Daˬyeˬlaˇ 11:28 - Akha

²⁸ Suˇliˆ sahˬ paˬ-aˬ, aˬ yawꞈ neh guiˇ kʼaˇ deuˆ za-euˬ myawˬ gahˬ deuˬ yuˇ-awˇ gʼoꞈ daˆ leˇ tehꞈ-a. Miˬyehˇ-euˬ tsawˇ haˬ deuˬ-euˬ uˬ duˬ tahˬ-eu zahˇ sahˇ kʼoꞈ-ahˇ laˆ cawˆ ma lehˇ, aˬ yawꞈ-euˬ nui ma laꞈ kʼoeˇ noeˬ tsehˆ tehꞈ-a. Aˬ yawꞈ kʼaˇ jahˇ mawꞈ-eu jeˬ jahˇ yaꞈ-awˇ, aˬ yawꞈ-euˬ miˇ kʼahˬ-ahˇ gʼoꞈ daˆ leˇ tehꞈ-a.

Daˬyeˬlaˇ 11:28 ပူးပေါင်းရင်းမြစ်များ

Daˬyeˬlaˇ 11:22

Aˬ yawꞈ-euˬ ehˇ dawˬ maˬ geuꞈ-eu tsawˇ haˬ aˬ geu gʼaˬ maˬ kaˬ, Miˬyehˇ-euˬ Piˇ ma Yaw huiˬ gʼaˬ-ahˇ keuˆ ni, tiˬ gʼaˬ-iˬ maˬ bi dzeuˇ-iˇ ni laˆ byoˆ nehˬ tehꞈ-a.

Daˬyeˬlaˇ 11:27

Kʼoeˇ naˇ, sahˬ paˬ kʼoeˇ nyiˬ gʼaˬ hawˬ jeh tiˬ jeh -ahˇ tehꞈ-ehˇ dzaˬ taꞈ tehꞈ-a. Ehˇ kʼawꞈ, aˬ yawꞈ nyaꞈ nui ma laꞈ gʼoꞈ baw-awˇ, tiˬ gʼaˬ tiˇ gʼaˬ jaˬ myawꞈ myawꞈ tehꞈ-a. Aˇ yamˬ maˬ keuˆ laˇ-euˬ miˇ neh, aˬ yawꞈ nyaꞈ neh noeˬ taˬ-euˬ jeˬ maˬ mˇ pyeuꞈ nya-a.

Daˬyeˬlaˇ 11:29

“Aˇ yamˬ tsaˬ laˇ ngeh, Iˇjiˇtuˆ miˇ kʼahˬ-ahˇ aˬ yawꞈ guiˇ tiˬ poˆ paˇ deuˆ-iˇ tehꞈ-a. Ehˇ kʼawꞈ, kʼoeˇ ngeh poˆ guiˇ deuˆ-eu-aˬ, yaw beh poˆ-ahˇ maˬ duˇ ni, yawˬ jeˬ yawˬ-ehˇ pyeuꞈ-iˇ tehꞈ-a.

Daˬyeˬlaˇ 8:12

Tsawˇ haˬ zaˬ deuˬ kʼoeˇ gaˇ aˬ yawꞈ nah yawꞈ lawˇ-eu jeˬ maˬ paˇ lawˇ ni, iˬ baˇ mˇ-awˇ, yaw tsaˬ yaw dawˇ jeˬ-ahˇ miˇ tsa biˬ dzeh-euˬ meh. Uˬ coeˇ kʼoeˇ kahˬ-aˬ, aˬ yawꞈ kʼaˇ mˇ mawꞈ-eu jeˬ mˇ pyeuꞈ nya-eu meh.

Daˬyeˬlaˇ 8:24

Aˬ yawꞈ-aˬ, baoˬ huiˬ dui dui tehꞈ-a. Ehˇ kʼawꞈ, aˬ yawˇ yawꞈ baoˬ huiˬ laˇ-euˬ maˬ ngeuˇ-a. Aˬ yawꞈ-aˬ, guˆ laˇ paˬ-ehˇ gʼeh-eu laˆ cawˆ-eu jeˬ mˇ-awˇ, aˬ yawꞈ kʼaˇ mˇ mawꞈ-euˬ yawˬ jeˬ na luꞈ mˇ pyeuꞈ shaˇ pyeuꞈ nya-eu meh. Baoˬ huiˬ-eu tsawˇ haˬ deuˬ hawˇ-eu Miˬyehˇ-euˬ tsawˇ haˬ deuˬ kʼoeˇ taˆ, yaw cawˆ jeˬ keuˆ le ni aˬ yawꞈ mˇ tehꞈ-a.

Gʼaˬkʼehˇ 3:25

Miˬyehˇ neh aˬ yawꞈ gʼaˇ duˬ ngehˬ dah-eu deuˬ-ahˇ gʼoe-awˇ saˇ jaˇ dzaˬ taˬ-euˬ-aˬ, naw maꞈ gʼaˇ duˬ pyeuꞈ-awˇ, naw maꞈ-euˬ aˬ poeˬ aˬ bawˇ deuˬ hawˇ-eu Miˬyehˇ yaw kaˬ dzaˬ taˬ-euˬ dawˬ ma saˇ jaˇ kʼoeˇ, naw maꞈ-ahˇ kʼawꞈ taꞈ-eu meh. Miˬyehˇ neh Aˬbyaˬhaˬ-ahˇ ‘Nawˬ-euˬ zaˬ nawˬ-euˬ uˆ deuˬ-ahˇ gʼoe-awˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ ma lehˇ ehˇ nehˬ-euˬ dawˬ kʼoeˇ dawˬ, naw maꞈ-ahˇ kʼawꞈ ehˇ mawꞈ-eu meh.