Daˬyeˬlaˇ 2:28 - Akha

²⁸ Ehˇ kʼawꞈ, naꞈ dui dui-eu gaˇ kawˆ pah mehˬ nya-eu, mˬ kʼoeˇ taˆ Miˬyehˇ jawˇ meh. Mehˬ hu paw pyeuꞈ laˇ-eu gaˇ kawˆ deuˬ, aˬ yawꞈ nawˬ-ahˇ mehˬ nehˬ laꞈ-euˬ meh. Nawˬ neh yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu nawˬ neh yuꞈ maˆ maˆ-euˬ gaˇ kawˆ, ngaˇ nawˬ-ahˇ dzawˇ mehˬ ma.

Daˬyeˬlaˇ 2:28 ပူးပေါင်းရင်းမြစ်များ

Aˇ dahˬ 40:8

“Nga nyaꞈ nyiˬ gʼaˬ luꞈ yuꞈ maˆ maˆ-euˬ ma. Ehˇ kʼawꞈ heu gaˇ jawˇ-eu tsawˇ haˬ tiˬ gʼaˬ-iˬ yuꞈ maˆ dawˬ tsuiꞈ maˬ yuˇ doˆ nehˬ laꞈ nya-a” lehˇ, Yoˇsehˆ-ahˇ aˬ yawꞈ nyaꞈ ehˇ-eu meh. “Miˬyehˇ tehꞈ-ehˇ yuꞈ maˆ dawˬ tsuiꞈ yuˇ doˆ-eu tsawˇ gahˇ biꞈ nya-eu meh. Naw nyaꞈ neh yuꞈ maˆ maˆ-euˬ gaˇ kawˆ dzawˇ haw sheˇ” lehˇ Yoˇsehˆ ehˇ-eu meh.

Aˇ dahˬ 41:16

Yoˇsehˆ ehˇ-eu, “Sahˬ paˬ-oˇ, ngaˇ yuꞈ maˆ dawˬ tsuiꞈ maˬ yuˇ doˆ nya nya. Ehˇ kʼawꞈ, nawˬ-euˬ gʼaˇ duˬ Miˬyehˇ dawˬ tsuiꞈ yuˇ doˆ nehˬ laꞈ tehꞈ-a.”

Aˇ dahˬ 41:25

Sahˬ paˬ kʼoeˇ gʼaˬ-ahˇ Yoˇsehˆ ehˇ nehˬ-eu, “Yuꞈ maˆ nyiˬ hmˬ luꞈ dawˬ tsuiꞈ tiˬ kawˆ meh. Miˬyehˇ mˇ-eu lehˇ lehˬ hmˬ taˬ-euˬ jeˬ, nawˬ-ahˇ pah mehˬ nehˬ laꞈ-euˬ meh.

Aˇ dahˬ 49:1

Aˬ yawꞈ-euˬ aˬ li deuˬ-ahˇ Yaˬkoˆ kuˇ uiˬ jiˇ-awˇ, heu loꞈ-ehˇ ehˇ nehˬ-euˬ meh. Heu gaˇ uiˬ laˇ-awˬ. Aˬ kaˇ naw maꞈ-euˬ mehˬ shi keuˆ le-eu gaˇ kawˆ ngaˇ naw maꞈ-ahˇ ehˇ nehˬ nyaˇ.

Jaceuq 115:3

Nga maꞈ-euˬ Miˬyehˇ mˬ kʼoeˇ taˆ jawˇ-awˇ, aˬ yawꞈ kʼaˇ mˇ mawꞈ-euˬ jeˬ mˇ-eu meh.

