Dawˬ tsoˆ 6:6 - Akha

⁶ Tsawˇ haˬ kʼoeˇ gʼaˬ aˇ kʼoꞈ nyiˬ heˇ dehꞈ dzehˬ kʼawꞈ, aˬ yawꞈ jaˆ-eu pyuˇ shuiˇ myawˬ gahˬ aˬ yawꞈ-euˬ nui noeˬ maˬ ya zmˬ-a. Aˇ saˬ saˬ laˇ ngeh, nyiˬ gʼaˬ luꞈ aˬ yawꞈ tiˬ tsahˇ-ahˇ uˬ duˬ duˬ leˇ-eu tehꞈ meh.

Dawˬ tsoˆ 6:6 ပူးပေါင်းရင်းမြစ်များ

Aˇ dahˬ 5:5

Gʼoeˬ yaˇ tseˇ shiꞈ kʼoꞈ kʼawˆ ngeh, aˬ yawꞈ ziˇ jiˇ-euˬ meh.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Yawˇbaˆ 30:23

Yawˬ gʼaˬ na luꞈ tiˬ poˆ ya uˇ-iˇ-eu jawˇ duˬ pyeuꞈ-eu shiˇ-eu miˇ kʼahˬ-ahˇ nawˇ ngaˬ-ahˇ yuˇ gʼeh luꞈ-eu ngaˇ siˬ nya ma.

Yawˇbaˆ 7:7

“Miˬyehˇ-oˇ, ngaˇ yaw dehꞈ dehꞈ-eu jeˬ-aˬ, saꞈ gʼawˇ luꞈ-eu jaˬ lehˇ-ahˇ duˇ gaˇ noeˬ keuˆ nehˬ laꞈ yawˬ. Ngaˇ laˬ kʼaˬ cehˇ-eu jeˬ dzeuˇ jiˇ-euˬ meh.

Jaceuq 34:12

Yaw dehꞈdehꞈ-eu nui kʼahˇshiˇ-awˇ, ziˇbaw ziˇza dehꞈziˇshehˇ-awˇ, laˬkʼaˬcehˇ-eu jeˬmawꞈte loˇ.

Dawˬ tsoˆ 12:7

Aˬ dui-euˬ gʼawˇ mawˇ miˇ tsaˬ-ahˇ gʼoꞈ kʼoꞈ-iˇ-awˇ, aˬ duiˬ-euˬ saꞈ laˇ-aˬ, dehꞈ-eu saꞈ laˇ biꞈ-eu yaw sahˇ pyeuꞈ-eu Miˬyehˇ jawˇ gaˇ gʼoꞈ leˇ tehꞈ-a. Aˇ yamˬ kʼoeˇ yamˬ maˬ keuˆ le mi naˆ-ehˇ, Miˬyehˇ-euˬ guiˬ lahˬ-ahˇ noeˬ keuˆ-awˬ.

Dawˬ tsoˆ 2:14

Zaˬ siˬ tsawˇ gahˇ ahˇ-eu deuˬ yawˬ ha ya iˇ-eu gaˇ ma siˬ nya kʼawꞈ, aˬ dzawˬ-aˬ, yaw zahˇ laꞈ kʼoeˇ cah luꞈ gaˇ duˇ-eu meh. Ehˇ kʼawꞈ, aˬ yawꞈ tiˬ gaˇ shiˇ leˇ-eu tehꞈ meh lehˇ ngaˇ siˬ nya ma.

Dawˬ tsoˆ 3:20

Nyiˬ jeˬ luꞈ aˇ saˬ saˬ leˇ duˬ tiˬ tsahˇ tehꞈ meh. Kʼaˬ lehˇ-ahˇ pyeuꞈ doˆ laˇ-euˬ loꞈ-ehˇ, kʼaˬ lehˇ paˇ ya pyeuꞈ kʼoꞈ jiˇ-eu meh.

Dawˬ tsoˆ 6:3

Tsawˇ haˬ tiˬ gʼaˬ, zaˬ aˇ yaˇ gʼaˬ ya cu-awˇ, ziˇ baw dui dui kʼawꞈ, yaw dehꞈ dehꞈ ngeh nui saˇ maˬ oꞈ-ehˇ, shiˇ ngeh yaw muiˬ-ehˇ baꞈ pahˬ nehˬ-eu gʼaˬ maˬ jawˇ naˇ, yaw shiˇ-ehˇ yoeˇ dzeh-euˬ zaˬ nahˬ maˬ tawˬ-a.

