deuˬ-ahˇ gamꞈ nehˬ-awˬ. Kʼoeˇ loꞈ-ehˇ jahˇ naˇ, naw maꞈ muiˬ laˇ shawˇ laˇ tehꞈ-a.

Gʼaˬkʼehˇ 24:25

Ehˇ kʼawꞈ, yaw tsaˬ yaw dawˇ jeˬ gaˇ kawˆ, yawˬ ha-euˬ nui ma-ahˇ nyehꞈ tehˬ gʼaˬ-eu gaˇ kawˆ, Yaˇ kʼaˬ daˇ-eu Aˇ nah keuˆ le luꞈ-eu gaˇ kawˆ heu deuˬ-ahˇ Pawˆluˆ ja keuˆ ngeh, Peˬliˇ noeˬ guˆ laˇ-awˇ ehˇ-eu, “Nawˇ gʼoꞈ-iˇ-awˬ. Aˬ kaˇ dah ngeh nawˬ-ahˇ ngaˇ paˇ bi kuˇ le ma.”

Gʼaˬkʼehˇ 26:20

Daˬmaˬsehˇ meuˬ-ahˇ neh aˇ dahˬ beh-awˇ, Yeˬluˇsaˬlehˬ meuˬ-ahˇ maˬ ehˇ, Iˇsaˬleˬlaˆmiˇ kʼahˬ kʼahˬ lah ni-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-eu uˬ taꞈ, aˬ yawꞈ maꞈ iˬ baˇ noeˬ poˆ-euˬ ngaˇ lehˇ siˬ duˬ laˇ ni mˇ-awˬ shaˇ-awˬ lehˇ ngaˇ dawˬ mehˬ mehˬ-euˬ ma.

Gʼaˬkʼehˇ 8:22

Haiˬ dui dui-eu nawˬ-euˬ nui noeˬ teu hmˬ noeˬ paˇ-awˬ. Kʼoeˇ loꞈ-ehˇ noeˬ-eu jeˬ-ahˇ iˬ baˇ pyehˬ nehˬ laꞈ ni, SahˬpaˬMiˬyehˇ-ahˇ guiˬ lahˬ shaˇ-awˬ.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

Gaˬlaˬtiˆ 5:13

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-aˬ, bi buˬ-iˇ-eu gʼaˇ duˬ kuˇ doˆ gʼaˬ-euˬ tsawˇ haˬ meh. Ehˇ kʼawꞈ, buˬ-iˇ-euˬ kʼoeˇ-aˬ, naw maꞈ-euˬ shiˬ shaˬ jiˇ nui loˆ mˇ-eu gʼaˇ duˬ taˬ bi pyeuꞈ. Gʼoeˇ-eu gaˬ-eu laꞈ kʼoeˇ tiˬ gʼaˬ tiˇ gʼaˬ ngehˬ gʼeh-awˬ.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Eˇpeˇsu 4:28

Smˇ kʼoeˬ kʼoeˬ-eu tsawˇ haˬ maˬ kʼoeˬ ni byehˇ-awˇ, yawˬ ha dehꞈ nya jawˇ nya-eu uˬ taꞈ shaˬ zaˬ zahˬ zaˬ deuˬ-ahˇ caw ba nya ni, yaw sui yaw dawˇ laꞈ kʼoeˇ pyuˇ poˆ-eu gʼaˇ duˬ gaˇ mˇ-awˬ.

Dawˬmehˬ 24:13

Aˬ yawꞈ dm-awˇ yuꞈ-eu gʼaˇ duˬ, uˬ ciꞈ aˬ yawꞈ miˇ yawꞈ biꞈ kʼoꞈ nehˬ-awˬ. Kʼoeˇ loꞈ-ehˇ jahˇ naˇ, tsawˇ haˬ kʼoeˇ gʼaˬ nawˬ-ahˇ guiˬ lahˬ huiˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ kʼawꞈ, nawˬ-ahˇ nui ma tsaˬ tehꞈ-a.

Dawˬmehˬ 32:27

Ngaˬ-euˬ mawˇ do oe gʼeh leꞈ-awˇ, aˬ yawꞈ maꞈ-ahˇ lehˬ loeˇ-euˬ kʼoeˇ, aˬ yawꞈ maꞈ-ahˇ muiˇ-eu kʼoeˇ deuˬ aˬ yawꞈ maꞈ neh jahˇ-euˬ te lehˇ, kʼahˬ sehˇ maˬ bi jehˆ gaˇ keuˆ ma.’

Dawˬmehˬ 8:17

Kʼoeˇ miˇ neh, naw maꞈ yawˬ ha-euˬ gʼaˬ hawˇ-eu yawˬ ha-euˬ baoˬ-ahˇ gʼoe-awˇ, yawˬ haˇ yawˬ ha smˇ muiˬ muiˬ laˇ-euˬ ma lehˇ tiˬ jawˇ-iˬ taˬ noeˬ.

1 Beˬtuˆluˆ 4:8

Dawˬ tawˆ luꞈ kʼoeˇ taˆ huiˬ dzehˬ-eu jeˬ-aˬ, naw maꞈ tiˬ gʼaˬ tiˇ gʼaˬ ziꞈ dah ni gaˬ-eu jeˬ pyeuꞈ-eu meh. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, myaˬ dui dui-eu iˬ baˇ-ahˇ dehˬ kaˬ zaꞈ nya-eu meh.