Dawˬ tsoˆ 7:13 - Akha

¹³ Miˬyehˇ neh mˇ-euˬ shaˇ noeˬ sheˇ. Aˬ yawꞈ neh beh ngoꞈ taˬ-euˬ jeˬ, ngawˬ dawˇ nya-eu aˬ suˇ jawˇ ta.

Dawˬ tsoˆ 7:13 ပူးပေါင်းရင်းမြစ်များ

Yawˇbaˆ 11:10

Miˬyehˇ nawˬ-ahˇ nyehꞈ-awˇ yaˇ kʼaˬ daˇ naˇ, laˆ tsoeˬ peuˬ-eu aˬ suˇ gʼaˬ jawˇ nmˇ.

Yawˇbaˆ 12:14

Miˬyehˇ neh laˆ pyaˆ-euˬ jeˬ-ahˇ aˬ suˇ gʼaˬ laˆ muiˬ nya-awˇ, Miˬyehˇ neh paꞈ tawꞈ-euˬ gʼaˬ-ahˇ aˬ suˇ gʼaˬ puiˇ pyehˬ nya nmˇ.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Yawˇbaˆ 37:14

Yawˇbaˆ-oˇ, tiˬ kʼehˇ kʼehˬ naˬ-awˇ ngaˇ ehˇ gaˇ paˇ naˇ haˬ sheˇ. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kawˆ deuˬ shaˇ noeˬ haw sheˇ.

Yawˇbaˆ 9:12

Aˬ yawꞈ kʼaˇ mawꞈ-eu jeˬ yuˇ geuꞈ gʼeh kʼawꞈ, laˆ tsoeˬ nya-eu tiˬ gʼaˬ-iˬ maˬ jawˇ-a. Nawˇ aˬ jeˬ jahˇ te lehˇ aˬ yawꞈ-ahˇ naˇ haˬ peuˬ-eu tiˬ gʼaˬ-iˬ maˬ jawˇ-a.

Jaceuq 107:43

Zaˬ siˬ tsawˇ gahˇ kʼaˇ ahˇ-eu tsawˇ haˬ deuˬ, gaˇ kawˆ kʼoeˇ shaˇ sawˇ haw luꞈ-uˇ. Sahˬpaˬ Miˬyehˇ-euˬ maˬ tsehˆ leˇ-eu gʼoeˇ-eu gaˬ-eu jeˬ-ahˇ aˬ yawꞈ maꞈ shaˇ noeˬ doˆ luꞈ-uˇ.

Jaceuq 8:3

Nawˬ-euˬkuiˇzaˇlaꞈzaˇ pyeuꞈ-eu, nawˬ-euˬmˬ-ahˇgʼawˇleuˇhaw-awˇ, nawˬneh ciˬceuˬbyah jiˇtaˬ-euˬ, ba la aˬguiˇdeuˬ-ahˇ haw ngeh,

Dawˬ tsoˆ 1:15

Yaw gʼahˬ maˬ ngawˬ dawˇ geuꞈ nya-ehˇ. aˇ teˬ maˬ gui byah geuꞈ nya-a.

Dawˬ tsoˆ 3:11

Yawˬ jeˬ na luꞈ gʼaˇ duˬ aˬ yawꞈ neh yamˬ law toꞈ tsaˬ taˬ-euˬ meh. Mehˬ hu paw pyeuꞈ laˇ-eu gaˇ kawˆ siˬ mawꞈ mawˇ mawꞈ-eu nui ma, tsawˇ haˬ zaˬ-ahˇ aˬ yawꞈ biꞈ taˬ-euˬ meh. Ehˇ kʼawꞈ, aˬ yawꞈ neh mˇ-euˬ gaˇ-ahˇ aˇ dahˬ beh gaˇ neh aˇ saˬ saˬ gaˇ keuˆ ni maˬ bi siˬ duˬ-a.

