Dawˬ tsoˆ 6:2 - Akha

² Tsawˇ haˬ zaˬ tiˬ gʼaˬ-ahˇ Miˬyehˇ pyuˇ shuiˇ myawˬ gahˬ biꞈ-awˇ, tsawˇ myahˇ bi doˆ-euˬ uˬ taꞈ, kʼaˇ geuꞈ mawꞈ-eu jeˬ dawˬ tawˆ luꞈ ehˇ kʼaˇ maˬ za ni biꞈ byah nehˬ-euˬ meh. Ehˇ kʼawꞈ, kʼoeˇ deuˬ dawˬ tawˆ luꞈ-ahˇ aˬ yawꞈ maˬ ya geuꞈ ni, boeˇ miˬ siˬ kʼaˬ tiˬ gʼaˬ neh bi geuꞈ jiˇ-eu meh. Kʼoeˇ-aˬ, tiˬ pawꞈ-iˬ maˬ tsaˬ maˬ dawˇ-ehˇ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 6:2 ပူးပေါင်းရင်းမြစ်များ

1 Sahˬpaˬ 3:13

Kʼoeˇ uˬ taꞈ, nawˬ neh maˬ shaˇ-euˬ jeˬ kʼawꞈ, nawˬ-ahˇ ngaˇ biꞈ ma. Nawˬ-euˬ tiˬ ziˇ, sahˬ paˬ nui deuˬ naˆ maˬ tseˇ smˇ muiˬ muiˬ dui dui-awˇ, aˬ cawˬ nawˬ-ahˇ taˬ huiˬ taˬ mahˇ dzehˬ tehꞈ-a.

1 Laˬsaˬbaˬ 29:25

Iˇsaˬleˬlaˆ tsawˇ jeuˬ jeuˬ lah ni Sawˇlaˬmoˬ-euˬ mehˬ shi yawꞈ-awˇ zahˬ leˇ tsoˆ leˇ jiˇ ni Sahˬpaˬ Miˬyehˇ jahˇ-awˇ, Iˇsaˬleˬlaˆ miˇ kʼahˬ-ahˇ kʼaˇ uˆ lahˇ dzeuˇ yaꞈ-euˬ sahˬ paˬ dawˬ tawˆ luꞈ naˆ maˬ tseˇ, Sawˇlaˬmoˬ-euˬ yaw shehꞈ kʼahˬ sehˇ huiˬ dzehˬ ni aˬ yawꞈ jahˇ-euˬ meh.

1 Laˬsaˬbaˬ 29:28

Aˬ yawꞈ-aˬ, smˇ muiˬ muiˬ dui dui-eu sahˬ paˬ tiˬ gʼaˬ pyeuꞈ-awˇ, aˬ cawˬ yaw zeu baw-eu laꞈ kʼoeˇ, tsawˇ mawˬ dehꞈ mawꞈ leꞈ-awˇ ziˇ dehꞈ jiˇ-euˬ meh. Aˬ yawꞈ-euˬ aˬ li Sawˇlaˬmoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 1:11

Sawˇlaˬmoˬ-ahˇ Miˬyehˇ ehˇ nehˬ-eu, “Tsaˬ dui dui-eu jeˬ-ahˇ nawˇ tseˇ geuꞈ-euˬ meh. Aˬ jeˬ miˇ neh ehˇ naˇ, smˇ muiˬ smˇ baw pyeuꞈ laˇ ni maˬ ehˇ, pyuˇ shuiˇ myawˬ gahˬ maˬ ehˇ, tsawˇ myahˇ doˆ ni maˬ ehˇ, nawˬ-ahˇ muiˇ-eu deuˬ ya shiˇ ni maˬ ehˇ, nawˇ ziˇ baw ziˇ za ni maˬ ehˇ, nawˇ maˬ shaˇ-eu uˬ taꞈ, ngaˬ neh nawˬ-ahˇ sahˬ paˬ bi geuꞈ-awˇ bi uˆ lahˇ-euˬ ngaˬ-euˬ tsawˇ haˬ deuˬ kʼoeˇ taˆ nawˇ uˆ lahˇ nya ni, zaˬ siˬ tsawˇ gahˇ nawˇ shaˇ-eu meh.

Jaceuq 17:14

Miˇtaˆnui loˆtiˬli dehꞈ-eu, haiˬ-eu tsawˇhaˬdeuˬ-euˬlaꞈ-ahˇ, nawˇngaˬ-ahˇka kʼoꞈnehˬ le-awˬ. Yawꞈmaꞈgʼaˇduˬlehˬhmˬtaˬ-euˬ, kʼehˬ-eu kʼaˆ-eu bi keuˆ le-awˬ. Zaˬziˇkeuˆni mˇkeuˆnehˬ-awˇ, oeˬziˇkeuˆni taˬbi dzeuˇ-iˇ.

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 73:7

Nui ma laꞈ kʼoeˇ yaw haiˬ yoeˇ doˆ le-awˇ, yaw haiˬ jeˬ mˇ-eu gʼaˇ duˬ shaˇ sawˇ-eu maˬ naˬ leˇ-a.

