Dawˬ tsoˆ 8:16 - Akha

¹⁶ Ngaˇ zaˬ siˬ tsawˇ gahˇ ahˇ laˇ ni kʼaˇ leh jeh ngeh, miˇ tsaˬ heu kʼoeˇ taˆ kʼaˇ pyeuꞈ luꞈ-eu jeˬ-ahˇ ngaˇ shaˇ sawˇ haw luꞈ ngeh, ngaˇ heu loꞈ-ehˇ pyehˆ tseˇ duˬ-euˬ ma. Uˬ ciꞈ nah gʼahˇ maˬ ehˇ ni, nawˇ maˬ yuꞈ-ehˇ haw tsoˆ taˬ kʼawꞈ,

Dawˬ tsoˆ 8:16 ပူးပေါင်းရင်းမြစ်များ

Aˇ dahˬ 31:40

Nah gʼahˇ paw nahˇ tsaˇ kʼaˆ ngeh, nahˇ tsaˇ lawꞈ lawꞈ-ehˇ gʼawˬ mya poˆ ya shaˬ-awˇ, uˬ ciꞈ paw yaw gaˆ gaˆ dui dui-eu miˇ neh, maˬ yuꞈ kʼaˆ leˇ ni gʼawˬ mya miˇ shaˬ bya-euˬ ma.

Jaceuq 127:2

Uˬ shawˬ yaw naꞈ-ehˇ tuˇ-awˇ uˬ ciꞈ zahˇ le ngeh keuˆ ni, yaw dehꞈ dehꞈ dzaˬ-eu gʼaˇ duˬ mˇ sehꞈ leꞈ kʼawꞈ tiˬ jeˬ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ gaˬ-eu tsawˇ haˬ deuˬ-ahˇ, yuꞈ kʼaˆ luꞈ ngeh aˬ yawꞈ dzaˬ tuiˆ dawˇ tuiˆ biꞈ nehˬ-eu meh.

Dawˬ tsoˆ 1:13

Zaˬ siˬ tsawˇ gahˇ-ahˇ gʼoe-awˇ, mˬ heu siˬ-euˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ-ahˇ pyehˆ tseˇ haw-eu gʼaˇ duˬ ngaˇ noeˬ tsehˆ-euˬ ma. Tsawˇ haˬ zaˬ-ahˇ Miˬyehˇ neh ciˬ baꞈ ciˬ pi nehˬ-euˬ kʼaˆ behˆ aˇ naˆ ni kah-eu nga.

Dawˬ tsoˆ 1:14

Mˬ heu siˬ-euˬ uˬ moˆ kʼaˇ pyeuꞈ luꞈ-eu yawˬ jeˬ na luꞈ ngaˇ mawˇ duˬ-euˬ ma. Gaˇ dahˇ tsoeˬ-eu tiˬ jeˬ-iˬ maˬ jaˆ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 1:17

Zaˬ siˬ tsawˇ gahˇ gaˇ kawˆ hawˇ-eu aˬ dzawˬ aˇ gah-euˬ gaˇ kawˆ maˬ ehˇ, yaw muiˬ yaw doeˇ tseˇ paˆ nya-eu nui gahˇ hawˇ-eu tsawˇ uˬ-euˬ gaˇ kawˆ maˬ ehˇ, ngaˇ pyehˆ tseˇ duˬ-euˬ ma. Ehˇ kʼawꞈ, dawˬ tawˆ luꞈ jaˬ lehˇ mehˬ nah teh gaˇ duˇ-eu tehꞈ meh.

Dawˬ tsoˆ 2:23

Tsawˇ haˬ zaˬ yaw dehꞈ dehꞈ-eu tiˬ ziˇ, noeˬ shaˬ noeˬ zahˬ noeˬ dui noeˬ duiˇ-eu laꞈ kʼoeˇ gaˇ ya mˇ-awˇ, uˬ ciꞈ paw kʼawꞈ nui noeˬ gʼaˬ naˬ naˬ kʼaˇ maˬ za-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 4:8

Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Dawˬ tsoˆ 5:12

Gaˇ mˇ-eu tsawˇ haˬ, dzaˬ loꞈ-eu maˬ dzaˬ loꞈ-eu maˬ kaˬ, uˬ ciꞈ yuꞈ kʼaˆ leˇ muiˬ-eu meh. Ehˇ kʼawꞈ, smˇ muiˬ aˬ da myawˬ gahˬ myaˬ-eu miˇ neh, nui noeˬ myaˬ-eu maˬ yuꞈ kʼaˆ leˇ-a.

Dawˬ tsoˆ 7:25

Ehˇ kʼawꞈ, zaˬ siˬ tsawˇ gahˇ poˆ-awˇ dzaw geuꞈ-eu gʼaˇ duˬ, ngaˇ noeˬ tsehˆ taˬ-euˬ ma. Ngaˬ-euˬ nui ma laꞈ kʼoeˇ maˬ noeˬ shaw-euˬ jeˬ shaw laˇ jiˇ-awˇ, aˬ dzawˬ dzawˬ-awˇ aˇ gah gah-eu jeˬ aˇ naˆ ni doeˇ-eu gaˇ kawˆ ciˇ tahˬ teh li nya ni, zaˬ siˬ tsawˇ gahˇ poˆ ma lehˇ ngaˇ noeˬ duˬ taˬ-euˬ ma.

Dawˬ tsoˆ 8:7

Mehˬ hu paw pyeuꞈ laˇ-eu gaˇ kawˆ tiˬ gʼaˬ-iˬ maˬ siˬ nya-ehˇ, ehˇ mehˬ nehˬ laꞈ-eu gʼaˬ maˬ jawˇ-a.

Dawˬ tsoˆ 8:9

Tsawˇ haˬ zaˬ tiˬ gʼaˬ tiˇ gʼaˬ nawˬ dzaˬ kʼaˆ dzaˬ luꞈ-eu nahˇ ma heu siˬ uˬ moˆ, kʼaˇ pyeuꞈ luꞈ-eu gaˇ kawˆ deuˬ-ahˇ ngaˇ shaˇ sawˇ haw ngeh, heu deuˬ dawˬ tawˆ luꞈ-ahˇ ngaˇ ya mawˇ-euˬ ma.