Dawˬ tsoˆ 5:17 - Akha

¹⁷ Aˬ dui yaw dehꞈ dehꞈ-eu zahˇ tsui ni gʼeh-awˇ, shaˬ zahˬ naˇ gawˇ myaˬ-awˇ, nui ma cawˆ duˬ tehꞈ meh.

Dawˬ tsoˆ 5:17 ပူးပေါင်းရင်းမြစ်များ

Aˇ dahˬ 3:17

Miˬyehˇ pyeuꞈ-eu Sahˬpaˬ Miˬyehˇ-aˬ, kʼaˬ dzeˇ zaˬ gʼaˬ-ahˇ kʼawꞈ heu loꞈ-ehˇ ehˇ nehˬ-euˬ meh. “Nawˬ-euˬ miˬ zaˬ-euˬ ehˇ dawˬ naˇ haˬ-awˇ, ngaˬ neh taˬ dzaˬ lehˇ ehˇ taˬ-euˬ aˇ siˬ-ahˇ nawˇ dzaˬ-euˬ meh. Nawˇ kʼoeˇ loꞈ-ehˇ mˇ-euˬ miˇ neh, miˇ tsaˬ-aˬ, yaˬ kʼehˇ yaˬ nehˬ-eu jeˬ-ahˇ ya daˬ tehꞈ-a. Nawˇ ya dzaˬ ya dawˇ-eu gʼaˇ duˬ, nawˬ-euˬ tiˬ ziˇ maˬ naˬ leˇ ni miˇ tsaˬ-ahˇ ya beuˬ tehꞈ-a.

1 Sahˬpaˬ 17:12

Miˬ coeˬ miˬ ma kʼoeˇ gʼaˬ ehˇ-eu, “Nawˬ-euˬ Miˬyehˇ pyeuꞈ-eu dehꞈ luꞈ-eu Sahˬpaˬ Miˬyehˇ mehˬ shi, ngaˇ nawˬ-ahˇ dawˇ coe ni ehˇ nehˬ nyaˇ. Ngaˇ kaˬ muˇ maˬ jaˆ. Kʼmˬ maˬ-ahˇ ahˇ-eu cehˇ meu laꞈ kʼawˆ tiˬ kʼawˆ hawˇ-eu, ciˬ cuˇ-ahˇ dahˬ-eu saˬ loˬ tsiˇ ui cuiˆ jaˆ-eu tehꞈ ma. Kʼaˇ jaˆ-eu kʼoeˇ ngaˬ li nga nyaꞈ ma zaˬ kaˬ muˇ jahˇ dzaˬ-eu lehˇ, ngaˇ heu gaˇ miˬ dzaˬ ya le-euˬ ma. Kʼoeˇ gaˇ jaˆ-eu kʼoeˇ-aˬ, ngaˬ li nga nyaꞈ ma zaˬ gʼaˇ duˬ, aˇ saˬ saˬ-eu dzaˬ byawˇ ma. Kʼoeˇ dzaˬ jiˇ shaw naˇ ya shiˇ meh.”

2 Sahˬpaˬ 1:2

Sahˬpaˬ Aˬhaˬziˇ-aˬ, Yeˬluˇsaˬlehˬ meuˬ-ahˇ jaˆ-eu aˬ yawꞈ-euˬ nymˇ kʼoeˇ taˆ tiˆ guiˇ ga-ahˇ neh ga ka-awˇ, yaw kʼaˆ-ehˇ gaˬ naˇ-euˬ meh. Kʼoeˇ miˇ neh, Eˇkaˬloˬ meuˬ-ahˇ Piˇliˇtiˆ miˬ yehˇ Baˬlaˇzeˬbuˇ jawˇ gaˇ aˬ yawꞈ tsawˇ haˬ kʼehˇ gʼeh-awˇ, aˬ yawꞈ naˇ-eu taˬ leˇ nya paˬ-ehˇ gʼeh ngaˇ loˇ lehˇ bi naˇ haˬ-iˇ-euˬ meh.

2 Sahˬpaˬ 1:6

Aˬ yawꞈ maꞈ ehˇ-eu, “Tsawˇ haˬ tiˬ gʼaˬ nga maꞈ-ahˇ tahˬ puˬ le-awˇ, heu loꞈ-ehˇ ehˇ-eu meh. ‘Naw maꞈ-ahˇ pyehˬ gʼeh leꞈ-euˬ sahˬ paˬ jawˇ gaˇ gʼoꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu gaˇ kawˆ ehˇ nehˬ leˇ-awˬ. Eˇkaˬloˬ miˬ yehˇ Baˬlaˇzeˬbuˇ-ahˇ mehˬ bawˬ bi mˇ-iˇ-eu lehˇ, aˬ jeˬ miˇ neh nawˇ tsawˇ haˬ kʼehˇ gʼeh teˬ. Iˇsaˬleˬlaˆ miˇ kʼahˬ laꞈ kʼoeˇ Miˬyehˇ maˬ jawˇ-a lehˇ nawˇ noeˬ-eu miˇ neh teu loꞈ-ehˇ jahˇ te loˇ. Nawˇ naˇ luꞈ-eu maˬ taˬ leˇ nya-ehˇ ya shiˇ tehꞈ-a lehˇ Sahˬpaˬ Miˬyehˇ ehˇ-eu meh lehˇ, ehˇ nehˬ leˇ-awˬ’ lehˇ, tsawˇ haˬ kʼoeˇ gʼaˬ nga maꞈ-ahˇ ehˇ-eu meh.”

