Daˬyeˬlaˇ 4:24 - Akha

²⁴ “Sahˬ paˬ-oˇ, yuꞈ maˆ dawˬ tsuiꞈ heu loꞈ-ehˇ meh. Heu-aˬ, nawˬ-euˬ kʼoeˇ taˆ bi keuˆ le-eu gʼaˇ duˬ, dawˬ tawˆ kʼoeˇ taˆ huiˬ-eu Miˬyehˇ neh ehˇ tsehˆ taˬ-euˬ jeˬ pyeuꞈ-eu meh.

Daˬyeˬlaˇ 4:24 ပူးပေါင်းရင်းမြစ်များ

Yawˇbaˆ 20:29

Heu-aˬ, haiˬ-eu tsawˇ haˬ-euˬ guiˬ lahˬ meh. Miˬyehˇ neh aˬ yawꞈ maꞈ kʼoeˇ taˆ bi keuˆ le-euˬ guiˬ lahˬ heu naˆ tehꞈ meh.”

Jaceuq 107:40

Aˬ yawꞈ maꞈ-ahˇ kʼehˬ-eu deuˬ-ahˇ aˬ yawꞈ bye-awˇ, kʼaˇ shuiꞈ deh ga ga ma laꞈ kʼoeˇ, iˇ tsaˬ laˇ tsaˬ maˬ siˬ ni bi shaˬ-euˬ meh.

Jaceuq 148:6

Aˬ yawꞈ dawˬ biꞈ-awˇ kʼoeˇ deuˬ-ahˇ ziꞈ dah ni ciˬ tsaˬ taˬ-euˬ miˇ neh, mˬ maˬ maˬ byaˆ zaˇ ziˇ aˬ yawꞈ-euˬ dawˬ-ahˇ maˬ leuˇ nya-ehˇ, jiˆ poˆ jiˆ paˇ maˬ mˇ nya-a.

Jaceuq 2:7

Dzoeˬdzaˬsahˬpaˬ kʼoeˇgʼaˬehˇ-eu, “SahˬpaˬMiˬyehˇ neh pyehˬ-euˬdawˬ, miˇ kʼahˬ doe ni tsaꞈgaˬ-eu ma. Yawꞈneh ngaˬ-ahˇ ehˇ-euˬdawˬ-aˬ, ‘Nawˇngaˬ-euˬ aˬli pyeuꞈ-eu ma. Iˬnah ngaˇ nawˬ-euˬ aˬda ma.

Dawqdaq 16:6

Saˇ jaˇ ziꞈ-eu jeˬ baˬ da neh iˬ baˇ pyehˬ nehˬ-eu guiˬ lahˬ za-awˇ, Sahˬpaˬ Miˬyehˇ-ahˇ guˆ-eu jeˬ baˬ da neh, iˬ baˇ-ahˇ gaˇ jaw jaw nya-eu meh.

Dawqdaq 20:28

Sahˬ paˬ ziˇ baw saˇ jaˇ, dzoeˬ dzaˬ nuiˇ mahˬ ziꞈ-eu nui ma yaw sui yaw dawˇ.

Iˇsaˬyaˇ 23:9

Aˬ yawꞈ maꞈ-euˬ kʼahˬ sehˇ dawˬ tawˆ byoˆ le jiˇ-awˇ, myaˆ pyawˬ naˇ mehˇ jaˆ-eu deuˬ ya shaꞈ dawˇ ni, Baoˬ huiˬ-eu Sahˬpaˬ Miˬyehˇ neh jahˇ nehˬ-euˬ meh.

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Daˬyeˬlaˇ 4:19

Kʼoeˇ loꞈ-ehˇ ehˇ gaˇ ya gaˬ ngeh, Beˬteˬshaˬzaˬ lehˇ kʼawꞈ kuˇ-eu Daˬyeˬlaˇ ya gaˬ ngeh, tsawˬ guˆ-iˇ-awˇ, dawˬ maˬ ngehˬ ni tiˬ kʼehˬ tsoˆ leˇ-euˬ meh. “Beˬteˬshaˬzaˬ-oˇ, yuꞈ maˆ heu-euˬ gaˇ kawˆ-ahˇ nawˇ taˬ tsawˬ guˆ-iˇ” lehˇ, sahˬ paˬ ehˇ-eu meh. Beˬteˬshaˬzaˬ ehˇ-eu, “Sahˬ paˬ-oˇ, ngaˬ-euˬ nui ma laꞈ kʼoeˇ, yuꞈ maˆ hawˇ-eu yuꞈ maˆ-euˬ dawˬ tsuiꞈ heu nawˬ-ahˇ ehˇ mawꞈ-eu jeˬ maˬ ngeuˇ-ehˇ, nawˬ-ahˇ muiˇ-eu deuˬ-ahˇ ehˇ mawꞈ-eu jeˬ pyeuꞈ law nmˇ duˇ nya.

Daˬyeˬlaˇ 4:2

Dawˬ tawˆ kʼoeˇ taˆ huiˬ-eu Miˬyehˇ neh ngaˬ-ahˇ bi siˬ bi mawˇ laꞈ-euˬ zahˬ dui dui leˇ paˬ-ehˇ gʼeh-eu gaˇ kawˆ, naw maꞈ-ahˇ ngaˇ maˬ ja mehˬ-ehˇ maˬ jawˇ coeˇ nya.