Dawˬ tsoˆ 5:18 - Akha

¹⁸ Ngaˇ heu loꞈ-ehˇ noeˬ duˬ taˬ-euˬ ma. Muiˬ dzehˬ-eu jeˬ-aˬ, Miˬyehˇ aˬ dui-ahˇ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ bi dehꞈ laꞈ ngeh, dzaˬ byawˬ dawˇ byawˬ-awˇ, aˬ dui neh mˇ-euˬ gaˇ-ahˇ nui kʼahˇ shiˇ-eu jeˬ muiˬ dzehˬ meh.

Dawˬ tsoˆ 5:18 ပူးပေါင်းရင်းမြစ်များ

Jaceuq 42:8

Uˬciꞈpaw ngaˇcaˇdawˬcaˇ-awˇ, ngaˬ-ahˇbi dehꞈ-eu gʼaˬpyeuꞈ-eu, Miˬyehˇ-ahˇguiˬlahˬshaˇnya ni, tiˬjawˇ-iˬmaˬtsehˆleˇnya-eu, SahˬpaˬMiˬyehˇ-euˬgaˬ-eu jeˬ, nah gʼahˇpaw mehˬnehˬlaꞈluꞈ-uˇ.

Dawˬ tsoˆ 11:9

Zaˬ guˬ deuˬ-oˇ, zaˬ guˬ aˇ yamˬ-ahˇ nui kʼahˇ shiˇ-awˬ. Zaˬ guˬ guˬ ngeh laˬ kʼaˬ cehˇ-awˬ. Nawˬ-euˬ nui loˆ kʼaˇ jaˆ-eu loꞈ-ehˇ nui kʼahˇ tiˬ shiˇ dehꞈ-awˬ. Ehˇ kʼawꞈ, nawˬ neh kʼaˇ dehꞈ-euˬ loꞈ-ehˇ aˬ kaˇ tiˬ nah Miˬyehˇ yaˇ kʼaˬ daˇ nehˬ laꞈ gaˇ taˬ ngehˇ.

Dawˬ tsoˆ 2:10

Ngaˇ-aˬ, kʼaˇ geuꞈ mawꞈ-eu jeˬ za-euˬ tsawˇ haˬ ma. Kʼaˇ byawˬ kʼaˇ mo mawꞈ-eu jeˬ, maˬ ya byawˬ maˬ ya mo-ehˇ dzahˬ tehˬ-euˬ tiˬ poˆ-iˬ maˬ jaˆ. Ngaˬ neh kʼaˇ mˇ kʼaˇ shaˇ doˆ-euˬ jeˬ-ahˇ ngaˇ nui kʼahˇ shiˇ-awˇ kʼahˬ sehˇ jehˆ-eu ma. Heu-aˬ, ngaˬ neh mˇ za-euˬ guiˬ lahˬ ma.

Dawˬ tsoˆ 2:24

Tsawˇ haˬ zaˬ gʼaˇ duˬ maˬ kʼaˇ gaˇ dzehˬ-eu jeˬ-aˬ, yawˬ ha neh kʼaˇ poˆ uiˬ taˬ-euˬ jeˬ dzaˬ byawˬ dawˇ byawˬ byawˬ-eu kʼoeˇ meh. Heu kʼawꞈ, Miˬyehˇ neh biꞈ leꞈ-euˬ guiˬ lahˬ tiˬ jeˬ meh lehˇ ngaˇ paˇ noeˬ mawˇ-euˬ ma.

Dawˬ tsoˆ 2:3

Yaw muiˬ yaw doeˇ tseˇ paˆ nya-eu nui gahˇ-ahˇ poˆ duˬ tseˇ duˬ mawꞈ-eu nui kʼahˇ baˬ da neh, jiˇ baˬ dawˇ-awˇ dehꞈ byawˬ haw-eu gʼaˇ duˬ ngaˇ noeˬ tsehˆ-euˬ ma. Tsawˇ haˬ zaˬ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ ya dehꞈ-eu aˇ yamˬ laꞈ kʼoeˇ, aˬ geu jeˬ mˇ-eu gaˇ dahˇ tsoeˬ dzehˬ nga lehˇ ngaˇ siˬ duˬ mawꞈ-eu ma.

Dawˬ tsoˆ 3:22

Kʼoeˇ miˇ neh, yawˬ ha neh mˇ-euˬ gaˇ-ahˇ nui kʼahˇ shiˇ-eu naˆ maˬ tseˇ muiˬ dzehˬ-eu tiˬ jeˬ-iˬ maˬ paˇ jaˆ meh. Yawˬ ha-euˬ guiˬ lahˬ kʼoeˇ loˆ ni tehꞈ meh. Shiˇ dzeuˇ gʼaˬ miˇ tsa pyeuꞈ laˇ-eu gaˇ kawˆ aˬ suˇ gʼaˬ siˬ duˬ nya ta.

