Dawˬ tsoˆ 8:13 - Akha

¹³ Ehˇ kʼawꞈ, haiˬ-eu tsawˇ haˬ deuˬ ya shaˬ ya zahˬ tehꞈ-a. Aˬ yawꞈ maꞈ Miˬyehˇ ehˇ dawˬ maˬ naˇ haˬ-eu miˇ neh, dehꞈ ziˇ maˬ shehˇ-ehˇ, naˇ shmˇ shmˇ-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ byoˆ-iˇ tehꞈ-a.”

Dawˬ tsoˆ 8:13 ပူးပေါင်းရင်းမြစ်များ

Yawˇbaˆ 14:2

Yaw kawˇ-ehˇ poˬ laˇ-eu aˇ yehˆ, yaw kawˇ-ehˇ nyoeˬ-iˇ gaˇ duˇ-awˇ, naˇ shmˇ loꞈ-ehˇ byoˆ-iˇ-eu meh.

Yawˇbaˆ 18:5

Haiˬ-eu tsawˇ haˬ-euˬ yaw shehꞈ miˆ-iˇ tehꞈ-a. Miˬ dzaˬ miˬ lmˇ maˬ paˇ doˆ laˇ-ehˇ pyeuꞈ-iˇ tehꞈ-a.

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Yawˇbaˆ 21:30

Miˬyehˇ nui ma pehˇ-awˇ kʼehˬ nehˬ kʼaˆ nehˬ ngeh nah, haiˬ-eu tsawˇ haˬ deuˬ aˬ myah luꞈ dzeuˇ-iˇ-eu meh.

Jaceuq 11:5

Tsawˇmuiˬtsawˇdoeˇtseˇpaˆluꞈ-awˇ, tsawˇdoeˇ-ahˇbye dui dui-eu meh.

Jaceuq 144:4

Aˬ yawꞈ-aˬ, saꞈ tiˬ poˆ gʼawˇ dah-euˬ myah ni gmˬ-eu tehꞈ meh. Aˬ yawꞈ-euˬ ziˇ-aˬ, naˇ shmˇ shmˇ-iˇ-eu naˆ ni tehꞈ meh.

Jaceuq 37:1

Yaw haiˬdeuˬneh mˇ-euˬgaˇ-ahˇ, nawˬ-euˬnui ma shaˬzahˬtaˬmˇ. Yaw lehˬmˇgaˇnawˇmyaˆtaˬnaˆ.

Jaceuq 39:5

Nawˬneh bi dehꞈlaꞈ-euˬaˇyamˬ, laꞈzaˬtiˬdaˬbyah-eu tehꞈmeh. Ngaˬ-euˬziˇheu nawˬ-euˬmehˬshi, tiˬpawꞈ-iˬ ehˇnyaꞈmaˬnyeuˆ-a. Tsawˇhaˬzaˬdehꞈ-eu aˇyamˬ-aˬ, saꞈgʼawˇka-eu myah ni gmˬ-awˇ,

Jaceuq 55:23

Ehˇ kʼawꞈ Sahˬpaˬ Miˬyehˇ nawˇ-aˬ, tsawˇ haˬ-ahˇ sehꞈ-eu deuˬ hawˇ-eu jaˬ myawꞈ mehˇ shuiˇ deuˬ-ahˇ, saꞈ maˬ gʼawˇ tsehˆ mi naˆ-ehˇ lmˬ bymˇ-ahˇ bi uˇ-iˇ tehꞈ-a. Ehˇ kʼawꞈ, ngaˇ-aˬ, nawˬ-ahˇ gʼoe ma.

Dawˬ tsoˆ 3:14

Miˬyehˇ neh kʼaˇ mˇ kʼaˇ shaˇ-euˬ jeˬ mˬ maˬ maˬ byaˆ zaˇ ziˇ gmˬ meh lehˇ ngaˇ siˬ nya ma. Aˬ yawꞈ neh mˇ taˬ-euˬ jeˬ-ahˇ, tiˬ jeˬ-iˬ maˬ dawˆ lahˬ nya-eu uˬ taꞈ, tiˬ jeˬ-iˬ maˬ yuˇ teˬ nya-a. Tsawˇ haˬ zaˬ aˬ yawꞈ-ahˇ guˆ ni, Miˬyehˇ neh kʼoeˇ loꞈ-ehˇ jahˇ-euˬ meh.

Dawˬ tsoˆ 5:7

Nui noeˬ bym-awˇ mehˬ boeˬ nya dui dui kʼawꞈ, Miˬyehˇ-ahˇ guˆ-eu siˬ nya-awˬ.

