Dawˬ tsoˆ 7:2 - Akha

² Dzaˬbyawˇ lawˇ-eu nymˇ naˆ maˬ tseˇ, tsawˇ ngoeˇ nymˇ-ahˇ iˇ-eu muiˬ meh. Shiˇ nah yawˬ gʼaˬ na-ahˇ loꞈ gaˇ, dehꞈ ngeh siˬ duˬ taˬ-eu tsaˬ meh.

Dawˬ tsoˆ 7:2 ပူးပေါင်းရင်းမြစ်များ

Jaceuq 90:12

Nga maꞈ noeˬ gahˇ laˇ nya ni, nga maꞈ-euˬ ziˇ aˇ naˆ ni nymˇ-eu mehˬ nehˬ tsoˆ nehˬ laꞈ-awˬ.

Dawˬ tsoˆ 2:14

Zaˬ siˬ tsawˇ gahˇ ahˇ-eu deuˬ yawˬ ha ya iˇ-eu gaˇ ma siˬ nya kʼawꞈ, aˬ dzawˬ-aˬ, yaw zahˇ laꞈ kʼoeˇ cah luꞈ gaˇ duˇ-eu meh. Ehˇ kʼawꞈ, aˬ yawꞈ tiˬ gaˇ shiˇ leˇ-eu tehꞈ meh lehˇ ngaˇ siˬ nya ma.

Dawˬ tsoˆ 2:16

Aˬ dzawˬ aˇ gah-ahˇ aˬ cawˬ maˬ noeˬ keuˆ-eu loꞈ-ehˇ, zaˬ siˬ tsawˇ gahˇ ahˇ-eu gʼaˬ-ahˇ kʼawꞈ, aˬ cawˬ maˬ noeˬ keuˆ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, dawˬ tawˆ luꞈ-ahˇ aˬ cawˬ ngehˇ jiˇ tehꞈ-a. Tsawˇ gahˇ ahˇ-eu deuˬ maˬ ehˇ, aˬ dzawˬ aˇ gah deuˬ maˬ ehˇ, tiˬ nah ya shiˇ byoˆ jiˇ tehꞈ-a.

Dawˬ tsoˆ 3:19

Uˬ duˬ duˬ laˇ ngeh-aˬ, tsawˇ haˬ zaˬ hawˇ-eu jeˬ zaˬ tiˬ gaˇ shiˇ leˇ-eu meh. Nyiˬ jeˬ luꞈ shiˇ-eu jeˬ tehꞈ meh. Nyiˬ jeˬ luꞈ saꞈ tiˬ kawˆ loꞈ-ehˇ gʼawˇ-awˇ, beu gaˇ duˬ maˬ jaˆ-a. Aˬ jeˬ miˇ neh ehˇ naˇ, nyiˬ jeˬ luꞈ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 3:20

Nyiˬ jeˬ luꞈ aˇ saˬ saˬ leˇ duˬ tiˬ tsahˇ tehꞈ meh. Kʼaˬ lehˇ-ahˇ pyeuꞈ doˆ laˇ-euˬ loꞈ-ehˇ, kʼaˬ lehˇ paˇ ya pyeuꞈ kʼoꞈ jiˇ-eu meh.

Dawˬ tsoˆ 6:6

Tsawˇ haˬ kʼoeˇ gʼaˬ aˇ kʼoꞈ nyiˬ heˇ dehꞈ dzehˬ kʼawꞈ, aˬ yawꞈ jaˆ-eu pyuˇ shuiˇ myawˬ gahˬ aˬ yawꞈ-euˬ nui noeˬ maˬ ya zmˬ-a. Aˇ saˬ saˬ laˇ ngeh, nyiˬ gʼaˬ luꞈ aˬ yawꞈ tiˬ tsahˇ-ahˇ uˬ duˬ duˬ leˇ-eu tehꞈ meh.

Dawˬ tsoˆ 9:2

Dawˬ tawˆ luꞈ aˬ yawꞈ tiˬ gaˇ shiˇ leˇ-eu tehꞈ meh. Tsawˇ muiˬ tsawˇ doeˇ maˬ ehˇ, yaw sui yaw dawˇ hawˇ-eu yaw haiˬ maˬ ehˇ, yaw muiˬ yaw shawˇ hawˇ-eu maˬ muiˬ maˬ shawˇ-eu tsawˇ haˬ maˬ ehˇ, Miˬyehˇ-ahˇ lawˇ-eu shehˇ-eu tsawˇ haˬ hawˇ-eu maˬ lawˇ maˬ shehˇ-eu tsawˇ haˬ maˬ ehˇ, dawˬ tawˆ luꞈ aˇ saˬ saˬ leˇ duˬ tiˬ tsahˇ tehꞈ meh. Tsawˇ muiˬ kʼawꞈ iˬ baˇ zaˬ taꞈ-ehˇ maˬ dzehˬ-a. Miˬyehˇ-ahˇ saˇ jaˇ dzaˬ-eu tsawˇ haˬ hawˇ-eu saˇ jaˇ maˬ dzaˬ-eu tsawˇ haˬ beu gaˇ duˬ maˬ jaˆ-a.