Dawˬ tsoˆ 6:2

Tsawˇ haˬ zaˬ tiˬ gʼaˬ-ahˇ Miˬyehˇ pyuˇ shuiˇ myawˬ gahˬ biꞈ-awˇ, tsawˇ myahˇ bi doˆ-euˬ uˬ taꞈ, kʼaˇ geuꞈ mawꞈ-eu jeˬ dawˬ tawˆ luꞈ ehˇ kʼaˇ maˬ za ni biꞈ byah nehˬ-euˬ meh. Ehˇ kʼawꞈ, kʼoeˇ deuˬ dawˬ tawˆ luꞈ-ahˇ aˬ yawꞈ maˬ ya geuꞈ ni, boeˇ miˬ siˬ kʼaˬ tiˬ gʼaˬ neh bi geuꞈ jiˇ-eu meh. Kʼoeˇ-aˬ, tiˬ pawꞈ-iˬ maˬ tsaˬ maˬ dawˇ-ehˇ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 8:15

Kʼoeˇ miˇ neh, tsawˇ haˬ zaˬ byawˬ gʼa mo gʼa-eu jeˬ mˇ-eu tsaˬ meh lehˇ ngaˇ noeˬ duˬ taˬ-euˬ ma. Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ dehꞈ ngeh aˬ yawꞈ gʼaˇ duˬ nui kʼahˇ shiˇ kʼaˇ za-eu-aˬ, dzaˬ byawˬ dawˇ byawˬ byawˬ-awˇ, byawˬ-eu mo-eu jeˬ mˇ-eu heu tehꞈ meh. Miˬyehˇ neh nahˇ ma heu siˬ uˬ moˆ aˬ yawꞈ-ahˇ bi dehꞈ-euˬ aˇ yamˬ laꞈ kʼoeˇ aˬ yawꞈ mˇ dzaˬ kʼawꞈ dawˇ luꞈ ngeh, aˬ yawꞈ kʼoeˇ loꞈ-ehˇ byawˬ gʼa mo gʼa nya-eu meh.

Dawˬ tsoˆ 9:7

Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Yeˬlaˬmiˇ 52:34

Aˬ yawꞈ kʼaˇ dehꞈ kʼoeˇ keuˆ ni, aˬ yawꞈ nah yawꞈ kʼaˇ loˬ-eu jeˬ tiˬ byah tiˬ loꞈ biꞈ nehˬ-euˬ meh.

1 Gawˇliˬtu 16:16

Aˬ yawꞈ maꞈ loꞈ-ehˇ gʼeh-eu tsawˇ haˬ deuˬ hawˇ-eu, aˬ yawꞈ maꞈ-euˬ gaˇ mˇ cawˬ deuˬ sheuˬ gʼeh-eu mehˬ nah yaw muiˬ paˬ-ehˇ caw teh-awˬ.

Dawˬmehˬ 12:18

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh tseˇ doˆ-euˬ uˬ duˬ tahˬ-eu jawˇ duˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi tehꞈ-ehˇ, naw maꞈ-euˬ zaˬ kʼaˆ deuˬ hawˇ-eu naw maꞈ-euˬ meuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ, naw maꞈ hawˇ-eu naw maꞈ-euˬ zaˬ deuˬ lawˇ dzaˇ kʼoeˇ deuˬ-ahˇ dzaˬ nya meh. Kʼoeˇ gaˇ, naw maꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ laꞈ kʼoeˇ naw maꞈ laˬ kʼaˬ cehˇ-awˬ.

Dawˬmehˬ 12:7

Kʼoeˇ gaˇ, naw maꞈ-ahˇ guiˬ lahˬ biꞈ-eu gʼaˬ pyeuꞈ-eu naw maꞈ-euˬ Sahˬpaˬ Miˬyehˇ mehˬ shi, naw maꞈ hawˇ-eu naw maꞈ-euˬ miˬ sawˇ zaˬ deuˬ dzaˬ-awˇ dawˇ-awˇ, naw maꞈ neh mˇ-euˬ yaw muiˬ jeˬ gʼaˇ duˬ laˬ kʼaˬ ya cehˇ meh.

Dawˬmehˬ 26:11

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh, nawˇ hawˇ-eu nawˬ-euˬ miˬ sawˇ zaˬ deuˬ-ahˇ biꞈ nehˬ laꞈ-euˬ muiˬ-eu jeˬ gʼaˇ duˬ, aˬ yawꞈ-euˬ guiˬ lahˬ-ahˇ ja ceuˬ-awˬ. Nawˬ nehˬ-ehˇ jawˇ luꞈ-eu Leˬbiˇ tsawˇ haˬ deuˬ hawˇ-eu aˬ cawˬ tsawˇ jeuˬ deuˬ kʼawꞈ, bawˬ-iˬ gʼeh gaˇ laˬ kʼaˬ bi cehˇ laˇ-awˬ.

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.