Dawˬ tsoˆ 6:5

Nah gʼahˇ paw bya-eu yaw shehꞈ-ahˇ aˬ yawꞈ maˬ ya mawˇ haw-ehˇ, yaw dehꞈ dehꞈ-eu gaˇ kawˆ aˬ yawꞈ maˬ ya siˬ kʼawꞈ, tsawˇ haˬ kʼoeˇ gʼaˬ naˆ maˬ tseˇ nui saˇ oꞈ dzehˬ-eu meh.

Dawˬ tsoˆ 7:2

Dzaˬbyawˇ lawˇ-eu nymˇ naˆ maˬ tseˇ, tsawˇ ngoeˇ nymˇ-ahˇ iˇ-eu muiˬ meh. Shiˇ nah yawˬ gʼaˬ na-ahˇ loꞈ gaˇ, dehꞈ ngeh siˬ duˬ taˬ-eu tsaˬ meh.

Dawˬ tsoˆ 9:2

Dawˬ tawˆ luꞈ aˬ yawꞈ tiˬ gaˇ shiˇ leˇ-eu tehꞈ meh. Tsawˇ muiˬ tsawˇ doeˇ maˬ ehˇ, yaw sui yaw dawˇ hawˇ-eu yaw haiˬ maˬ ehˇ, yaw muiˬ yaw shawˇ hawˇ-eu maˬ muiˬ maˬ shawˇ-eu tsawˇ haˬ maˬ ehˇ, Miˬyehˇ-ahˇ lawˇ-eu shehˇ-eu tsawˇ haˬ hawˇ-eu maˬ lawˇ maˬ shehˇ-eu tsawˇ haˬ maˬ ehˇ, dawˬ tawˆ luꞈ aˇ saˬ saˬ leˇ duˬ tiˬ tsahˇ tehꞈ meh. Tsawˇ muiˬ kʼawꞈ iˬ baˇ zaˬ taꞈ-ehˇ maˬ dzehˬ-a. Miˬyehˇ-ahˇ saˇ jaˇ dzaˬ-eu tsawˇ haˬ hawˇ-eu saˇ jaˇ maˬ dzaˬ-eu tsawˇ haˬ beu gaˇ duˬ maˬ jaˆ-a.

Iˇsaˬyaˇ 65:20

Zaˬ nahˬ aˬ coeˇ dawˇ zaˬ deuˬ shiˇ-eu maˬ baw-ehˇ, tsawˇ haˬ dawˬ tawˆ ziˇ ya dehꞈ jiˇ tehꞈ-a. Aˇ kʼoꞈ tiˬ yaˇ byah-eu tsawˇ haˬ zaˬ guˬ-ahˇ duˇ leˇ-awˇ, kʼoeˇ gaˇ maˬ dehꞈ keuˆ ni shiˇ-eu jeˬ-aˬ, ngaˬ neh kʼehˬ nehˬ-euˬ saˇ kiˇ meh.

Iˇsaˬyaˇ 65:22

Aˬ yawꞈ maꞈ neh tsoˆ-euˬ nymˇ-ahˇ aˬ cawˬ maˬ ya jawˇ-ehˇ, yawˬ ha neh ka siˬ-euˬ aˇ siˬ aˬ cawˬ maˬ paˇ ya pyaˆ dzaˬ meh. Ngaˬ-euˬ tsawˇ haˬ aˇ bawˇ loꞈ-ehˇ ziˇ baw tehꞈ-a. Yawˬ ha neh mˇ doˆ shaˇ doˆ taˬ-euˬ jeˬ, yawˬ ha nui kʼahˇ tiˬ shiˇ ya zmˬ tehꞈ-a.

Yeˬlaˬmiˇ 17:6

Aˬ yawꞈ-euˬ guiˬ lahˬ-aˬ, aˇ bawˇ baw duˆ tiˬ jeˬ-iˬ maˬ dehꞈ-eu, miˇ tsaˬ saˬ deuꞈ kuiˇ-awˇ, gui coˇ ni gʼeh-eu bawˇ tsahˬ bawˇ dahˇ-ahˇ, kʼaˇ shuiꞈ shuiꞈ yaˇ kʼoeˇ taˆ dehꞈ-eu baw duˆ-ahˇ duˇ-eu meh. Aˬ yawꞈ gʼaˇ duˬ yaw muiˬ tiˬ jeˬ-iˬ maˬ jaˆ-a.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.