Dawˬ tsoˆ 7:15 - Akha

¹⁵ Ngaˇ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ kʼawꞈ, yawˬ jeˬ na luꞈ ya mawˇ kuꞈ haw-euˬ ma. Dawˇ coe ni dehꞈ-eu yaw tsaˬ yaw dawˇ tsawˇ haˬ ziˇ teˬ-eu mawˇ haw-awˇ, maˬ tsaˬ maˬ dawˇ-eu jeˬ mˇ-eu haiˬ-eu tsawˇ haˬ ziˇ baw-eu mawˇ haw-euˬ ma.

Dawˬ tsoˆ 7:15 ပူးပေါင်းရင်းမြစ်များ

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

1 Sahˬpaˬ 21:13

“Miˬyehˇ hawˇ-eu sahˬ paˬ-ahˇ Naˬboˆ neh yaˬ kʼehˇ yaˬ-euˬ meh” lehˇ, tsawˇ haˬ heu myaˆ ni gʼeh-eu mehˬ shi haiˬ-eu tsawˇ haˬ kʼoeˇ nyiˬ gʼaˬ saˇ kiˇ kamˬ-euˬ meh. Kʼoeˇ ngeh, Naˬboˆ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biꞈ sehꞈ-euˬ meh.

Jaceuq 10:3

Yaw haiˬdeuˬ nui kʼahˇ mˇ dehˆ-awˇ, nui kʼahˇkʼahˬsehˇdeh luꞈ-eu meh. Nui kʼahˇhuiˬ-eu deuˬtuˇlaˇ-awˇ, SahˬpaˬMiˬyehˇ-ahˇ yaˬ-eu meh.

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Dawˬ tsoˆ 2:23

Tsawˇ haˬ zaˬ yaw dehꞈ dehꞈ-eu tiˬ ziˇ, noeˬ shaˬ noeˬ zahˬ noeˬ dui noeˬ duiˇ-eu laꞈ kʼoeˇ gaˇ ya mˇ-awˇ, uˬ ciꞈ paw kʼawꞈ nui noeˬ gʼaˬ naˬ naˬ kʼaˇ maˬ za-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 3:16

Kʼoeˇ uˬ taꞈ, nahˇ ma heu siˬ uˬ moˆ yaw tsaˬ yaw dawˇ jeˬ jaˆ paˬ-ehˇ gʼeh-eu tsahˇ-ahˇ, maˬ tsaˬ maˬ dawˇ-eu jeˬ tehꞈ-ehˇ byah luꞈ gaˇ ngaˇ ya mawˇ-euˬ ma.

Dawˬ tsoˆ 6:12

Gaˇ dahˇ maˬ tsoeˬ-eu tiˬ kʼehˇ laˇ kʼehˬ yaw dehꞈ ya dehꞈ-eu aˇ yamˬ heu laꞈ kʼoeˇ, tsawˇ haˬ zaˬ gʼaˇ duˬ muiˬ dzehˬ-eu jeˬ-ahˇ, aˬ suˇ gʼaˬ siˬ nya nmˇ. Yaw dehꞈ dehꞈ-eu jeˬ-aˬ, naˇ shmˇ shmˇ le-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ iˇ byoˆ gʼeh nya-eu meh. Yawˬ ha shiˇ dzeuˇ ngeh, nahˇ ma heu siˬ uˬ moˆ aˬ joˆ-ehˇ pyeuꞈ laˇ-eu gaˇ kawˆ aˬ suˇ gʼaˬ siˬ nya nmˇ.

Dawˬ tsoˆ 9:9

Nahˇ ma heu siˬ uˬ moˆ Miˬyehˇ neh nawˬ-ahˇ bi dehꞈ bi jawˇ laꞈ-euˬ tiˬ jeˬ-iˬ gaˇ dahˇ maˬ tsoeˬ-eu aˇ nah aˇ yamˬ heu laꞈ kʼoeˇ, nawˇ gaˬ-eu nawˬ-euˬ miˬ zaˬ nehˬ-ehˇ byawˬ gʼa-awˬ. Shaˬ zahˬ naꞈ-awˇ gaˇ dahˇ maˬ tsoeˬ-eu aˇ nah yawˬ nah na luꞈ laꞈ kʼoeˇ, nawˬ-ahˇ oꞈ-eu jiˇ jeuˬ kʼoeˇ tehꞈ meh.

Iˇsaˬyaˇ 65:20

Zaˬ nahˬ aˬ coeˇ dawˇ zaˬ deuˬ shiˇ-eu maˬ baw-ehˇ, tsawˇ haˬ dawˬ tawˆ ziˇ ya dehꞈ jiˇ tehꞈ-a. Aˇ kʼoꞈ tiˬ yaˇ byah-eu tsawˇ haˬ zaˬ guˬ-ahˇ duˇ leˇ-awˇ, kʼoeˇ gaˇ maˬ dehꞈ keuˆ ni shiˇ-eu jeˬ-aˬ, ngaˬ neh kʼehˬ nehˬ-euˬ saˇ kiˇ meh.

Yoˇhaˬ 16:2

Naw maꞈ-ahˇ Yuˇdaˆ tawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ laꞈ tehꞈ-a. Naw maꞈ-ahˇ sehꞈ-eu kʼoeˇ-aˬ, Miˬyehˇ-euˬ nui kʼahˇ mˇ-eu jeˬ pyeuꞈ-eu ma lehˇ, naw maꞈ-ahˇ sehꞈ-eu tsawˇ haˬ deuˬ noe-eu aˇ nah keuˆ le tehꞈ-a.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.