Daˬyeˬlaˇ 11:29 - Akha

²⁹ “Aˇ yamˬ tsaˬ laˇ ngeh, Iˇjiˇtuˆ miˇ kʼahˬ-ahˇ aˬ yawꞈ guiˇ tiˬ poˆ paˇ deuˆ-iˇ tehꞈ-a. Ehˇ kʼawꞈ, kʼoeˇ ngeh poˆ guiˇ deuˆ-eu-aˬ, yaw beh poˆ-ahˇ maˬ duˇ ni, yawˬ jeˬ yawˬ-ehˇ pyeuꞈ-iˇ tehꞈ-a.

Daˬyeˬlaˇ 11:29 ပူးပေါင်းရင်းမြစ်များ

Iˇsaˬyaˇ 14:31

Meuˬ lahˇ kʼehˬ-oˇ, guˇ-awˬ. Meuˬ-oˇ, ngoeˇ-awˬ. Piˇliˇtiˆ tsawˇ haˬ deuˬ-oˇ, guˆ dui dui-awˬ. Laꞈ taˆ paw pyawˬ-ahˇ uˬ kʼoeˬ du doˆ laˇ luꞈ-eu kʼoeˇ, guiˇ maꞈ maꞈ ma pyeuꞈ-awˇ, guˆ-eu nui ma ahˇ-eu tiˬ gʼaˬ-iˬ maˬ keuˬ-a.

Daˬyeˬlaˇ 10:1

(Sahˬ paˬ Guˇluˆ Paˇshaˇ miˇ kʼahˬ-ahˇ uˆ lahˇ-euˬ smˇ kʼoꞈ tiˬ kʼoꞈ-ahˇ, Beˬteˬshaˬzaˬ lehˇ kuˇ-eu Daˬyeˬlaˇ-ahˇ, dawˬ pah mehˬ le-euˬ meh. Dawˬ kʼoeˇ dawˬ tsaˬ-eu dawˬ pyeuꞈ-eu meh. Ehˇ kʼawꞈ, gʼoˆ shaw nya-eu gʼaˇ duˬ maˬ awˬ-a. Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, dawˬ kʼoeˇ-euˬ dawˬ tsuiꞈ aˬ yawꞈ-ahˇ ehˇ mehˬ nehˬ le-euˬ meh.)

Daˬyeˬlaˇ 11:23

Miˇ kʼahˬ yaw nyiˇ tiˬ kʼahˬ-ahˇ aˬ yawꞈ uˆ lahˇ-eu tehꞈ kʼawꞈ, miˇ kʼahˬ nui deuˬ nehˬ-ehˇ tsawˇ gahˇ gahˇ-awˇ saˇ jaˇ dzaˬ taꞈ-eu laꞈ kʼoeˇ, tiˬ jawˇ saˇ-i tiˬ jawˇ aˬ yawꞈ gʼaˬ kʼaˆ dzehˬ laˇ tehꞈ-a.

Daˬyeˬlaˇ 11:25

“Aˬ yawꞈ Iˇjiˇtuˆ sahˬ paˬ-ahˇ guiˇ deuˆ-eu gʼaˇ duˬ guiˇ maꞈ maꞈ ma lehˬ hmˬ-awˇ, Iˇjiˇtuˆ sahˬ paˬ kʼawꞈ aˬ yawꞈ-ahˇ guiˇ deuˆ-eu gʼaˇ duˬ, kʼoeˇ myaˆ maˬ tseˇ myaˬ-eu guiˇ maꞈ maꞈ ma lehˬ hmˬ tehꞈ-a. Ehˇ kʼawꞈ, tsawˇ gahˇ bi gahˇ gʼaˬ-euˬ baˬ da neh Iˇjiˇtuˆ sahˬ paˬ guiˇ maˬ deuˆ gʼaˬ nya-a.

Daˬyeˬlaˇ 11:28

Suˇliˆ sahˬ paˬ-aˬ, aˬ yawꞈ neh guiˇ kʼaˇ deuˆ za-euˬ myawˬ gahˬ deuˬ yuˇ-awˇ gʼoꞈ daˆ leˇ tehꞈ-a. Miˬyehˇ-euˬ tsawˇ haˬ deuˬ-euˬ uˬ duˬ tahˬ-eu zahˇ sahˇ kʼoꞈ-ahˇ laˆ cawˆ ma lehˇ, aˬ yawꞈ-euˬ nui ma laꞈ kʼoeˇ noeˬ tsehˆ tehꞈ-a. Aˬ yawꞈ kʼaˇ jahˇ mawꞈ-eu jeˬ jahˇ yaꞈ-awˇ, aˬ yawꞈ-euˬ miˇ kʼahˬ-ahˇ gʼoꞈ daˆ leˇ tehꞈ-a.

Daˬyeˬlaˇ 11:30

Loˇmaˆ tsawˇ haˬ deuˬ saˇ baoˬ dziˬ-awˇ oe-awˇ, aˬ yawꞈ-ahˇ ciˬ daˬ le-eu miˇ neh, aˬ yawꞈ guˆ dui dui-iˇ tehꞈ-a. “Kʼoeˇ naˇ, aˬ yawꞈ nui ma pehˇ dui dui-eu laꞈ kʼoeˇ jeˬ nah paw gʼoꞈ kʼoꞈ laˇ-awˇ, Miˬyehˇ-euˬ tsawˇ haˬ deuˬ-euˬ uˬ duˬ tahˬ-eu zahˇ sahˇ kʼoꞈ-ahˇ laˆ cawˆ-eu lehˇ leh jeh tehꞈ-a. Uˬ duˬ tahˬ-eu zahˇ sahˇ kʼoꞈ kʼoeˇ hmˬ-ahˇ byehˇ dzeh-euˬ tsawˇ haˬ deuˬ-ahˇ aˬ yawꞈ gʼaˬ baꞈ baꞈ tehꞈ-a.

Daˬyeˬlaˇ 8:19

Aˬ yawꞈ ehˇ-eu, “Miˬyehˇ nui ma pehˇ-eu jeˬ aˬ joˆ-ehˇ gʼeh laˇ nga lehˇ nawˬ-ahˇ ngaˇ mehˬ nehˬ nyaˇ. Nawˬ neh ya siˬ ya mawˇ-euˬ heu-aˬ, aˇ saˬ saˬ-eu aˇ nah aˇ yamˬ-ahˇ taꞈ leˇ-eu meh.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Gaˬlaˬtiˆ 4:2

Aˬ da gʼaˬ neh ehˇ taˬ-euˬ aˇ yamˬ maˬ keuˆ laˇ kʼoeˇ keuˆ ni, aˬ yawꞈ-ahˇ bo saˆ-eu deuˬ hawˇ-eu aˬ yawꞈ-euˬ gaˇ mˇ dah nehˬ-eu deuˬ ya bi jawˇ-eu meh.