Daˬyeˬlaˇ 11:38 - Akha

³⁸ Ehˇ kʼawꞈ, ziꞈ dah ni gʼeh-eu taˆ deuˬ-ahˇ haw piˇ-eu miˬ yehˇ-ahˇ aˬ yawꞈ yaw zeu baw tehꞈ-a. Aˬ yawꞈ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ-ahˇ, shuiˇ, pyuˇ, aˇ poeˬ kʼaˆ-eu kʼaˬ lo sehˇ hawˇ-eu, muiˬ dui dui-eu aˇ poeˬ kʼaˆ-eu laꞈ sawˬ deuˬ aˬ yawꞈ damˬ nehˬ tehꞈ-a.

Daˬyeˬlaˇ 11:38 ပူးပေါင်းရင်းမြစ်များ

Iˇsaˬyaˇ 44:9

Tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu deuˬ, tsawˇ haˬ dawˇ ga pyeuꞈ-awˇ, aˬ yawꞈ maꞈ taˬ huiˬ taˬ mahˇ luꞈ-eu miˬ yehˇ tiˬ jeˬ-iˬ gaˇ dahˇ maˬ tsoeˬ-a. Miˬ yehˇ kʼoeˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ myaˆ behꞈ-ahˇ duˇ-awˇ zaˬ siˬ tsawˇ gahˇ maˬ ahˇ-eu miˇ neh, ya shaꞈ dawˇ gaˇ keuˆ tehꞈ-a.

Daˬyeˬlaˇ 11:37

Aˬ yawꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ hawˇ-eu zaˬ miˬ zaˬ deuˬ gaˬ-eu miˬ yehˇ-ahˇ, aˬ yawꞈ myaˆ maˬ haw cawˬ ni jawˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ dzehˬ ma lehˇ noeˬ-awˇ, miˬ yehˇ-ahˇ miˬ yehˇ lehˇ maˬ sawˇ ni dehꞈ tehꞈ-a.

Daˬyeˬlaˇ 11:39

Aˬ yawꞈ-euˬ taˆ-ahˇ bi loꞈ piˇ-eu gʼaˇ duˬ, aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-eu tsawˇ haˬ deuˬ-ahˇ aˬ yawꞈ gʼoe tehꞈ-a. Aˬ yawꞈ-ahˇ sahˬ paˬ meh lehˇ kʼaˇ noeˬ-eu tsawˇ haˬ deuˬ-ahˇ aˬ yawꞈ taˬ huiˬ nehˬ-awˇ, huiˬ-eu gaˇ deuˬ bi mˇ-awˇ, miˇ tsaˬ pehˇ tsahˇ laꞈ sawˬ biꞈ nehˬ tehꞈ-a.

Daˬyeˬlaˇ 11:7

Gʼawˬ myahˇ maˬ gʼeh-ehˇ, aˬ yawꞈ-euˬ aˬ yuiꞈ aˬ nyiˇ tiˬ gʼaˬ sahˬ paˬ keuˆ leˇ tehꞈ-a. Sahˬ paˬ kʼoeˇ gʼaˬ, Suˇliˆ sahˬ paˬ-euˬ guiˇ maꞈ-ahˇ guiˇ deuˆ-awˇ, aˬ yawꞈ maꞈ-euˬ taˆ laꞈ kʼoeˇ deuˆ uˇ gʼeh-awˇ, deuˆ gʼaˬ tehꞈ-a.

1 Tiˆmoˇseˬ 4:1

Aˇ nah aˇ nah-ehˇ, tsawˇ haˬ tiˬ paˆ na deuˬ jah-eu jeˬ-ahˇ byehˇ dzeh tehꞈ-a lehˇ Yaw sahˇ Miˬyehˇ ehˇ-eu meh. Jaˬ myawꞈ myawꞈ-eu yaw sahˇ deuˬ-euˬ dawˬ-ahˇ aˬ yawꞈ maꞈ naˇ haˬ-awˇ, nehꞈ mehˬ-eu tsoˆ-eu mehˬ nah caw teh gʼeh tehꞈ-a.

Panmaeq 18:12

A yawꞈ maꞈ-euˬ shuiˇ deuˬ, pyuˇ deuˬ, aˇ poeˬ kʼaˆ-eu kʼaˬ lo sehˇ deuˬ, aˇ caˇ caˇ kʼawꞈ sehˇ deuˬ, shawˇ jehˆ ni gʼeh-eu saˬ paˇ paˇ pyuˇ deuˬ, neˇ naˆ naˆ-eu saˬ paˇ deuˬ, boeˬ saˬ paˇ deuˬ, poeˬ dui dui-eu daˇ kawˬ deuˬ, ya ma juiˇ hawˇ-eu aˇ poeˬ kʼaˆ-eu daˇ kawˬ neh jahˇ taˬ-euˬ mˇ myawˬ deuˬ, guiˬ shuiˇ, shmˇ hawˇ-eu lo pyuˇ neh jahˇ taˬ-euˬ mˇ myawˬ deuˬ,