Iˇsaˬyaˇ 2:2

Aˬ kaˇ mehˬ hu paw keuˆ le-eu aˇ nah aˇ yamˬ laꞈ kʼoeˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma jaˆ-eu gawˬ jawˬ kʼoeˇ, gawˬ jawˬ dawˬ tawˆ luꞈ kʼoeˇ taˆ goˇ dzehˬ laˇ-awˇ, gawˬ duˇ dawˬ tawˆ luꞈ kʼoeˇ taˆ jaˆ tehꞈ-a. Tsawˇ jeuˬ dawˬ tawˆ luꞈ kʼoeˇ gaˇ le uiˬ jiˇ-awˇ,

Yeˬlaˬmiˇ 10:7

Tsawˇ jeuˬ dawˬ tawˆ luꞈ-euˬ sahˬ paˬ pyeuꞈ-eu gʼaˬ-oˇ, nawˬ-ahˇ maˬ taˬ huiˬ-ehˇ aˬ suˇ gʼaˬ jawˇ coeˇ nmˇ. Nawˬ-ahˇ yaw zeu baw dui dui paˬ-ehˇ gʼeh-eu meh. Tsawˇ jeuˬ heu myaˆ kʼoeˇ taˆ tsawˇ gahˇ dzehˬ-eu tsawˇ haˬ maˬ ehˇ, miˇ kʼahˬ sahˬ paˬ kʼaˇ ngeuˇ-eu deuˬ maˬ ehˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a.

Yeˬlaˬmiˇ 30:24

Sahˬpaˬ Miˬyehˇ-euˬ nui ma pehˇ-eu jeˬ, guˆ dui dui laˇ paˬ-ehˇ gʼeh-awˇ, nui kʼahˇ maˬ mˇ li kʼoeˇ keuˆ ni, nui pehˇ shuꞈ-iˇ-eu maˬ baw-a. Mehˬ hu paw dehꞈ gʼeh-eu aˇ yamˬ laꞈ kʼoeˇ, aˬ yawꞈ-euˬ tsawˇ haˬ deuˬ gaˇ kawˆ heu ya siˬ duˬ tehꞈ-a.

Yeˬlaˬmiˇ 48:47

Ehˇ kʼawꞈ, aˬ kaˇ keuˆ laˇ-eu aˇ yamˬ laꞈ kʼoeˇ, Mawˇbaˆ miˇ kʼahˬ paˇ dehꞈ dzaˬ laˇ ni, Sahˬpaˬ Miˬyehˇ jahˇ tehꞈ-a. Sahˬpaˬ Miˬyehˇ neh kʼaˇ ehˇ taˬ-euˬ heu deuˬ dawˬ tawˆ luꞈ Mawˇbaˆ miˇ kʼahˬ kʼoeˇ taˆ keuˆ le tehꞈ-a.

Yeˬsaˬgeˬlaˇ 28:3

Daˬyeˬlaˇ naˆ maˬ tseˇ gahˇ-awˇ, nawˬ-euˬ mehˬ shi zaꞈ taˬ-euˬ jeˬ, maˬ paˇ jaˆ ma lehˇ nawˇ noeˬ meh.

Yeˬsaˬgeˬlaˇ 38:16

Miˇ kʼahˬ nyiˬ tsehˆ-ehˇ baw gʼeh leꞈ-eu ja lehˇ lehˇ ma loꞈ-ehˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ nawˇ oe tehꞈ-a. Aˇ nah aˇ yamˬ kʼoeˇ keuˆ le ngeh, ngaˇ aˬ suˇ gʼaˬ nga lehˇ tsawˇ jeuˬ dawˬ tawˆ luꞈ bi mawˇ duˬ-eu gʼaˇ duˬ maˬ ehˇ, nawˬ-ahˇ zmˬ-awˇ ngaˬ neh mˇ-euˬ jeˬ baˬ da neh, ngaˬ-euˬ muiˬ-eu shawˇ-eu jeˬ bi siˬ bi mawˇ duˬ-eu gʼaˇ duˬ maˬ ehˇ, nawˬ-ahˇ pyehˬ gʼeh-awˇ, ngaˬ-euˬ miˇ kʼahˬ-ahˇ guiˇ bi deuˆ-iˇ ma.

