Dawˬ tsoˆ 9:7 - Akha

⁷ Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Dawˬ tsoˆ 9:7 ပူးပေါင်းရင်းမြစ်များ

Aˇ dahˬ 12:19

Aˬ jeˬ miˇ neh nawˬ-euˬ dmˇ ma pyeuꞈ-eu ma lehˇ jaˬ myawꞈ myawꞈ-awˇ, ngaˬ-ahˇ bi mˇ dzaˬ le te. Nawˬ-euˬ miˬ zaˬ heu gʼaˬ sheuˬ-awˇ doˆ-iˇ-awˬ.”

1 Sahˬpaˬ 8:66

Yehꞈ nah tiˬ nah keuˆ laˇ ngeh, tsawˇ haˬ kʼoeˇ deuˬ-ahˇ Sawˇlaˬmoˬ bi gʼoꞈ-iˇ-euˬ meh. Sahˬpaˬ Miˬyehˇ-euˬ zaˬ kʼaˆ Daˬbiˇ hawˇ-eu aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ neh biꞈ-euˬ guiˬ lahˬ yaw dzahˇ deuˬ baˬ da neh, sahˬ paˬ Sawˇlaˬmoˬ-ahˇ aˬ yawꞈ maꞈ ja ceuˬ-euˬ meh.

Dawˬ tsoˆ 10:19

Dzaˬ byawˬ dawˇ byawˬ-eu jeˬ tsawˇ haˬ-ahˇ laˬ kʼaˬ bi cehˇ-awˇ, aˬ gaꞈ dzaˇ uiˇ dawˇ-eu jeˬ nui ma-ahˇ laˆ saˆ nya-eu meh. Ehˇ kʼawꞈ, pyuˇ-aˬ, yawˬ jeˬ na luꞈ jahˇ pyeuꞈ nya-eu meh.

Dawˬ tsoˆ 11:8

Aˬ yawꞈ kʼoꞈ yawꞈ nawˇ ya dehꞈ-eu guiˬ lahˬ-ahˇ taˬ ngehˇ. Nawˇ aˇ myah ni yaw dehꞈ ya dehꞈ-eu kʼawꞈ, yaw shiˇ aˇ yamˬ kʼoeˇ myah maˬ tseˇ myahˇ dzehˬ-eu meh. Mehˬ hu paw noeˬ tmˬ duˬ tiˬ jeˬ-iˬ maˬ jaˆ-a.

Dawˬ tsoˆ 5:18

Ngaˇ heu loꞈ-ehˇ noeˬ duˬ taˬ-euˬ ma. Muiˬ dzehˬ-eu jeˬ-aˬ, Miˬyehˇ aˬ dui-ahˇ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ bi dehꞈ laꞈ ngeh, dzaˬ byawˬ dawˇ byawˬ-awˇ, aˬ dui neh mˇ-euˬ gaˇ-ahˇ nui kʼahˇ shiˇ-eu jeˬ muiˬ dzehˬ meh.

Dawˬ tsoˆ 7:14

Guiˬ lahˬ baw ngeh laˬ kʼaˬ cehˇ-awˇ, guiˬ lahˬ doeˇ ngeh yehˬ cehˬ cehˬ-awˬ. Nyiˬ jeˬ luꞈ Miˬyehˇ beh-euˬ meh. Ni shawˬ gaˇ kawˆ siˬ duˬ nya-eu, tsawˇ haˬ tiˬ gʼaˬ-iˬ maˬ jawˇ-a.

Dawˬ tsoˆ 8:15

Kʼoeˇ miˇ neh, tsawˇ haˬ zaˬ byawˬ gʼa mo gʼa-eu jeˬ mˇ-eu tsaˬ meh lehˇ ngaˇ noeˬ duˬ taˬ-euˬ ma. Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ dehꞈ ngeh aˬ yawꞈ gʼaˇ duˬ nui kʼahˇ shiˇ kʼaˇ za-eu-aˬ, dzaˬ byawˬ dawˇ byawˬ byawˬ-awˇ, byawˬ-eu mo-eu jeˬ mˇ-eu heu tehꞈ meh. Miˬyehˇ neh nahˇ ma heu siˬ uˬ moˆ aˬ yawꞈ-ahˇ bi dehꞈ-euˬ aˇ yamˬ laꞈ kʼoeˇ aˬ yawꞈ mˇ dzaˬ kʼawꞈ dawˇ luꞈ ngeh, aˬ yawꞈ kʼoeˇ loꞈ-ehˇ byawˬ gʼa mo gʼa nya-eu meh.

