Dawˬ tsoˆ 8:9 - Akha

⁹ Tsawˇ haˬ zaˬ tiˬ gʼaˬ tiˇ gʼaˬ nawˬ dzaˬ kʼaˆ dzaˬ luꞈ-eu nahˇ ma heu siˬ uˬ moˆ, kʼaˇ pyeuꞈ luꞈ-eu gaˇ kawˆ deuˬ-ahˇ ngaˇ shaˇ sawˇ haw ngeh, heu deuˬ dawˬ tawˆ luꞈ-ahˇ ngaˇ ya mawˇ-euˬ ma.

Dawˬ tsoˆ 8:9 ပူးပေါင်းရင်းမြစ်များ

2 Sahˬpaˬ 25:7

Zeˬdaˬkiˇ-euˬ aˬ li deuˬ-ahˇ, Zeˬdaˬkiˇ-euˬ mehˬ shi sehꞈ mehˬ nehˬ-euˬ meh. Kʼoeˇ naˇ, Zeˬdaˬkiˇ-euˬ myaˆ nuiˆ Neˬbuˬkaˬneˬzaˬ neh tsawˆ behꞈ-awˇ, Zeˬdaˬkiˇ-ahˇ shmˇ caˆ paꞈ-awˇ, Baˬbuˇloˬ miˇ kʼahˬ-ahˇ tsahˇ kʼoꞈ gʼeh-euˬ meh.

Doˆ-iˇ 14:28

Iˇ cuꞈ kʼoeˇ paˇ dahˬ pymˬ-awˇ, Iˇsaˬleˬlaˆ tsawˇ haˬ deuˬ mehˬ nah caw teh luꞈ-eu mahˬ laˆ lawˬ deuˬ-ahˇ maˬ ehˇ, mahˬ laˆ lawˬ teh-eu tsawˇ haˬ deuˬ hawˇ-eu Iˇjiˇtuˆ guiˇ maꞈ dawˬ tawˆ luꞈ-ahˇ maˬ ehˇ,dahˬ pymˬ byoˆ jiˇ-euˬ meh. Dzeuˇ-iˇ-euˬ tiˬ gʼaˬ-iˬ maˬ jawˇ-a.

Dawˬ tsoˆ 1:14

Mˬ heu siˬ-euˬ uˬ moˆ kʼaˇ pyeuꞈ luꞈ-eu yawˬ jeˬ na luꞈ ngaˇ mawˇ duˬ-euˬ ma. Gaˇ dahˇ tsoeˬ-eu tiˬ jeˬ-iˬ maˬ jaˆ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 3:10

Tsawˇ haˬ zaˬ-ahˇ Miˬyehˇ neh ciˬ baꞈ ciˬ pi nehˬ-euˬ kʼaˆ behˆ kah dui dui gaˇ ngaˇ ya mawˇ-euˬ ma.

Dawˬ tsoˆ 3:16

Kʼoeˇ uˬ taꞈ, nahˇ ma heu siˬ uˬ moˆ yaw tsaˬ yaw dawˇ jeˬ jaˆ paˬ-ehˇ gʼeh-eu tsahˇ-ahˇ, maˬ tsaˬ maˬ dawˇ-eu jeˬ tehꞈ-ehˇ byah luꞈ gaˇ ngaˇ ya mawˇ-euˬ ma.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Dawˬ tsoˆ 5:13

Nahˇ ma heu siˬ uˬ moˆ nui ma cawˆ laˇ paˬ-ehˇ gʼeh-eu tiˬ jeˬ ngaˇ paˇ ya mawˇ-euˬ ma. Tsawˇ haˬ zaˬ deuˬ maˬ dzaˬ maˬ dawˇ peuˬ ni aˬ kaˇ gʼaˇ duˬ pyuˇ jeˬ hmˬ taˬ-eu meh.

Dawˬ tsoˆ 5:7

Nui noeˬ bym-awˇ mehˬ boeˬ nya dui dui kʼawꞈ, Miˬyehˇ-ahˇ guˆ-eu siˬ nya-awˬ.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Dawˬ tsoˆ 7:25

Ehˇ kʼawꞈ, zaˬ siˬ tsawˇ gahˇ poˆ-awˇ dzaw geuꞈ-eu gʼaˇ duˬ, ngaˇ noeˬ tsehˆ taˬ-euˬ ma. Ngaˬ-euˬ nui ma laꞈ kʼoeˇ maˬ noeˬ shaw-euˬ jeˬ shaw laˇ jiˇ-awˇ, aˬ dzawˬ dzawˬ-awˇ aˇ gah gah-eu jeˬ aˇ naˆ ni doeˇ-eu gaˇ kawˆ ciˇ tahˬ teh li nya ni, zaˬ siˬ tsawˇ gahˇ poˆ ma lehˇ ngaˇ noeˬ duˬ taˬ-euˬ ma.

Dawˬ tsoˆ 7:7

Zaˬ siˬ tsawˇ gahˇ ahˇ-eu tsawˇ haˬ, aˬ cawˬ-ahˇ nawˬ dzaˬ-eu kʼoeˇ-aˬ, aˬ dzawˬ aˇ gah-euˬ lawˇ behˇ-ahˇ, yawˬ ha shaˇ baꞈ gaˇ duˇ-eu meh. Laꞈ nmꞈ nmꞈ-eu jeˬ mˇ-eu-aˬ, tsawˇ haˬ zaˬ-ahˇ laˆ cawˆ-eu meh.

Dawˬmehˬ 2:30

“Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.