Yeˬsaˬgeˬlaˇ 38:8

Aˇ nah aˇ yamˬ gʼawˬ myahˇ ni dzeuˇ-iˇ gʼaˬ ngeh jawˇ, aˬ cawˬ miˇ kʼahˬ gʼawˬ mya kʼahˬ-ahˇ neh gʼoꞈ uiˬ laˇ-awˇ jawˇ-eu, guiˇ deuˆ laˇ gaˇ maˬ guˆ ni ya dehꞈ ya jawˇ luꞈ-eu miˇ kʼahˬ tiˬ kʼahˬ-ahˇ, nawˬ-ahˇ ngaˇ guiˇ bi deuˆ-iˇ ma. Dzeuˇ laˇ ngeh aˇ yamˬ gʼawˬ myahˇ ni cawˆ-iˇ-awˇ ciˬ cuˇ ni jaˆ-euˬ kʼawꞈ, nymˬ-mˇ tsawˇ haˬ dawˬ tawˆ luꞈ nui saˇ oꞈ-eu laꞈ kʼoeˇ jawˇ luꞈ-eu miˇ kʼahˬ pyeuꞈ-eu Iˇsaˬleˬlaˆ gawˬ jawˬ deuˬ-ahˇ aˬ yawꞈ guiˇ ya deuˆ-iˇ tehꞈ-a.

Daˬyeˬlaˇ 1:20

Sahˬ paˬ neh kʼaˇ naˇ haˬ-euˬ dawˬ deuˬ hawˇ-eu, zaˬ siˬ tsawˇ gahˇ kʼaˇ pyehˆ tseˇ haw-euˬ yawˬ jeˬ na luꞈ laꞈ kʼoeˇ, miˇ kʼahˬ kʼoeˇ kʼahˬ-ahˇ kʼaˇ jawˇ-eu nyiˇ paˬ shaˆ ma dawˬ tawˆ luꞈ naˆ maˬ tseˇ, aˬ ha oeˬ gʼaˬ tseˇ bymˇ nya dzehˬ gaˇ ya mawˇ-euˬ meh.

Daˬyeˬlaˇ 10:14

Aˬ kaˇ mehˬ hu paw nawˬ-euˬ tsawˇ jeuˬ kʼoeˇ taˆ aˬ joˆ-ehˇ pyeuꞈ laˇ-eu gaˇ kawˆ nawˇ gʼoˆ shaw nya ni ngaˇ ja mehˬ le-euˬ ma. Heu-aˬ, aˬ kaˇ mehˬ hu paw pyeuꞈ laˇ-eu gaˇ kawˆ-ahˇ taꞈ leˇ-eu yaw sahˇ laꞈ kʼoeˇ ya siˬ ya mawˇ-eu jeˬ meh.”

Daˬyeˬlaˇ 2:18

“Aˬ yawꞈ maꞈ-ahˇ, Baˬbuˇloˬ meuˬ-ahˇ jawˇ-eu sahˬ paˬ-ahˇ nui noeˬ nui duˇ biꞈ-eu deuˬ nehˬ-ehˇ tiˬ kawˆ loꞈ-ehˇ maˬ ya bi sehꞈ-eu gʼaˇ duˬ, gaˇ kawˆ kʼoeˇ-euˬ dawˬ tsuiꞈ ehˇ nehˬ laꞈ ni, mˬ taˆ Miˬyehˇ-ahˇ guiˬ lahˬ shaˇ-awˬ” lehˇ, aˬ ha smˇ gʼaˬ-ahˇ Daˬyeˬlaˇ ehˇ nehˬ-euˬ meh.

Daˬyeˬlaˇ 2:22

Naꞈ-eu dawˬ tsuiꞈ yawꞈ pah mehˬ-awˇ, yaw zahˇ zaꞈ taˬ-euˬ mawˇ nya-awˇ, yawꞈ jawˇ tiˬ jawˬ yaw shehꞈ bya meh.

