Dawˬ tsoˆ 7:26 - Akha

²⁶ Shiˇ-eu jeˬ naˆ maˬ tseˇ doeˇ dui dui-eu tiˬ jeˬ ngaˇ mawˇ taˬ-euˬ ma. Kʼoeˇ-aˬ, zaˬ miˬ zaˬ meh. Aˬ yawꞈ-euˬ nui gaˬ lahˇ ju kʼmˇ gaˇ duˇ-awˇ, nawˬ-ahˇ byaˇ cuꞈ-eu aˬ yawꞈ-euˬ aˬ laꞈ shmˇ caˆ paꞈ gaˇ duˇ-eu meh. Miˬyehˇ-euˬ nui kʼahˇ poˆ-eu tsawˇ haˬ cehˆ dzeuˇ nya kʼawꞈ, iˬ baˇ mˇ-eu deuˬ paꞈ leˇ-eu meh.

Dawˬ tsoˆ 7:26 ပူးပေါင်းရင်းမြစ်များ

Aˇ dahˬ 19:35

Kʼoeˇ ngeh miˇ kʼawꞈ, aˬ nyaꞈ nmˇ aˬ da gʼaˬ-ahˇ aˬ gaꞈ dzaˇ uiˇ paˇ bi dawˇ yehꞈ-awˇ, aˬ buˇ aˬ nyiˇ gʼaˬ aˬ yawꞈ nehˬ-ehˇ yuꞈ taꞈ-euˬ meh. Kʼoeˇ ngeh poˆ kʼawꞈ, aˬ yawꞈ aˬ gaꞈ dzaˇ uiˇ aˇ dzehˬ yehꞈ dzeuˇ-euˬ miˇ neh, aˬ joˆ-ehˇ pyeuꞈ laˇ-euˬ gaˇ kawˆ tiˬ pawꞈ-iˬ maˬ siˬ nya-a.

Aˇ dahˬ 39:9

“Nymˇ heu nymˇ-ahˇ taꞈ leˇ-eu gaˇ deuˬ-ahˇ ehˇ leꞈ naˇ, ngaˇ-aˬ, aˬ yawꞈ loꞈ-ehˇ baoˬ jaˆ-eu tsawˇ haˬ tiˬ gʼaˬ ma. Nawˬ-ahˇ maˬ ngeuˇ naˇ, nymˇ heu nymˇ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, ngaˬ neh kʼaˇ noeˬ-euˬ loꞈ-ehˇ maˬ ya jahˇ-a lehˇ laˆ tsoeˬ taˬ-euˬ tiˬ jeˬ-iˬ maˬ jaˆ-a. Miˬyehˇ mehˬ shi iˬ baˇ huiˬ dui dui-eu maˬ mˇ kʼmˬ-eu heu jeˬ-ahˇ, ngaˇ aˬ joˆ-ehˇ mˇ nya nmˇ.”

Doˆ-iˇ 10:7

Kʼoeˇ naˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ sahˬ paˬ -ahˇ ehˇ nehˬ-eu, “Tsawˇ haˬ heu gʼaˬ aˬ dui-ahˇ aˇ myah keuˆ ni laˆ bahˬ-eu lehˇ gʼeh-eu nga. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-iˇ-eu gʼaˇ duˬ, Iˇsaˬleˬlaˆ tsawˇ haˬ-ahˇ pyehˬ nehˬ-awˬ. Iˇjiˇtuˆ miˇ kʼahˬ cawˆ-iˇ-eu keuˆ laˇ taˬ-euˬ nymˬ-mˇ keuˆ ni nawˇ maˬ siˬ duˬ-aˬ siˬ loˇ.”

Dawqdaq 2:16

Dawˬ ja nya-awˇ mehˇ shuiˇ bym-eu, haiˬ-eu zaˬ miˬ-euˬ tsawˇ gahˇ-ahˇ, nawˇ dehꞈ dzeuˇ nya tehꞈ-a.

Dawqdaq 22:14

Aˬ cawˬ-euˬ miˬ sawˇ yo zaˬ-ahˇ bahˬ-eu jeˬ lahˇ ju pyeuꞈ-awˇ, Sahˬpaˬ Miˬyehˇ nui ma pehˇ-eu deuˬ paꞈ leˇ nya-eu meh.

Dawqdaq 6:23

Dawˬ mehˬ dawˬ tsoˆ tsoˆ-eu jeˬ-aˬ, tsiˇ kʼmˬ yaw shehꞈ loꞈ-ehˇ duˇ-awˇ, nawˬ-ahˇ dehꞈ jeˬ dehꞈ kawˆ gaˇ ma mehˬ-eu meh.

Dawqdaq 6:24

Maˬ muiˬ-eu zaˬ miˬ zaˬ nehˬ-ehˇ maˬ bahˬ-ehˇ, aˬ cawˬ aˬ ma muˇ juˇ juˇ gaˇ maˬ naˇ haˬ ni, nawˬ-ahˇ mehˬ laꞈ tsoˆ laꞈ-eu meh.

Dawqdaq 9:18

Aˬ yawꞈ-euˬ nymˇ-ahˇ kʼaˇ le-eu deuˬ ya shiˇ-awˇ, kʼaˇ le uˇ-euˬ tsawˇ haˬ deuˬ shiˇ-eu miˇ kʼahˬ-ahˇ jawˇ luꞈ-eu gaˇ kawˆ, aˬ yawꞈ maꞈ maˬ siˬ nya-a.

Dawˬ tsoˆ 2:26

Miˬyehˇ-aˬ, aˬ yawꞈ nui ma tsaˬ-eu tsawˇ haˬ deuˬ-ahˇ, yaw muiˬ yaw doeˇ tseˇ paˆ nya-eu nui gahˇ maˬ ehˇ, zaˬ siˬ tsawˇ gahˇ maˬ ehˇ, nui saˇ oꞈ-eu jeˬ maˬ ehˇ, biꞈ nehˬ-eu meh. Ehˇ kʼawꞈ, iˬ baˇ zaˬ deuˬ pyuˇ poˆ shuiˇ poˆ-awˇ jeˬ hmˬ taˬ nya ni, aˬ yawꞈ jahˇ nehˬ-eu meh. Kʼoeˇ-aˬ, aˬ yawꞈ nui kʼahˇ shiˇ-eu tsawˇ haˬ-ahˇ biꞈ nya ni bi poˆ uiˬ taˬ-euˬ gaˇ duˇ-eu meh. Heu deuˬ dawˬ tawˆ luꞈ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 7:27

Zaˬ siˬ tsawˇ gahˇ byah-eu mehˬ-eu tsoˆ-eu gʼaˬ ehˇ-eu, “Ngaˬ-euˬ nui ma laꞈ kʼoeˇ maˬ noeˬ shaw nya-eu jeˬ-ahˇ ngaˇ poˆ ngeh, tiˬ jawˇ saˇ-iˬ tiˬ jawˇ heu loꞈ-ehˇ poˆ mawˇ-euˬ ma.