Bawˇtsahˬ 6:20

Kʼoeˇ naˇ, piˇ ma gʼaˬ kʼoeˇ deuˬ paˇ yuˇ-awˇ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh. Kʼoeˇ deuˬ uˬ taꞈ, yawˇ aˬ buˬ kʼoeˇ mawˇ-euˬ kʼahˬ hawˇ-eu aˬ kuiˇ-aˬ, zahˇ dawˬ kʼoꞈ dawˬ jaˆ-euˬ loꞈ-ehˇ, piˇ ma gʼaˬ-euˬ shaˬ bymˇ pyeuꞈ-eu muiˬ-eu shawˇ-eu lawˇ-eu jeˬ meh. Kʼoeˇ loꞈ-ehˇ mˇ gʼaˬ ngeh, Naˬzaˬliˇ tsawˇ haˬ kʼoeˇ gʼaˬ aˬ gaꞈ dzaˇ uiˇ dawˇ nya meh.

Maˬkuˆ 7:29

Kʼoeˇ ngeh, Yeˬsuˇ aˬ yawꞈ-ahˇ ehˇ nehˬ-eu, “Nawˇ teu loꞈ-ehˇ ehˇ gʼaˬ-euˬ miˇ neh, gʼoꞈ-iˇ-awˬ. Nawˬ buˇ-ahˇ uˇ-eu nehꞈ doˆ-iˇ gʼaˬ-euˬ gaˇ nawˇ ya mawˇ tehꞈ-a.”

Luˇkaꞈ 11:41

Ehˇ kʼawꞈ, naw maꞈ-euˬ kʼmˬ maˬ laꞈ kʼoeˇ ahˇ-eu jeˬ shaˬ-eu zahˬ-eu tsawˇ haˬ deuˬ-ahˇ gamꞈ nehˬ-awˬ. Kʼoeˇ loꞈ-ehˇ jahˇ naˇ, naw maꞈ muiˬ laˇ shawˇ laˇ tehꞈ-a.

Yoˇhaˬ 4:50

Yeˬsuˇ aˬ yawꞈ-ahˇ ehˇ nehˬ-eu, “Gʼoꞈ-iˇ-awˬ. Nawˬ li jawˇ saˇ doˆ laˇ gʼaˬ-euˬ meh.” Tsawˇ haˬ kʼoeˇ gʼaˬ Yeˬsuˇ-euˬ dawˬ-ahˇ jah-awˇ, gʼoꞈ-iˇ-euˬ meh.

Gʼaˬkʼehˇ 10:35

Aˬ geu jeˬ tsawˇ jeuˬ pyeuꞈ-eu maˬ kaˬ, aˬ yawꞈ-ahˇ guˆ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ aˬ yawꞈ nui ma tsaˬ-eu meh.

Dawˬmehˬ 12:12

Naw maꞈ-euˬ zaˬ deuˬ, naw maꞈ-euˬ zaˬ kʼaˆ deuˬ hawˇ-eu, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ tiˬ kawˆ loꞈ-ehˇ, kʼoeˇ gaˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ. Leˬbiˇ tsawˇ haˬ deuˬ miˇ kʼahˬ maˬ baw-eu gaˇ noeˬ keuˆ-awˬ.

Dawˬmehˬ 12:7

Kʼoeˇ gaˇ, naw maꞈ-ahˇ guiˬ lahˬ biꞈ-eu gʼaˬ pyeuꞈ-eu naw maꞈ-euˬ Sahˬpaˬ Miˬyehˇ mehˬ shi, naw maꞈ hawˇ-eu naw maꞈ-euˬ miˬ sawˇ zaˬ deuˬ dzaˬ-awˇ dawˇ-awˇ, naw maꞈ neh mˇ-euˬ yaw muiˬ jeˬ gʼaˇ duˬ laˬ kʼaˬ ya cehˇ meh.

Luˇta 3:7

Bawˇza dzaˬ dehˆ dawˇ dehˆ gʼaˬ ngeh, nui ma juˆ lehˆ ni pyeuꞈ laˇ-awˇ, cehˇ bymˇ dawˬ peh le-awˇ yuꞈ-euˬ meh. Aˬ yawꞈ yuꞈ kʼaˆ gʼaˬ ngeh, Luˇta ciˬ cuˇ ni le-awˇ, aˇ bui bui dahˬ sheu diˇ-awˇ, aˬ yawꞈ-euˬ aˬ kuiˇ dawˬ peh yuꞈ-euˬ meh.