Dawˬ tsoˆ 9:2 - Akha

² Dawˬ tawˆ luꞈ aˬ yawꞈ tiˬ gaˇ shiˇ leˇ-eu tehꞈ meh. Tsawˇ muiˬ tsawˇ doeˇ maˬ ehˇ, yaw sui yaw dawˇ hawˇ-eu yaw haiˬ maˬ ehˇ, yaw muiˬ yaw shawˇ hawˇ-eu maˬ muiˬ maˬ shawˇ-eu tsawˇ haˬ maˬ ehˇ, Miˬyehˇ-ahˇ lawˇ-eu shehˇ-eu tsawˇ haˬ hawˇ-eu maˬ lawˇ maˬ shehˇ-eu tsawˇ haˬ maˬ ehˇ, dawˬ tawˆ luꞈ aˇ saˬ saˬ leˇ duˬ tiˬ tsahˇ tehꞈ meh. Tsawˇ muiˬ kʼawꞈ iˬ baˇ zaˬ taꞈ-ehˇ maˬ dzehˬ-a. Miˬyehˇ-ahˇ saˇ jaˇ dzaˬ-eu tsawˇ haˬ hawˇ-eu saˇ jaˇ maˬ dzaˬ-eu tsawˇ haˬ beu gaˇ duˬ maˬ jaˆ-a.

Dawˬ tsoˆ 9:2 ပူးပေါင်းရင်းမြစ်များ

Aˇ dahˬ 24:3

Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ laꞈ kʼoeˇ, ngaˬ li gʼaˇ duˬ miˬ zaˬ maˬ poˆ nehˬ lehˇ, mˬ hawˇ-eu miˇ-ahˇ uˆ lahˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi, nawˬ-ahˇ ngaˇ saˇ jaˇ bi dzaˬ mawꞈ-eu ma.

Yawˇbaˆ 9:22

Iˬ baˇ ahˇ-eu maˬ ehˇ, maˬ ahˇ-eu maˬ ehˇ, Miˬyehˇ laˆ cawˆ gaˇ ya daˬ-eu nga.

Jaceuq 73:3

Haiˬ-eu tsawˇ haˬ deuˬ dehꞈ dzaˬ gaˇ ya mawˇ ngeh, nui ma huiˬ gaˇ mahˇ gaˇ myaˆ naˆ-euˬ ma.

Dawˬ tsoˆ 2:26

Miˬyehˇ-aˬ, aˬ yawꞈ nui ma tsaˬ-eu tsawˇ haˬ deuˬ-ahˇ, yaw muiˬ yaw doeˇ tseˇ paˆ nya-eu nui gahˇ maˬ ehˇ, zaˬ siˬ tsawˇ gahˇ maˬ ehˇ, nui saˇ oꞈ-eu jeˬ maˬ ehˇ, biꞈ nehˬ-eu meh. Ehˇ kʼawꞈ, iˬ baˇ zaˬ deuˬ pyuˇ poˆ shuiˇ poˆ-awˇ jeˬ hmˬ taˬ nya ni, aˬ yawꞈ jahˇ nehˬ-eu meh. Kʼoeˇ-aˬ, aˬ yawꞈ nui kʼahˇ shiˇ-eu tsawˇ haˬ-ahˇ biꞈ nya ni bi poˆ uiˬ taˬ-euˬ gaˇ duˇ-eu meh. Heu deuˬ dawˬ tawˆ luꞈ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 3:19

Uˬ duˬ duˬ laˇ ngeh-aˬ, tsawˇ haˬ zaˬ hawˇ-eu jeˬ zaˬ tiˬ gaˇ shiˇ leˇ-eu meh. Nyiˬ jeˬ luꞈ shiˇ-eu jeˬ tehꞈ meh. Nyiˬ jeˬ luꞈ saꞈ tiˬ kawˆ loꞈ-ehˇ gʼawˇ-awˇ, beu gaˇ duˬ maˬ jaˆ-a. Aˬ jeˬ miˇ neh ehˇ naˇ, nyiˬ jeˬ luꞈ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 6:6

Tsawˇ haˬ kʼoeˇ gʼaˬ aˇ kʼoꞈ nyiˬ heˇ dehꞈ dzehˬ kʼawꞈ, aˬ yawꞈ jaˆ-eu pyuˇ shuiˇ myawˬ gahˬ aˬ yawꞈ-euˬ nui noeˬ maˬ ya zmˬ-a. Aˇ saˬ saˬ laˇ ngeh, nyiˬ gʼaˬ luꞈ aˬ yawꞈ tiˬ tsahˇ-ahˇ uˬ duˬ duˬ leˇ-eu tehꞈ meh.

Dawˬ tsoˆ 7:18

Mehˆ lawˆ nyiˬ dzaˬ maˬ iˇ dzeuˇ ni yahˇ-awˬ. Miˬyehˇ-ahˇ guˆ-eu nui ma ahˇ naˇ, nawˬ neh noeˬ-euˬ jeˬ mˇ pyeuꞈ nya tehꞈ-a.