Daˬyeˬlaˇ 2:44

Sahˬ paˬ sahˬ ma kʼoeˇ deuˬ dzoeˬ dzaˬ-eu aˇ yamˬ-ahˇ, mˬ taˆ Miˬyehˇ miˇ kʼahˬ tiˬ kʼahˬ beh tehꞈ-a. Miˇ kʼahˬ kʼoeˇ kʼahˬ-aˬ, mˬ maˬ maˬ byaˆ zaˇ ziˇ ziꞈ-eu miˇ kʼahˬ pyeuꞈ-awˇ, aˬ cawˬ maˬ deuˆ gʼaˬ nya-eu miˇ kʼahˬ meh. Ehˇ kʼawꞈ, miˇ kʼahˬ kʼoeˇ kʼahˬ neh miˇ kʼahˬ kʼoeˇ deuˬ dawˬ tawˆ luꞈ-ahˇ tiˬ saˬ tiˬ li laˆ cawˆ byoˆ nehˬ jiˇ-awˇ, mˬ maˬ maˬ byaˆ zaˇ ziˇ ziꞈ dah ni gʼeh-eu miˇ kʼahˬ pyeuꞈ laˇ tehꞈ-a.

Daˬyeˬlaˇ 2:45

Tsawˇ haˬ neh maˬ laˆ ciˆ-euˬ gaˇ, lo guˇ-ahˇ neh kʼaˬ lo tiˬ siˬ aˬ joˆ-ehˇ poˆ ka leꞈ-awˇ, shmˇ, guiˬ shuiˇ, miˇ tsaˬ, pyuˇ, shuiˇ heu deuˬ neh jahˇ taˬ-euˬ tsawˇ haˬ mawˇ kawˇ-ahˇ aˬ joˆ-ehˇ poˆ deh-euˬ nawˇ mawˇ-euˬ meh. Huiˬ-eu Miˬyehˇ-aˬ, mehˬ hu paw pyeuꞈ laˇ-eu gaˇ kawˆ nawˬ-ahˇ ehˇ mehˬ nehˬ-euˬ meh. Nawˬ neh yuꞈ maˆ kʼaˇ maˆ mawˇ-euˬ loꞈ-ehˇ nawˬ-ahˇ ngaˇ dzawˇ duˬ nehˬ gʼaˬ-awˇ, tsaˬ dui dui-eu dawˬ tsuiꞈ yuˇ doˆ nehˬ gʼaˬ-euˬ ma.”

Daˬyeˬlaˇ 2:47

Sahˬ paˬ ehˇ-eu, “Nawˬ-euˬ Miˬyehˇ-aˬ, miˬ yehˇ dawˬ tawˆ kʼoeˇ taˆ huiˬ-eu Miˬyehˇ pyeuꞈ-awˇ, sahˬ paˬ dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu uˬ taꞈ, naꞈ dui dui-eu gaˇ kawˆ deuˬ pah mehˬ nehˬ nya-eu gʼaˬ meh. Naꞈ dui dui-eu gaˇ kawˆ heu nawˇ dawˬ tsuiꞈ pah mehˬ nya-euˬ miˇ neh, ngaˇ heu loꞈ-ehˇ siˬ duˬ-eu ma.”

Daˬyeˬlaˇ 4:5

Ehˇ kʼawꞈ, ngaˇ yuꞈ kʼaˆ luꞈ ngeh, guˆ laˇ paˬ-ehˇ gʼeh-eu yuꞈ maˆ maˆ-awˇ, guˆ dui dui laˇ paˬ-ehˇ gʼeh-eu jeˬ ya mawˇ-euˬ ma.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Aˬmoˆ 4:13

Gawˬ jawˬ tehˆ-euˬ, Miˬyehˇ neh meh. Jaˬ lehˇ beh-euˬ Miˬyehˇ neh meh. Yawꞈ-euˬ nui noeˬ tsawˇ-ahˇ mehˬ-awˇ, nah gʼahˇ uˬ ciꞈ laˆ pyeuꞈ nya-awˇ, mˬ-ahˇ jawˇ-awˇ miˇ-ahˇ dzoeˬ-eu, Yawꞈ-euˬ tsawˇ myahˇ Baoˬ huiˬ Miˬyehˇ, Sahˬpaˬ Miˬyehˇ lehˇ kuˇ-eu meh.

