Daˬyeˬlaˇ 11:11 - Akha

¹¹ Iˇjiˇtuˆ sahˬ paˬ nui ma pehˇ laˇ-eu laꞈ kʼoeˇ, Suˇliˆ sahˬ paˬ-ahˇ guiˇ deuˆ-awˇ, huiˬ dui dui-eu guiˇ maꞈ-ahˇ nyehꞈ mi tehꞈ-a.

Daˬyeˬlaˇ 11:11 ပူးပေါင်းရင်းမြစ်များ

1 Sahˬpaˬ 20:13

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu tiˬ gʼaˬ Aˬhaˆ jawˇ gaˇ iˇ-awˇ, “Huiˬ dui dui-eu guiˇ maꞈ kʼoeˇ maꞈ-ahˇ taˬ guˆ. Ngaˇ nawˬ-ahˇ aˬ yawꞈ maꞈ kʼoeˇ taˆ bi gʼaˬ leˇ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ nawˇ ya siˬ tehꞈ-a lehˇ Sahˬpaˬ Miˬyehˇ ehˇ-eu meh” lehˇ ehˇ nehˬ-euˬ meh.

1 Sahˬpaˬ 20:28

Miˬyehˇ gʼaˇ duˬ ngehˬ dah-eu tiˬ gʼaˬ sahˬ paˬ Aˬhaˆ jawˇ gaˇiˇ-awˇ, heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ ehˇ-eu, Ngaˇ-aˬ, gawˬ jawˬ gawˬ duˇ miˬ yehˇ pyeuꞈ-awˇ, deh ga-euˬ miˬ yehˇ maˬ ngeuˇ-a lehˇ Suˇliˆ tsawˇ haˬ deuˬ ehˇ-eu miˇ neh, huiˬ dui myaˬ dui dui-eu aˬ yawꞈ maꞈ-euˬ guiˇ maꞈ deuˬ kʼoeˇ taˆ, nawˬ-ahˇ ngaˇ bi gʼaˬ leˇ ma. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, nawˇ hawˇ-eu nawˬ-euˬ tsawˇ haˬ deuˬ ya siˬ tehꞈ-a lehˇ ehˇ-eu meh.”

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Yeˬlaˬmiˇ 27:6

Miˇ kʼahˬ heu deuˬ dawˬ tawˆ luꞈ Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ uˆ lahˇ-eu uˬ moˆ ya jawˇ ni jahˇ-euˬ gʼaˬ ngaˇ pyeuꞈ-awˇ, jeˬ zaˬ deuˬ kʼawꞈ aˬ yawꞈ-euˬ zaˬ kʼaˆ geuꞈ ni ngaˇ jahˇ-euˬ ma.

Daˬyeˬlaˇ 11:12

Aˬ yawꞈ guiˇ deuˆ gʼaˬ-euˬ gaˇ kawˆ hawˇ-eu, aˬ yawꞈ neh yehˇ gʼawˬ mya ni deuˆ sehꞈ-euˬ gaˇ kawˆ, aˬ yawꞈ kʼahˬ sehˇ jehˆ tehꞈ-a. Ehˇ kʼawꞈ, aˬ yawꞈ aˬ myah luꞈ kʼoeˇ loꞈ-ehˇ tehꞈ-ehˇ maˬ deuˆ gʼaˬ nya ni pyeuꞈ laˇ tehꞈ-a.

Daˬyeˬlaˇ 11:40

“Suˇliˆ sahˬ paˬ-euˬ aˇ yamˬ jiˇ le-eu dawˬ peh peh laˇ ngeh, Iˇjiˇtuˆ sahˬ paˬ aˬ yawꞈ-ahˇ guiˇ deuˆ laˇ tehꞈ-a. Suˇliˆ sahˬ paˬ gʼeh gʼaˬ kʼaˇ jaˆ-eu yuˇ doˆ-awˇ, mahˬ laˆ lawˬ deuˬ, mahˬ deuˬ, saˇ baoˬ deuˬ zmˬ-awˇ guiˇ deuˆ tehꞈ-a. Iˇ jeuˬ jeuˬ-eu loꞈ-ehˇ, miˇ kʼahˬ gʼawˬ mya kʼahˬ-ahˇ aˬ yawꞈ guiˇ deuˆ uˇ gʼeh tehꞈ-a.

Daˬyeˬlaˇ 11:44

Kʼoeˇ naˇ, nahˇ ma doˆ kʼehˬ paw hawˇ-eu laꞈ taˆ paw pyawˬ-ahˇ neh gaˬ le-euˬ dawˬ deuˬ-ahˇ aˬ yawꞈ tsawˬ guˆ-iˇ-awˇ, guˆ kʼaˬ kʼaˬ-eu laꞈ kʼoeˇ guiˇ deuˆ dui paˇ dui-awˇ, tsawˇ haˬ gʼawˬ mya ni sehꞈ tehꞈ-a.

Daˬyeˬlaˇ 11:5

“Iˇjiˇtuˆ sahˬ paˬ gʼaˬ kʼaˆ dui dui tehꞈ-a. Ehˇ kʼawꞈ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ tiˬ gʼaˬ aˬ yawꞈ naˆ maˬ tseˇ gʼaˬ kʼaˆ laˇ-awˇ, aˬ yawꞈ-euˬ miˇ kʼahˬ naˆ maˬ tseˇ huiˬ-eu miˇ kʼahˬ-ahˇ ya uˆ lahˇ tehꞈ-a.

Daˬyeˬlaˇ 2:38

Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ maˬ ehˇ, jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼoeˇ taˆ maˬ ehˇ, nawˇ bi uˆ lahˇ-euˬ meh. Nawˇ-aˬ, shuiˇ uˬ duˬ kʼoeˇ siˬ meh.

Daˬyeˬlaˇ 8:7

Yawˇ kʼoeˇ mawˇ-ahˇ aˬ yawꞈ coeˬ tahˬ gʼeh gaˇ ngaˇ haw luꞈ-eu ma. Aˬ yawꞈ nui ma pehˇ dui dui-eu miˇ neh, yawˇ kʼoeˇ mawˇ-ahˇ ciˬ tuˆ dzeh gʼeh-awˇ, uˬ coeˇ nyiˬ kahˬ luꞈ tahˬ kʼehꞈ-euˬ meh. Yawˇ kʼoeˇ mawˇ aˬ yawꞈ-ahˇ ciˬ daˬ-eu gʼaˬ maˬ ahˇ-a. Miˇ tsa bi tahˬ dzeh gʼeh-awˇ, nawˬ pahˬ nawˬ lahˇ nehˬ-euˬ meh. Ehˇ kʼawꞈ, yawˇ kʼoeˇ mawˇ-ahˇ tiˬ gʼaˬ-iˬ maˬ ka kʼoꞈ nehˬ nya-a.