Dawˬ tsoˆ 9:5 - Akha

⁵ Dehꞈ luꞈ-eu deuˬ yawˬ ha ya shiˇ-eu gaˇ kawˆ siˬ nya kʼawꞈ, shiˇ dzeuˇ-euˬ deuˬ siˬ nya-eu aˬ jeˬ paˇ jaˆ ta. Aˬ yawꞈ maꞈ tiˬ jeˬ-iˬ aˇ poeˬ maˬ paˇ baw-ehˇ, tiˬ gʼaˬ-iˬ maˬ noeˬ mawˇ ni bi ngehˇ byoˆ jiˇ-eu meh.

Dawˬ tsoˆ 9:5 ပူးပေါင်းရင်းမြစ်များ

2 Saˬmeuˬlaˆ 14:14

Aˬ dui dawˬ tawˆ luꞈ ya shiˇ tehꞈ-a. Aˬ dui-aˬ, miˇ tsaˬ-ahˇ shehˆ dzeh-awˇ maˬ paˇ tawˆ kʼoꞈ geuꞈ nya-eu iˇ cuꞈ-ahˇ duˇ-eu meh. Shiˇ dzeuˇ-euˬ tsawˇ haˬ deuˬ-ahˇ, Miˬyehˇ maˬ bi gʼoꞈ dehꞈ laˇ-a. Ehˇ kʼawꞈ, aˬ cawˬ miˇ kʼahˬ-ahˇ cehˆ jawˇ-iˇ-euˬ tsawˇ haˬ tiˬ gʼaˬ gʼoꞈ laˇ nya ni, sahˬ paˬ gaˇ ma pah nehˬ nya tehꞈ-a.

Yawˇbaˆ 14:21

Aˬ yawꞈ-euˬ aˬ li deuˬ-ahˇ aˬ cawˬ taˬ huiˬ taˬ mahˇ nehˬ kʼawꞈ, aˬ yawꞈ maˬ paˇ ya siˬ meh. Aˬ yawꞈ maꞈ-ahˇ aˬ cawˬ kʼaˆ dzaˬ kʼawꞈ, aˬ yawꞈ maˬ paˇ mawˇ nya meh.

Yawˇbaˆ 30:23

Yawˬ gʼaˬ na luꞈ tiˬ poˆ ya uˇ-iˇ-eu jawˇ duˬ pyeuꞈ-eu shiˇ-eu miˇ kʼahˬ-ahˇ nawˇ ngaˬ-ahˇ yuˇ gʼeh luꞈ-eu ngaˇ siˬ nya ma.

Jaceuq 109:15

Aˬ yawꞈ maꞈ-euˬ iˬ baˇ-ahˇ Sahˬpaˬ Miˬyehˇ tiˬ jawˇ-iˬ maˬ ngehˇ-ehˇ, aˬ yawꞈ maꞈ-ahˇ ngehˇ tsehˆ tsehˆ nehˬ luꞈ-uˇ.

Jaceuq 6:5

Shiˇ-eu miˇ kʼahˬkʼoeˇkʼahˬlaꞈkʼoeˇ, nawˬ-ahˇ maˬpaˇnoeˬkeuˆcoeˇ-ehˇ, nawˬ-ahˇ ja ceuˬ-eu maˬjawˇ-a.

Jaceuq 88:13

Sahˬpaˬ Miˬyehˇ-oˇ, caw ba nehˬ laꞈ lehˇ nawˬ-ahˇ ngaˇ kuˇ-eu ma. Yawˬ shawˬ na luꞈ ngaˇ nawˬ-ahˇ guiˬ lahˬ shaˇ-eu ma.

Dawˬ tsoˆ 1:11

Aˇ hu pyeuꞈ dzeuˇ yaꞈ-euˬ gaˇ kawˆ, nymˬ-mˇ ngehˇ byoˆ jiˇ-euˬ loꞈ-ehˇ, aˬ kaˇ huˬ ziˇ dehꞈ dzeuˇ-euˬ jeˬ, nahˬ ziˇ maˬ paˇ ya siˬ nya-aˇ.