Dawˬ tsoˆ 7:2

Dzaˬbyawˇ lawˇ-eu nymˇ naˆ maˬ tseˇ, tsawˇ ngoeˇ nymˇ-ahˇ iˇ-eu muiˬ meh. Shiˇ nah yawˬ gʼaˬ na-ahˇ loꞈ gaˇ, dehꞈ ngeh siˬ duˬ taˬ-eu tsaˬ meh.

Dawˬ tsoˆ 9:11

Nahˇ ma heu siˬ uˬ moˆ ngaˇ heu loꞈ-ehˇ tiˬ jeˬ paˇ ya mawˇ-euˬ ma. Kawˇ dui dui-eu deuˬ aˬ myah luꞈ cehˆ ceh ceh-eu gʼaˬ leˇ-eu maˬ ngeuˇ-ehˇ, nui ma yaw kʼaˬ deuˬ aˬ myah luꞈ guiˇ deuˆ-eu gʼaˬ leˇ-eu maˬ ngeuˇ-a. Tsawˇ gahˇ ahˇ-eu deuˬ aˬ myah luꞈ ya dzaˬ ya dawˇ-eu maˬ ngeuˇ-ehˇ, nui noeˬ kuꞈ-eu deuˬ aˬ myah luꞈ smˇ muiˬ muiˬ laˇ-eu maˬ ngeuˇ-a. Bym dui nya dui dui-eu deuˬ kʼawꞈ, aˬ myah luꞈ myaˆ pyawˬ naˇ mehˇ jaˆ-eu maˬ ngeuˇ-a. Tsawˇ haˬ yawˬ gʼaˬ na luꞈ guiˬ lahˬ doeˇ-eu aˇ yamˬ aˇ law baw-eu meh.

Dawˬ tsoˆ 9:3

Tsawˇ muiˬ tsawˇ doeˇ maˬ baw ni, tsawˇ haˬ dawˬ tawˆ luꞈ aˬ yawꞈ tiˬ tsahˇ-ahˇ tehꞈ-ehˇ uˬ duˬ ya duˬ leˇ-eu meh. Nahˇ ma heu siˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ, kʼoeˇ naˆ ni doeˇ-eu meh. Tsawˇ haˬ zaˬ yaw dehꞈ kʼaˇ dehꞈ kʼoeˇ keuˆ ni, nui ma laꞈ kʼoeˇ yaw haiˬ jeˬ hawˇ-eu aˬ dzawˬ aˇ gah gah-eu jeˬ tehꞈ-ehˇ byah luꞈ-awˇ, ja pyuˬ ni ya shiˇ jiˇ-eu meh.

Yeˬlaˬmiˇ 43:6

Baˬluˆ nga nyaꞈ ahˇ leˇ-ehˇ, kʼaˬ dzeˇ zaˬ hawˇ-eu zaˬ miˬ zaˬ deuˬ maˬ ehˇ, zaˬ yaw nyiˇ deuˬ maˬ ehˇ, sahˬ paˬ zaˬ miˬ deuˬ maˬ ehˇ, Baˬbuˇloˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ neh Geˬdaˬliˇ haw-u pyaˆ-eu uˬ moˆ kʼaˇ bi jawˇ yaꞈ-euˬ tsawˇ haˬ dawˬ tawˆ luꞈ-ahˇ, aˬ yawꞈ maꞈ sheuˬ ka gʼeh-euˬ meh.

Maˬlaˬkiˇ 3:15

Aˬ dui neh ya mawˇ-euˬ loꞈ-ehˇ ngeuˇ naˇ, nui ma huiˬ-eu mahˇ-eu tsawˇ haˬ deuˬ guiˬ lahˬ za gahˬ ngaˇ. Haiˬ-eu tsawˇ haˬ deuˬ dehꞈ dzaˬ dui dui-eu uˬ taꞈ, Miˬyehˇ-ahˇ yaw haiˬ jeˬ mˇ haw mˇ haw-ehˇ dehꞈ kʼawꞈ, tiˬ jeˬ-iˬ maˬ guˬ leˇ nga’ lehˇ ehˇ-eu meh.”

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

1 Saˬmeuˬlaˆ 14:26

Sahˬ kʼaˆ kʼaˆ lah-ehˇ byaˬ byaˬ uiˇ jaˆ byah taˬ-euˬ gaˇ aˬ yawꞈ maꞈ ya mawˇ kʼawꞈ, tiˬ gʼaˬ-iˬ maˬ dzaˬ peuˬ-a. Aˬ jeˬ miˇ neh ehˇ naˇ, Sawˇluˆ neh yaˬ kʼehˇ yaˬ taˬ-euˬ dawˬ-ahˇ aˬ yawꞈ maꞈ dawˬ tawˆ luꞈ guˆ-eu meh.