Dawˬ tsoˆ 5:4 - Akha

⁴ Kʼoeˇ miˇ neh, Miˬyehˇ-ahˇ nawˇ saˇ jaˇ dzaˬ gʼaˬ naˇ, yaw kawˇ-ehˇ mˇ byah-awˬ. Aˬ jeˬ miˇ neh ehˇ naˇ, aˬ dzawˬ aˇ gah-ahˇ aˬ yawꞈ nui ma maˬ tsaˬ-a. Nawˬ neh saˇ jaˇ kʼaˇ dzaˬ taˬ-euˬ loꞈ-ehˇ mˇ-awˬ.

Dawˬ tsoˆ 5:4 ပူးပေါင်းရင်းမြစ်များ

Aˇ dahˬ 28:20

Kʼoeˇ naˇ, Sahˬpaˬ Miˬyehˇ-ahˇ Yaˬkoˆ heu loꞈ-ehˇ saˇ jaˇ dzaˬ-euˬ meh. “Ngaˇ iˇ luꞈ-eu gaˇ ma heu kahˇ mehˬ shi, nawˇ ngaˬ-ahˇ haw piˇ-awˇ, loˬ-eu dzaˬ dzaˬ dawˇ dawˇ hawˇ-eu dm gʼaˬ dm lmˇ biꞈ laꞈ-eu uˬ taꞈ,

Aˇ dahˬ 35:1

Yaˬkoˆ-ahˇ Miˬyehˇ ehˇ nehˬ-eu, “Yaw kawˇ ma-ehˇ iˇ-awˇ Beˬdeˬlaˇ-ahˇ jawˇ-iˇ-awˬ. Nawˇ Iˇsawˇ-ahˇ guˆ-awˇ cehˆ ngeh, nawˬ-euˬ mehˬ shi doˆ le-euˬ Miˬyehˇ-aˬ, ngaˇ ma. Ngaˬ-euˬ gʼaˇ duˬ kʼoeˇ gaˇ lawˇ duˬ tiˬ tsahˇ tsoˆ-awˬ.”

Aˇ dahˬ 35:3

Aˬ dui maꞈ heu gaˇ neh doˆ-iˇ-awˇ, Beˬdeˬlaˇ-ahˇ jawˇ-iˇ ma. Shaˬ-eu zahˬ-eu jeˬ-ahˇ ngaˇ ya tahˬ puˬ ngeh, ngaˬ-ahˇ caw ba-awˇ, ngaˇ kʼaˇ iˇ kʼaˇ laˇ gaˇ ngaˬ nehˬ-ehˇ jawˇ-eu laꞈ kʼoeˇ, ngaˬ-ahˇ haw piˇ nehˬ laꞈ-eu Miˬyehˇ-euˬ gʼaˇ duˬ, lawˇ duˬ tiˬ tsahˇ kʼoeˇ gaˇ tsoˆ ma.”

Jaceuq 116:14

Aˬ yawꞈ-euˬ tsawˇ haˬ deuˬ uiˬ leˇ taˬ-euˬ mehˬ shi, ngaˬ neh saˇ jaˇ dzaˬ taˬ-euˬ jeˬ aˬ yawꞈ-ahˇ ngaˇ damˬ ma.

Jaceuq 119:106

Nawˇ mehˬ-eu tsoˆ-eu yaw tsaˬ yaw dawˇ jeˬ-ahˇ naˇ haˬ geuꞈ-eu gʼaˇ duˬ, ngaˇ saˇ jaˇ ziꞈ dah ni dzaˬ-eu ma.

Jaceuq 22:25

Tsawˇhaˬtiˬbyah uiˬleˇ-euˬgaˇ, nawˬ-euˬkuiˇzaˇlaꞈzaˇgaˇkawˆ, nawˬ-ahˇngaˇja ceuˬnehˬ-eu ma. Ngaˬneh saˇjaˇdzaˬ-euˬloꞈ-ehˇ, nawˬ-ahˇzeu-eu deuˬ-euˬmehˬshi, lawˇ-eu shehˇ-eu jeˬngaˇmˇma.

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Jaceuq 76:11

Yawˬ ha saˇ jaˇ dzaˬ taˬ-euˬ jeˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ biꞈ-awˬ. Dawˬ peh jawˇ-eu tsawˇ jeuˬ dawˬ tawˆ luꞈ, aˬ yawꞈ-ahˇ laꞈ sawˬ biꞈ ha laˇ-awˬ. Tsawˇ haˬ zaˬ aˬ yawꞈ-ahˇ guˆ ni Miˬyehˇ jahˇ-eu meh.