Dawˬ tsoˆ 4:4

Tsawˇ haˬ zaˬ dehꞈ dzaˬ laˇ ni gaˇ mˇ-eu leh jeh-eu-aˬ, yawˬ ha dawˬ peh dehꞈ-eu deuˬ-ahˇ myaˆ naˆ-eu miˇ neh meh lehˇ ngaˇ haw siˬ-euˬ ma. Ehˇ kʼawꞈ, kʼoeˇ loꞈ-ehˇ mˇ-eu tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 4:8

Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Dawˬ tsoˆ 5:13

Nahˇ ma heu siˬ uˬ moˆ nui ma cawˆ laˇ paˬ-ehˇ gʼeh-eu tiˬ jeˬ ngaˇ paˇ ya mawˇ-euˬ ma. Tsawˇ haˬ zaˬ deuˬ maˬ dzaˬ maˬ dawˇ peuˬ ni aˬ kaˇ gʼaˇ duˬ pyuˇ jeˬ hmˬ taˬ-eu meh.

Dawˬ tsoˆ 5:16

Heu-aˬ, nui ma cawˆ dui dui laˇ paˬ-ehˇ gʼeh-eu meh. Aˬ dui kʼaˇ dehꞈ doˆ le-euˬ loꞈ-ehˇ neˇ myawˆ ni ya gʼoꞈ leˇ-awˇ, aˬ dui neh mˇ-euˬ shaˇ-euˬ aˬ jeˬ guiˬ lahˬ baw ta. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 5:18

Ngaˇ heu loꞈ-ehˇ noeˬ duˬ taˬ-euˬ ma. Muiˬ dzehˬ-eu jeˬ-aˬ, Miˬyehˇ aˬ dui-ahˇ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ bi dehꞈ laꞈ ngeh, dzaˬ byawˬ dawˇ byawˬ-awˇ, aˬ dui neh mˇ-euˬ gaˇ-ahˇ nui kʼahˇ shiˇ-eu jeˬ muiˬ dzehˬ meh.

Dawˬ tsoˆ 5:19

Tsawˇ haˬ tiˬ gʼaˬ-ahˇ Miˬyehˇ pyuˇ shuiˇ myawˬ gahˬ biꞈ naˇ, guiˬ lahˬ-ahˇ noeˬ keuˆ-awˇ, yawˬ ha neh mˇ-euˬ gaˇ-ahˇ laˬ kʼaˬ cehˇ nui kʼahˇ shiˇ-eu tsaˬ meh. Kʼoeˇ-aˬ, Miˬyehˇ neh biꞈ-euˬ laꞈ sawˬ meh.

Iˇsaˬyaˇ 55:2

Dzaˬ-eu jeˬ maˬ ngeuˇ-eu gʼaˇ duˬ, aˬ jeˬ miˇ neh pyuˇ zmˬ dzeh te. Uˬ maˆ maˬ dehˆ-eu jeˬ gʼaˇ duˬ, aˬ jeˬ miˇ neh gʼaˬ gaˇ poeˬ zmˬ dzeh te. Ngaˬ-euˬ dawˬ-ahˇ naˇ haˬ geuꞈ-awˇ, gaˇ dahˇ tsoeˬ-eu jeˬ-ahˇ dzaˬ-awˬ. Kuiˇ-eu dzaˇ muiˬ naw maꞈ dzaˬ ngeh, naw maꞈ nui ma tmˬ jawˆ ni jaˆ tehꞈ-a.

Ngoeˇ dawˬ 5:2

Nga maꞈ za taˬ-euˬ jeˬ biˇ deuˬ, aˬ cawˬ tsawˇ jeuˬ yuˇ geuꞈ jiˇ-awˇ, nga maꞈ neh tsoˆ-euˬ nymˇ laꞈ kʼoeˇ, boeˇ miˬ siˬ kʼaˬ deuˬ jawˇ luꞈ meh.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Hawˇseˬ 7:9

Aˬ cawˬ-ahˇ gʼoe-eu baˬ da neh, yawˬ ha-euˬ gʼaˬ-ahˇ teuꞈ laˇ-eu, aˬ yawꞈ maꞈ-ahˇ maˬ siˬ leˇ-a. Aˬ yawꞈ maꞈ-euˬ aˇ nah aˇ yamˬ, gʼawˬ myahˇ maˬ jaˆ ehˇ pyeuꞈ laˇ-euˬ, aˬ yawꞈ maꞈ maˬ noeˬ mawˇ nya-a.

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.

Dawˬmehˬ 28:43

“Nawˇ tiˬ jawˇ saˇ-iˬ tiˬ jawˇ gʼaˬ baˬ-iˇ luꞈ ngeh, nawˬ-euˬ miˇ kʼahˬ-ahˇ jawˇ luꞈ-eu boeˇ miˬ siˬ kʼaˬ deuˬ tiˬ jawˇ saˇ-iˬ tiˬ jawˇ gʼaˬ kʼaˆ laˇ tehꞈ-a.

Yaˇ kʼaˬ daˇ 18:10

Naw maꞈ kʼoeˇ gaˇ iˇ keuˆ ngeh, tsawˇ haˬ kʼoeˇ deuˬ tiˬ jeˬ-ahˇ-iˬ kʼahˬ maˬ lahˇ ni jawˇ luꞈ gaˇ ya mawˇ tehꞈ-a. Kʼoeˇ-aˬ, huiˬ-eu miˇ kʼahˬ tiˬ kʼahˬ pyeuꞈ-eu meh. Tsawˇ haˬ zaˬ kʼaˇ geuꞈ mawꞈ-eu jeˬ kʼoeˇ gaˇ jaˆ kuꞈ-awˇ, miˇ kʼahˬ kʼoeˇ kʼahˬ Miˬyehˇ naw maꞈ-ahˇ biꞈ laꞈ gʼaˬ-euˬ meh.”