Dawˬ tsoˆ 9:3

Tsawˇ muiˬ tsawˇ doeˇ maˬ baw ni, tsawˇ haˬ dawˬ tawˆ luꞈ aˬ yawꞈ tiˬ tsahˇ-ahˇ tehꞈ-ehˇ uˬ duˬ ya duˬ leˇ-eu meh. Nahˇ ma heu siˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ, kʼoeˇ naˆ ni doeˇ-eu meh. Tsawˇ haˬ zaˬ yaw dehꞈ kʼaˇ dehꞈ kʼoeˇ keuˆ ni, nui ma laꞈ kʼoeˇ yaw haiˬ jeˬ hawˇ-eu aˬ dzawˬ aˇ gah gah-eu jeˬ tehꞈ-ehˇ byah luꞈ-awˇ, ja pyuˬ ni ya shiˇ jiˇ-eu meh.

Dawˬ tsoˆ 9:5

Dehꞈ luꞈ-eu deuˬ yawˬ ha ya shiˇ-eu gaˇ kawˆ siˬ nya kʼawꞈ, shiˇ dzeuˇ-euˬ deuˬ siˬ nya-eu aˬ jeˬ paˇ jaˆ ta. Aˬ yawꞈ maꞈ tiˬ jeˬ-iˬ aˇ poeˬ maˬ paˇ baw-ehˇ, tiˬ gʼaˬ-iˬ maˬ noeˬ mawˇ ni bi ngehˇ byoˆ jiˇ-eu meh.

Iˇsaˬyaˇ 47:7

Aˬ myah luꞈ sahˬ paˬ ma ya geuꞈ ma lehˇ nawˇ noeˬ tmˬ-awˇ, gaˇ kawˆ heu deuˬ-ahˇ nawˇ maˬ shaˇ sawˇ ni, mehˬ hu paw pyeuꞈ laˇ-eu gaˇ kawˆ maˬ shaˇ noeˬ-a.

Yeˬlaˬmiˇ 16:8

“Bawˬ-iˬ gʼeh luꞈ-eu nymˇ jiˇ laꞈ kʼoeˇ nawˇ taˬ uˇ leˇ. Aˬ yawꞈ maꞈ nehˬ-ehˇ ga nuiˇ leˇ-awˇ taˬ dzaˬ taˬ dawˇ taꞈ.

Haˬgaiˇ 1:5

Naw maꞈ kʼoeˇ taˆ aˬ jeˬ keuˆ le-euˬ nya lehˇ shaˇ noeˬ haw sheˇ.

Maˬlaˬkiˇ 2:2

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˬ-ahˇ yaw zeu ya baw meh. Naw maꞈ ngaˬ-euˬ ehˇ dawˬ maˬ naˇ haˬ naˇ, yaˬ kʼehˇ yaˬ gaˇ ya daˬ tehꞈ-a. Naw maꞈ neh gaˇ mˇ-euˬ aˇ poeˬ naw maꞈ-ahˇ biꞈ taˬ-euˬ jeˬ kʼoeˇ taˆ, ngaˇ yaˬ kʼehˇ yaˬ ma. Aˬ diˇ aˬ maˇ ehˇ naˇ, naw maꞈ ngaˬ-euˬ dawˬ-ahˇ yaw muiˬ paˬ-ehˇ maˬ naˇ haˬ geuꞈ-eu miˇ neh, kʼoeˇ deuˬ kʼoeˇ taˆ ngaˇ yaˬ kʼehˇ yaˬ dzeuˇ gʼaˬ-euˬ ma.

Bawˇtsahˬ 23:10

Iˇsaˬleˬlaˆ-euˬ zaˬ deuˬ uˆ deuˬ-aˬ, kʼaˬ lehˇ loꞈ-ehˇ myaˬ-eu meh. Behˇ dui dui-eu aˬ yawꞈ maꞈ-ahˇ, aˬ suˇ gʼaˬ gui jiˇ coeˇ nmˇ. Miˬyehˇ-euˬ tsawˇ haˬ kʼoeˇ deuˬ nehˬ-ehˇ, ngaˬ-ahˇ ziˇ bi dehꞈ jiˇ laꞈ-awˬ. Yaw tsaˬ yaw dawˇ tsawˇ haˬ loꞈ-ehˇ, coꞈ ngehˇ ni ngaˬ-ahˇ bi shiˇ laꞈ-awˬ.”

Maꞈtehˬ 5:4

“Noeˬ shaˬ noeˬ zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi noeˬ saˇ laˇ tehꞈ-a.

Dawˬmehˬ 32:29

Aˬ cawˬ neh bi deuˆ gʼaˬ-euˬ kʼoeˇ, gaˇ kawˆ maˬ tseˇ paˆ geuꞈ nya-a.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.