Dawˬ tsoˆ 8:1 - Akha

¹ Zaˬ siˬ tsawˇ gahˇ ahˇ-eu tsawˇ haˬ-ahˇ duˇ-eu aˬ suˇ gʼaˬ jawˇ ta. Aˬ yawꞈ loꞈ-ehˇ dawˬ tsuiꞈ beuˬ doˆ mehˬ nya-eu aˬ suˇ gʼaˬ jawˇ ta. Zaˬ siˬ tsawˇ gahˇ-aˬ, tsawˇ haˬ zaˬ-euˬ myaˆ pyawˬ-ahˇ shiˬ keuˇ ni bi jaˆ-awˇ, nahˬ jawˆ ni bi pyeuꞈ laˇ-eu meh.

Dawˬ tsoˆ 8:1 ပူးပေါင်းရင်းမြစ်များ

Aˇ dahˬ 40:8

“Nga nyaꞈ nyiˬ gʼaˬ luꞈ yuꞈ maˆ maˆ-euˬ ma. Ehˇ kʼawꞈ heu gaˇ jawˇ-eu tsawˇ haˬ tiˬ gʼaˬ-iˬ yuꞈ maˆ dawˬ tsuiꞈ maˬ yuˇ doˆ nehˬ laꞈ nya-a” lehˇ, Yoˇsehˆ-ahˇ aˬ yawꞈ nyaꞈ ehˇ-eu meh. “Miˬyehˇ tehꞈ-ehˇ yuꞈ maˆ dawˬ tsuiꞈ yuˇ doˆ-eu tsawˇ gahˇ biꞈ nya-eu meh. Naw nyaꞈ neh yuꞈ maˆ maˆ-euˬ gaˇ kawˆ dzawˇ haw sheˇ” lehˇ Yoˇsehˆ ehˇ-eu meh.

Yawˇbaˆ 33:23

Tsawˇ haˬ zaˬ-ahˇ haw-eu pyaˆ-eu Miˬyehˇ-euˬ mˬ taˆ gʼaˬ kʼehˇ aˇ heˇ aˇ muiˇ gʼaˬ jawˇ-eu laꞈ kʼoeˇ, tiˬ gʼaˬ na aˬ yawꞈ-ahˇ ngehˬ gʼeh le law nmˇ-aˬ,

Doˆ-iˇ 34:35

Kʼoeˇ ngeh, a yawꞈ-euˬ myaˆ pyawˬ yaw shehꞈ bya gaˇ aˬ yawꞈ maꞈ ya mawˇ-euˬ meh. Kʼoeˇ naˇ, Sahˬpaˬ Miˬyehˇ-ahˇ yawˬ poˆ yawˬ maˬ ngehˬ cawˬ leˇ kʼoeˇ keuˆ ni, aˬ yawꞈ-euˬ myaˆ pyawˬ-ahˇ dehˬ kaˬ taˬ-euˬ meh.

Dawqdaq 1:6

dawˬ tsuiꞈ naꞈ-eu dawˬ daˬ-ahˇ aˬ yawꞈ maꞈ gʼoˆ shaw nya-awˇ, nui gahˇ byah-eu deuˬ neh tsaˬ dzoˆ dzoˆ-euˬ dawˬ-ahˇ puiˇ pyehˬ nya-eu meh.

Dawqdaq 12:8

Bawˬ toˆ muiˬ-eu tsawˇ haˬ-ahˇ aˬ cawˬ ja ceuˬ-awˇ, nui noeˬ doeˇ-eu tsawˇ haˬ-ahˇ aˬ cawˬ noeˬ teˬ-eu meh.

Dawqdaq 17:24

Noeˬ siˬ noeˬ mawˇ nya-eu gʼaˬ zaˬ siˬ tsawˇ gahˇ-ahˇ haw tsoˆ taˬ-awˇ, dawˇ ga gʼaˬ mˬ dzeˇ miˇ dzeˇ-ahˇ baꞈ leuˇ haw-eu meh.

Dawqdaq 21:29

Yaw tsaˬ yaw dawˇ deuˬ ziꞈ dah ni gʼeh-awˇ, yaw haiˬ deuˬ aˬ cawˬ jah laˇ ni ya jahˇ gʼeh-eu meh.

Dawqdaq 24:5

Zaˬ siˬ tsawˇ gahˇ ahˇ-eu jeˬ-aˬ, gʼaˬ kʼaˆ-eu jeˬ naˆ maˬ tseˇ poeˬ-eu meh. Tsawˇ gahˇ-aˬ, gʼaˬ naˆ maˬ tseˇ poeˬ-eu meh.

Daˬyeˬlaˇ 2:22

Naꞈ-eu dawˬ tsuiꞈ yawꞈ pah mehˬ-awˇ, yaw zahˇ zaꞈ taˬ-euˬ mawˇ nya-awˇ, yawꞈ jawˇ tiˬ jawˬ yaw shehꞈ bya meh.

