Daˬyeˬlaˇ 2:40 - Akha

⁴⁰ Kʼoeˇ jiˇ naˇ, miˇ kʼahˬ oeˬ kʼahˬ tiˬ kʼahˬ paˇ doˆ laˇ tehꞈ-a. Miˇ kʼahˬ kʼoeˇ kʼahˬ-aˬ, yawˬ jeˬ na luꞈ-ahˇ laˆ kʼehꞈ laˆ kʼoeˆ nya-eu shmˇ loꞈ-ehˇ gʼahˇ tehꞈ-a. Yawˬ jeˬ na luꞈ-ahˇ shmˇ neh laˆ kʼehꞈ laˆ kʼoeˆ nya gaˇ duˇ ni, yaw beh jaˆ-euˬ miˇ kʼahˬ deuˬ-ahˇ, miˇ kʼahˬ kʼoeˇ kʼahˬ neh laˆ cawˆ jiˇ tehꞈ-a.

Daˬyeˬlaˇ 2:40 ပူးပေါင်းရင်းမြစ်များ

Yawˇbaˆ 9:17

Ngaˇ tiˬ jeˬ-iˬ jahˇ taˬ-euˬ maˬ jaˆ gaˇ, aˬ yawꞈ jaˬ lehˇ lehˇ ma pyehˬ gʼeh leꞈ-awˇ, ngaˬ-ahˇ laˆ tahˬ laˆ naˇ nehˬ laꞈ-euˬ meh.

Yeˬlaˬmiˇ 15:12

(Tsawˇ haˬ tiˬ gʼaˬ-iˬ shmˇ shmˇ kahˬ maˬ ngawˬ kʼehꞈ nya-a. Laꞈ taˆ paw kʼahˬ-ahˇ jaˆ-eu guiˬ shuiˇ keuˬ-eu shmˇ shmˇ kahˬ ngawˬ kʼehꞈ-eu-aˬ, kʼoeˇ naˆ maˬ tseˇ kʼaˆ dzehˬ-eu meh.)

Daˬyeˬlaˇ 2:33

Aˬ kuiˇ kuiˇ du-ahˇ shmˇ neh jahˇ taˬ-awˇ, aˬ kuiˇ pehˬ zaˬ-ahˇ shmˇ tiˬ paˆ miˇ tsaˬ tiˬ paˆ lehˇ jahˇ taˬ-euˬ meh.

Daˬyeˬlaˇ 2:39

Nawˇ jiˇ naˇ, nawˬ-euˬ miˇ kʼahˬ taꞈ-ehˇ nyiˇ teˬ-eu miˇ kʼahˬ tiˬ kʼahˬ paˇ doˆ laˇ tehꞈ-a. Kʼoeˇ jiˇ naˇ, miˇ kʼahˬ smˇ kʼahˬ tiˬ kʼahˬ pyeuꞈ-eu guiˬ shuiˇ miˇ kʼahˬ paˇ doˆ laˇ-awˇ, miˇ tsaˬ dawˬ tawˆ luꞈ-ahˇ uˆ lahˇ tehꞈ-a.

Daˬyeˬlaˇ 2:41

Aˬ kuiˇ pehˬ zaˬ hawˇ-eu kuiˇ noeˇ deuˬ-aˬ, shmˇ tiˬ paˆ, miˇ tsaˬ tiˬ paˆ lehˇ gʼeh gaˇ nawˇ mawˇ-euˬ meh. Kʼoeˇ-aˬ, miˇ kʼahˬ tiˬ kʼahˬ laꞈ kʼoeˇ gʼawˬ mya kʼahˬ paˆ-iˇ gaˇ ehˇ mawꞈ-eu meh. Miˇ kʼahˬ kʼoeˇ-aˬ, shmˇ-euˬ gʼaˬ tiˬ paˆ ahˇ-eu miˇ kʼahˬ pyeuꞈ tehꞈ-a. Aˬ jeˬ miˇ neh ehˇ naˇ, miˇ tsaˬ-ahˇ shmˇ tiˬ paˆ keuˬ taˬ-euˬ meh.

Daˬyeˬlaˇ 7:7

Ngaˇ haw haw-ehˇ jawˇ ngeh, jeˬ zaˬ oeˬ mawˇ tiˬ mawˇ paˇ doˆ laˇ-euˬ meh. Jeˬ zaˬ kʼoeˇ mawˇ gʼaˬ kʼaˆ dui dui-awˇ, guˆ dui dui laˇ paˬ-ehˇ gʼeh-eu meh. Huiˬ dui dui-eu shuiˇ-euˬ seuˬ neh aˬ cawˬ-ahˇ kawꞈ nmˆ leꞈ-awˇ, nawˬ pyehˆ nehˬ-eu meh. Jeˬ zaˬ nui deuˬ-ahˇ maˬ duˇ ni, uˬ coeˇ tseˇ kahˬ tsoꞈ-eu meh.

Daˬyeˬlaˇ 8:24

Aˬ yawꞈ-aˬ, baoˬ huiˬ dui dui tehꞈ-a. Ehˇ kʼawꞈ, aˬ yawˇ yawꞈ baoˬ huiˬ laˇ-euˬ maˬ ngeuˇ-a. Aˬ yawꞈ-aˬ, guˆ laˇ paˬ-ehˇ gʼeh-eu laˆ cawˆ-eu jeˬ mˇ-awˇ, aˬ yawꞈ kʼaˇ mˇ mawꞈ-euˬ yawˬ jeˬ na luꞈ mˇ pyeuꞈ shaˇ pyeuꞈ nya-eu meh. Baoˬ huiˬ-eu tsawˇ haˬ deuˬ hawˇ-eu Miˬyehˇ-euˬ tsawˇ haˬ deuˬ kʼoeˇ taˆ, yaw cawˆ jeˬ keuˆ le ni aˬ yawꞈ mˇ tehꞈ-a.

Daˬyeˬlaˇ 9:26

Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.

Aˬmoˆ 1:3

Sahˬpaˬ Miˬyehˇ ehˇ-eu, “Daˬmaˬsehˇ meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Giˇlaˆ miˇ kʼahˬ-ahˇ jawˇ-eu tsawˇ haˬ deuˬ-ahˇ haiˬ dui dui-eu jeˬ aˬ yawꞈ maꞈ jahˇ nehˬ-euˬ meh.

Yoˇhaˬ 11:48

Aˬ yawꞈ-ahˇ kʼoeˇ loꞈ-ehˇ tehꞈ-ehˇ mˇ mˇ-ehˇ bi jawˇ naˇ, tsawˇ haˬ yawˬ gʼaˬ na luꞈ aˬ yawꞈ-ahˇ jah leˇ jiˇ-eu ngaˇ. Kʼoeˇ loꞈ-ehˇ pyeuꞈ laˇ naˇ, Loˇmaˆ tsawˇ haˬ deuˬ oe-awˇ, aˬ dui-euˬ Uˬ duˬ tahˬ nymˇ nymˇ ma hawˇ-eu aˬ dui-euˬ tsawˇ jeuˬ-ahˇ laˆ cawˆ le-eu ngaˇ.”