Dawqdaq 20:25

Maˬ noeˬ duˬ ni lawˇ-eu shehˇ-eu lahˇ ju kʼmˇ gaˇ duˇ-awˇ, noeˬ paˇ-eu aˇ yamˬ maˬ jaˆ-a.

Iˇsaˬyaˇ 19:21

Sahˬpaˬ Miˬyehˇ aˬ yawꞈ-euˬ gʼawˇ mawˇ Iˇjiˇtuˆ tsawˇ haˬ deuˬ-ahˇ pah mehˬ ngeh, aˬ yawꞈ maꞈ aˬ yawꞈ-ahˇ siˬ nya laˇ-awˇ uˬ duˬ tahˬ-eu laꞈ kʼoeˇ, lawˇ-eu shehˇ-eu jeˬ mˇ nehˬ tehꞈ-a. Aˬ yawꞈ maꞈ aˬ yawꞈ-ahˇ saˇ jaˇ dzaˬ-awˇ, saˇ jaˇ kʼaˇ dzaˬ-euˬ loꞈ-ehˇ mˇ byah tehꞈ-a.

Yawˇnaˆ 2:9

Ehˇ kʼawꞈ, nawˬ-ahˇ ngaˇ ja ceuˬ-awˇ, nawˬ-ahˇ lawˇ-eu shehˇ-eu laꞈ kʼoeˇ, nawˬ-ahˇ saˇ jaˇ dzaˬ taˬ-euˬ jeˬ, maˬ byehˇ dzeh ni ngaˇ mˇ byah ma. Ka kʼoꞈ-eu guiˬ lahˬ yaw dzahˇ-aˬ, Sahˬpaˬ Miˬyehˇ neh biꞈ-euˬ meh.”

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Bawˇtsahˬ 30:2

Tsawˇ haˬ tiˬ gʼaˬ na tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ saˇ jaˇ dzaˬ naˇ, saˇ jaˇ maˬ puiˬ ni yawˬ ha neh kʼaˇ ehˇ taˬ-euˬ loꞈ-ehˇ ya mˇ byah meh.

Maꞈtehˬ 5:33

“ ‘Nawˇ maˬ mˇ nya-eu jeˬ taˬ kamˬ. Nawˬ neh mˇ ma lehˇ SahˬpaˬMiˬyehˇ-ahˇ kamˬ taˬ-euˬ jeˬ-ahˇ, kamˬ-euˬ loꞈ-ehˇ mˇ byah-awˬ’ lehˇ, aˇ hu tsawˇ haˬ deuˬ-ahˇ ehˇ nehˬ taˬ-euˬ dawˬ kʼoeˇ dawˬ kʼawꞈ, naw maꞈ ya gaˬ gʼaˬ-euˬ meh.

HeˬByehˇ 10:6

Lawˇ duˬ kʼoeˇ taˆ jeˬ zaˬ puiˆ-awˇ, iˬ baˇ shawˇ-eu lawˇ-eu kʼoeˇ-ahˇ, nawˇ laˬ kʼaˬ cehˇ-eu maˬ ngeuˇ-a.

Yaˇ kʼaˬ daˇ 11:35

Aˬ yawꞈ-euˬ aˬ buˇ-ahˇ aˬ yawꞈ ya mawˇ ngeh, noeˬ shaˬ dui dui-eu laꞈ kʼoeˇ yawˬ ha-euˬ meh tsoeˬ cehˬ pyaˬ-awˇ ehˇ-eu, “Ngaˬ buˇ-oˇ, ngaˬ-eu nui ma tsawˬ paˆ-iˇ ni nawˇ jahˇ-euˬ nga. Nawˇ-aˬ, ngaˇ shaˬ zahˬ naꞈ ni jahˇ nehˬ laꞈ-eu tsawˇ haˬ tiˬ gʼaˬ law hawˇ nga. Sahˬpaˬ Miˬyehˇ-ahˇ ngaˇ saˇ jaˇ ziꞈ dah ni dzaˬ gʼaˬ taˬ-euˬ miˇ neh, maˬ paˇ noeˬ paˇ nya meh.”