Bawˇtsahˬ 24:14

Baˬlehˇ-ahˇ Baˬlamˬ ehˇ nehˬ-eu, “Ngaˬ-euˬ tsawˇ haˬ jawˇ gaˇ ngaˇ nymˬ-mˇ gʼoꞈ-iˇ ma. Ngaˇ maˬ gʼoꞈ-iˇ mi naˆ-ehˇ, aˬ kaˇ, Iˇsaˬleˬlaˆ tsawˇ haˬ deuˬ nawˬ-euˬ tsawˇ haˬ deuˬ kʼoeˇ taˆ aˬ joˆ-ehˇ jahˇ nehˬ laꞈ paˬ-ehˇ jaˆ-eu gaˇ kawˆ ehˇ nehˬ yaꞈ nyaˇ.”

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Dawˬmehˬ 31:19

“Caˇ dawˬ heu bymˇ nymˬ-mˇ boꞈ-awˬ. Iˇsaˬleˬlaˆ tsawˇ haˬ deuˬ-euˬ mehˬ shi saˇ kiˇ pyeuꞈ ni, caˇ dawˬ heu bymˇ aˬ yawꞈ maꞈ-ahˇ mehˬ nehˬ-awˬ.

Dawˬmehˬ 4:30

Shaˬ-eu zahˬ-eu jeˬ-ahˇ naw maꞈ ya tahˬ puˬ-awˇ, kʼoeˇ deuˬ dawˬ tawˆ luꞈ naw maꞈ kʼoeˇ taˆ keuˆ le naˇ, aˇ saˬ saˬ laˇ ngeh Sahˬpaˬ Miˬyehˇ jawˇ gaˇ naw maꞈ paˇ gʼoꞈ kʼoꞈ laˇ-awˇ, aˬ yawꞈ-euˬ ehˇ dawˬ naˇ haˬ tehꞈ-a.

2 Tiˆmoˇseˬ 3:1

Aˇ saˬ saˬ-eu aˇ nah a yamˬ laꞈ kʼoeˇ shaˬ dui dui-eu aˇ yamˬ keuˆ le tehꞈ-a lehˇ siˬ nya-awˬ.

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

2 Beˬtuˆluˆ 3:3

Aˇ saˬ saˬ-eu aˇ nah aˇ yamˬ heu laꞈ kʼoeˇ, yawˬ ha-euˬ shiˬ shaˬ jiˇ nui kʼahˇ mehˬ nah caw teh-awˇ dehꞈ-eu tsawˇ haˬ deuˬ doˆ le tehꞈ-a lehˇ, naw maꞈ-ahˇ jeˬ huˬ bi siˬ nya taˬ-eu tsaˬ meh. Tsawˇ haˬ kʼoeˇ deuˬ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa laˇ tehꞈ-a.

Panmaeq 1:1

Sahˬ boꞈ heu taꞈ-aˬ, Yeˬsuˇ Ka li neh pah mehˬ laꞈ-euˬ gaˇ kawˆ deuˬ boꞈ taˬ-euˬ sahˬ boꞈ pyeuꞈ-eu meh. Gʼawˬ myahˇ maˬ gʼeh-ehˇ aˬ joˆ-ehˇ pyeuꞈ laˇ-eu lehˇ gʼeh-eu gaˇ kawˆ aˬ yawꞈ-euˬ zaˬ kʼaˆ deuˬ-ahˇ bi siˬ bi mawˇ-eu gʼaˇ duˬ, Miˬyehˇ neh aˬ yawꞈ-ahˇ heu loꞈ-ehˇ pah mehˬ nehˬ-euˬ jeˬ pyeuꞈ-eu meh. Ka li-aˬ, Yoˇhaˬ jawˇ gaˇ aˬ yawꞈ-euˬ mˬ taˆ gʼaˬ kʼehˇ bi oe-awˇ gaˇ kawˆ heu deuˬ bi siˬ bi mawˇ le-euˬ meh.