Dawˬ tsoˆ 7:9 - Akha

⁹ Nui ma pehˇ-eu taˬ tehˬ. Nui pehˇ-euˬ jawˇ duˬ-aˬ, aˬ dzawˬ aˇ gah-euˬ bawˇ kʼahˇ meh.

Dawˬ tsoˆ 7:9 ပူးပေါင်းရင်းမြစ်များ

Aˇ dahˬ 4:8

Kʼoeˇ naˇ, Gaˬiˇnaˆ gʼaˬ, aˬ yawꞈ-euˬ aˬ nyiˇ Aˬbeˬlaˆ-ahˇ, “Deh ma-ahˇ iˇ kaˇ-euˇ” lehˇ cawˬ-euˬ meh. Aˬ yawꞈ nyaꞈ nmˇ deh yaˇ-ahˇ iˇ keuˆ-awˇ jawˇ ngeh, Gaˬiˇnaˆ tsawˬ tuˇ-awˇ, aˬ yawꞈ-euˬ aˬ nyiˇ-ahˇ sehꞈ-euˬ meh.

2 Saˬmeuˬlaˆ 13:22

Aˬbaˇsaˬloˬ gʼaˬ gʼeh, aˬ yawꞈ-euˬ dmˇ ma tsi tsi ni gʼeh-eu Taˬmaˬ-ahˇ, Aˬmaˬnoˬ neh kʼoeˇ loꞈ-ehˇ jahˇ nehˬ-euˬ miˇ neh, Aˬmaˬnoˬ-ahˇ bye dui dui-awˇ, dawˬ maˬ ngehˬ cawˬ ni jawˇ-euˬ meh.

2 Saˬmeuˬlaˆ 13:28

Aˬbaˇsaˬloˬ-aˬ, aˬ yawꞈ-euˬ zaˬ kʼaˆ deuˬ-ahˇ heu loꞈ-ehˇ mehˬ gahˇ taˬ-euˬ meh. “Aˬmaˬnoˬ gʼaˬ aˬ geu ngeh dzaˬ yehꞈ dawˇ yehꞈ nga loˇ lehˇ yaw muiˬ paˬ-ehˇ haw coeˇ taˬ-awˇ, aˬ yawꞈ-ahˇ sehꞈ-awˬ lehˇ ngaˇ ehˇ naˇ, tiˬ poˆ tehꞈ-ehˇ sehꞈ-awˬ. Tiˬ jeˬ-iˬ taˬ guˆ. Yawˬ jeˬ na luꞈ ngaˇ kamˬ ma. Maˬ nyi naˬ ni nui ma yaw tsehˆ tsehˆ-ehˇ noeˬ-awˇ mˇ-awˬ.”

2 Saˬmeuˬlaˆ 13:32

Ehˇ kʼawꞈ, Daˬbiˇ-euˬ aˇ doˆ Shaˬmahˇ-euˬ aˬ li Yawˇnaˬdehˇ ehˇ-eu, “Sahˬ paˬ-oˇ, nawˬ-euˬ aˬ li dawˬ tawˆ luꞈ-ahˇ maˬ sehꞈ-aˬ. Aˬmaˬnoˬ tiˬ gʼaˬ tehꞈ-ehˇ bi sehꞈ-euˬ meh. Aˬbaˇsaˬloˬ-euˬ dmˇ ma Taˬmaˬ-ahˇ Aˬmaˬnoˬ neh yehˬ bawˬ-ehˇ gʼeh nehˬ-euˬ miˇ neh, yaw beh neh Aˬmaˬnoˬ-ahˇ Aˬbaˇsaˬloˬ kʼoeˇ loꞈ-ehˇ jahˇ kʼoꞈ nehˬ mawꞈ-eu shaˬ-eu meh.

2 Saˬmeuˬlaˆ 19:43

Iˇsaˬleˬlaˆ tsawˇ haˬ deuˬ ehˇ-eu, “Sahˬ paˬ Daˬbiˇ-aˬ, naw maꞈ-euˬ tsawˇ haˬ pyeuꞈ kʼawꞈ, aˬ yawꞈ-euˬ gaˇ kawˆ-ahˇ taꞈ leˇ-awˇ, naw maꞈ naˆ maˬ tseˇ nga maꞈ tseˇ bymˇ ehˇ kʼaˇ za ma. Aˬ jeˬ miˇ neh naw maꞈ nga maꞈ-ahˇ haw teˬ nehˬ laꞈ te. Sahˬ paˬ-ahˇ sheuˬ kʼoꞈ laˬ-iˇ ma lehˇ, naw maꞈ-euˬ jeˬ hu nga maꞈ ehˇ-euˬ maˬ ngeuˇ-a loˇ.” Ehˇ kʼawꞈ, Yuˇdaˆ tsawˇ haˬ deuˬ-aˬ, Iˇsaˬleˬlaˆ tsawˇ haˬ deuˬ naˆ maˬ tseˇ tsawˇ pyehˇ kʼaˆ-euˬ meh.

