Daˬyeˬlaˇ 11:40 - Akha

⁴⁰ “Suˇliˆ sahˬ paˬ-euˬ aˇ yamˬ jiˇ le-eu dawˬ peh peh laˇ ngeh, Iˇjiˇtuˆ sahˬ paˬ aˬ yawꞈ-ahˇ guiˇ deuˆ laˇ tehꞈ-a. Suˇliˆ sahˬ paˬ gʼeh gʼaˬ kʼaˇ jaˆ-eu yuˇ doˆ-awˇ, mahˬ laˆ lawˬ deuˬ, mahˬ deuˬ, saˇ baoˬ deuˬ zmˬ-awˇ guiˇ deuˆ tehꞈ-a. Iˇ jeuˬ jeuˬ-eu loꞈ-ehˇ, miˇ kʼahˬ gʼawˬ mya kʼahˬ-ahˇ aˬ yawꞈ guiˇ deuˆ uˇ gʼeh tehꞈ-a.

Daˬyeˬlaˇ 11:40 ပူးပေါင်းရင်းမြစ်များ

Iˇsaˬyaˇ 21:1

Heu-aˬ, Baˬbuˇloˬ meuˬ-ahˇ taꞈ-eu Miˬyehˇ-euˬ dawˬ meh. Kʼaˇ shuiꞈ deh ga nyiˬ tsehˆ-ehˇ baw gʼeh leꞈ-eu, guˆ laˇ paˬ-ehˇ gʼeh-eu jaˬ lehˇ lehˇ zeuˆ loꞈ-ehˇ, guˆ laˇ paˬ-ehˇ gʼeh-eu miˇ kʼahˬ paw neh, guˆ-eu gaˆ-eu jeˬ keuˆ le tehꞈ-a.

Iˇsaˬyaˇ 5:28

Aˬ yawꞈ maꞈ-euˬ kaˆ myaˬ taˆ dui dui-awˇ, kaˆ kʼaˇ ngeuˇ-eu ngoꞈ daˆ jiˇ taˬ-euˬ meh. Aˬ yawꞈ maꞈ-euˬ mahˬ deuˬ kuiˇ sehˬ diˬ lo loꞈ-ehˇ gʼahˇ-awˇ, mahˬ laˆ lawˬ aˇ beuˆ jaˬ lehˇ lehˇ zeuˆ loꞈ-ehˇ buiˇ-eu meh.

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Yeˬlaˬmiˇ 4:13

Haw yawˬ. Muiˇ-eu gʼaˬ mˬ dmˇ loꞈ-ehˇ oe luꞈ meh. Aˬ yawꞈ-euˬ mahˬ laˆ lawˬ jaˬ lehˇ lehˇ zeuˆ-ahˇ duˇ leˇ-awˇ, aˬ yawꞈ-euˬ mahˬ kʼaˬ dzeˇ naˆ maˬ tseˇ kawˇ-eu meh. Aˬ dui shaˬ zahˬ naꞈ ngaˇ. Aˬ dui ya cawˆ-iˇ ngaˇ.

Yeˬsaˬgeˬlaˇ 38:4

Aˬ yawꞈ-ahˇ ngaˇ ngawˬ zeuˆ-awˇ, baˬ ngeuˇ-ahˇ kuˆ seuˬ kʼoˆ tsoˆ-awˇ, aˬ yawꞈ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ tsahˇ-awˇ cah ma. Mahˬ hawˇ-eu guiˇ deuˆ-eu mehˬ tsoeˬ tiˬ kawˆ loꞈ-ehˇ dm luꞈ-eu yehˇ deuˬ ahˇ-eu aˬ yawꞈ-euˬ guiˇ maꞈ myaˬ dui dui-awˇ, yehˇ yawˬ gʼaˬ na luꞈ dehˬ daˬ duˬ yuˇ-awˇ, mi cehˇ dawꞈ luꞈ-eu meh.

Yeˬsaˬgeˬlaˇ 38:9

Aˬ yawꞈ hawˇ-eu aˬ yawꞈ-euˬ guiˇ maꞈ deuˬ nehˬ-ehˇ, tsawˇ jeuˬ gʼawˬ mya jeuˬ gm leˇ-awˇ, jaˬ lehˇ lehˇ ma baw-eu loꞈ-ehˇ miˇ kʼahˬ kʼoeˇ kʼahˬ-ahˇ guiˇ deuˆ uˇ leꞈ ngeh, mˬ dmˇ ciˬ tehˬ nehˬ-euˬ gaˇ duˇ tehꞈ-a.”

