Dawˬ tsoˆ 7:4 - Akha

⁴ Zaˬ siˬ tsawˇ gahˇ ahˇ-eu nui ma , tsawˇngoeˇngoeˇ-eu nymˇ-ahˇ jaˆ-awˇ, aˬ dzawˬ aˇ gah deuˬ-euˬ nui ma , byawˬ gʼa-eu nymˇ-ahˇ jaˆ-eu meh.

Dawˬ tsoˆ 7:4 ပူးပေါင်းရင်းမြစ်များ

2 Saˬmeuˬlaˆ 13:28

Aˬbaˇsaˬloˬ-aˬ, aˬ yawꞈ-euˬ zaˬ kʼaˆ deuˬ-ahˇ heu loꞈ-ehˇ mehˬ gahˇ taˬ-euˬ meh. “Aˬmaˬnoˬ gʼaˬ aˬ geu ngeh dzaˬ yehꞈ dawˇ yehꞈ nga loˇ lehˇ yaw muiˬ paˬ-ehˇ haw coeˇ taˬ-awˇ, aˬ yawꞈ-ahˇ sehꞈ-awˬ lehˇ ngaˇ ehˇ naˇ, tiˬ poˆ tehꞈ-ehˇ sehꞈ-awˬ. Tiˬ jeˬ-iˬ taˬ guˆ. Yawˬ jeˬ na luꞈ ngaˇ kamˬ ma. Maˬ nyi naˬ ni nui ma yaw tsehˆ tsehˆ-ehˇ noeˬ-awˇ mˇ-awˬ.”

1 Sahˬpaˬ 20:16

Nah loˆ ceh laˇ-awˇ, Beˬhaˬdaˇ hawˇ-eu aˬ yawꞈ-ahˇ nui ma taꞈ-eu sahˬ paˬ kʼoeˇ smˬ tseˇ nyiꞈ gʼaˬ aˬ yawꞈ maꞈ-euˬ sehˬ gʼawˆ laꞈ kʼoeˇ dzaˬ yehꞈ dawˇ yehꞈ luꞈ ngeh, guiˇ deuˆ dahˬ beh-euˬ meh.

Dawˬ tsoˆ 2:1

“Laˇ-awˬ. Byawˬ-eu mo-eu jeˬ aˇ naˆ ni muiˬ-eu nga lehˇ, ngaˇ nawˬ-ahˇ nui kʼahˇ tiˬ shiˇ bi byawˬ bi muˆ gʼa nyaˇ” lehˇ, ngaˇ yawˬ haˇ yawˬ ha ehˇ-euˬ ma. Kʼoeˇ kʼawꞈ, tiˬ jeˬ-iˬ gaˇ dahˇ maˬ tsoeˬ gaˇ ya mawˇ-euˬ ma.

Dawˬ tsoˆ 7:3

Laˬ kʼaˬ cehˇ-awˇ uiˇ-eu maˬ tseˇ, noeˬ shaˬ-eu jeˬ poeˬ dzehˬ-eu meh. Noeˬshaˬ-eu jeˬ myaˆpyawˬ nyoeˬkʼawꞈ, nui ma bi gahˇ dzehˬ laˇ-eu meh.

Dawˬ tsoˆ 7:5

Aˬ dzawˬ caˇ gaˇ naˇ-eu maˬ tseˇ, zaˬ siˬ dehˬ gaˇ naˇ-eu tsaˬ meh.

Iˇsaˬyaˇ 21:4

Ngaˬ-euˬ nui ma cehˇ tahˬ tahˬ-awˇ, yaw dzuˬ dzuˬ dui dui nya. Uˬ ciꞈ ciꞈ le gaˇ noeˬ tmˬ kʼawꞈ, ciꞈ le ngeh guˆ dzehˬ laˇ-eu nya.

Yeˬlaˬmiˇ 51:39

Aˬ yawꞈ maꞈ aˇ dzehˬ-ehˇ smˇ ta loˇ. Aˬ yawꞈ maꞈ gʼaˇ duˬ ngaˇ dzaˬ byawˇ shaˇ dahˇ nehˬ-awˇ, bi dzaˬ bi dawˇ yehꞈ-awˇ laˬ kʼaˬ bi cehˇ ma. Aˬ yawꞈ maꞈ yuꞈ kʼaˆ-awˇ, tiˬ jawˇ-iˬ maˬ paˇ noeˬ laˇ-aˇ.

Yeˬlaˬmiˇ 51:57

Aˬ yawꞈ maꞈ-euˬ sahˬ paˬ sahˬ ma hawˇ-eu, zaˬ siˬ tsawˇ gahˇ byah loꞈ-eu deuˬ, aˬ yuiꞈ aˬ tsu hawˇ-eu yehˇ deuˬ, jiˇ baˬ dawˇ yehꞈ ni ngaˇ jahˇ ma. Aˬ yawꞈ maꞈ yuꞈ kʼaˆ-awˇ maˬ paˇ noeˬ laˇ meh lehˇ, dzoeˬ dzaˬ sahˬ paˬ pyeuꞈ-eu ngaˇ ehˇ-eu ma. Ngaˇ-aˬ, Baoˬ huiˬ-eu Sahˬpaˬ Miˬyehˇ ma.

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.

Hawˇseˬ 7:5

Sahˬ paˬ bawˬ-iˬ gʼeh-eu aˇ nah-ahˇ, sahˬ paˬ hawˇ-eu yaw huiˬ deuˬ-ahˇ, yawꞈ maꞈ jiˇ baˬ bi dawˇ yehꞈ-awˇ, tsawˇ uˬ laˆ uˬ jiˇ nehˬ-euˬ meh.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

1 Saˬmeuˬlaˆ 25:36

Naˬbaˬlaˇ jawˇ gaˇ Aˬbiˇgeˬlaˆ gʼoꞈ-iˇ ngeh, sahˬ paˬ dzaˬ-eu dzaˬ byawˇ dawˇ gʼawˆ loꞈ-ehˇ saˇ dahˇ taˬ-awˇ, Naˬbaˬlaˇ dzaˬ luꞈ dawˇ luꞈ gaˇ ya mawˇ-euˬ meh. Aˬ yawꞈ dzaˬ yehꞈ dawˇ yehꞈ taˬ-euˬ miˇ neh, yawˬ nah yawˬ uˬ shawˬ paw keuˆ ni tiˬ jeˬ-iˬ maˬ ehˇ nehˬ ni jawˇ-euˬ meh.

1 Saˬmeuˬlaˆ 30:16

Kʼoeˇ naˇ, Ziˇkaˬlehˆ meuˬ-ahˇ guiˇ deuˆ laˇ-euˬ tsawˇ haˬ kʼoeˇ deuˬ jawˇ gaˇ, Daˬbiˇ-ahˇ aˬ yawꞈ sheuˬ gʼeh nehˬ-euˬ meh. Guiˇ deuˆ laˇ-euˬ tsawˇ haˬ kʼoeˇ deuˬ-aˬ, Piˇliˇtiˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ aˬ yawꞈ maꞈ neh deuˆ za-euˬ myawˬ gahˬ myaˬ dui dui-eu miˇ neh, dzaˬ byawˬ dawˇ byawˬ byawˬ-awˇ, byawˬ gʼa muˆ gʼa-eu laꞈ kʼoeˇ, deh ga ga lah-ehˇ jawˇ byah taˬ-euˬ meh.