Daˬyeˬlaˇ 2:47

Sahˬ paˬ ehˇ-eu, “Nawˬ-euˬ Miˬyehˇ-aˬ, miˬ yehˇ dawˬ tawˆ kʼoeˇ taˆ huiˬ-eu Miˬyehˇ pyeuꞈ-awˇ, sahˬ paˬ dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu uˬ taꞈ, naꞈ dui dui-eu gaˇ kawˆ deuˬ pah mehˬ nehˬ nya-eu gʼaˬ meh. Naꞈ dui dui-eu gaˇ kawˆ heu nawˇ dawˬ tsuiꞈ pah mehˬ nya-euˬ miˇ neh, ngaˇ heu loꞈ-ehˇ siˬ duˬ-eu ma.”

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Gʼaˬkʼehˇ 4:13

Beˬtuˆluˆ hawˇ-eu Yoˇhaˬ aˬ nyaꞈ zaˬ siˬ tsawˇ gahˇ maˬ ya dzaw haw-euˬ dahˇ taˆ zaˬ pyeuꞈ kʼawꞈ, kʼoeˇ loꞈ-ehˇ kʼaˬ duˬ ni ngehˬ gaˇ tmˇ gaˇ, Baꞈ dzah aˇ muˇ laꞈ kʼoeˇ uˇ-eu aˬ yuiꞈ aˬ tsu deuˬ zahˬ leˇ-euˬ meh. Kʼoeˇ mi neh, aˬ yawꞈ nyaꞈ Yeˬsuˇ nehˬ-ehˇ jawˇ haw-euˬ tsawˇ haˬ pyeuꞈ-eu ngaˇ lehˇ aˬ yawꞈ maꞈ siˬ duˬ-euˬ meh.

Gʼaˬkʼehˇ 4:29

Sahˬpaˬ Miˬyehˇ-oˇ, aˬ yawꞈ maꞈ nga maꞈ-ahˇ laˆ cawˆ-eu lehˇ gʼeh luꞈ gaˇ haw mawˇ-awˇ, nawˬ-euˬ zaˬ kʼaˆ pyeuꞈ-eu nga maꞈ nawˬ-euˬ dawˬ kʼaˬ duˬ ni mehˬ nehˬ nya ni caw ba nehˬ laꞈ.

Gʼaˬkʼehˇ 6:15

Baꞈ dzah-ahˇ kʼaˇ nuiˇ luꞈ-eu tsawˇ haˬ dawˬ tawˆ luꞈ, Saˬteˬpaˬ-ahˇ haw tsoˆ taˬ-euˬ meh. Kʼoeˇ ngeh, aˬ yawꞈ-euˬ myaˆ pyawˬ kʼoeˇ, mˬ taˆ gʼaˬ kʼehˇ-euˬ myaˆ pyawˬ-ahˇ duˇ gaˇ aˬ yawꞈ maꞈ ya mawˇ-euˬ meh.

Lormav 13:5

Kʼoeˇ miˇ neh, Miˬyehˇ-euˬ kʼehˬ-eu kʼaˆ-eu jeˬ-ahˇ guˆ-eu baˬ da neh tehꞈ-ehˇ maˬ ngeuˇ ni, kʼoeˇ loꞈ-ehˇ dehꞈ-eu jawˇ-eu tsaˬ meh lehˇ naw maꞈ-euˬ nui ma siˬ nya-eu laꞈ kʼoeˇ sahˬ paˬ sahˬ ma deuˬ uˆ lahˇ-eu uˬ moˆ yaw muiˬ paˬ-ehˇ jawˇ-awˬ.

Eˇpeˇsu 6:19

Laˬ kʼaˬ cehˇ-eu Guiˬ lahˬ dawˬ gaˇ kawˆ zaꞈ taˬ-euˬ jeˬ-ahˇ aˬ cawˬ siˬ nya laˇ ni kʼaˬ duˬ ni dawˬ ngehˬ nya-eu gʼaˇ duˬ, ngaˇ dawˬ ngehˬ-eu lehˇ kʼaˇ gʼeh ngeh Miˬyehˇ-euˬ dawˬ ngaˬ-ahˇ biꞈ laꞈ ni ngaˬ-euˬ gʼaˇ duˬ kʼawꞈ aˬ myah luꞈ guiˬ lahˬ shaˇ-awˬ.

Dawˬmehˬ 28:50

Aˬ yawꞈ maꞈ-aˬ, haiˬ dui dui-awˇ, tsawˇ mawˬ-ahˇ maˬ ehˇ, zaˬ guˬ-ahˇ maˬ ehˇ, gʼawˬ shaˬ gaˬ-eu maˬ siˬ nya-a.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.

2 Beˬtuˆluˆ 1:20

Ehˇ kʼawꞈ, dawˬ tawˆ luꞈ kʼoeˇ taˆ heu loꞈ-ehˇ jeˬ hu siˬ nya taˬ-awˬ. Jaˇliꞈ laꞈ kʼoeˇ Miˬyehˇ gʼaˇ duˬ ngehˬ dah taˬ-euˬ dawˬ-ahˇ, tsawˇ haˬ tiˬ gʼaˬ-iˬ yawˬ haˇ yawˬ ha dawˬ tsuiꞈ maˬ yuˇ doˆ mehˬ nya-aˇ lehˇ siˬ nya taˬ-awˬ.