Daˬyeˬlaˇ 2:31 - Akha

³¹ “Sahˬ paˬ-oˇ, yaw sahˇ laꞈ kʼoeˇ ya siˬ ya mawˇ-euˬ jeˬ laꞈ kʼoeˇ, yaw shehꞈ bya-awˇ guiˇ nyiˬ ni gʼeh-eu huiˬ dui dui-eu tsawˇ haˬ mawˇ kawˇ tiˬ kawˇ, nawˬ-euˬ mehˬ shi guˆ laˇ paˬ-ehˇ yawꞈ luꞈ gaˇ nawˇ ya mawˇ-euˬ meh.

Daˬyeˬlaˇ 2:31 ပူးပေါင်းရင်းမြစ်များ

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Yeˬsaˬgeˬlaˇ 28:7

Guˆ laˇ paˬ-ehˇ gʼeh-eu tsawˇ jeuˬ, nawˇ jawˇ gaˇ ngaˇ sheuˬ ahˇ leꞈ ma. Aˬ yawꞈ maꞈ mi cehˇ gʼawˇ doˆ-awˇ, nawˬ-euˬ zaˬ siˬ tsawˇ gahˇ hawˇ-eu, haw muiˬ-eu jeˬ laˆ cawˆ jiˇ-awˇ, nawˬ-euˬ kʼahˬ sehˇ laˆ byoˆ tehꞈ-a.

Daˬyeˬlaˇ 2:36

“Heu-aˬ, yuꞈ maˆ maˆ mawˇ-euˬ gaˇ kawˆ meh. Sahˬ paˬ-oˇ, nymˬ-mˇ poˆ jawˇ-aˬ, yuꞈ maˆ dawˬ tsuiꞈ ngaˇ ehˇ ma.

Daˬyeˬlaˇ 2:37

Sahˬ paˬ-oˇ, nawˇ-aˬ, sahˬ paˬ dawˬ tawˆ kʼoeˇ taˆ huiˬ dzehˬ-eu sahˬ paˬ pyeuꞈ-eu meh. Mˬ taˆ Miˬyehˇ neh nawˬ-ahˇ baoˬ hawˇ-eu gʼaˬ biꞈ-euˬ uˬ taꞈ, aˬ cawˬ taˬ huiˬ taˬ mahˇ-eu jeˬ kʼawꞈ biꞈ-euˬ meh.

Daˬyeˬlaˇ 3:1

Sahˬ paˬ Neˬbuˬkaˬneˬzaˬ-aˬ, yaw goˇ paw koꞈ tseˇ caˆ byah-awˇ, yaw huiˬ paw koꞈ caˆ byah-eu shuiˇ mawˇ kawˇ tiˬ kawˇ jahˇ-awˇ, Baˬbuˇloˬ meuˬ-euˬ gahˬ kaˬ-ahˇ jaˆ-eu Duˇlaˬ deh ga-ahˇ ka tuˇ taˬ-euˬ meh.

Daˬyeˬlaˇ 4:36

“Ngaˇ nui ma-ahˇ paˇ noeˬ laˇ ngeh, ngaˬ-euˬ yaw shehꞈ kʼahˬ sehˇ hawˇ-eu ngaˬ-euˬ miˇ kʼahˬ-euˬ yaw shehꞈ kʼahˬ sehˇ kʼoeˇ deuˬ, ngaˬ-ahˇ paˇ biꞈ kʼoꞈ laꞈ-euˬ meh. Ngaˬ-euˬ gaˇ mˇ-eu yaw huiˬ yaw mahˇ deuˬ hawˇ-eu, ngaˬ-euˬ laꞈ oˆ sahˬ paˬ sahˬ ma geuꞈ luꞈ-eu deuˬ ngaˬ-ahˇ paˇ ha geuꞈ-awˇ, ngaˬ-euˬ dzoeˬ dzaˬ-euˬ baoˬ paˇ za kʼoꞈ-euˬ uˬ taꞈ, yaw beh naˆ maˬ tseˇ ngaˬ-ahˇ taˬ huiˬ taˬ mahˇ nehˬ laꞈ-euˬ meh.

Haˬbaˬkuˆ 1:7

Dzawˬ dui dui-eu tsawˇ jeuˬ kʼoeˇ jeuˬ, miˇ kʼahˬ dawˬ tawˆ laˆ guˆ jiˇ-awˇ, nui ma huiˬ-eu mahˇ-eu mehˬ shi, maˬ mˇ kʼmˬ-eu jeˬ maˬ baw-a.

Maꞈtehˬ 4:8

Kʼoeˇ naˇ, Nehꞈ sahˬ paˬ neh Yeˬsuˇ-ahˇ goˇ dui dui-eu gawˬ jawˬ kʼoeˇ taˆ sheuˬ daˆ gʼeh-awˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ hawˇ-eu, miˇ kʼahˬ kʼoeˇ deuˬ-euˬ yaw shehꞈ kʼahˬ sehˇ dawˬ tawˆ luꞈ, aˬ yawꞈ-ahˇ mehˬ nehˬ-euˬ meh.

Luˇkaꞈ 4:5

Kʼoeˇ naˇ, Nehꞈsahˬpaˬ aˬ yawꞈ-ahˇ yaw goˇ-ahˇ sheuˬ daˆ gʼeh-awˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-ahˇ tiˬ kʼehˇ laˇ kʼehˬ bi mawˇ-euˬ meh.