Dawˬ tsoˆ 6:12

Gaˇ dahˇ maˬ tsoeˬ-eu tiˬ kʼehˇ laˇ kʼehˬ yaw dehꞈ ya dehꞈ-eu aˇ yamˬ heu laꞈ kʼoeˇ, tsawˇ haˬ zaˬ gʼaˇ duˬ muiˬ dzehˬ-eu jeˬ-ahˇ, aˬ suˇ gʼaˬ siˬ nya nmˇ. Yaw dehꞈ dehꞈ-eu jeˬ-aˬ, naˇ shmˇ shmˇ le-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ iˇ byoˆ gʼeh nya-eu meh. Yawˬ ha shiˇ dzeuˇ ngeh, nahˇ ma heu siˬ uˬ moˆ aˬ joˆ-ehˇ pyeuꞈ laˇ-eu gaˇ kawˆ aˬ suˇ gʼaˬ siˬ nya nmˇ.

Dawˬ tsoˆ 7:15

Ngaˇ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ kʼawꞈ, yawˬ jeˬ na luꞈ ya mawˇ kuꞈ haw-euˬ ma. Dawˇ coe ni dehꞈ-eu yaw tsaˬ yaw dawˇ tsawˇ haˬ ziˇ teˬ-eu mawˇ haw-awˇ, maˬ tsaˬ maˬ dawˇ-eu jeˬ mˇ-eu haiˬ-eu tsawˇ haˬ ziˇ baw-eu mawˇ haw-euˬ ma.

Dawˬ tsoˆ 7:18

Mehˆ lawˆ nyiˬ dzaˬ maˬ iˇ dzeuˇ ni yahˇ-awˬ. Miˬyehˇ-ahˇ guˆ-eu nui ma ahˇ naˇ, nawˬ neh noeˬ-euˬ jeˬ mˇ pyeuꞈ nya tehꞈ-a.

Dawˬ tsoˆ 8:8

Tsawˇ haˬ tiˬ gʼaˬ-iˬ ziˇ lahˬ maˬ ka nya-ehˇ, shiˇ nah maˬ shiˆ byoˆ nya-a. Kʼoeˇ-aˬ, aˬ dui maˬ dzeuˇ-iˇ nya ni ya deuˆ-eu guiˇ meh. Mehˇ shuiˇ maˬ shuiˇ dzeuˇ nya-a.

Iˇsaˬyaˇ 3:11

Ehˇ kʼawꞈ, haiˬ-eu tsawˇ haˬ deuˬ kʼoeˇ taˆ, dawˇ keuˆ le tehꞈ-a. Aˬ cawˬ-ahˇ aˬ yawꞈ maꞈ jahˇ doeˇ nehˬ-euˬ loꞈ-ehˇ, aˬ yawꞈ maꞈ nymˬ-mˇ ya daˬ poˆ tehꞈ-a.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Iˇsaˬyaˇ 57:21

Iˬ baˇ mˇ-eu tsawˇ haˬ nui saˇ maˬ oꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 65:20

Zaˬ nahˬ aˬ coeˇ dawˇ zaˬ deuˬ shiˇ-eu maˬ baw-ehˇ, tsawˇ haˬ dawˬ tawˆ ziˇ ya dehꞈ jiˇ tehꞈ-a. Aˇ kʼoꞈ tiˬ yaˇ byah-eu tsawˇ haˬ zaˬ guˬ-ahˇ duˇ leˇ-awˇ, kʼoeˇ gaˇ maˬ dehꞈ keuˆ ni shiˇ-eu jeˬ-aˬ, ngaˬ neh kʼehˬ nehˬ-euˬ saˇ kiˇ meh.

Yeˬlaˬmiˇ 44:10

Iˬ nah keuˆ ni naw maꞈ nui nahˬ nui yu maˬ ahˇ-a siˬ. Naw maꞈ ngaˬ-ahˇ maˬ taˬ huiˬ-ehˇ, naw maꞈ-euˬ aˬ poeˬ aˬ bawˇ deuˬ hawˇ-eu naw maꞈ-ahˇ ngaˬ neh biꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ maˬ caw teh-a.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Yoˇhaˬ 5:29

Lmˬ bymˇ laꞈ kʼoeˇ neh aˬ yawꞈ maꞈ doˆ laˇ-awˇ, yaw muiˬ jeˬ mˇ-euˬ tsawˇ haˬ deuˬ-aˬ, dehꞈ-eu jeˬ za tehꞈ-a. Yaw haiˬ jeˬ mˇ-euˬ tsawˇ haˬ deuˬ-aˬ, yaˇ kʼaˬ daˇ nehˬ gaˇ ya daˬ tehꞈ-a.

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.