Daˬyeˬlaˇ 11:10

“Suˇliˆ sahˬ paˬ-euˬ aˬ li deuˬ guiˇ maꞈ maꞈ ma laˆ uiˬ-awˇ, guiˇ deuˆ-eu gʼaˇ duˬ lehˬ hmˬ tehꞈ-a. Sahˬ paˬ-euˬ aˬ li tiˬ gʼaˬ iˇ jeuˬ jeuˬ-eu loꞈ-ehˇ iˇ gʼeh-awˇ, muiˇ-eu deuˬ-euˬ taꞈ-ahˇ deuˆ tehꞈ-a.

Daˬyeˬlaˇ 11:11

Iˇjiˇtuˆ sahˬ paˬ nui ma pehˇ laˇ-eu laꞈ kʼoeˇ, Suˇliˆ sahˬ paˬ-ahˇ guiˇ deuˆ-awˇ, huiˬ dui dui-eu guiˇ maꞈ-ahˇ nyehꞈ mi tehꞈ-a.

Daˬyeˬlaˇ 11:13

“Suˇliˆ sahˬ paˬ gʼoꞈ leˇ-awˇ, yaw beh naˆ maˬ tseˇ myaˬ-eu guiˇ maꞈ paˇ lehˬ hmˬ leˇ tehꞈ-a. Aˇ yamˬ tsaˬ laˇ ngeh jawˇ, guiˇ deuˆ-eu keu ka tiˬ loꞈ ahˇ-eu myaˬ dui dui-eu guiˇ maꞈ sheuˬ-awˇ paˇ oe tehꞈ-a.

Daˬyeˬlaˇ 11:22

Aˬ yawꞈ-euˬ ehˇ dawˬ maˬ geuꞈ-eu tsawˇ haˬ aˬ geu gʼaˬ maˬ kaˬ, Miˬyehˇ-euˬ Piˇ ma Yaw huiˬ gʼaˬ-ahˇ keuˆ ni, tiˬ gʼaˬ-iˬ maˬ bi dzeuˇ-iˇ ni laˆ byoˆ nehˬ tehꞈ-a.

Daˬyeˬlaˇ 11:25

“Aˬ yawꞈ Iˇjiˇtuˆ sahˬ paˬ-ahˇ guiˇ deuˆ-eu gʼaˇ duˬ guiˇ maꞈ maꞈ ma lehˬ hmˬ-awˇ, Iˇjiˇtuˆ sahˬ paˬ kʼawꞈ aˬ yawꞈ-ahˇ guiˇ deuˆ-eu gʼaˇ duˬ, kʼoeˇ myaˆ maˬ tseˇ myaˬ-eu guiˇ maꞈ maꞈ ma lehˬ hmˬ tehꞈ-a. Ehˇ kʼawꞈ, tsawˇ gahˇ bi gahˇ gʼaˬ-euˬ baˬ da neh Iˇjiˇtuˆ sahˬ paˬ guiˇ maˬ deuˆ gʼaˬ nya-a.

Daˬyeˬlaˇ 11:35

Zaˬ siˬ tsawˇ gahˇ byah-eu aˬ yuiꞈ aˬ tsu tiˬ paˆ na deuˬ bi sehꞈ tehꞈ-a. Ehˇ kʼawꞈ kʼoeˇ loꞈ-ehˇ bi sehꞈ-euˬ baˬ da neh, tsawˇ haˬ zaˬ deuˬ muiˬ laˇ shawˇ laˇ tehꞈ-a. Miˬyehˇ neh lehˬ hmˬ taˬ-euˬ aˇ saˬ saˬ-eu aˇ yamˬ keuˆ laˇ ngeh keuˆ ni, kʼoeˇ loꞈ-ehˇ pyeuꞈ pyeuꞈ-ehˇ jaˆ tehꞈ-a.

Daˬyeˬlaˇ 11:39

Aˬ yawꞈ-euˬ taˆ-ahˇ bi loꞈ piˇ-eu gʼaˇ duˬ, aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-eu tsawˇ haˬ deuˬ-ahˇ aˬ yawꞈ gʼoe tehꞈ-a. Aˬ yawꞈ-ahˇ sahˬ paˬ meh lehˇ kʼaˇ noeˬ-eu tsawˇ haˬ deuˬ-ahˇ aˬ yawꞈ taˬ huiˬ nehˬ-awˇ, huiˬ-eu gaˇ deuˬ bi mˇ-awˇ, miˇ tsaˬ pehˇ tsahˇ laꞈ sawˬ biꞈ nehˬ tehꞈ-a.

