Dawˬ tsoˆ 9:12 - Akha

¹² Tsawˇ haˬ tiˬ gʼaˬ-iˬ yawˬ ha-euˬ aˇ yamˬ aˇ law maˬ siˬ nya-a. Lahˇ ju-ahˇ paꞈ leˇ-euˬ aˇ jiˇ hawˇ-eu ngaˬ myahˬ-ahˇ paꞈ leˇ-euˬ ngaˬ shaˬ loꞈ-ehˇ, maˬ noeˬ miˇ-ahˇ aˬ dui kʼoeˇ taˆ yaw doeˇ jeˬ keuˆ le nya-eu meh.

Dawˬ tsoˆ 9:12 ပူးပေါင်းရင်းမြစ်များ

Jaceuq 11:6

Miˬlmˇdoˆ-eu miˬjiˆhawˇ-eu, miˬdzaˬdoꞈ-eu miˬdzaˇdzaˇshuiˇ, tsawˇdoeˇkʼoeˇtaˆtahˬdaˆleꞈ-awˇ, lahˇdui dui-eu jaˬlehˇbaw-awˇ, aˬyawꞈmaꞈ-ahˇkʼehˬnehˬ-eu meh.

Dawqdaq 24:22

Kʼoeˇ loꞈ-ehˇ gʼeh-eu tsawˇ haˬ deuˬ tiˬ kʼehˇ laˇ kʼehˬ laꞈ kʼoeˇ luˬ-iˇ seˇ-iˇ nya meh. Miˬyehˇ hawˇ-eu sahˬ paˬ neh bi keuˆ le nya-eu guˆ-eu gaˆ-eu jeˬ-ahˇ aˬ suˇ gʼaˬ ehˇ tsehˆ nya ta.

Dawqdaq 29:6

Haiˬ-eu tsawˇ haˬ yawˬ ha-euˬ iˬ baˇ-ahˇ teuˆ paꞈ-awˇ, yaw sui yaw dawˇ tsawˇ haˬ kʼahˇ kʼoꞈ kʼaˇ maˬ za ni nui saˇ oꞈ-eu meh.

Dawqdaq 6:15

Kʼoeˇ miˇ neh, aˬ yawꞈ kʼoeˇ taˆ, guˆ-eu gaˆ-eu jeˬ ja pyuˬ ni keuˆ le-awˇ, tiˬ jawˇ-iˬ maˬ laˆ saˆ taˬ nya ni kʼehꞈ-iˇ kʼoeˆ-iˇ tehꞈ-a.

Dawˬ tsoˆ 3:19

Uˬ duˬ duˬ laˇ ngeh-aˬ, tsawˇ haˬ zaˬ hawˇ-eu jeˬ zaˬ tiˬ gaˇ shiˇ leˇ-eu meh. Nyiˬ jeˬ luꞈ shiˇ-eu jeˬ tehꞈ meh. Nyiˬ jeˬ luꞈ saꞈ tiˬ kawˆ loꞈ-ehˇ gʼawˇ-awˇ, beu gaˇ duˬ maˬ jaˆ-a. Aˬ jeˬ miˇ neh ehˇ naˇ, nyiˬ jeˬ luꞈ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 8:11

Aˬ jeˬ miˇ neh tsawˇ haˬ zaˬ yaw haiˬ jeˬ tiˬ kʼehˬ maˬ taˬ ni mˇ ta. Aˬ jeˬ miˇ neh ehˇ naˇ, mˇ bahˬ-euˬ deuˬ-ahˇ yaw kawˇ-ehˇ maˬ kʼehˬ nehˬ-eu miˇ neh meh.

Dawˬ tsoˆ 8:8

Tsawˇ haˬ tiˬ gʼaˬ-iˬ ziˇ lahˬ maˬ ka nya-ehˇ, shiˇ nah maˬ shiˆ byoˆ nya-a. Kʼoeˇ-aˬ, aˬ dui maˬ dzeuˇ-iˇ nya ni ya deuˆ-eu guiˇ meh. Mehˇ shuiˇ maˬ shuiˇ dzeuˇ nya-a.

Dawˬ tsoˆ 9:13

Nahˇ ma heu siˬ uˬ moˆ zaˬ siˬ tsawˇ gahˇ-ahˇ taꞈ leˇ-eu gaˇ kawˆ tiˬ hmˬ ngaˇ paˇ haw mawˇ-awˇ, nui ma-ahˇ zaw dui dui laˇ nya.

