Dawˬ tsoˆ 5:16 - Akha

¹⁶ Heu-aˬ, nui ma cawˆ dui dui laˇ paˬ-ehˇ gʼeh-eu meh. Aˬ dui kʼaˇ dehꞈ doˆ le-euˬ loꞈ-ehˇ neˇ myawˆ ni ya gʼoꞈ leˇ-awˇ, aˬ dui neh mˇ-euˬ shaˇ-euˬ aˬ jeˬ guiˬ lahˬ baw ta. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 5:16 ပူးပေါင်းရင်းမြစ်များ

Dawqdaq 11:29

Yawˬ ha-euˬ nymˇ jiˇ-ahˇ laˆ shaˬ-eu tsawˇ haˬ uˆ kʼawꞈ kʼawꞈ-iˇ-awˇ, aˬ dzawˬ aˇ gah deuˬ tsawˇ gahˇ ahˇ-eu deuˬ-euˬ zaˬ kʼaˆ ya geuꞈ tehꞈ-a.

Dawˬ tsoˆ 1:3

Nahˇ ma uˬ moˆ tsawˇ haˬ zaˬ neh, kʼaˇ mˇ kʼaˇ shaˇ-euˬ jeˬ dawˬ tawˆ, aˬ jeˬ guiˬ lahˬ baw-eu jaˆ ta.

Dawˬ tsoˆ 2:11

Ngaˬ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ-ahˇ ngaˇ shaˇ sawˇ duˬ haw ngeh, ngaˇ aˇ naˆ ni shaˬ shaˬ-ehˇ mˇ dzeuˇ shaˇ dzeuˇ yaꞈ-euˬ nga. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ law hawˇ ngaˬ lehˇ ngaˇ siˬ duˬ-eu ma. Jaˬ lehˇ mehˬ nah teh-eu loꞈ-ehˇ yawꞈ ngehꞈ meh. Nahˇ ma heu siˬ uˬ moˆ tiˬ jeˬ-iˬ mˇ za shaˇ za-euˬ maˬ baw-a.

Dawˬ tsoˆ 3:9

Gaˇ mˇ-eu tsawˇ haˬ aˬ jeˬ guiˬ lahˬ za ta.

Dawˬ tsoˆ 5:13

Nahˇ ma heu siˬ uˬ moˆ nui ma cawˆ laˇ paˬ-ehˇ gʼeh-eu tiˬ jeˬ ngaˇ paˇ ya mawˇ-euˬ ma. Tsawˇ haˬ zaˬ deuˬ maˬ dzaˬ maˬ dawˇ peuˬ ni aˬ kaˇ gʼaˇ duˬ pyuˇ jeˬ hmˬ taˬ-eu meh.

Iˇsaˬyaˇ 26:18

Nga maꞈ uˬ maˆ naˇ-awˇ shaˬ dui dui kʼawꞈ, tiˬ jeˬ-iˬ maˬ dehꞈ doˆ le-a. Nga maꞈ miˇ kʼahˬ gʼaˇ duˬ guiˇ maˬ deuˆ gʼaˬ haw-ehˇ, nga maꞈ neh mˇ doˆ-euˬ tiˬ jeˬ-iˬ maˬ jaˆ.

Yeˬlaˬmiˇ 2:8

‘Sahˬpaˬ Miˬyehˇ aˬ geu gaˇ jawˇ ta’ lehˇ, piˇ ma deuˬ gʼeh naˇ haˬ-eu maˬ baw-ehˇ, ngaˬ-euˬ piˇ ma kʼoeˇ deuˬ ngaˬ-ahˇ maˬ siˬ nya gaˇ duˇ meh. Sahˬ paˬ sahˬ ma bi geuꞈ-euˬ deuˬ ngaˬ-ahˇ puiˬ-awˇ, ngaˬ-euˬ gʼaˇ duˬ bi ngehˬ dah-euˬ deuˬ kʼawꞈ, Baˬlaˇ miˬ yehˇ-euˬ tsawˇ myahˇ-ahˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ, aˬ yawꞈ maꞈ uˬ duˬ tahˬ-eu meh.

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Maˬkuˆ 8:36

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ-ahˇ za jiˇ-euˬ kʼawꞈ, saꞈ laˇ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

1 Gawˇliˬtu 16:16

Aˬ yawꞈ maꞈ loꞈ-ehˇ gʼeh-eu tsawˇ haˬ deuˬ hawˇ-eu, aˬ yawꞈ maꞈ-euˬ gaˇ mˇ cawˬ deuˬ sheuˬ gʼeh-eu mehˬ nah yaw muiˬ paˬ-ehˇ caw teh-awˬ.

1 Saˬmeuˬlaˆ 12:21

Maˬ ngeuˇ-eu miˬ yehˇ deuˬ-euˬ mehˬ nah naw maꞈ taˬ caw teh. Kʼoeˇ deuˬ-aˬ, gaˇ dahˇ maˬ tsoeˬ-eu miˬyehˇ deuˬ pyeuꞈ-awˇ, naw maꞈ-ahˇ maˬ caw ba nehˬ nya, maˬ ka kʼoꞈ nehˬ nya-a.