Daˬyeˬlaˇ 11:7

Gʼawˬ myahˇ maˬ gʼeh-ehˇ, aˬ yawꞈ-euˬ aˬ yuiꞈ aˬ nyiˇ tiˬ gʼaˬ sahˬ paˬ keuˆ leˇ tehꞈ-a. Sahˬ paˬ kʼoeˇ gʼaˬ, Suˇliˆ sahˬ paˬ-euˬ guiˇ maꞈ-ahˇ guiˇ deuˆ-awˇ, aˬ yawꞈ maꞈ-euˬ taˆ laꞈ kʼoeˇ deuˆ uˇ gʼeh-awˇ, deuˆ gʼaˬ tehꞈ-a.

Daˬyeˬlaˇ 12:4

Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ poˆ jawˇ-aˬ, sahˬ boꞈ piˬ tehˬ-awˇ, miˇ tsaˬ heu aˇ saˬ saˬ ngeh keuˆ ni jmˬ diˬ-awˇ bi jaˆ-awˬ. Aˇ yamˬ heu tiˬ kʼehˬ laꞈ kʼoeˇ, aˬ joˆ-ehˇ pyeuꞈ laˇ luꞈ-eu gaˇ kawˆ siˬ duˬ mawꞈ-eu tsawˇ haˬ deuˬ, kʼoeˇ paw heu paw coeˬ coeˬ-ehˇ shaˬ tehꞈ-a.”

Daˬyeˬlaˇ 12:9

Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ nawˇ heu gaˇ neh doˆ iˇ-awˬ. Aˬ jeˬ miˇ neh ehˇ naˇ, aˇ saˬ saˬ-eu aˇ yamˬ maˬ keuˆ laˇ kʼoeˇ keuˆ ni, gaˇ kawˆ heu ya zaꞈ taˬ meh.

Daˬyeˬlaˇ 8:17

Gaˬbeˬlaˇ oe-awˇ ngaˬ-euˬ dawˬ peh yawꞈ le ngeh, ngaˇ guˆ dui dui-iˇ-awˇ, miˇ tsa coˬ dzeh-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, nawˬ neh yaw sahˇ laꞈ kʼoeˇ ya siˬ ya mawˇ-euˬ dawˬ tsuiꞈ siˬ nya-awˬ. Kʼoeˇ-aˬ, miˇ tsaˬ heu aˇ saˬ saˬ-eu gaˇ kawˆ-ahˇ taꞈ leˇ-eu meh.”

Haˬbaˬkuˆ 3:14

Cehˆ zaꞈ taˬ-euˬ yaw shaˬ zaˬ-ahˇ, nyehꞈ dzaˬ-eu lehˇ noeˬ tsoˆ taˬ-awˇ, jaˬ lehˇ lehˇ zeuˆ loꞈ-ehˇ oe-eu, guiˇ maꞈ kʼoeˇ maꞈ-euˬ aˬ yuiꞈ-ahˇ, aˬ yawꞈ-euˬ gahˬ nawˇ yuˇ doˆ-awˇ, uˬ duˬ joeˬ tsoˆ doˆ nehˬ-euˬ meh.

Zaˬkaˬliˇ 9:14

Aˬ yawꞈ-euˬ tsawˇ haˬ deuˬ kʼoeˇ taˆ, Sahˬpaˬ Miˬyehˇ doˆ le tehꞈ-a. mˬ jeˬ tsawˬ tehˆ tehˆ-eu loꞈ-ehˇ, aˬ yawꞈ kaˆ myaˬ beuˆ leꞈ tehꞈ-a. Dawˬ tawˆ kʼoeˇ taˆ uˆ lahˇ luꞈ-eu, Sahˬpaˬ Miˬyehˇ daˇ heh baw-awˇ, laꞈ oˆ paw neh baw daˆ laꞈ-euˬ, jaˬ lehˇ lehˇ ma dziˬ laꞈ tehꞈ-a.

Panmaeq 16:12

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo Uˇpaˬlaˇ lawˇ baˬ baˬ ma-ahˇ shehˆ daˆ-euˬ meh. Kʼoeˇ ngeh, nahˇ ma doˆ kʼehˬ paw neh oe-euˬ sahˬ paˬ deuˬ oe tsehˆ nya ni lawˇ baˬ gui-iˇ-euˬ meh.

Panmaeq 9:16

Mahˬ dziˬ-eu yehˇ aˇ myaˆ gʼaˬ byah-eu gaˇ kawˆ ngaˬ-ahˇ ehˇ nehˬ laꞈ-euˬ meh. Nyiˬ yaˇ lam gʼaˬ byah-eu meh.