Dawˬ tsoˆ 2:16

Aˬ dzawˬ aˇ gah-ahˇ aˬ cawˬ maˬ noeˬ keuˆ-eu loꞈ-ehˇ, zaˬ siˬ tsawˇ gahˇ ahˇ-eu gʼaˬ-ahˇ kʼawꞈ, aˬ cawˬ maˬ noeˬ keuˆ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, dawˬ tawˆ luꞈ-ahˇ aˬ cawˬ ngehˇ jiˇ tehꞈ-a. Tsawˇ gahˇ ahˇ-eu deuˬ maˬ ehˇ, aˬ dzawˬ aˇ gah deuˬ maˬ ehˇ, tiˬ nah ya shiˇ byoˆ jiˇ tehꞈ-a.

Dawˬ tsoˆ 7:2

Dzaˬbyawˇ lawˇ-eu nymˇ naˆ maˬ tseˇ, tsawˇ ngoeˇ nymˇ-ahˇ iˇ-eu muiˬ meh. Shiˇ nah yawˬ gʼaˬ na-ahˇ loꞈ gaˇ, dehꞈ ngeh siˬ duˬ taˬ-eu tsaˬ meh.

Dawˬ tsoˆ 8:10

Haiˬ-eu tsawˇ haˬ deuˬ-ahˇ baꞈ pahˬ gʼaˬ-awˇ gʼoꞈ leˇ ngeh, aˬ yawꞈ maꞈ neh yaw haiˬ jeˬ mˇ yaꞈ-euˬ meuˬ deuˬ laꞈ kʼoeˇ, aˬ yawꞈ maꞈ-ahˇ aˬ cawˬ ja ceuˬ-eu ngaˇ mawˇ haw-euˬ ma. Kʼoeˇ-aˬ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Dawˬ tsoˆ 9:4

Ehˇ kʼawꞈ, shiˇ taˬ-euˬ aˇ laˬ jaˬ shiˇ tiˬ mawˇ naˆ maˬ tseˇ, aˬ kuiˬ yaw dehꞈ tiˬ mawˇ maˬ gaˇ dzehˬ-eu loꞈ-ehˇ, dehꞈ luꞈ-eu tsawˇ haˬ deuˬ nehˬ-ehˇ kʼaˇ ya dehꞈ caw kʼoeˇ keuˆ ni, noeˬ tmˬ duˬ jaˆ-eu meh.

Iˇsaˬyaˇ 26:14

Nymˬ-mˇ aˬ yawꞈ maꞈ shiˇ dzeuˇ-awˇ, maˬ paˇ gʼoꞈ dehꞈ doˆ laˇ nya-ehˇ, nawˬ neh kʼehˬ-awˇ laˆ cawˆ nehˬ-euˬ miˇ neh, aˬ yawꞈ maꞈ-euˬ yaw sahˇ maˬ paˇ tuˇ laˇ nya-ehˇ, mˬ maˬ maˬ byaˆ zaˇ ziˇ byoˆ tsehˆ tehꞈ-a.

Iˇsaˬyaˇ 63:16

Sahˬpaˬ Miˬyehˇ nawˇ nga maꞈ-euˬ aˬ da ma. Nga maꞈ-euˬ aˬ da yaw dzahˇ Aˬbyaˬhaˬ hawˇ-eu Yaˬkoˆ, nga maꞈ-ahˇ maˬ siˬ nya-euˬ kʼawꞈ, nawˇ nga maꞈ-euˬ aˬ da pyeuꞈ-awˇ, nga maꞈ-ahˇ aˬ myah luꞈ ka kʼoꞈ-euˬ meh.

Luˇkaꞈ 20:32

Aˇ saˬ saˬ laˇ ngeh, zaˬ miˬ zaˬ kʼoeˇ gʼaˬ kʼawꞈ shiˇ-euˬ meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.