Daˬyeˬlaˇ 3:17 - Akha

¹⁷ Doꞈ luꞈ-eu miˬ dzaˬ tsawˬ bu hawˇ-eu nawˬ-euˬ baoˬ laꞈ kʼoeˇ, nga maꞈ uˬ duˬ tahˬ-eu Miˬyehˇ ngaˬ ha smˇ gʼaˬ-ahˇ ka kʼoꞈ nehˬ laꞈ nya naˇ ka kʼoꞈ nehˬ laꞈ luꞈ-uˇ.

Daˬyeˬlaˇ 3:17 ပူးပေါင်းရင်းမြစ်များ

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Yawˇbaˆ 5:19

Shaˬ-eu zahˬ-eu jeˬ laꞈ kʼoeˇ tiˬ poˆ saˇ-i tiˬ poˆ aˬ yawꞈ nawˬ-ahˇ ka kʼoꞈ tehꞈ-a.

Jaceuq 115:3

Nga maꞈ-euˬ Miˬyehˇ mˬ kʼoeˇ taˆ jawˇ-awˇ, aˬ yawꞈ kʼaˇ mˇ mawꞈ-euˬ jeˬ mˇ-eu meh.

Jaceuq 37:39

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇ ka kʼoꞈnehˬ-awˇ, shaˬ-eu zahˬ-eu jeˬkeuˆle ngeh, maˬbyehˇdzeh ni haw piˇ-eu meh.

Jaceuq 37:40

Aˬyawꞈmaꞈ-ahˇngehˬgʼeh nehˬ-awˇ, shaˬzahˬoe ngeh haw teˬ-eu meh. Aˬyawꞈ-ahˇtahˬshaˇ-eu miˇneh, haiˬ-eu deuˬ-euˬaˬlaꞈlaꞈkʼoeˇ, aˬyawꞈka kʼoꞈdoˆnehˬ-eu meh.

Jaceuq 73:20

Aˬ yawꞈ maꞈ yaw dehꞈ dehꞈ-eu jeˬ-aˬ, uˬ shawˬ paw ya ngehˇ byoˆ-eu yuꞈ maˆ maˆ gaˇ duˇ tehꞈ-a. Sahˬpaˬ Miˬyehˇ-oˇ, nawˇ uˬ tuˇ tuˇ laˇ ngeh, aˬ yawꞈ maꞈ piˬ-iˇ byoˆ-iˇ jiˇ tehꞈ-a.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 54:14

Yaw tsaˬ yaw dawˇ jeˬ nawˬ-ahˇ gʼaˬ bi kʼaˆ laˇ-awˇ, guˆ-eu gaˆ-eu kʼehˬ-eu kʼaˆ-eu jeˬ-ahˇ, nawˇ ya buˬ-iˇ tehꞈ-a.

Yeˬlaˬmiˇ 1:8

Ngaˇ nawˬ nehˬ-ehˇ jawˇ-awˇ haw piˇ nehˬ-eu miˇ neh, aˬ yawꞈ maꞈ-ahˇ nawˇ taˬ guˆ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 15:20

Aˬ yawꞈ maꞈ-euˬ mehˬ shi, maˇ jawˆ ni gʼeh-eu guiˬ shuiˇ neh maˇ taˬ-euˬ meuˬ meuˬ lahˇ loꞈ-ehˇ nawˇ ziꞈ tehꞈ-a. Aˬ yawꞈ maꞈ nawˬ-ahˇ guiˇ deuˆ kʼawꞈ, nawˬ-ahˇ maˬ gʼaˬ laˇ-aˇ. Nawˬ nehˬ-ehˇ ngaˇ jawˇ-awˇ, nawˬ-ahˇ haw teˬ haw piˇ nehˬ ma.

Yeˬlaˬmiˇ 15:21

Maˬ tsaˬ maˬ dawˇ-eu tsawˇ haˬ yaw haiˬ deuˬ-euˬ baoˬ uˬ moˆ, nawˬ-ahˇ ngaˇ ka kʼoꞈ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 3:26

Kʼoeˇ naˇ, miˬ dzaˬ tsawˬ bu nymˇ kʼoeˇ nymˇ-euˬ gʼoˆ kʼehˬ-ahˇ Neˬbuˬkaˬneˬzaˬ le daˆ-awˇ, “Dawˬ tawˆ kʼoeˇ taˆ huiˬ-eu Miˬyehˇ-euˬ zaˬ kʼaˆ deuˬ pyeuꞈ-eu, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-oˇ, doˆ laˇ-awˬ” lehˇ guˇ-euˬ meh.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Daˬyeˬlaˇ 6:16

Kʼoeˇ ngeh jawˇ, Daˬyeˬlaˇ-ahˇ nyehꞈ-awˇ aˇ laˬ jaˬ shiˇ kuˆ-ahˇ biꞈ ahˇ-eu gʼaˇ duˬ sahˬ paˬ dawˬ biꞈ-euˬ meh. “Nawˇ saˇ jaˇ ziꞈ-awˇ gʼoe luꞈ-eu nawˬ-euˬ Miˬyehˇ nawˬ-ahˇ ka kʼoꞈ luꞈ-uˇ” lehˇ, Daˬyeˬlaˇ-ahˇ aˬ yawꞈ ehˇ nehˬ-euˬ meh.