Dawqdaq 14:17

Nui ma yaw suˬ deuˬ aˬ laꞈ kawˇ-awˇ, tsawˇ gahˇ byah-eu deuˬ nui ma yaw mahˇ meh.

Dawqdaq 14:29

Oˇ dzeuˇ nya-eu tsawˇ haˬ zaˬ siˬ tsawˇ gahˇ byah-awˇ, nui ma yaw suˬ deuˬ yawˬ ha-euˬ yaw lehˬ pah pyehˬ-eu meh.

Dawqdaq 16:32

Oˇ dzeuˇ nya-eu jeˬ-aˬ, aˬ cawˬ-ahˇ gʼaˬ leˇ-eu jeˬ naˆ maˬ tseˇ muiˬ-awˇ, meuˬ meuˬ lah-ehˇ deuˆ gʼaˬ-eu naˆ maˬ tseˇ, yawˬ ha-euˬ nui ma-ahˇ gʼaˬ leˇ-eu poeˬ dzehˬ meh.

Dawqdaq 25:8

Nawˇ ya tahˬ puˬ-euˬ tiˬ jeˬ na gaˇ kawˆ-ahˇ, yaˇ kʼaˬ daˇ duˬ-ahˇ tsaꞈ gaˬ leˇ-eu taˬ tehˬ. Nui gʼaˬ nawˇ naˆ maˬ tseˇ duˬ-awˇ, nawˬ neh ehˇ-euˬ dawˬ yaw lehˬ meh lehˇ saˇ kiˇ kamˬ naˇ, nawˇ aˬ joˆ-ehˇ jahˇ nmˇ.

Dawˬ tsoˆ 7:10

“Aˬ jeˬ miˇ neh aˇ hu aˇ yamˬ, iˬ nah maˬ tseˇ maˬ gaˇ ta” lehˇ, gaˇ dahˇ maˬ tsoeˬ-eu dawˬ taˬ ngehˬ. Kʼoeˇ loꞈ-ehˇ ehˇ-eu dawˬ kʼoeˇ-aˬ, tsawˇ gahˇ ahˇ-eu dawˬ maˬ ngeuˇ-a.

Yawˇnaˆ 4:3

Sahˬpaˬ Miˬyehˇ-oˇ, ngaˬ-ahˇ bi shiˇ laꞈ-awˬ. Dehꞈ-eu naˆ maˬ tseˇ shiˇ-eu-aˬ, ngaˬ-euˬ gʼaˇ duˬ zaˬ dzehˬ miˇ-a.”

Yawˇnaˆ 4:8

Nahˇ ma goˇ laˇ ngeh, nahˇ ma doˆ kʼehˬ paw-euˬ lahˇ dui dui-eu jaˬ lehˇ-ahˇ Miˬyehˇ pyehˬ gʼeh laꞈ-euˬ miˇ neh, Yawˇnaˆ-euˬ uˬ duˬ-ahˇ nahˇ tsaˇ zaw dui dui leˇ-awˇ, myaꞈ leˇ paˬ-ehˇ pyeuꞈ-iˇ-euˬ meh. Kʼoeˇ ngeh, ya shiˇ law nmˇ-aˬ gʼaˬ miˇ-a lehˇ aˬ yawꞈ noeˬ-awˇ, “Dehꞈ-eu naˆ maˬ tseˇ shiˇ-eu-aˬ ngaˬ-euˬ gʼaˇ duˬ zaˬ miˇ-a” lehˇ ehˇ-eu meh.

Yawˇnaˆ 4:9

Ehˇ kʼawꞈ, “Aˇ bawˬ teu bawˬ-ahˇ taꞈ leˇ-awˇ nawˇ aˬ jeˬ nui ma pehˇ kʼaˇ za te” lehˇ aˬ yawꞈ-ahˇ Miˬyehˇ ehˇ nehˬ-euˬ meh. Yawˇnaˆ ehˇ-eu, “Ngaˇ nui ma pehˇ kʼaˇ za tehꞈ-a. Shiˇ paˬ-ehˇ pehˇ dui dui laˇ nya.”

Maˬkuˆ 6:19

Kʼoeˇ miˇ neh, Yoˇhaˬ-ahˇ Heˬloˇdiˇ muiˇ dui dui-awˇ, sehꞈ mawꞈ-eu meh. Ehˇ kʼawꞈ, Heˬloˆ-ahˇ maˬ laˆ tawˆ nya-eu miˇ neh, maˬ sehꞈ nya-ehˇ jawˇ-euˬ meh.

Maˬkuˆ 6:24

Kʼoeˇ ngeh, a buˇ kʼoeˇ buˇ doˆ-iˇ-awˇ, “Ngaˇ aˬ geu jeˬ ya shaˇ nmˇ” lehˇ, aˬ yawꞈ-euˬ aˬ ma-ahˇ naˇ haˬ-euˬ meh. Aˬ ma gʼaˬ ehˇ-eu, “Iˇ cuꞈ shawˇ-eu Yoˇhaˬ-euˬ uˬ duˬ shaˇ-awˬ.”

Yaˬkoˆ 1:19

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.