2 Sahˬpaˬ 5:27

Nymˬ-mˇ poˆ jawˇ, Neˬmaˬ-euˬ naˇ gawˇ kʼoeˇ nawˬ-ahˇ nyawˬ laˇ-awˇ, nawˇ hawˇ-eu nawˬ-eu zaˬ nawˬ-euˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ naˇ gawˇ kʼoeˇ ya daˬ tehꞈ-a.” Geˬhaˬziˇ doˆ-iˇ ngeh, nyawˬ naˇ laˇ-awˇ, aˬ yawꞈ-euˬ shaˬ jiˇ ngehˇ loꞈ-ehˇ pyuˇ deuˬ ni pyeuꞈ-iˇ-euˬ meh.

Yawˇbaˆ 21:25

Yawˬ gʼaˬ yawˬ-aˬ, yaw dehꞈ dehꞈ-eu laˬ kʼaˬ cehˇ-eu jeˬ tiˬ pawꞈ-iˬ maˬ ahˇ-ehˇ, nui saˇ maˬ oꞈ ni ziˇ dehꞈ jiˇ-euˬ meh.

Jaceuq 102:9

Kʼaˬ lehˇ-ahˇ hawˬ loꞈ-ehˇ ngaˇ dzaˬ-awˇ, myaˆ biˇ keuˬ-eu iˇ cuꞈ dawˇ luꞈ-eu ma.

Jaceuq 127:2

Uˬ shawˬ yaw naꞈ-ehˇ tuˇ-awˇ uˬ ciꞈ zahˇ le ngeh keuˆ ni, yaw dehꞈ dehꞈ dzaˬ-eu gʼaˇ duˬ mˇ sehꞈ leꞈ kʼawꞈ tiˬ jeˬ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ gaˬ-eu tsawˇ haˬ deuˬ-ahˇ, yuꞈ kʼaˆ luꞈ ngeh aˬ yawꞈ dzaˬ tuiˆ dawˇ tuiˆ biꞈ nehˬ-eu meh.

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 78:33

Kʼoeˇ miˇ neh, aˬ yawꞈ maꞈ-euˬ aˇ nah aˇ yamˬ-ahˇ saꞈ tiˬ poˆ gʼawˇ daˆ-eu myah ni tehꞈ-ehˇ bi myahˇ-awˇ, guˆ-eu gaˆ-eu jeˬ ja pyuˬ ni bi keuˆ le-awˇ, ziˇ bi dehꞈ jiˇ-euˬ meh.

Dawˬ tsoˆ 2:10

Ngaˇ-aˬ, kʼaˇ geuꞈ mawꞈ-eu jeˬ za-euˬ tsawˇ haˬ ma. Kʼaˇ byawˬ kʼaˇ mo mawꞈ-eu jeˬ, maˬ ya byawˬ maˬ ya mo-ehˇ dzahˬ tehˬ-euˬ tiˬ poˆ-iˬ maˬ jaˆ. Ngaˬ neh kʼaˇ mˇ kʼaˇ shaˇ doˆ-euˬ jeˬ-ahˇ ngaˇ nui kʼahˇ shiˇ-awˇ kʼahˬ sehˇ jehˆ-eu ma. Heu-aˬ, ngaˬ neh mˇ za-euˬ guiˬ lahˬ ma.

Dawˬ tsoˆ 2:23

Tsawˇ haˬ zaˬ yaw dehꞈ dehꞈ-eu tiˬ ziˇ, noeˬ shaˬ noeˬ zahˬ noeˬ dui noeˬ duiˇ-eu laꞈ kʼoeˇ gaˇ ya mˇ-awˇ, uˬ ciꞈ paw kʼawꞈ nui noeˬ gʼaˬ naˬ naˬ kʼaˇ maˬ za-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 2:24

Tsawˇ haˬ zaˬ gʼaˇ duˬ maˬ kʼaˇ gaˇ dzehˬ-eu jeˬ-aˬ, yawˬ ha neh kʼaˇ poˆ uiˬ taˬ-euˬ jeˬ dzaˬ byawˬ dawˇ byawˬ byawˬ-eu kʼoeˇ meh. Heu kʼawꞈ, Miˬyehˇ neh biꞈ leꞈ-euˬ guiˬ lahˬ tiˬ jeˬ meh lehˇ ngaˇ paˇ noeˬ mawˇ-euˬ ma.

Dawˬ tsoˆ 7:14

Guiˬ lahˬ baw ngeh laˬ kʼaˬ cehˇ-awˇ, guiˬ lahˬ doeˇ ngeh yehˬ cehˬ cehˬ-awˬ. Nyiˬ jeˬ luꞈ Miˬyehˇ beh-euˬ meh. Ni shawˬ gaˇ kawˆ siˬ duˬ nya-eu, tsawˇ haˬ tiˬ gʼaˬ-iˬ maˬ jawˇ-a.

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.