Daˬyeˬlaˇ 6:23

Sahˬ paˬ laˬ kʼaˬ cehˇ dui dui-awˇ, Daˬyeˬlaˇ-ahˇ aˇ laˬ jaˬ shiˇ kuˆ-ahˇ neh gʼeu doˆ-eu gʼaˇ duˬ dawˬ biꞈ-euˬ meh. Aˬ yawꞈ maꞈ aˬ yawꞈ-ahˇ gʼeu doˆ ngeh, aˬ yawꞈ Miˬyehˇ-ahˇ jah-eu miˇ neh tiˬ jeˬ-iˬ maˬ gʼeh ni jawˇ gaˇ ya mawˇ-euˬ meh.

Daˬyeˬlaˇ 6:27

Aˬ yawꞈ ka kʼoꞈ-eu gʼaˬ pyeuꞈ-awˇ, ngehˬ gʼeh dah teˬ nehˬ-eu gʼaˬ meh. Mˬ hawˇ-eu miˇ tsaˬ heu kʼoeˇ taˆ, zahˬ leˇ-eu jeˬ mˇ-eu gʼaˬ meh. Aˇ laˬ jaˬ shiˇ maˬ bi kawꞈ ni, Daˬyeˬlaˇ-ahˇ ka kʼoꞈ-euˬ meh.”

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Luˇkaꞈ 1:37

Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Gʼaˬkʼehˇ 21:13

Ehˇ kʼawꞈ, aˬ yawꞈ ehˇ-eu, “Aˬ jeˬ miˇ neh naw maꞈ ngoeˇ ngoeˇ-ehˇ ngaˬ-euˬ nui ma tsawˬ paˆ-iˇ ni jahˇ nehˬ laꞈ te. Yeˬluˇsaˬlehˬ meuˬ-ahˇ aˬ cawˬ neh bi paꞈ-eu tehꞈ-ehˇ maˬ ngeuˇ ni, Sahˬpaˬ Yeˬsuˇ-euˬ gʼaˇ duˬ kʼoeˇ gaˇ shiˇ dah gaˇ keuˆ ni ngaˇ leh hmˬ taˬ-euˬ ma.”

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

2 Gawˇliˬtu 1:10

Kʼoeˇ naˆ naˆ-ehˇ gʼeh-eu shiˇ gaˇ keuˆ leˇ taˬ-euˬ aˇ tiˆ-ahˇ, nga maꞈ-ahˇ ka kʼoꞈ nehˬ laꞈ-euˬ meh. Mehˬ hu paw kʼawꞈ, aˬ yawꞈ nga maꞈ-ahˇ ka kʼoꞈ nehˬ laꞈ tehꞈ-a. Naw maꞈ guiˬ lahˬ shaˇ nehˬ laꞈ-euˬ baˬ da neh, aˬ yawꞈ nga maꞈ-ahˇ paˇ ka kʼoꞈ nehˬ laꞈ tehꞈ-a lehˇ nga maꞈ jah duˬ taˬ-euˬ ma. Tsawˇ haˬ gʼawˬ mya ni guiˬ lahˬ shaˇ-euˬ dawˬ Miˬyehˇ-ahˇ gaˬ leˇ-awˇ, nga maꞈ-ahˇ Miˬyehˇ guiˬ lahˬ biꞈ laꞈ tehꞈ-a. Tsawˇ haˬ gʼawˬ mya ni nga maꞈ-euˬ gʼaˇ duˬ Miˬyehˇ-euˬ guiˬ lahˬ-ahˇ ja ceuˬ tehꞈ-a.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

1 Saˬmeuˬlaˆ 17:37

Aˇ laˬ jaˬ shiˇ hawˇ-eu kʼaˬ hmˇ deuˬ-euˬ aˬ laꞈ laꞈ kʼoeˇ, Sahˬpaˬ Miˬyehˇ ngaˬ-ahˇ ka kʼoꞈ-euˬ meh. Kʼoeˇ gaˇ duˇ ni, Piˇliˇtiˆ tsawˇ haˬ kʼoeˇ gʼaˬ-euˬ aˬ laꞈ laꞈ kʼoeˇ kʼawꞈ, aˬ yawꞈ ngaˬ-ahˇ ka kʼoꞈ nehˬ laꞈ tehꞈ-a.” Sawˇluˆ gʼeh, “Toˆ-ehˇ ngeuˇ naˇ, iˇ-awˬ. Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ” lehˇ ehˇ nehˬ-euˬ meh.

1 Saˬmeuˬlaˆ 17:46

Iˬ nah Sahˬpaˬ Miˬyehˇ-aˬ, nawˬ-euˬ gʼawˇ mawˇ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ tehꞈ-a. Nawˬ-ahˇ ngaˇ deuˆ gʼaˬ-awˇ, nawˬ-euˬ uˬ duˬ ngaˇ toˆ tsehˆ ma. Kʼoeˇ naˇ, shiˇ taˬ-awˇ ga-eu Piˇliˇtiˆ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ deuˬ-ahˇ ngaˇ bi dzaˬ ma. Kʼoeˇ ngeh, Iˇsaˬleˬlaˆ tsawˇ jeuˬ nehˬ-ehˇ Miˬyehˇ jawˇ-eu gaˇ kawˆ, miˇ kʼahˬ dawˬ tawˆ luꞈ ya siˬ tehꞈ-a.