Dawˬ tsoˆ 8:17

Miˬyehˇ mˇ luꞈ-eu gaˇ-ahˇ nawˇ maˬ haw siˬ nya-aˇ. Nawˇ aˇ naˆ ni leh jeh-awˇ poˆ tseˇ haw kʼawꞈ, maˬ poˆ tseˇ duˬ nya-aˇ. Zaˬ siˬ tsawˇ gahˇ ahˇ-eu tsawˇ haˬ deuˬ yawˬ haˇ yawˬ ha aˇ naˆ ni nya ma lehˇ noeˬ kʼawꞈ, Miˬyehˇ neh mˇ-euˬ gaˇ-ahˇ maˬ siˬ duˬ nya-a.

Iˇsaˬyaˇ 14:27

Baoˬ huiˬ-eu Sahˬpaˬ Miˬyehˇ neh lehˬ hmˬ taˬ-euˬ jeˬ-ahˇ, kawˆ pyaˆ nya-eu aˬ suˇ gʼaˬ jawˇ ta. Cawˬ ja taˬ-eu aˬ yawꞈ-eu aˬ laꞈ-ahˇ, dehˬ kʼoꞈ nya-eu aˬ suˇ gʼaˬ jawˇ ta.

Iˇsaˬyaˇ 43:13

Nymˬ-mˇ ngaˇ Miˬyehˇ pyeuꞈ-eu loꞈ-ehˇ, mˬ maˬ maˬ byaˆ zaˇ ziˇ ngaˇ Miˬyehˇ ma. Ngaˬ-euˬ baoˬ-ahˇ cehˆ dzeuˇ nya-eu gʼaˬ maˬ jawˇ-ehˇ, ngaˬ neh mˇ-euˬ jeˬ-ahˇ laˆ paˇ nya-eu gʼaˬ maˬ jawˇ-a.”

Iˇsaˬyaˇ 5:12

Aˬ yawꞈ maꞈ dzaˬ byawˬ dawˇ byawˬ byawˬ gaˇ, deuˇ-mˬ, bawˬ law, cehˇ lehˇ hawˇ-eu jiˇ baˬ jaˆ kʼawꞈ, Sahˬpaˬ Miˬyehˇ neh mˇ-euˬ gaˇ-ahˇ maˬ shaˇ sawˇ-ehˇ, aˬ yawꞈ-euˬ kuiˇ zaˇ laꞈ zaˇ maˬ siˬ nya-a.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Luˇkaꞈ 12:26

Kʼoeˇ loꞈ-ehˇ gʼeh-eu nyiˇ dui dui-eu gaˇ-ahˇ kʼawꞈ, naw maꞈ maˬ mˇ nya gaˇ, aˬ jeˬ miˇ neh nui jeˬ gʼaˇ duˬ kʼahˬ lahˇ lahˇ-ehˇ shaˬ te.

Lormav 9:15

Aˬ jeˬ miˇ neh ehˇ naˇ, “Ngaˇ gʼawˬ shaˬ gaˬ mawꞈ-eu tsawˇ haˬ-ahˇ gʼawˬ shaˬ gaˬ-awˇ, ngaˇ ngehˬ gʼeh nehˬ mawꞈ-eu tsawˇ haˬ-ahˇ ngehˬ gʼeh-eu ma” lehˇ, Moˇseˬ-ahˇ aˬ yawꞈ ehˇ nehˬ-euˬ meh.

Lormav 9:19

Toˆ-ehˇ ngeuˇ naˇ, Miˬyehˇ-euˬ nui noeˬ-ahˇ tiˬ gʼaˬ-iˬ maˬ laˆ tsoeˬ nya-eu-aˬ, tsawˇ haˬ zaˬ-ahˇ Miˬyehˇ aˬ jeˬ iˬ baˇ taˬ kʼaˇ paˇ za ta” lehˇ naw maꞈ tiˬ gʼaˬ na ngaˬ-ahˇ naˇ haˬ mawꞈ tehꞈ-a.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.