Iˇsaˬyaˇ 24:18

Guˆ-eu gaˆ-eu jeˬ-ahˇ cehˆ dzeuˇ-eu deuˬ, duˬ kʼahˬ-ahˇ ga ahˇ-awˇ, duˬ kʼahˬ-ahˇ cehˆ buˬ-euˬ deuˬ lahˇ ju-ahˇ paꞈ leˇ tehꞈ-a. Mˬ kʼoeˇ taˆ iˇ cuꞈ laˇ gʼoˆ pah-awˇ, miˇ tsaˬ tahˬ kʼawˇ dawˬ pehˬ luˆ laˇ tehꞈ-a.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Yeˬsaˬgeˬlaˇ 32:3

Sahˬpaˬ Miˬyehˇ pyeuꞈ-eu Miˬyehˇ, kʼoeˇ miˇ neh heu loˇ ehˇ-eu meh. Miˇ kʼahˬ tsawˇ jeuˬ uiˬ le taˬ ngeh, nawˬ-ahˇ ngaˇ za neh dzeh paꞈ-awˇ, lawˇ dzeˇ-ahˇ bi gʼeu doˆ laꞈ ma.

Hawˇseˬ 7:12

Ehˇ kʼawꞈ, ngaˇ baw gʼaꞈ kʼmˇ tsehˆ-awˇ, aˇ jiˇ kʼmˇ mi dzaˬ-eu loꞈ-ehˇ, aˬ yawꞈ maꞈ-ahˇ nyehꞈ mi jiˇ-awˇ, yaw haiˬ mˇ dzeuˇ yaꞈ-euˬ aˇ poeˬ, aˬ yawꞈ maꞈ-ahˇ ngaˇ kʼehˬ nehˬ ma.

Hawˇseˬ 9:8

Iˇsaˬleˬlaˆ-ahˇ mehˬ nehˬ-eu, Bawˇlawˇpeh bi geuꞈ-eu gʼaˇ duˬ, Miˬyehˇ ngaˬ-ahˇ pyehˬ leꞈ-euˬ meh. Ehˇ kʼawꞈ, ngaˇ kʼaˇ iˇ kʼaˇ laˇ gaˇ, aˇ jiˇ lahˇ ju kʼmˇ-eu loꞈ-ehˇ, naw maꞈ ngaˬ-ahˇ kʼmˇ luꞈ-eu meh. Miˬyehˇ-euˬ miˇ kʼahˬ-ahˇ jawˇ-eu. Miˬyehˇ-euˬ tsawˇ haˬ heu deuˬ-aˬ, Bawˇlawˇpeh-ahˇ muiˇ-eu deuˬ meh.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Luˇkaꞈ 12:39

Ehˇ kʼawꞈ, heu loꞈ-ehˇ siˬ nya-awˬ. Nymˇ sahˇ gʼaˬ smˇ kʼoeˬ laˇ-eu aˇ yamˬ siˬ nya law nmˇ-aˬ, smˇ kʼoeˬ-ahˇ iˇ kahˇ laꞈ kʼoeˇ maˬ bi daˆ uˇ keuˆ laˇ-aˇ.

2 Gawˇliˬtu 6:2

Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ-eu meh. “Aˇ yamˬ yaw muiˬ-ehˇ kʼehˬ laˇ ngeh, naw maꞈ shaˇ dawˬ ngaˇ naˇ haˬ-awˇ, ka kʼoꞈ-eu aˇ nah keuˆ le ngeh, naw maꞈ-ahˇ ngaˇ ngehˬ gʼeh-euˬ ma.” Naˇ haˬ sheˇ. Nymˬ-mˇ aˇ yamˬ kʼehˬ laˇ taˬ-euˬ meh. Iˬ nah ka kʼoꞈ-eu jeˬ za-eu aˇ nah meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

2 Tiˆmoˇseˬ 2:26

Kʼoeˇ ngeh jawˇ, aˬ yawꞈ maꞈ nui ma-ahˇ noeˬ laˇ-awˇ, aˬ yawꞈ maꞈ-ahˇ kʼmˇ paꞈ-awˇ aˬ yawꞈ-euˬ nui noeˬ bi geuꞈ-euˬ Nehꞈ sahˬ paˬ-euˬ lahˇ ju-ahˇ aˬ yawꞈ maꞈ teuˆ lehˆ doˆ nya tehꞈ-a.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

2 Beˬtuˆluˆ 2:12

Ehˇ kʼawꞈ, maˬ ngeuˇ-eu mehˬ-eu tsoˆ-eu saˬ laˬ heu deuˬ-aˬ, nyehꞈ-awˇ bi sehꞈ dzaˬ-eu gʼaˇ duˬ dehꞈ le-euˬ jeˬ zaˬ loꞈ-ehˇ, shaˇ noeˬ shaˇ sawˇ-eu jeˬ maˬ baw ni mˇ-eu shaˇ-eu meh. Yawˬ ha maˬ siˬ nya-eu jeˬ-ahˇ dawˬ doeˇ ngehˬ daˆ-awˇ ceh cawˬ cawˬ-eu meh. Aˬ yawꞈ maꞈ-aˬ, bawˇ tsahˬ jeˬ zaˬ loꞈ-ehˇ laˆ cawˆ nehˬ gaˇ ya daˬ tehꞈ-a.